Esaburi 19
19
Owukhumi wa Nyasaye mu Evilongwa
Khu omwembesi. Esaburi ya Daudi.
1Ekulu liwola owukhumi wa Nyasaye;
ne esilama siesialo siekesa awulafu emilimo kiamakhono kake.
2Esiteche siwolera esiteche sindi,
ne esiro nasio siekesa esiro sindi.
3Elomaloma namwe amakhuwa sikalikhoo ta;
omwoyo kwawe sikuwulirikha ta;
4ne kakhava kachio, omwoyo kwawe kulanda musialo siosi,
namakhuwa kawe kola khunjulo khwesialo.
Nyasaye kalombera enyanga ekaali,
5eliyichulangamo ngomusoliri wesiserero nachula musimba yiye,
ne ngomutimi wamaani, atimanga embiro chichie muwusangafu.
6Yichulanga oluveka lulala olwa ekulu,
mana yiwotokhana okhwola oluveka lundi;
ne sisirikhoo esiekisa owuvalire wayo ta.
Amalako aka Omwami
7Amalako aka OMWAMI malungi,
katasanga owulamu mumwoyo;
owuloli wa OMWAMI wawene,
wukesiyanga avetutuya;
8endakaano chia OMWAMI chiling'ali,
chisangasanga omwoyo;
elako lia OMWAMI kwalafu nilio,
lilavianga emoni.
9Okhuria OMWAMI khulayi,
khumenyanga musialo;
amakerako aka OMWAMI kang'ali,
nundi malungi muno.
10Onyala wakekomba ata okhukhira edhahabu,
ata edhahabu yalava owulayi wene;
nundi manulu okhukhira owukhi,
ata owukhi wuting'irwe okhuchula mumasasala.
11Nundi okhuvichira mu niko omukhalavani wuwo akesiywa;
nukalonda onyola enganga engali.
12Nausa njanu onyala okhuwona owuvi wuwe omwene?
Njuse mumavi kekisa.
13Chusa omukhalavani wuwo nundi muwoni wokhweyenyera;
wuchacha wanjuka ta!
Khanu sinjia khuvakho nesikha ta,
nundi njavakho muwoni wukali ta.
14Amakhuwa komunwa kwange, nende amaparo komwoyo kwange,
keyamwe mumoni chichio,
Ewe OMWAMI, olwanda lwange nundi omunanuli wange.
Àwon tá yàn lọ́wọ́lọ́wọ́ báyìí:
Esaburi 19: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024