Esaburi 24
24
Omwami Omukhongo
Esaburi ya Daudi.
1Esialo nende viosi evilimo via OMWAMI,
esialo nende vosi avamenyamo;
2esikira kasiemesa khunyanja,
mana kalomba emise kiasio khumachi.
3Njanu onakhanine khusikulu sia OMWAMI?
Ne njanu onakheme achwenufu wuwe?
4Oyo oli namakhono manifu nende omwoyo mulungi,
ochakingula omwoyo kukwe khukowuveyi,
nundi sikechuvanga muwulianga ta.
5Achia okhunyola ekhavi okuchula khu OMWAMI,
nende owung'ali wuchula khu Nyasaye wouwonia wuwe.
6Avenavo njolwiwulo lwavo avamutakhatakhanga,
avatakhatakhanga oweni wa Nyasaye wa Yakopo. Selah
7Kingule emichwe kienywe amukulu, enywe eviriwa,
mana mukingulwe, enywe emiliango kiakhale!
Mbo omwami wowukhumi kengire.
8Omwami wowukhumi njanu?
OMWAMI, owamaani nundi owowunyali,
OMWAMI, owowunyali muhe!
9Kingule emichwe kienywe amukulu, enywe eviriwa,
mana mukingulwe, enywe emiliango kia khale!
Mbo omwami wowukhumi kengire.
10Njanu omwami wowukhumi ono?
OMWAMI wavamahe,
nje Omwami wowukhumi! Selah
Àwon tá yàn lọ́wọ́lọ́wọ́ báyìí:
Esaburi 24: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024