Mariko 7
7
Amekeso ka Avakuka
(Mat. 15.1-9)
1Khanu Avafarisayo vakhung'ana khuniye, nende valala khuvekesi vamalako, avali nivachulire Yerusalemu, 2vawona mbo avalondi valala vali valia namakhono manyaalu, yaani, aka vachasavire. 3(Sikira Avafarisayo, nende Avayahudi vosi, sivalianga nivachasava amakhono ta, okhulonda emilukha kiavasakhulu. 4Nolu vachula khusoko, sivalia tawe nivasiri khwitakasa. Khuli nemilukha kindi emingi kivalonda, okhwoka evikombe nende eningiro nende evichumikhiro viomukasa.) 5Avafarisayo nende avekesi vamalako vamucheva, “Esikira sina avalondi vavo nivachamenya okhulondana nende emilukha kiavasakhulu nausa valianga namakhono manyaalu?” 6Naye kavawolera, “Ng'ali Isaya kachusa owunabii wang'ali khwinywe avekati, nga viaandikwa,
‘Avanju vano vamba oluyali neminwa,
nausa emioyo kiawe kilialeyi nange.
7Vanyinamira, khulwa wusa
sikira evivekesa milukha kiavanju.’
8Mulekha elako lia Nyasaye, mulonda emilukha kiavanju.”
9Yesu kavawolera, “Muli nengira endayi eyokhwevacha amalako ka Nyasaye, kho mulonde emilukha kienywe! 10Musa kawola, ‘Weresa papa wuwo nende mayi wuwo oluyali’. Nundi kawola, ‘Oyo olomaloma owuvi khu papa wuwe nende mayi wuwe, kenyekha afwe’. 11Nanywe muwola muchi, ‘Niva omunju awolera papa wuwe namwe mayi wuwe, esi mwakhanyoye okhuchula khwise sia Korbani’ (yaani, siweresiwe Nyasaye) 12khanu simumusiwula okhukholera papa wuwe namwe mayi wuwe siosisiosi ta, 13mana muchalasa ekhuwa lia Nyasaye okhuvichira mumilukha eki mwekesa. Nende evinju vindi vichio evimukhola.”
Evinju Vilomba Omunju Ave Omunyaalu
(Mat. 15.10-20)
14Nundi kalanga avanju mana kavawolera, “Mbulire, enywe mwesi, ne mumanyirise. 15Siwumao siosisiosi njie womunju esimwingira siamukhola avomunyaalu, nausa evinju vichula mumunju njevikhola avomunyaalu.” [16Oli namachwi, awulire!] 17Nolu kali nikakhengira munju, nikakhalekha avanju, avalondi vave vamucheva okhulondana nolukaato. 18Ne kavawolera, “Ata mwesi musiri okhumanyirisa? Simuwonakho mbo esingira mumunju okhuchula erwanyi, sisinyala okhumukhola omuvi ta, 19okhuva sisingiranga, mumwoyo kukwe ta nausa munda mumwe mana sichula?” (Ao kakhola wuli esiokhulia esilayi.) 20Kho kawola, “Akachula mumunju njakamulomba omunyaalu. 21Sikira okhuchula mukachi, okhuchula mumwoyo kwomunju, khuchulanga enganakani embi, esifwavi, owivi, owichi, owuheyi 22owekombi, omwoyo muvi, owupala, owuliukhi, ekhinda, owumonyi, eliewona, owusiru. 23Evivi vino viosi vichula mukachi, njevilombanga omunju ava omuvi.”
Esuvira Liomukhasi Mulala
(Mat. 15.21-28)
24Ne okhuchula ao, kenyokha kachia mungongo chia Tiro nende Sidoni. Eyo kengira munju ndala, ne sikenya omunju amanye ta, nichali siwakhamukisise tawe! 25Nausa aonao, omukhasi oyumwana wuwe omukhana kali nesisieno, kawulira aka Yesu, kacha kamukwa mumakulu. 26Khanu omukhasi ono kali Omugiriki, okhuchula Sirofoinike. Kamusava okhuchusa esisieno mumwana wuwe mukhana. 27Khanu Yesu kamuwolera, “Lekha avana vachangire vekuche, sikira siwulayi okhuwukula esiokhulia siavana nosukunire embwa tawe.” 28Nausa omukhasi oyo kamuchipa, “Emanyire Omwami, nichasi atembwa yilianga khuvitonye viavana mulwalo wemesa.” 29Ne kamuwolera, “Khulomaloma lino onyala okhuwao, esisieno sichulire mumwana wuwo mukhana.” 30Kachia engo, kanyola omwana wuwe nakonire khusitanda, esisieno nisichiye.
Yesu Awonia Masiru
31Kho kakoola okhuchula Tiro, kavichira Sidoni, khunyanja ya Galilaya, okhuvichira Dekapoli. 32Vamulechera omusacha owali masiru, sikali anyala okhulomaloma wulayi ta, vamwesaya amuchekho omukhono. 33Kamuwukula yeng'ene okhuchula musituma, kacha enjala chichie mumachwi kake mana kafucha nokhutira khululimi lulwe. 34Kalengera mwikulu, kaera olukali, kamuwolera, “Epfatha,” njokhuwola “Yikukha.” 35Ne amachwi kake kekukha, olulimi lulwe lwa lekhulwa, kalomaloma owulayi 36Ne Yesu kavawolera vachawolera omunju yesiyesi ta, nausa nga katema okhuvakania, ndwolu valandaasa olukali. 37Ne vawuka okhuvicha esikero nivawola, “Kakhakhola evinju viosi owulayi, atakhola masiru vawulira ne avaanda olulimi valomaloma.”
Àwon tá yàn lọ́wọ́lọ́wọ́ báyìí:
Mariko 7: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Mariko 7
7
Amekeso ka Avakuka
(Mat. 15.1-9)
1Khanu Avafarisayo vakhung'ana khuniye, nende valala khuvekesi vamalako, avali nivachulire Yerusalemu, 2vawona mbo avalondi valala vali valia namakhono manyaalu, yaani, aka vachasavire. 3(Sikira Avafarisayo, nende Avayahudi vosi, sivalianga nivachasava amakhono ta, okhulonda emilukha kiavasakhulu. 4Nolu vachula khusoko, sivalia tawe nivasiri khwitakasa. Khuli nemilukha kindi emingi kivalonda, okhwoka evikombe nende eningiro nende evichumikhiro viomukasa.) 5Avafarisayo nende avekesi vamalako vamucheva, “Esikira sina avalondi vavo nivachamenya okhulondana nende emilukha kiavasakhulu nausa valianga namakhono manyaalu?” 6Naye kavawolera, “Ng'ali Isaya kachusa owunabii wang'ali khwinywe avekati, nga viaandikwa,
‘Avanju vano vamba oluyali neminwa,
nausa emioyo kiawe kilialeyi nange.
7Vanyinamira, khulwa wusa
sikira evivekesa milukha kiavanju.’
8Mulekha elako lia Nyasaye, mulonda emilukha kiavanju.”
9Yesu kavawolera, “Muli nengira endayi eyokhwevacha amalako ka Nyasaye, kho mulonde emilukha kienywe! 10Musa kawola, ‘Weresa papa wuwo nende mayi wuwo oluyali’. Nundi kawola, ‘Oyo olomaloma owuvi khu papa wuwe nende mayi wuwe, kenyekha afwe’. 11Nanywe muwola muchi, ‘Niva omunju awolera papa wuwe namwe mayi wuwe, esi mwakhanyoye okhuchula khwise sia Korbani’ (yaani, siweresiwe Nyasaye) 12khanu simumusiwula okhukholera papa wuwe namwe mayi wuwe siosisiosi ta, 13mana muchalasa ekhuwa lia Nyasaye okhuvichira mumilukha eki mwekesa. Nende evinju vindi vichio evimukhola.”
Evinju Vilomba Omunju Ave Omunyaalu
(Mat. 15.10-20)
14Nundi kalanga avanju mana kavawolera, “Mbulire, enywe mwesi, ne mumanyirise. 15Siwumao siosisiosi njie womunju esimwingira siamukhola avomunyaalu, nausa evinju vichula mumunju njevikhola avomunyaalu.” [16Oli namachwi, awulire!] 17Nolu kali nikakhengira munju, nikakhalekha avanju, avalondi vave vamucheva okhulondana nolukaato. 18Ne kavawolera, “Ata mwesi musiri okhumanyirisa? Simuwonakho mbo esingira mumunju okhuchula erwanyi, sisinyala okhumukhola omuvi ta, 19okhuva sisingiranga, mumwoyo kukwe ta nausa munda mumwe mana sichula?” (Ao kakhola wuli esiokhulia esilayi.) 20Kho kawola, “Akachula mumunju njakamulomba omunyaalu. 21Sikira okhuchula mukachi, okhuchula mumwoyo kwomunju, khuchulanga enganakani embi, esifwavi, owivi, owichi, owuheyi 22owekombi, omwoyo muvi, owupala, owuliukhi, ekhinda, owumonyi, eliewona, owusiru. 23Evivi vino viosi vichula mukachi, njevilombanga omunju ava omuvi.”
Esuvira Liomukhasi Mulala
(Mat. 15.21-28)
24Ne okhuchula ao, kenyokha kachia mungongo chia Tiro nende Sidoni. Eyo kengira munju ndala, ne sikenya omunju amanye ta, nichali siwakhamukisise tawe! 25Nausa aonao, omukhasi oyumwana wuwe omukhana kali nesisieno, kawulira aka Yesu, kacha kamukwa mumakulu. 26Khanu omukhasi ono kali Omugiriki, okhuchula Sirofoinike. Kamusava okhuchusa esisieno mumwana wuwe mukhana. 27Khanu Yesu kamuwolera, “Lekha avana vachangire vekuche, sikira siwulayi okhuwukula esiokhulia siavana nosukunire embwa tawe.” 28Nausa omukhasi oyo kamuchipa, “Emanyire Omwami, nichasi atembwa yilianga khuvitonye viavana mulwalo wemesa.” 29Ne kamuwolera, “Khulomaloma lino onyala okhuwao, esisieno sichulire mumwana wuwo mukhana.” 30Kachia engo, kanyola omwana wuwe nakonire khusitanda, esisieno nisichiye.
Yesu Awonia Masiru
31Kho kakoola okhuchula Tiro, kavichira Sidoni, khunyanja ya Galilaya, okhuvichira Dekapoli. 32Vamulechera omusacha owali masiru, sikali anyala okhulomaloma wulayi ta, vamwesaya amuchekho omukhono. 33Kamuwukula yeng'ene okhuchula musituma, kacha enjala chichie mumachwi kake mana kafucha nokhutira khululimi lulwe. 34Kalengera mwikulu, kaera olukali, kamuwolera, “Epfatha,” njokhuwola “Yikukha.” 35Ne amachwi kake kekukha, olulimi lulwe lwa lekhulwa, kalomaloma owulayi 36Ne Yesu kavawolera vachawolera omunju yesiyesi ta, nausa nga katema okhuvakania, ndwolu valandaasa olukali. 37Ne vawuka okhuvicha esikero nivawola, “Kakhakhola evinju viosi owulayi, atakhola masiru vawulira ne avaanda olulimi valomaloma.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024