Esaburi 4
4
Okhusava Owuyeti Angolove
Khu omwembesi: owembia nende owukhana wesiya. Esaburi ya Daudi.
1Njipe nikhusava, Ewe Nyasaye wowung'ali wange!
Olu nali muwutinyu wanjeta.
Mbonere esisa, mana owulire esala liange.
2Enywe muli okhumbambia esoni okhwola lina?
Muchia khusima amakhuwa merere nokhutakhirisa owuveyi okhwola lina? Selah
3Nausa mumanye mbo OMWAMI keyawuliye omusuvirwa wuwe;
OMWAMI awuliranga nimusava.
4Sinyikhe, nausa muchakhola owoni ta;
Kanakane mumioyo kienywe nimuli khuvitanda, mana muwulere. Selah
5Aane esitiso sienyekha,
ne muche esuvira lienywe mu OMWAMI.
6Khuli navangi avawola, “Mana khunawonekho owulayi!
Chuwonerekho esisa Ewe OMWAMI!”
7Wachaye owusangafu owungi mumwoyo kwange,
okhuvicha avo avali nende engano enyingi nedivai.
8Ngona endolo mumulembe;
esikira ewe weng'ene OMWAMI, wunindanga.
Àwon tá yàn lọ́wọ́lọ́wọ́ báyìí:
Esaburi 4: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024