Esaburi 29
29
Omwoyo kwa Omwami Mumbembesi
Esaburi ya Daudi.
1Werese OMWAMI, enywe evilonge viomwikulu,
werese OMWAMI owukhumi nende owunyali.
2Werese OMWAMI owukhumi welicha lilie;
yinamire OMWAMI Awunju achwenufu.
3Omwoyo kwa OMWAMI kuli khumachi,
Nyasaye wowukhumi katulukhanga,
Omwoyo kwa OMWAMI, kuwulirikha khunyanja.
4Omwoyo kwa OMWAMI kuli nowunyali,
omwoyo kwa OMWAMI kwechula oluyali.
5Omwoyo kwa OMWAMI, kukhalakanga emisala miyeye,
OMWAMI akhalakanga ata emisala miyeye ekia Lebanoni.
6Akholanga evikulu via Lebanoni visunasuna ngakhamosi,
nesikulu sia Hamoni ngemboko mbere.
7Omwoyo kwa OMWAMI kuchusanga enjasie chiomuliro.
8Omwoyo kwa OMWAMI kuchenjesanga esichimi,
OMWAMI achenjesanga esichimi sia Kadeshi.
9Omwoyo kwa OMWAMI kukholanga emisala mialoni kichenjekha,
nundi kukhukhumusa amasafu kosi musichakha;
ne mu Etemperi yiye wulimunju kayula, “Owukhumi!”
10OMWAMI achukanga emikhula,
OMWAMI kemekhwa ngomuchuki emiaka nemiaka.
11OMWAMI akhoya kawa avanju vave amaani!
OMWAMI akhoya kawa avanju vave ekhavi chiomulembe.
Àwon tá yàn lọ́wọ́lọ́wọ́ báyìí:
Esaburi 29: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024