2 Ọba Ìfáàrà
Ìfáàrà
Ìfáàrà sí ìwé àwọn Ọba kejì
Ìwé yìí jẹ́ ìtẹ̀síwájú ìtàn, àṣà, ẹ̀sìn ètò, ọrọ̀ ajé àti ètò ìṣèlú ilẹ̀ Israẹli. Ó sọ nípa àwọn ọba Israẹli àti ti Juda. Ó jẹ́ kí a mọ ìhà tí wọ́n kọ sí májẹ̀mú Ọlọ́run. Bákan náà ni ó sọ nípa àwọn wòlíì tó jẹ́ alárinà láàrín àwọn ènìyàn wọ̀nyí àti Ọlọ́run. Ó ń sọ nípa àwọn ọba tó kọ etí ikún sí májẹ̀mú Ọlọ́run bí àpẹẹrẹ, “Ó sì ṣe búburú ní ojú Olúwa: Kò yà kúrò nínú gbogbo ẹ̀ṣẹ̀ Jeroboamu ọmọ Nebati, ẹni tí ó mú Israẹli ṣẹ̀” (2Ọb 4.24). Bákan náà ni ó sọ nípa àwọn ọba tí ó ṣe ìgbọ́ràn sí májẹ̀mú Ọlọ́run bí àpẹẹrẹ, “Òun sì ṣe èyí tí ó tọ́ ní ojú Olúwa, ó sì rìn ní ọ̀nà Dafidi baba rẹ̀, kò sì yípadà sí apá ọ̀tún tàbí sí apá òsì” (2Ọb 22.2).
Orúkọ àwọn ọba tí wọ́n jẹ ní Israẹli àti Juda ni a tò ní ẹsẹẹsẹ bí wọ́n ṣe jẹ tẹ̀lé ara wọn sí. Ó fẹ́ ka mọ iṣẹ́ ẹ̀sìn àwọn ọba wọ̀nyí ju ètò ìṣèjọba wọn lọ. Ó tẹpẹlẹ mọ́ ìròyìn nípa àkókò ìdẹ̀ra náà àti ìgbà ìnira.
Kókó-ọ̀rọ̀
Wòlíì Elijah àti Eliṣa 1.1–8.15.
Àwọn ọba Juda àti ti Israẹli 8.16–17.6.
Ìṣubú Samaria 17.7-41.
Láti orí Hesekiah dé Josiah 18.1–21.26.
Ìṣèjọba Josiah 22.1–23.30.
Àwọn ọba Juda tó jẹ kẹ́yìn 23.31–24.19.
Ìṣubú Jerusalẹmu 24.20–25.30.
Àwon tá yàn lọ́wọ́lọ́wọ́ báyìí:
2 Ọba Ìfáàrà: BMYO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bíbélì Mímọ́ ní Èdè Yorùbá Òde-Òní
Ẹ̀tọ́ àdàkọ © 2009, 2017 by Biblica, Inc.
A lò ó nípa ìgbàyọ̀ǹda láti ọwọ́ Bíbílíkà Inc. Ààbò lórí ẹ̀tọ́ àdàkọ yìí múlẹ̀ jákèjádò àgbáyé.
Yoruba Contemporary Bible
Copyright © 2009, 2017 by Biblica, Inc.
Used by permission of Biblica, Inc. All rights reserved worldwide.