Mariko 12
12
Olukaato Lwomukunda kwa Emisabibu nende Avakotisi
(Mat. 21.33-46; Lk. 20.9-19)
1Yesu Kanja okhuwola ninavo mungaato. “Omusacha mulala kachaka omukunda kwemisabibu, kakusichira, kayava owina wokhuting'a, kombakha omunara, mana kakotisa omukunda okwo khuvakotisi, kachia musialo sindi. 2Olu evise viola, kachuma omukhalavani khuvakotisi avo, anyole okhuchula khunivo khuviamo viomukanda kwemisabibu. 3Avakotisi vamuwukula, vamukhupa, vamutimania makhono merere. 4Nundi kavachumira omukhalavani wundi, naye vamwacha olukuma nokhumukholera eviesoni. 5Kachuma omukhalavani wundi, naye vamwicha, kho viava vichio navandi avangi, valala vavakhupa navandi vecha. 6Ne kali atong'ire nende mulala, omwana musime, kera kamuchuma khunivo, nawola ‘Valikhuria omwana wange.’ 7Nausa avakotisi avo vawolerana, ‘Ono njokoola khumiandu kikie, kende, khumwiche, omukavo kwemiandu kuno kuve kwefwe.’ 8Vamuwukula vamwicha, vamusukuna erwanyi womukunda kwemisabibu. 9Siosina simwene mukunda kwemisabibu achia okhukhola? Alikhwicha nachuseo avakotisi avo, nawerese omukunda kwemisabibu avandi. 10Simwasomakho amaandiko kano ta:
‘Ekina elio elivombakhi valova
liakhava esiiro.
11Lino liali ekhola lia Omwami,
nalio liokhuwukia mumoni chiefwe’?”
12Vatema okhumutira, nausa varia esituma, sikira vamanya mbo awoye olukaato luno khunivo, kho vamulekha vachulao.
Echeva Khukhuchunga Owusuru khu Kaisari
(Mat. 22.15-22; Lk. 20.20-26)
13Vamuchumira valala khu Avafarisayo nende avo avomukanda kwa Herode, okhumucheka mwilomaloma lilie. 14Ne vacha vamuwolera, “Omwekesi, khumanyire mbo oli wowung'ali, ne suenderanga omunju, sikira sulondanga owukali wavanju, ne ng'ali wekesanga engira ya Nyasaye. Yiri ng'ali okhuchunga owusuru khu Kaisari namwe tawe? 15Kenyekha khuvachunge namwe tawe?” Namanyirenge owekati wawe, kavawolera, “Esikira sina nimundema? Ndechere esiringi, eyirengerekho.” 16Vamulechera ndala. Naye kavacheva, “Ekondo nende ouwandike vino vianu?” Vamuwolera, “Via Kaisari.” 17Yesu kavawolera, “Weresa Kaisari evinju via Kaisari, ne Nyasaye evinju via Nyasaye.” Vamala vamuwukira.
Echeva Okhulondana nende Esisimukha
(Mat. 22.22-33; Lk. 20.27-40)
18Avasadukayo vamuchiakho, avawola mbo esisimukha liwumao. Vacha vamucheva, nivawola, 19“Omwekesi, Musa kachuandikira mbo niva wandaye yomunju afwa nalekhe omukhasi, ne sialekhirekho omwana ta, omunju oyo kenyekha awukule omukhasi oyo, mana kewulire wandaye avana. 20Valio avawandaye saba. Owamberi kayira omukhasi, nolu kafwa sikalekhakho khumwana ta. 21Owakhaviri kamukoosa, ne yesi kafwa, sikalekha khumwana ta, owa khatachu yesi achio, 22vosi saba sivalekha khumwana ta. Olunyuma omukhasi oyo yesi kamala afwe. 23Musisimukha, aliva omukhasi wanu? Sikira vosi saba vali vamutesia.”
24Yesu kavawolera, “Kano njakakira ni mukoyana, mbo simumanyire amaandiko namwe amaani ka Nyasaye ta? 25Sikira olu valisisimukha okhuchula muvafu, avanju sivayirana namwe okhuvayira ta okhuvera vachiakhuva ngengelosi mwikulu. 26Okhulondana navafu okhusisimuswa, muchasomakho musitau sia Musa, musitonye siwola akesisichu siya, nga Nyasaye kamuwolera, ‘Nise Nyasaye wa Abrahamu, Nyasaye wa Isaka, nende Nyasaye wa Yakopo’? 27Siali Nyasaye wavafwa ta, nausa avamenyire. Ano muli awuleka po!”
Elako Ekali
(Mat. 22.34-40; Lk. 10.25-28)
28Mulala khuvekesi vamalako kacha ne kawulira nivayingana avene, nolu kawona mbo avachipire owulayi, kamucheva, “Lako sina eliaamberi khu kosi?” 29Yesu kamuchipa, “Eliamberi nje, ‘Wulira, ewe Israeli: Omwami Nyasaye wefwe, Omwami ali mulala. 30Sima Omwami Nyasaye wuwo nomwoyo kukwo kwosi, nende eroho yiyo yosi, nende enganakani chichio chiosi, nende amaani kako kosi.’ 31Elia khaviri nje lino, ‘Osime omumenywa wuwo nga wamwene.’ Liwumao elako lindi okhukhira kano.” 32Omuaandiki wamalako kamuwolera, “Oli ng'ali, Omwekesi, owoye awene mbo ali mulala, nawumao owundi nichali niye ta. 33Okhumusima nomwoyo kwosi, nende emanyirisa liosi, nende amaani kosi, nende okhusima omumenywa wuwo nga wamwene, vikali okhuvicha evianwa viokhuchiinwa viosi nende evitiso.” 34Olu Yesu kawona mbo achipire nowukesi, kamuwolera, “Suli aleyi nowami wa Nyasaye ta.” Ako nikakhawa, awumao owatema okhumucheva echeva liosiliosi ta.
Echeva Okhulondana nende Masiya
(Mat. 22.41-46; Lk. 20.41-44)
35Nga Yesu kali nikekesa mu Etemperi kawola, “Avekesi vamalako vakhawola vachie mbo Kristo musoliri wa Daudi? 36Daudi mwene ni kemiriywe nende Roho Muchwenufu kawola awulafu,
‘Omwami kawolera Omwami wange,
Yikhala khumukhono kwange omulungi,
okhwola enje avasiku vavo aasi wamakulu kako.’
Yesu Akesiya Avanju Okhulondana nende Avekesi Vamalako
(Mat. 23.1-36; Lk. 20.45-47)
37“Daudi omwene amulanga achi Omwami, khanu ava achie omwana wuwe?” Esituma siamuwulira nowusangafu. 38Mumekeso kake kawola, “Muve meso khuvekesi vamalako, avasima okhukenda nende enguo chiowukusi, nende okhukhesana musoko 39nende evisala vilayi mumasinagogi nende owikhalo woluyali musao. 40Vaminirisa enju chia namulekhwa ne mukhwikatia, valomba amasayo amaleyi. Valinyola ekhalakira ekali.”
Echusa lia Mayi Namulekhwa
(Lk. 21.1-4)
41Kekhala aasi nalengeye evikhiro, kalengera omukanda nikucha esende chiawe muvikhiro. Avanju vayinda avangi vachamo esende enyingi. 42Namulekhwa mulala omumanani kacha, kachamo evimingiri viviri eviefesa, evilomba eng'ondo. 43Kalanga avalondi vave kavawolera, “Ng'ali yene vawolera enywe, namulekhwa ono omumanani achayemo okhuvicha vosi avanaananga muvikhiro. 44Sikira vosi vaanire okhuchula muwungi wevivali navyo, nausa omukhasi ono okhuchula muwumanani wuwe achayemo wulisinju siali nasio, emenya lilie liosi.”
Àwon tá yàn lọ́wọ́lọ́wọ́ báyìí:
Mariko 12: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Mariko 12
12
Olukaato Lwomukunda kwa Emisabibu nende Avakotisi
(Mat. 21.33-46; Lk. 20.9-19)
1Yesu Kanja okhuwola ninavo mungaato. “Omusacha mulala kachaka omukunda kwemisabibu, kakusichira, kayava owina wokhuting'a, kombakha omunara, mana kakotisa omukunda okwo khuvakotisi, kachia musialo sindi. 2Olu evise viola, kachuma omukhalavani khuvakotisi avo, anyole okhuchula khunivo khuviamo viomukanda kwemisabibu. 3Avakotisi vamuwukula, vamukhupa, vamutimania makhono merere. 4Nundi kavachumira omukhalavani wundi, naye vamwacha olukuma nokhumukholera eviesoni. 5Kachuma omukhalavani wundi, naye vamwicha, kho viava vichio navandi avangi, valala vavakhupa navandi vecha. 6Ne kali atong'ire nende mulala, omwana musime, kera kamuchuma khunivo, nawola ‘Valikhuria omwana wange.’ 7Nausa avakotisi avo vawolerana, ‘Ono njokoola khumiandu kikie, kende, khumwiche, omukavo kwemiandu kuno kuve kwefwe.’ 8Vamuwukula vamwicha, vamusukuna erwanyi womukunda kwemisabibu. 9Siosina simwene mukunda kwemisabibu achia okhukhola? Alikhwicha nachuseo avakotisi avo, nawerese omukunda kwemisabibu avandi. 10Simwasomakho amaandiko kano ta:
‘Ekina elio elivombakhi valova
liakhava esiiro.
11Lino liali ekhola lia Omwami,
nalio liokhuwukia mumoni chiefwe’?”
12Vatema okhumutira, nausa varia esituma, sikira vamanya mbo awoye olukaato luno khunivo, kho vamulekha vachulao.
Echeva Khukhuchunga Owusuru khu Kaisari
(Mat. 22.15-22; Lk. 20.20-26)
13Vamuchumira valala khu Avafarisayo nende avo avomukanda kwa Herode, okhumucheka mwilomaloma lilie. 14Ne vacha vamuwolera, “Omwekesi, khumanyire mbo oli wowung'ali, ne suenderanga omunju, sikira sulondanga owukali wavanju, ne ng'ali wekesanga engira ya Nyasaye. Yiri ng'ali okhuchunga owusuru khu Kaisari namwe tawe? 15Kenyekha khuvachunge namwe tawe?” Namanyirenge owekati wawe, kavawolera, “Esikira sina nimundema? Ndechere esiringi, eyirengerekho.” 16Vamulechera ndala. Naye kavacheva, “Ekondo nende ouwandike vino vianu?” Vamuwolera, “Via Kaisari.” 17Yesu kavawolera, “Weresa Kaisari evinju via Kaisari, ne Nyasaye evinju via Nyasaye.” Vamala vamuwukira.
Echeva Okhulondana nende Esisimukha
(Mat. 22.22-33; Lk. 20.27-40)
18Avasadukayo vamuchiakho, avawola mbo esisimukha liwumao. Vacha vamucheva, nivawola, 19“Omwekesi, Musa kachuandikira mbo niva wandaye yomunju afwa nalekhe omukhasi, ne sialekhirekho omwana ta, omunju oyo kenyekha awukule omukhasi oyo, mana kewulire wandaye avana. 20Valio avawandaye saba. Owamberi kayira omukhasi, nolu kafwa sikalekhakho khumwana ta. 21Owakhaviri kamukoosa, ne yesi kafwa, sikalekha khumwana ta, owa khatachu yesi achio, 22vosi saba sivalekha khumwana ta. Olunyuma omukhasi oyo yesi kamala afwe. 23Musisimukha, aliva omukhasi wanu? Sikira vosi saba vali vamutesia.”
24Yesu kavawolera, “Kano njakakira ni mukoyana, mbo simumanyire amaandiko namwe amaani ka Nyasaye ta? 25Sikira olu valisisimukha okhuchula muvafu, avanju sivayirana namwe okhuvayira ta okhuvera vachiakhuva ngengelosi mwikulu. 26Okhulondana navafu okhusisimuswa, muchasomakho musitau sia Musa, musitonye siwola akesisichu siya, nga Nyasaye kamuwolera, ‘Nise Nyasaye wa Abrahamu, Nyasaye wa Isaka, nende Nyasaye wa Yakopo’? 27Siali Nyasaye wavafwa ta, nausa avamenyire. Ano muli awuleka po!”
Elako Ekali
(Mat. 22.34-40; Lk. 10.25-28)
28Mulala khuvekesi vamalako kacha ne kawulira nivayingana avene, nolu kawona mbo avachipire owulayi, kamucheva, “Lako sina eliaamberi khu kosi?” 29Yesu kamuchipa, “Eliamberi nje, ‘Wulira, ewe Israeli: Omwami Nyasaye wefwe, Omwami ali mulala. 30Sima Omwami Nyasaye wuwo nomwoyo kukwo kwosi, nende eroho yiyo yosi, nende enganakani chichio chiosi, nende amaani kako kosi.’ 31Elia khaviri nje lino, ‘Osime omumenywa wuwo nga wamwene.’ Liwumao elako lindi okhukhira kano.” 32Omuaandiki wamalako kamuwolera, “Oli ng'ali, Omwekesi, owoye awene mbo ali mulala, nawumao owundi nichali niye ta. 33Okhumusima nomwoyo kwosi, nende emanyirisa liosi, nende amaani kosi, nende okhusima omumenywa wuwo nga wamwene, vikali okhuvicha evianwa viokhuchiinwa viosi nende evitiso.” 34Olu Yesu kawona mbo achipire nowukesi, kamuwolera, “Suli aleyi nowami wa Nyasaye ta.” Ako nikakhawa, awumao owatema okhumucheva echeva liosiliosi ta.
Echeva Okhulondana nende Masiya
(Mat. 22.41-46; Lk. 20.41-44)
35Nga Yesu kali nikekesa mu Etemperi kawola, “Avekesi vamalako vakhawola vachie mbo Kristo musoliri wa Daudi? 36Daudi mwene ni kemiriywe nende Roho Muchwenufu kawola awulafu,
‘Omwami kawolera Omwami wange,
Yikhala khumukhono kwange omulungi,
okhwola enje avasiku vavo aasi wamakulu kako.’
Yesu Akesiya Avanju Okhulondana nende Avekesi Vamalako
(Mat. 23.1-36; Lk. 20.45-47)
37“Daudi omwene amulanga achi Omwami, khanu ava achie omwana wuwe?” Esituma siamuwulira nowusangafu. 38Mumekeso kake kawola, “Muve meso khuvekesi vamalako, avasima okhukenda nende enguo chiowukusi, nende okhukhesana musoko 39nende evisala vilayi mumasinagogi nende owikhalo woluyali musao. 40Vaminirisa enju chia namulekhwa ne mukhwikatia, valomba amasayo amaleyi. Valinyola ekhalakira ekali.”
Echusa lia Mayi Namulekhwa
(Lk. 21.1-4)
41Kekhala aasi nalengeye evikhiro, kalengera omukanda nikucha esende chiawe muvikhiro. Avanju vayinda avangi vachamo esende enyingi. 42Namulekhwa mulala omumanani kacha, kachamo evimingiri viviri eviefesa, evilomba eng'ondo. 43Kalanga avalondi vave kavawolera, “Ng'ali yene vawolera enywe, namulekhwa ono omumanani achayemo okhuvicha vosi avanaananga muvikhiro. 44Sikira vosi vaanire okhuchula muwungi wevivali navyo, nausa omukhasi ono okhuchula muwumanani wuwe achayemo wulisinju siali nasio, emenya lilie liosi.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024