MATIEE 'BƆGƲ 7
7
-Ɩ -n nʋ-ɔ -na linɩkpɛ 'ji 'mɩ -Lagɔ -jimö-a 'ji nʋɔ
1-Nn tunʋ -na linɩkpɛ -zijle -nɩ, -Lagɔ -jimö-ö -zijle tunʋ. 2-Wʋʋ yɛ-a, sa -n köbha-a -na linɩkpɛ, -sɩbha -Lagɔ -jimö-a köbhaa. -N -yɛ -na linɩkpɛ -zijle tunʋ-ɔ, -Lagɔ -kamö -zijle tunʋɔ ji, ʋ 'na -na de ngazɩdlɩ 'pa. 3-Ma -na 'ji 'möö suköbhë -wʋ-ɔ -ma -n 'nɩa 'wʋ jɩnɩ, -ma -na linɩkpɛɛ 'ji 'möö -ganylakpʋ -wʋ-ɔ -ma, mʋ -n jɩnɩ-a 'wʋ ʋ gbʋ-ʋ -plamö-a? 4-Nmö ka-a suköbhë 'ji 'mö a gbʋ -nɩmö la'a pla-a, 'manɩɛ yɛ -n 'yɛ 'mö-a -na linɩkpɛɛ de gba naa: -Abhiyi, ji n 'yɛ -ma -na 'ji 'mö -ganylakpʋ -sa 'nɩ? 5'Kwlɩsɔkanyɔ, -sa -lɛ -ma -na 'bhëë 'ji 'mö suköbhë 'bhë, -n -yɛ-a 'mö 'jinanɩswɩ'ɩ sɛ jɩnɩ-ɛ, -n ji -ma -na linɩkpɛɛ 'ji 'mö -ganylakpʋ -sa. 6-Li -ɩ -wʋ-a 'wlawla a 'na-a 'nyɩ gɔ 'ye -nɩ, a 'na-a palɩ 'yɛ a 'nglɩmözikpï kokotia zɔmö yɛ -nɩ, ɩ -kɩɩ -gömö jinɩ 'bhë ɩ jiya-a 'mö 'bhɩlɔnʋ, ɩ jiya-a nimï.
A 'jɩbhanɩ -Lagɔ, ʋ jiya 'nyɛ
7A 'jɩbhanɩ -Lagɔ, ʋ jiya 'nyɛ. A 'nama, a ji ghlɩ. A bhɔtɔ -bha, wa ji -bha kalɩ. 8-Wʋʋ yɛ-a, -ɔ jɩbha-a 'mɔ wa nyɛ -bha, -ɔ 'nama-a mɔ-ɔ ghlɩ -bha, -ɔ bhɔtɔ-ɔ -bha -buduo de ɔ yɛ wa kalɩ-ɛ -bha. 9A gla'aa nɩkpɛ -mɔ ɔ 'gu -yɛ-a 'fʋloko 'jɩbhanɩ, -ɔ 'kɔ-a tɩkpeyi 'ye 'nyɛ 'nɩ? 10-Ɔ ɔ ji 'yɛ-a zibhiyi 'jɩbhanɩɛ, -ɔ 'kɔ-a -zakla 'ye 'nyɛ 'nɩ? 11Abha 'pɩnɩkpa kla-a nganɩ a -ji la'a -nɩ a 'gwie -lie -lie 'nyɛɛ, e 'kë zi a -Tɩbha -Lagɔ -ʋ -wʋ-ɔ -ma -Lagɔtapɛ'ɛ 'mʋɔ cɛ-ɛ 'na-a ʋ gwie -wa 'jɩbhanʋ-a -lie -li 'ye 'nyɛ 'nɩ-ɩ?
12-Ɩ la'a 'bhuo a 'jɩbha-a nɩkpa 'kaya 'ji nʋ-ɔ, a nʋʋa 'yɛ -nɩ 'ji. Moyizɩɛ gbö -yɛ -Lagɔɔ 'mögbanɩngwa 'bhuo 'sɔɔ wɛlɩɛ zɔmö-ö -la.
Zezwi yɛ ngwleli 'sɔɔ gbʋ gba
13Ngwlele -aa 'yuogblʋ kwa-a -ma 'mʋnɔmʋnɔbhɛyɩ, 'wʋ a 'ghli-i -bha, nɩkpaa -bɛ planɩa-a ngli. Abhaa -nɩ-ɛ, a planɩ ngwlele 'kikeyi ngli. 14-Wʋʋ yɛ-a, ngwlele 'kikeyi -yɛ 'yuogblʋ 'kikeyi 'sɔ mɩ-ɩ kwa-a -ma 'kɔgwlɛpɩ 'wʋ. Nɩkpa -wa ghlɩɩ-a wa'a -zu.
Su -yɛ ʋ 'bhï 'sɔɔ wɛlɩ
15A möna -bha yuoyuolagɔɔ 'mögbanɩngwaa de 'mö. Wa kaya -bha ghlɩ, wliaa kwi wa ka -bha, -mɩlado'o gbïa -bha. 16-Ma wa nʋnʋli 'mö a jua-a jɩblɩnɩɛ. -Wʋʋ yɛ-a, wa'a -lɛ -bhla -ma -kpaka 'wlu 'ngwɛ -sa. Wa'a -lɛ 'yɛ -bhla -ma -dagla 'wlu -popowle -sa. 17Suo -su tlʋ-a 'bhïë bhï, 'n 'jinylɔsu tlʋ-a 'jinylɔbhï. 18Suo su 'nɩ bhɛlɩ ʋ 'yɛ 'jinylɔbhï tlʋ. 'Jinylɔsu 'nɩ 'yɛ bhɛlɩ ʋ 'yɛ 'bhïë bhï tlʋ. 19Swi la'a 'bhuo -ɩ 'nɩ tlʋ-a 'bhïë bhï, 'kla-a wa jiɩ-a wa 'kɩ -kosu'u 'pa. 20Ɩ yɛ n gba-a naa: Nɩkpa -wa la-a wajɩ -Lagɔɔ 'mögbanɩngwa, -ma wa nʋnʋli 'mö a jua-a jɩblɩnɩɛ.
-Wa -yɛ Zezwi 'sɔ -bhlinɩ-a 'dɛdɛ'ɛ 'wʋ
21Nɩkpa -wa -bhlinɩ'ɩ-a 'mö 'kɔmʋ 'kɔmʋ -wa nʋ-a: -Aa Nyininyɔ, -aa Nyininyɔ, wa 'bhuo mʋa-a 'nɩ-ɛ -sɩbha -ma -Lagɔɔ nyininyinipɩ 'wʋ möö ji. -Wa la'a -wa nʋ-a -ɩ na -Tɩbha -Lagɔ -ʋ -wʋ-ɔ -ma -Lagɔtapɛ'ɛ 'jɩbha-a mʋa-a ji-e -ma möö. 22-Lagɔɔ -zijle 'kadaa zlɩ -yɛ nyini-e, nɩkpaa -bɛ ji-a na de gbaa naa: -Aa Nyininyɔ, -a -tɔnʋ wɛlɩ -Lagɔ -gbanɩya-a 'mö, -na nglɩ mö -a 'nyɛnɩɩ nɩkpa, 'n -a ji -na 'nglɩ 'mö nɩkpa 'jinylozuzuku -gömö kpëti, 'n -a ji -na 'nglɩ 'mö bhatɩɛ -bɛ nɛ nʋ? 23'N n 'yɛ-a wa de gba naa: A nyini -ma 'yu, 'jinylolie nʋnʋlibho a -ka -bha, n 'nɩya -ji 'lɩlɩlɩ.
-Ɔ zʋ-ɔ -bha Zezwie wɛlɩ, mɔ-ɔ ka-a 'nagö
24Ɩ yɛ wɛlɩ n gba-a la'a, nɩkpɛ -ɔ -kɩɩ 'jinanɩswɩ'ɩ 'yukwli pönɩ -ɔ -kɩɩ -bha zʋ-ɔ, 'nagökanyɔ -ɔ 'sɩbha-a -bha kpiyi 'klʋ ɔ -budu, ɔ swɩ ɔ -wʋ -bha. 25Ɔ 'sɩbhʋ-a ɔ bhɩʋ-a 'ji, 'n 'nyizako ji-a lɩbha, 'nyidadlɩ 'plɩ-a, 'n ɩ jiʋ-a ngo sɩbha, 'n -pɩpɩ ji-a ji. -Bha kpiyi 'klʋ -budu la'a 'sɩbhɔ-aa yɛ, ʋ'ʋ-ʋ bhli. 26Wɛlɩ n gba-a la'a -ɔ nɩɩ 'jinanɩswɩ'ɩ 'yukwli pönɩ ɔ 'kɩ -bha zʋ-ɔ, -batibatinyɔ -ɔ 'sɩbha-a ɔ -budu -ma -bösɛ 'mö ɔ swɩ ɔ -wʋ -bha. 27Ɔ 'sɩbhʋ-a ɔ bhɩʋ-a 'ji, 'nyizako lɩbha-a, 'nyidadlɩ 'plɩ-a 'n ɩ jiʋ-a ngo sɩbha, -pɩpɩ ji-a, ʋ'ʋ -lɛ glu tʋ-ʋ, ʋ 'bhuo sɛ ʋ 'suluo -bha.”
28Zezwi gba-a wɛlɩ la'a 'bhuo ɔ bhɩɩ-a 'ji-e, nɩkpa -wa su la-a -bha wa 'bhuo ngli-i mönʋa -bha. 29-Wʋʋ yɛ-a, ɔ'ɔ 'pa la -Lagɔɔ gböö nglipangwaa swɩ'ɩ nɩkpa ngli, nɩkpɛ -Lagɔ 'nyɛ-a 'gba, ɔ swɩ'ɩ ɔ pa-a ngli.
Àwon tá yàn lọ́wọ́lọ́wọ́ báyìí:
MATIEE 'BƆGƲ 7: BNT96
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996
MATIEE 'BƆGƲ 7
7
-Ɩ -n nʋ-ɔ -na linɩkpɛ 'ji 'mɩ -Lagɔ -jimö-a 'ji nʋɔ
1-Nn tunʋ -na linɩkpɛ -zijle -nɩ, -Lagɔ -jimö-ö -zijle tunʋ. 2-Wʋʋ yɛ-a, sa -n köbha-a -na linɩkpɛ, -sɩbha -Lagɔ -jimö-a köbhaa. -N -yɛ -na linɩkpɛ -zijle tunʋ-ɔ, -Lagɔ -kamö -zijle tunʋɔ ji, ʋ 'na -na de ngazɩdlɩ 'pa. 3-Ma -na 'ji 'möö suköbhë -wʋ-ɔ -ma -n 'nɩa 'wʋ jɩnɩ, -ma -na linɩkpɛɛ 'ji 'möö -ganylakpʋ -wʋ-ɔ -ma, mʋ -n jɩnɩ-a 'wʋ ʋ gbʋ-ʋ -plamö-a? 4-Nmö ka-a suköbhë 'ji 'mö a gbʋ -nɩmö la'a pla-a, 'manɩɛ yɛ -n 'yɛ 'mö-a -na linɩkpɛɛ de gba naa: -Abhiyi, ji n 'yɛ -ma -na 'ji 'mö -ganylakpʋ -sa 'nɩ? 5'Kwlɩsɔkanyɔ, -sa -lɛ -ma -na 'bhëë 'ji 'mö suköbhë 'bhë, -n -yɛ-a 'mö 'jinanɩswɩ'ɩ sɛ jɩnɩ-ɛ, -n ji -ma -na linɩkpɛɛ 'ji 'mö -ganylakpʋ -sa. 6-Li -ɩ -wʋ-a 'wlawla a 'na-a 'nyɩ gɔ 'ye -nɩ, a 'na-a palɩ 'yɛ a 'nglɩmözikpï kokotia zɔmö yɛ -nɩ, ɩ -kɩɩ -gömö jinɩ 'bhë ɩ jiya-a 'mö 'bhɩlɔnʋ, ɩ jiya-a nimï.
A 'jɩbhanɩ -Lagɔ, ʋ jiya 'nyɛ
7A 'jɩbhanɩ -Lagɔ, ʋ jiya 'nyɛ. A 'nama, a ji ghlɩ. A bhɔtɔ -bha, wa ji -bha kalɩ. 8-Wʋʋ yɛ-a, -ɔ jɩbha-a 'mɔ wa nyɛ -bha, -ɔ 'nama-a mɔ-ɔ ghlɩ -bha, -ɔ bhɔtɔ-ɔ -bha -buduo de ɔ yɛ wa kalɩ-ɛ -bha. 9A gla'aa nɩkpɛ -mɔ ɔ 'gu -yɛ-a 'fʋloko 'jɩbhanɩ, -ɔ 'kɔ-a tɩkpeyi 'ye 'nyɛ 'nɩ? 10-Ɔ ɔ ji 'yɛ-a zibhiyi 'jɩbhanɩɛ, -ɔ 'kɔ-a -zakla 'ye 'nyɛ 'nɩ? 11Abha 'pɩnɩkpa kla-a nganɩ a -ji la'a -nɩ a 'gwie -lie -lie 'nyɛɛ, e 'kë zi a -Tɩbha -Lagɔ -ʋ -wʋ-ɔ -ma -Lagɔtapɛ'ɛ 'mʋɔ cɛ-ɛ 'na-a ʋ gwie -wa 'jɩbhanʋ-a -lie -li 'ye 'nyɛ 'nɩ-ɩ?
12-Ɩ la'a 'bhuo a 'jɩbha-a nɩkpa 'kaya 'ji nʋ-ɔ, a nʋʋa 'yɛ -nɩ 'ji. Moyizɩɛ gbö -yɛ -Lagɔɔ 'mögbanɩngwa 'bhuo 'sɔɔ wɛlɩɛ zɔmö-ö -la.
Zezwi yɛ ngwleli 'sɔɔ gbʋ gba
13Ngwlele -aa 'yuogblʋ kwa-a -ma 'mʋnɔmʋnɔbhɛyɩ, 'wʋ a 'ghli-i -bha, nɩkpaa -bɛ planɩa-a ngli. Abhaa -nɩ-ɛ, a planɩ ngwlele 'kikeyi ngli. 14-Wʋʋ yɛ-a, ngwlele 'kikeyi -yɛ 'yuogblʋ 'kikeyi 'sɔ mɩ-ɩ kwa-a -ma 'kɔgwlɛpɩ 'wʋ. Nɩkpa -wa ghlɩɩ-a wa'a -zu.
Su -yɛ ʋ 'bhï 'sɔɔ wɛlɩ
15A möna -bha yuoyuolagɔɔ 'mögbanɩngwaa de 'mö. Wa kaya -bha ghlɩ, wliaa kwi wa ka -bha, -mɩlado'o gbïa -bha. 16-Ma wa nʋnʋli 'mö a jua-a jɩblɩnɩɛ. -Wʋʋ yɛ-a, wa'a -lɛ -bhla -ma -kpaka 'wlu 'ngwɛ -sa. Wa'a -lɛ 'yɛ -bhla -ma -dagla 'wlu -popowle -sa. 17Suo -su tlʋ-a 'bhïë bhï, 'n 'jinylɔsu tlʋ-a 'jinylɔbhï. 18Suo su 'nɩ bhɛlɩ ʋ 'yɛ 'jinylɔbhï tlʋ. 'Jinylɔsu 'nɩ 'yɛ bhɛlɩ ʋ 'yɛ 'bhïë bhï tlʋ. 19Swi la'a 'bhuo -ɩ 'nɩ tlʋ-a 'bhïë bhï, 'kla-a wa jiɩ-a wa 'kɩ -kosu'u 'pa. 20Ɩ yɛ n gba-a naa: Nɩkpa -wa la-a wajɩ -Lagɔɔ 'mögbanɩngwa, -ma wa nʋnʋli 'mö a jua-a jɩblɩnɩɛ.
-Wa -yɛ Zezwi 'sɔ -bhlinɩ-a 'dɛdɛ'ɛ 'wʋ
21Nɩkpa -wa -bhlinɩ'ɩ-a 'mö 'kɔmʋ 'kɔmʋ -wa nʋ-a: -Aa Nyininyɔ, -aa Nyininyɔ, wa 'bhuo mʋa-a 'nɩ-ɛ -sɩbha -ma -Lagɔɔ nyininyinipɩ 'wʋ möö ji. -Wa la'a -wa nʋ-a -ɩ na -Tɩbha -Lagɔ -ʋ -wʋ-ɔ -ma -Lagɔtapɛ'ɛ 'jɩbha-a mʋa-a ji-e -ma möö. 22-Lagɔɔ -zijle 'kadaa zlɩ -yɛ nyini-e, nɩkpaa -bɛ ji-a na de gbaa naa: -Aa Nyininyɔ, -a -tɔnʋ wɛlɩ -Lagɔ -gbanɩya-a 'mö, -na nglɩ mö -a 'nyɛnɩɩ nɩkpa, 'n -a ji -na 'nglɩ 'mö nɩkpa 'jinylozuzuku -gömö kpëti, 'n -a ji -na 'nglɩ 'mö bhatɩɛ -bɛ nɛ nʋ? 23'N n 'yɛ-a wa de gba naa: A nyini -ma 'yu, 'jinylolie nʋnʋlibho a -ka -bha, n 'nɩya -ji 'lɩlɩlɩ.
-Ɔ zʋ-ɔ -bha Zezwie wɛlɩ, mɔ-ɔ ka-a 'nagö
24Ɩ yɛ wɛlɩ n gba-a la'a, nɩkpɛ -ɔ -kɩɩ 'jinanɩswɩ'ɩ 'yukwli pönɩ -ɔ -kɩɩ -bha zʋ-ɔ, 'nagökanyɔ -ɔ 'sɩbha-a -bha kpiyi 'klʋ ɔ -budu, ɔ swɩ ɔ -wʋ -bha. 25Ɔ 'sɩbhʋ-a ɔ bhɩʋ-a 'ji, 'n 'nyizako ji-a lɩbha, 'nyidadlɩ 'plɩ-a, 'n ɩ jiʋ-a ngo sɩbha, 'n -pɩpɩ ji-a ji. -Bha kpiyi 'klʋ -budu la'a 'sɩbhɔ-aa yɛ, ʋ'ʋ-ʋ bhli. 26Wɛlɩ n gba-a la'a -ɔ nɩɩ 'jinanɩswɩ'ɩ 'yukwli pönɩ ɔ 'kɩ -bha zʋ-ɔ, -batibatinyɔ -ɔ 'sɩbha-a ɔ -budu -ma -bösɛ 'mö ɔ swɩ ɔ -wʋ -bha. 27Ɔ 'sɩbhʋ-a ɔ bhɩʋ-a 'ji, 'nyizako lɩbha-a, 'nyidadlɩ 'plɩ-a 'n ɩ jiʋ-a ngo sɩbha, -pɩpɩ ji-a, ʋ'ʋ -lɛ glu tʋ-ʋ, ʋ 'bhuo sɛ ʋ 'suluo -bha.”
28Zezwi gba-a wɛlɩ la'a 'bhuo ɔ bhɩɩ-a 'ji-e, nɩkpa -wa su la-a -bha wa 'bhuo ngli-i mönʋa -bha. 29-Wʋʋ yɛ-a, ɔ'ɔ 'pa la -Lagɔɔ gböö nglipangwaa swɩ'ɩ nɩkpa ngli, nɩkpɛ -Lagɔ 'nyɛ-a 'gba, ɔ swɩ'ɩ ɔ pa-a ngli.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996