Mariko 8
8
Yesu Alisa Avanju Eelefu Chine
(Mat. 15.32-39)
1Endalo echio, olu esituma siavanju siakhung'ana, sivali nesinju siokhulia ta, kalanga avalondi vave, kavawolera, 2“Mbonera esituma sino esisa, sikira vakhava ninange khanu endalo chitachu, ne sivalikho nesivalia ta. 3Nivawolera vaweo nenjala, vali khukwa khungira, ne valala khunivo vachulire aleyi.” 4Avalondi vave vamuchipa, “Olisa ochie avanju vano vosi nesiokhulia musiangalmwe muno?” 5Yesu kavacheva, “Muli nemikati kinga?” Vamuwolera, “Saba.” 6Ne kalakirisa esituma okhwikhala aasi. Kawukula emikati saba ekio, kakhupira Nyasaye ochio, kakimekula kakanisa avalondi okhuyira emberi wavanju, ne vayira vakicha emberi wa esituma. 7Ne vali neving'eni evititi, nikakhavisavira, kawola mbo vino viosi vianwe khuvanju. 8Avanju valia vekucha. Vawusa evisonye viatong'a evimwero saba nivichuye. 9Valiwo avanju aambi eelefu chine. 10Kavawolera vaweo, ne naye kengira muliacho navalondi vave, kachia musirekere sia Dalmanutha.
Avafarisayo Venya Esimanyiro
(Mat. 16.1-4)
11Avafarisayo vacha vanja okhuyingana naye, nivenyanga esimanyiro okhuchula mwikulu okhuchula khuniye, okhumutema. 12Kaera olukali mumwoyo, ne kawola, “Esikira sina olwiwulo luno nilutakha esimanyiro? Ng'ali vawolera, siwumao esimanyiro esilwiwulo luno lulikhunyola.” 13Kavalekha, kengira muliacho mana kachekukha kambukha engerekha.
Emera lia Avafarisayo nende Herode
(Mat. 16.5-12)
14Khanu vali veviriye okhukinga emikati ne vali wusa nomukati mulala muliacho. 15Ne kavawolera vechunge, nawola, “Mulengere wulayi, mumanyirise emera lia Avafarisayo nende emera lia Herode.” 16Vachevana avene khuvene, nivawola, “Khuwuma emikati ta.” 17Yesu namanyirisise, kavawolera, “Mbo sina nimuwolana okhuva mbo muwuma esiokhulia? Musiri okhuwona ne mwamanyirisa? Kho emioyo kienywe miomu kichi? 18Muli nemoni nesimuwona, muli namachwi nesimuwulira? Simunechuliranga ta? 19Olu namekula emikati kichanu okhulisa avanju eelefu chichanu, evimwero vinga evievisonye evimwatola?” Vamuwolera, “Ekhumi na viviri.” 20“Ne nakio emikati saba ekialisa avanju eelefu chine, evimwero vinga evievisonye nivichuye?” Vamuwolera, “Saba.” 21Ne kavawolera, “Musiri okhumanyirisa?”
Yesu Awonia Omuofu Bethsaida
22Vacha Bethsaida. Navanju valala vamulechera omusacha muofu, vamwesaya amutirekho. 23Kawukula omukhono kwomuofu oyo, kamuchusa musirekere. Olu kali nikakhafucha khumoni chichie, kamuchakho amakhono, kamucheva, “Oonakho siosisiosi?” 24Naye kalengera kawola, “Mbona avanju, nausa vali siemisala, kikenda.” 25Kho nundi kamuchakho amakhono khumoni chichie, kakhang'asa wulayi, kachanikha okhuwona owulayi. 26Ne kamuchuma achie engo wuwe nawola, “Ochengira ata musirekere ta.”
Elomaloma lia Petero khu Yesu
(Mat. 16.13-20; Lk. 9.18-21)
27Yesu kachianakana navalondi vave okhuchia muvikwenyi via Kaisarea Filipi. Khungira kacheva avalondi vave, “Avanju vawola mbo nise anu?” 28Ne vamuwolera, “Yohana omuvatisi, navandi vawola, Elia, navandi vachi mulala khuvanabii.” 29Ne kavacheva, “Nanywe muwola muchi nise anu?” Petero kamuchipa, “Niwe Kristo.” 30Ne kavalakirisa okhuchawolera khumunju yesiyesi okhulondana ninaye ta.
Yesu Awola khu Khunyasiwa, Nokhufwa
(Mat. 16.21-28; Lk. 9.22-27)
31Ne kachanikha okhuvekesa mbo Omwana womunju okhwola avichire muvinyasio evingi, navasakhulu, navakuhani vakhongo, navekesi vamalako, vali okhumwekana, mana kechwe, nendalo chitachu nichiakhawa asisimukhe. 32Kavawolera awulafu. Naye Petero kamuyira aluveka ne kamufuchira. 33Nausa olu kakalukhana kawona avalondi vave, kafuchira Petero kawola, “Kola enyuma wange, Setani! Sikira suli eluveka wa Nyasaye tawe, nausa ewa avanju.”
34Kalanga esituma navalondi vave, kavawolera, “Niva omunju yesiyesi alikhunondakho, lekha kekane omwene, awukule omusalaba kukwe mana kanonde. 35Sikira yesiyesi otema okhuwonia owulamu wuwe alikhuwukosia. Naye yesiyesi okosia owulamu wuwe esikira yese nende evangeri alikhuwuwonia. 36Nganga sina omunju, okhunyola esialo siosi nakosie owulamu wuwe? 37Siosina esimunju anyala okhuana khulwowulamu wuwe? 38Sikira yesiyesi owumbonera esoni namakhuwa kange mulwiwulo lwowoni luno, ata yesi Omwana womunju alimuwonera esoni, olu alicha muluyali lwasimwana nende engelosi enjwenufu.”
Àwon tá yàn lọ́wọ́lọ́wọ́ báyìí:
Mariko 8: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Mariko 8
8
Yesu Alisa Avanju Eelefu Chine
(Mat. 15.32-39)
1Endalo echio, olu esituma siavanju siakhung'ana, sivali nesinju siokhulia ta, kalanga avalondi vave, kavawolera, 2“Mbonera esituma sino esisa, sikira vakhava ninange khanu endalo chitachu, ne sivalikho nesivalia ta. 3Nivawolera vaweo nenjala, vali khukwa khungira, ne valala khunivo vachulire aleyi.” 4Avalondi vave vamuchipa, “Olisa ochie avanju vano vosi nesiokhulia musiangalmwe muno?” 5Yesu kavacheva, “Muli nemikati kinga?” Vamuwolera, “Saba.” 6Ne kalakirisa esituma okhwikhala aasi. Kawukula emikati saba ekio, kakhupira Nyasaye ochio, kakimekula kakanisa avalondi okhuyira emberi wavanju, ne vayira vakicha emberi wa esituma. 7Ne vali neving'eni evititi, nikakhavisavira, kawola mbo vino viosi vianwe khuvanju. 8Avanju valia vekucha. Vawusa evisonye viatong'a evimwero saba nivichuye. 9Valiwo avanju aambi eelefu chine. 10Kavawolera vaweo, ne naye kengira muliacho navalondi vave, kachia musirekere sia Dalmanutha.
Avafarisayo Venya Esimanyiro
(Mat. 16.1-4)
11Avafarisayo vacha vanja okhuyingana naye, nivenyanga esimanyiro okhuchula mwikulu okhuchula khuniye, okhumutema. 12Kaera olukali mumwoyo, ne kawola, “Esikira sina olwiwulo luno nilutakha esimanyiro? Ng'ali vawolera, siwumao esimanyiro esilwiwulo luno lulikhunyola.” 13Kavalekha, kengira muliacho mana kachekukha kambukha engerekha.
Emera lia Avafarisayo nende Herode
(Mat. 16.5-12)
14Khanu vali veviriye okhukinga emikati ne vali wusa nomukati mulala muliacho. 15Ne kavawolera vechunge, nawola, “Mulengere wulayi, mumanyirise emera lia Avafarisayo nende emera lia Herode.” 16Vachevana avene khuvene, nivawola, “Khuwuma emikati ta.” 17Yesu namanyirisise, kavawolera, “Mbo sina nimuwolana okhuva mbo muwuma esiokhulia? Musiri okhuwona ne mwamanyirisa? Kho emioyo kienywe miomu kichi? 18Muli nemoni nesimuwona, muli namachwi nesimuwulira? Simunechuliranga ta? 19Olu namekula emikati kichanu okhulisa avanju eelefu chichanu, evimwero vinga evievisonye evimwatola?” Vamuwolera, “Ekhumi na viviri.” 20“Ne nakio emikati saba ekialisa avanju eelefu chine, evimwero vinga evievisonye nivichuye?” Vamuwolera, “Saba.” 21Ne kavawolera, “Musiri okhumanyirisa?”
Yesu Awonia Omuofu Bethsaida
22Vacha Bethsaida. Navanju valala vamulechera omusacha muofu, vamwesaya amutirekho. 23Kawukula omukhono kwomuofu oyo, kamuchusa musirekere. Olu kali nikakhafucha khumoni chichie, kamuchakho amakhono, kamucheva, “Oonakho siosisiosi?” 24Naye kalengera kawola, “Mbona avanju, nausa vali siemisala, kikenda.” 25Kho nundi kamuchakho amakhono khumoni chichie, kakhang'asa wulayi, kachanikha okhuwona owulayi. 26Ne kamuchuma achie engo wuwe nawola, “Ochengira ata musirekere ta.”
Elomaloma lia Petero khu Yesu
(Mat. 16.13-20; Lk. 9.18-21)
27Yesu kachianakana navalondi vave okhuchia muvikwenyi via Kaisarea Filipi. Khungira kacheva avalondi vave, “Avanju vawola mbo nise anu?” 28Ne vamuwolera, “Yohana omuvatisi, navandi vawola, Elia, navandi vachi mulala khuvanabii.” 29Ne kavacheva, “Nanywe muwola muchi nise anu?” Petero kamuchipa, “Niwe Kristo.” 30Ne kavalakirisa okhuchawolera khumunju yesiyesi okhulondana ninaye ta.
Yesu Awola khu Khunyasiwa, Nokhufwa
(Mat. 16.21-28; Lk. 9.22-27)
31Ne kachanikha okhuvekesa mbo Omwana womunju okhwola avichire muvinyasio evingi, navasakhulu, navakuhani vakhongo, navekesi vamalako, vali okhumwekana, mana kechwe, nendalo chitachu nichiakhawa asisimukhe. 32Kavawolera awulafu. Naye Petero kamuyira aluveka ne kamufuchira. 33Nausa olu kakalukhana kawona avalondi vave, kafuchira Petero kawola, “Kola enyuma wange, Setani! Sikira suli eluveka wa Nyasaye tawe, nausa ewa avanju.”
34Kalanga esituma navalondi vave, kavawolera, “Niva omunju yesiyesi alikhunondakho, lekha kekane omwene, awukule omusalaba kukwe mana kanonde. 35Sikira yesiyesi otema okhuwonia owulamu wuwe alikhuwukosia. Naye yesiyesi okosia owulamu wuwe esikira yese nende evangeri alikhuwuwonia. 36Nganga sina omunju, okhunyola esialo siosi nakosie owulamu wuwe? 37Siosina esimunju anyala okhuana khulwowulamu wuwe? 38Sikira yesiyesi owumbonera esoni namakhuwa kange mulwiwulo lwowoni luno, ata yesi Omwana womunju alimuwonera esoni, olu alicha muluyali lwasimwana nende engelosi enjwenufu.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024