MATIEE 'BƆGƲ 6
6
Zezwi yɛ 'pʋangwaa 'nyɛnyɛgbʋ gba
1A -yɛ -lie -li nʋɔ ji-e, a möna 'mö, ɛ 'na-a glɩnɩ -bha nɩkpaa 'ji klʋ -nɩ, -wʋʋ yɛ-a, wa kaya yɩlɩ wa -yɛ a 'dɩɛ dɩ -sa, -bhaa do'o a -Tɩbha -Lagɔ -ʋ -wʋ-ɔ -ma -Lagɔtapɛ'ɛ 'na 'kaya a -lie -lie 'wlumö 'pɛnɩ. 2Ɩ yɛ -n -yɛ 'pʋanyɔ -lu 'nyɛɛ ji-e, -nn 'nama -glɔngwaa 'jie -nɩ, -wʋʋ yɛ-a, -sɩbha 'kwlɩsɔkangwa nʋ-ɔ -ma -Lagɔbudi'i -yɛ 'yuogblʋɩ'ɩ 'sɔ, nɩkpa 'yɛ wa 'dɩɛ dɩ -saa yɛ. 'Dɩɛ -dɩ n nyɛya -bha naa: -Sɩbhaa nɩkpa la'a, wa yɛ wa -lie -lie 'pɛnɔ ghlɩ 'gamö 'bhë. 3-Nmöö -nɩ-ɛ, -n -yɛ -na 'pʋanyɔ -lu 'nyɛ 'le -wʋ-ɔ, -ɩ -na linɩkpɛsɔ -kɔta -wʋ-a nʋ 'le -na kɔpɛsɔ -kɔta 'na-a -ji ɩ bhle'e -nɩ, 4-na 'nyɛnyɛlu 'yɛ zuzolɩ'ɩ -wʋ, -ɩ -n 'nyɛ-ɛ -sɩbha zuzolɩ'ɩ -na -Tɩbha -Lagɔ -ʋ jɩnɩ-a -ɩ 'zuzo-a 'wʋ, ʋ -jimö ɩ 'wlumö 'pɛnɩ.
Zezwi yɛ nɩkpa -Lagɔɔ -bɛlɩpapɩɛ -slʋnʋ
5A -yɛ -Lagɔ -bɛlɩ 'paa ji-e, a 'na-a nʋ 'kwlɩsɔkangwaa swɩ -nɩ. -Ma -Lagɔbudi'i -yɛ 'yuogbɔtɩ'ɩ 'sɔ ma nɩkpa su-a, -maa ghayɩɛ 'nɩgbönɩnɩgbönɩɛ wa 'jɩbha -bha, wa -yɛ -bɛlɩ 'pa 'le -wʋ nɩkpa 'kʋa yɩlɩɛ yɛ. Sa'a n gba-a sa'a naa: -Sɩbhaa nɩkpa la'a wa yɛ -nɩ wa 'pɛnɔ ghlɩ 'gamö 'bhë. 6-Nmöö -nɩ-ɛ, -n -yɛ -Lagɔ -bɛlɩ 'paa ji-e, pla -ma -na -buduköbhë 'mö, -gba -bha, -na -Tɩbha -Lagɔ -ʋ -wʋ-a zuzolɩ'ɩ -n 'kʋ -bɛlɩ 'pa. -Bhaa do'o -bɛlɩ -n 'pa-a -sɩbha zuzolɩ'ɩ ʋ jɩnɩɛ 'wʋɔ yɛ, ʋ -jimö 'pɛnɩ. 7A -yɛ -bɛlɩ 'pa 'le -wʋ-ɔ, a 'na-a gba kpakpawɛlɩ -nɩ, nɩkpa -wa 'nɩ-a -Lagɔ -ji -sɩbha wa nʋ -bha. Wa -tɔnʋ wa -yɛ wɛlɩ zumanɩ 'mɩ -Lagɔ jua 'yukwli pönɩɛ. 8A 'na-a nʋ wa swɩ -nɩ, -wʋʋ yɛ-a, -lu a'a-a -ka a 'nʋ-ʋ -bhla a -Tɩbha -Lagɔ 'jɩbhanɩ 'n ʋ -jiʋ -bha.
9A -yɛ -bɛlɩ 'paa ji-e, a nʋ:
-Aa -Tɩbha -ɔ -wʋ -ma -Lagɔtapɛ'ɛ,
-na 'nglɩ 'wlawla ɩ -wʋ -bha,
nɩkpa 'bhuo zʋɩ -bha.
10-Na nyininyinie ji,
-ɩ -n 'jɩbha-a sa ɩ -wʋ-ɔ -ma -Lagɔtapɛ'ɛ,
ɩ -wʋ -sɩbha ma'a dʋdʋkpata'a.
11-Nyɛya -zɩnɩ'ɩɛ lili.
12'Tatinɩ -aa 'jinylolie gbʋ 'ji,
sa nɩkpa -kaya-a 'jinyloli 'ji nʋ
'n a 'tatinɩ-a ɩ gbʋ 'ji.
13-Nn -saya 'ji yawʋ -a 'na-a bhlinɩ -mapapɩɛ 'mö -nɩ.
-Saya 'jinyloli ngli.
-Wʋʋ -yɛ-a, -na 'nyize -nmö 'tɛɛ-a 'mö, -nmö 'ghli-i -bha, -nmö nyini-a 'kɔgwlɛswɩ'ɩ -li 'bhuo, ɩ -wʋ -sɩbha.
14-Ma ɩ 'mö, 'jinyloli nɩkpa nʋya-a 'ji a -yɛ ɩ gbʋ 'ji 'tatinɩ-ɛ, 'mɩ a -Tɩbha -Lagɔ -ʋ -wʋ-ɔ -ma -Lagɔtapɛ'ɛ ji 'yɛ-a -nɩ a 'jinylolie gbʋ 'ji 'tatinɩɛ. 15'N nɩkpa kaya 'jinyloli 'ji nʋ a nɩ ɩ gbʋ 'ji 'tatinɩ-ɛ, a -Tɩbha -Lagɔ 'na 'yɛ -nɩ a -lie gbʋ 'ji 'tatinɩ.
Zezwi yɛ lɔlɔsʋsʋɛɛ gbʋ gba
16A -yɛ lɔlɔ 'sʋ 'le -wʋ-ɔ, a 'na-a kalɩmanɩ 'klʋ 'mö -nɩ, -sɩbha 'kwlɩsɔkangwa nʋ -bha. Wa -yɛ lɔlɔ 'sʋ 'le -wʋ wa 'klʋ 'mö-ö 'kökö, nɩkpa 'yɛ sɛ jɩblɩnɩ naa wa-a lɔlɔ 'sʋ 'lee yɛ. 'Dɩɛ -dɩ n nyɛya -bha naa, -sɩbhaa nɩkpa la'a wa yɛ wa 'pɛnɔ ghlɩ 'gamö 'bhë. 17-Nmöö -nɩ-ɛ, -n -yɛ lɔlɔ 'sʋ 'le -wʋ-ɔ, budo, 'fla nyuko, 18nɩkpa ji-e sɛ jɩblɩnɩ naa lɔlɔ -n -wʋ-a 'sʋ 'le, -na -Tɩbha -Lagɔ -ʋ -wʋ-a zuzolɩ'ɩɛ 'nyize 'yɛ sɛ -ji. -Na -Tɩbha -ʋ jɩnɩ-a -ɩ 'zuzo-a 'wʋ, ʋ -jimö 'pɛnɩ.
Zezwi yɛ wʋlʋwʋlʋɛɛ -wʋlʋwʋlʋɛɛ gbʋ gba
19A 'na-a 'kplɔnʋ ma'a 'pɩ 'wʋɔ wʋlʋwʋlʋɛ -nɩ, 'klɩmö -yɛ 'glɩ 'sɔ bhɛlɩ ɩ 'kɛ 'ji nyimanɩ, 'wingwa bhɛlɩ wa 'kɛ 'wi ghli. 20Wʋlʋwʋlʋɛ -ɛ -Lagɔ jiya-a -ma ʋ nyininyinipɩ 'wʋ 'nyɛɛ, ɛ 'na sɛ yɩla, 'mɛ a 'yɛ-a 'nama 'Klɩmö -yɛ 'glɩ 'sɔ 'na 'kɛ 'ji nyimanɩ, 'wingwa 'na 'kɛ 'wi ghli. 21-Wʋʋ yɛ-a, la -na lɩ -wʋ-a, -bha -na dlɩ -wʋ -bha.
Zezwi yɛ nɩkpɛɛ 'jie 'napɛ 'wʋ palɩ
22Nɩkpɛɛ 'jie 'napɛɛ swɩ'ɩ ɩ -wʋ -bha, mɩ-ɩ ngönɔ-a 'wʋ. Ɩ -yɛ sɛ jɩnɩ-ɛ, -ma zlɩ 'mö ɔ namönɩ -bha. 23-Na 'jie nɩ -ja-a, -na 'gblʋ 'bhuo -ma 'misikpoko 'mö ʋ -wʋ -bha. Ɩ yɛ yʋlokpë la'a -a -wʋ-ɔ -ma -na 'mö -yɛ 'ji julumanɩ-ɛ, 'misikpokoo -tlikati mö -n -wʋ-a 'mö -bha.
A 'na-a 'jɩbha mëni -Lagɔɔ bhla -nɩ
24Nɩkpɛ 'nɩ bhɛlɩ ɔ 'yɛ 'bhitɩbhangwa 'sɔ -ka 'bhë ɔ 'yɛ wa 'sɔ -kpɔ -bha zʋ. -Bhlʋ ɔ ji-a 'jɩbhaa 'n ɔ 'yɛ-a -mɔbha 'jɛbhɛlɩ. -Bhlʋɔ wɛlɩ ɔ ji-e -bha zʋɔ 'n ɔ 'yɛ-a -mɔbhaa wɛlɩ -bha -sa. -Ɩ la'aa yɛ a'a -lɛ bhɛlɩ a 'yɛ -Lagɔ a dlɩa 'ye 'nyɛ 'bhë a 'yɛ 'yɛ mëni a dlɩa 'ye 'nyɛ.
A 'tɛnɩ -Lagɔ dlɩ
25-Ɩ la'aa yɛ n gba-a a de naa: -Ʋ a 'yɛ-a li a 'yɛ -bhlɩ a 'na-a nimï ʋ dlɩ -nɩ. -Ʋ a 'yɛ-a 'mö 'pa a 'na-a nimï 'yɛ ʋ dlɩ -nɩ. -Wʋʋ yɛ-a, -bhlɩbhlɩɛ ka dlɩ yɛ ɛ zi lilie 'wʋ, nɩkpɛɛ ku ka 'yɛ dlɩ yɛ ʋ zi 'möpalu 'wʋ. 26A yɩlɩ -lɛ -ma ghayɩɛ 'zɩ. Ɩ'ɩ glʋ, ɩ'ɩ -dɩ, ɩ'ɩ 'pa lili -digbagbʋ'ʋ, 'n a -Tɩbha -Lagɔ -ʋ -wʋ-ɔ -ma -Lagɔtapɛ'ɛ nyɩɩ-a lilie. A 'bhï a'aa cɛ dlɩ sɛ -ka tenyi a 'yɛ 'zɩ 'wʋ zi 'nɩ-ɩ? 27A gla'aa nɩkpɛ -mɔ bhɛlɩ-a -ma ɔ dlɩnimïnimie 'mö 'ylɩ ɔ ji la-a ma'a dʋdʋkpata -gömö -saa ɔ 'kɩ -gömö 'pa 'nɩ? 28'Manɩɛ yɛ a 'yɛ bhe 'möpaluo dlɩ nimï 'nɩ? -Ma 'kwla 'möö -titi -ɩɩ bowle-e nanɩ-a 'ji a yɩlɩɩ -lɛ. Ɩ'ɩ nʋ libho, ɩ'ɩ -dɩ -banɩ. 29Sa'a n gba-a sa'a a de naa, -benyido'oo dʋdʋnyininyɔ 'kadɔ Salomɔɔ 'bhë, -ma ɔ wʋlʋwʋlʋɛ 'bhuo 'mö -banɩ ɔ 'pa-a 'mö, ɩ'ɩ 'ji nanɩ ɩ 'yɛ -titi la'aa 'bowle 'wʋ zi. 30-Ma 'kwla 'möö -titi -ɩ -bhlɩ-a -zɩnɩ'ɩ 'bhë wa 'yɛ-a zʋma -kosu'u 'pa, -Lagɔ -wɩɩ la'a -sa -nɩ bʋlɔ-a 'le, e 'kë zi abha kɔ-a dlɩ yɛ, abhaa cɛ ʋ 'na-a 'möpali 'nyɛ 'nɩ-ɩ? A -Lagɔɔ dlɩwʋkakʋ 'nɩ -zu lɛɛ! 31A 'na-a nimï dlɩ -nɩ: A 'na-a nʋ: 'Manɩ -a ji-a lie, 'manɩ -a ji-a 'nɩmaa, 'manɩ -a ji-a 'mö 'paa 'nɩ -nɩ. 32-Wʋʋ yɛ-a, 'mɩ -ɩ la'a 'bhuo, nɩkpa -wa 'nɩ-a -Lagɔ -ji 'mʋa ɩ gbʋ pla -bha. Abhaa -nɩ-ɛ, a -Tɩbha -Lagɔ -ʋ -wʋ-ɔ -ma -Lagɔtapɛ'ɛ -ɩ a'a-a -ka, ʋ -jiɩ. 33-Lagɔɔ nyininyinipɩɛ gbʋ playa tenyi -ɩ nanʋ-a dlɩ yawʋ a 'kɩ nʋ. -Ɩ la'a -ɩ tʋ-a 'wʋ ʋ 'bhë jiya 'nyɛ. 34Ɩ yɛ a 'na-a nimï -ɩ ji-a zɩgbadlɩ'ɩ jie yɛ dlɩ -nɩ zlɩ -ɛ ji-a zɩɛ -su-o -nɩ ɛ 'bhëë jɩɛ -li. Sa zlɩ -mɛ la'a zɩ-a ɛ -yɛ ɛ yʋlɔyʋlʋɛ mlinɩ 'ji.
Àwon tá yàn lọ́wọ́lọ́wọ́ báyìí:
MATIEE 'BƆGƲ 6: BNT96
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996
MATIEE 'BƆGƲ 6
6
Zezwi yɛ 'pʋangwaa 'nyɛnyɛgbʋ gba
1A -yɛ -lie -li nʋɔ ji-e, a möna 'mö, ɛ 'na-a glɩnɩ -bha nɩkpaa 'ji klʋ -nɩ, -wʋʋ yɛ-a, wa kaya yɩlɩ wa -yɛ a 'dɩɛ dɩ -sa, -bhaa do'o a -Tɩbha -Lagɔ -ʋ -wʋ-ɔ -ma -Lagɔtapɛ'ɛ 'na 'kaya a -lie -lie 'wlumö 'pɛnɩ. 2Ɩ yɛ -n -yɛ 'pʋanyɔ -lu 'nyɛɛ ji-e, -nn 'nama -glɔngwaa 'jie -nɩ, -wʋʋ yɛ-a, -sɩbha 'kwlɩsɔkangwa nʋ-ɔ -ma -Lagɔbudi'i -yɛ 'yuogblʋɩ'ɩ 'sɔ, nɩkpa 'yɛ wa 'dɩɛ dɩ -saa yɛ. 'Dɩɛ -dɩ n nyɛya -bha naa: -Sɩbhaa nɩkpa la'a, wa yɛ wa -lie -lie 'pɛnɔ ghlɩ 'gamö 'bhë. 3-Nmöö -nɩ-ɛ, -n -yɛ -na 'pʋanyɔ -lu 'nyɛ 'le -wʋ-ɔ, -ɩ -na linɩkpɛsɔ -kɔta -wʋ-a nʋ 'le -na kɔpɛsɔ -kɔta 'na-a -ji ɩ bhle'e -nɩ, 4-na 'nyɛnyɛlu 'yɛ zuzolɩ'ɩ -wʋ, -ɩ -n 'nyɛ-ɛ -sɩbha zuzolɩ'ɩ -na -Tɩbha -Lagɔ -ʋ jɩnɩ-a -ɩ 'zuzo-a 'wʋ, ʋ -jimö ɩ 'wlumö 'pɛnɩ.
Zezwi yɛ nɩkpa -Lagɔɔ -bɛlɩpapɩɛ -slʋnʋ
5A -yɛ -Lagɔ -bɛlɩ 'paa ji-e, a 'na-a nʋ 'kwlɩsɔkangwaa swɩ -nɩ. -Ma -Lagɔbudi'i -yɛ 'yuogbɔtɩ'ɩ 'sɔ ma nɩkpa su-a, -maa ghayɩɛ 'nɩgbönɩnɩgbönɩɛ wa 'jɩbha -bha, wa -yɛ -bɛlɩ 'pa 'le -wʋ nɩkpa 'kʋa yɩlɩɛ yɛ. Sa'a n gba-a sa'a naa: -Sɩbhaa nɩkpa la'a wa yɛ -nɩ wa 'pɛnɔ ghlɩ 'gamö 'bhë. 6-Nmöö -nɩ-ɛ, -n -yɛ -Lagɔ -bɛlɩ 'paa ji-e, pla -ma -na -buduköbhë 'mö, -gba -bha, -na -Tɩbha -Lagɔ -ʋ -wʋ-a zuzolɩ'ɩ -n 'kʋ -bɛlɩ 'pa. -Bhaa do'o -bɛlɩ -n 'pa-a -sɩbha zuzolɩ'ɩ ʋ jɩnɩɛ 'wʋɔ yɛ, ʋ -jimö 'pɛnɩ. 7A -yɛ -bɛlɩ 'pa 'le -wʋ-ɔ, a 'na-a gba kpakpawɛlɩ -nɩ, nɩkpa -wa 'nɩ-a -Lagɔ -ji -sɩbha wa nʋ -bha. Wa -tɔnʋ wa -yɛ wɛlɩ zumanɩ 'mɩ -Lagɔ jua 'yukwli pönɩɛ. 8A 'na-a nʋ wa swɩ -nɩ, -wʋʋ yɛ-a, -lu a'a-a -ka a 'nʋ-ʋ -bhla a -Tɩbha -Lagɔ 'jɩbhanɩ 'n ʋ -jiʋ -bha.
9A -yɛ -bɛlɩ 'paa ji-e, a nʋ:
-Aa -Tɩbha -ɔ -wʋ -ma -Lagɔtapɛ'ɛ,
-na 'nglɩ 'wlawla ɩ -wʋ -bha,
nɩkpa 'bhuo zʋɩ -bha.
10-Na nyininyinie ji,
-ɩ -n 'jɩbha-a sa ɩ -wʋ-ɔ -ma -Lagɔtapɛ'ɛ,
ɩ -wʋ -sɩbha ma'a dʋdʋkpata'a.
11-Nyɛya -zɩnɩ'ɩɛ lili.
12'Tatinɩ -aa 'jinylolie gbʋ 'ji,
sa nɩkpa -kaya-a 'jinyloli 'ji nʋ
'n a 'tatinɩ-a ɩ gbʋ 'ji.
13-Nn -saya 'ji yawʋ -a 'na-a bhlinɩ -mapapɩɛ 'mö -nɩ.
-Saya 'jinyloli ngli.
-Wʋʋ -yɛ-a, -na 'nyize -nmö 'tɛɛ-a 'mö, -nmö 'ghli-i -bha, -nmö nyini-a 'kɔgwlɛswɩ'ɩ -li 'bhuo, ɩ -wʋ -sɩbha.
14-Ma ɩ 'mö, 'jinyloli nɩkpa nʋya-a 'ji a -yɛ ɩ gbʋ 'ji 'tatinɩ-ɛ, 'mɩ a -Tɩbha -Lagɔ -ʋ -wʋ-ɔ -ma -Lagɔtapɛ'ɛ ji 'yɛ-a -nɩ a 'jinylolie gbʋ 'ji 'tatinɩɛ. 15'N nɩkpa kaya 'jinyloli 'ji nʋ a nɩ ɩ gbʋ 'ji 'tatinɩ-ɛ, a -Tɩbha -Lagɔ 'na 'yɛ -nɩ a -lie gbʋ 'ji 'tatinɩ.
Zezwi yɛ lɔlɔsʋsʋɛɛ gbʋ gba
16A -yɛ lɔlɔ 'sʋ 'le -wʋ-ɔ, a 'na-a kalɩmanɩ 'klʋ 'mö -nɩ, -sɩbha 'kwlɩsɔkangwa nʋ -bha. Wa -yɛ lɔlɔ 'sʋ 'le -wʋ wa 'klʋ 'mö-ö 'kökö, nɩkpa 'yɛ sɛ jɩblɩnɩ naa wa-a lɔlɔ 'sʋ 'lee yɛ. 'Dɩɛ -dɩ n nyɛya -bha naa, -sɩbhaa nɩkpa la'a wa yɛ wa 'pɛnɔ ghlɩ 'gamö 'bhë. 17-Nmöö -nɩ-ɛ, -n -yɛ lɔlɔ 'sʋ 'le -wʋ-ɔ, budo, 'fla nyuko, 18nɩkpa ji-e sɛ jɩblɩnɩ naa lɔlɔ -n -wʋ-a 'sʋ 'le, -na -Tɩbha -Lagɔ -ʋ -wʋ-a zuzolɩ'ɩɛ 'nyize 'yɛ sɛ -ji. -Na -Tɩbha -ʋ jɩnɩ-a -ɩ 'zuzo-a 'wʋ, ʋ -jimö 'pɛnɩ.
Zezwi yɛ wʋlʋwʋlʋɛɛ -wʋlʋwʋlʋɛɛ gbʋ gba
19A 'na-a 'kplɔnʋ ma'a 'pɩ 'wʋɔ wʋlʋwʋlʋɛ -nɩ, 'klɩmö -yɛ 'glɩ 'sɔ bhɛlɩ ɩ 'kɛ 'ji nyimanɩ, 'wingwa bhɛlɩ wa 'kɛ 'wi ghli. 20Wʋlʋwʋlʋɛ -ɛ -Lagɔ jiya-a -ma ʋ nyininyinipɩ 'wʋ 'nyɛɛ, ɛ 'na sɛ yɩla, 'mɛ a 'yɛ-a 'nama 'Klɩmö -yɛ 'glɩ 'sɔ 'na 'kɛ 'ji nyimanɩ, 'wingwa 'na 'kɛ 'wi ghli. 21-Wʋʋ yɛ-a, la -na lɩ -wʋ-a, -bha -na dlɩ -wʋ -bha.
Zezwi yɛ nɩkpɛɛ 'jie 'napɛ 'wʋ palɩ
22Nɩkpɛɛ 'jie 'napɛɛ swɩ'ɩ ɩ -wʋ -bha, mɩ-ɩ ngönɔ-a 'wʋ. Ɩ -yɛ sɛ jɩnɩ-ɛ, -ma zlɩ 'mö ɔ namönɩ -bha. 23-Na 'jie nɩ -ja-a, -na 'gblʋ 'bhuo -ma 'misikpoko 'mö ʋ -wʋ -bha. Ɩ yɛ yʋlokpë la'a -a -wʋ-ɔ -ma -na 'mö -yɛ 'ji julumanɩ-ɛ, 'misikpokoo -tlikati mö -n -wʋ-a 'mö -bha.
A 'na-a 'jɩbha mëni -Lagɔɔ bhla -nɩ
24Nɩkpɛ 'nɩ bhɛlɩ ɔ 'yɛ 'bhitɩbhangwa 'sɔ -ka 'bhë ɔ 'yɛ wa 'sɔ -kpɔ -bha zʋ. -Bhlʋ ɔ ji-a 'jɩbhaa 'n ɔ 'yɛ-a -mɔbha 'jɛbhɛlɩ. -Bhlʋɔ wɛlɩ ɔ ji-e -bha zʋɔ 'n ɔ 'yɛ-a -mɔbhaa wɛlɩ -bha -sa. -Ɩ la'aa yɛ a'a -lɛ bhɛlɩ a 'yɛ -Lagɔ a dlɩa 'ye 'nyɛ 'bhë a 'yɛ 'yɛ mëni a dlɩa 'ye 'nyɛ.
A 'tɛnɩ -Lagɔ dlɩ
25-Ɩ la'aa yɛ n gba-a a de naa: -Ʋ a 'yɛ-a li a 'yɛ -bhlɩ a 'na-a nimï ʋ dlɩ -nɩ. -Ʋ a 'yɛ-a 'mö 'pa a 'na-a nimï 'yɛ ʋ dlɩ -nɩ. -Wʋʋ yɛ-a, -bhlɩbhlɩɛ ka dlɩ yɛ ɛ zi lilie 'wʋ, nɩkpɛɛ ku ka 'yɛ dlɩ yɛ ʋ zi 'möpalu 'wʋ. 26A yɩlɩ -lɛ -ma ghayɩɛ 'zɩ. Ɩ'ɩ glʋ, ɩ'ɩ -dɩ, ɩ'ɩ 'pa lili -digbagbʋ'ʋ, 'n a -Tɩbha -Lagɔ -ʋ -wʋ-ɔ -ma -Lagɔtapɛ'ɛ nyɩɩ-a lilie. A 'bhï a'aa cɛ dlɩ sɛ -ka tenyi a 'yɛ 'zɩ 'wʋ zi 'nɩ-ɩ? 27A gla'aa nɩkpɛ -mɔ bhɛlɩ-a -ma ɔ dlɩnimïnimie 'mö 'ylɩ ɔ ji la-a ma'a dʋdʋkpata -gömö -saa ɔ 'kɩ -gömö 'pa 'nɩ? 28'Manɩɛ yɛ a 'yɛ bhe 'möpaluo dlɩ nimï 'nɩ? -Ma 'kwla 'möö -titi -ɩɩ bowle-e nanɩ-a 'ji a yɩlɩɩ -lɛ. Ɩ'ɩ nʋ libho, ɩ'ɩ -dɩ -banɩ. 29Sa'a n gba-a sa'a a de naa, -benyido'oo dʋdʋnyininyɔ 'kadɔ Salomɔɔ 'bhë, -ma ɔ wʋlʋwʋlʋɛ 'bhuo 'mö -banɩ ɔ 'pa-a 'mö, ɩ'ɩ 'ji nanɩ ɩ 'yɛ -titi la'aa 'bowle 'wʋ zi. 30-Ma 'kwla 'möö -titi -ɩ -bhlɩ-a -zɩnɩ'ɩ 'bhë wa 'yɛ-a zʋma -kosu'u 'pa, -Lagɔ -wɩɩ la'a -sa -nɩ bʋlɔ-a 'le, e 'kë zi abha kɔ-a dlɩ yɛ, abhaa cɛ ʋ 'na-a 'möpali 'nyɛ 'nɩ-ɩ? A -Lagɔɔ dlɩwʋkakʋ 'nɩ -zu lɛɛ! 31A 'na-a nimï dlɩ -nɩ: A 'na-a nʋ: 'Manɩ -a ji-a lie, 'manɩ -a ji-a 'nɩmaa, 'manɩ -a ji-a 'mö 'paa 'nɩ -nɩ. 32-Wʋʋ yɛ-a, 'mɩ -ɩ la'a 'bhuo, nɩkpa -wa 'nɩ-a -Lagɔ -ji 'mʋa ɩ gbʋ pla -bha. Abhaa -nɩ-ɛ, a -Tɩbha -Lagɔ -ʋ -wʋ-ɔ -ma -Lagɔtapɛ'ɛ -ɩ a'a-a -ka, ʋ -jiɩ. 33-Lagɔɔ nyininyinipɩɛ gbʋ playa tenyi -ɩ nanʋ-a dlɩ yawʋ a 'kɩ nʋ. -Ɩ la'a -ɩ tʋ-a 'wʋ ʋ 'bhë jiya 'nyɛ. 34Ɩ yɛ a 'na-a nimï -ɩ ji-a zɩgbadlɩ'ɩ jie yɛ dlɩ -nɩ zlɩ -ɛ ji-a zɩɛ -su-o -nɩ ɛ 'bhëë jɩɛ -li. Sa zlɩ -mɛ la'a zɩ-a ɛ -yɛ ɛ yʋlɔyʋlʋɛ mlinɩ 'ji.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996