Luka 4
4
Okhutemwa khwa Yesu
(Mat. 4.1-11; Mrk. 1.12-13)
1Yesu kakoola okhuchula mumwalo kwa Yordani nikechuye Roho Muchwenufu. 2Khulwendalo amakhumi kane musichimi, katemwa ni Setani, ne sikalia khusiokhulia endalo echio tawe, nolu chiawa kali nenjala. 3Setani kamuwolera, “Niva mbo oli Omwana wa Nyasaye, lakirisa amakina kano kekhole esiokhulia.” 4Yesu kamuchipa, “Liaandikwa, omunju siamenyanga khulwesiokhulia siong'ene tawe.”
5Setani kamuyira awunju wamukulu, ne kamwekesa owami womusialo wosi muvise vititi, 6kamuwolera, “Khwiwe njia okhuana owunyali nende owukhumi wawe, esikira waanwa khwise ne enyala okhuwa oyu nenya. 7Nunyala wanyinamira vino viosi vichiokhuva evivio.”
8Yesu kamuchipa, “Liaandikwa,
‘Winamire Omwami wuwo Nyasaye,
Nemukhalavanire yeng'ene.’ ”
9Nundi kamuyira Yerusalemu, ne kamucha khusisuli sia Etemperi ne kamuwolera, “Nuli Omwana wa Nyasaye, suna okhuchula khuno okwe aasi, 10esikira liaandikwa,
‘Achia okhulakirisa engelosi chichie okhukhulinda,’ 11ne nundi
‘Mumakhono kawe vachia okhukhuwukula, ochacha wekumula okhukulu khukhwo khukina tawe.’”
12Yesu kamuchipa, “Liaandikwa, ‘Ochatema Omwami Nyasaye wuwo tawe.’ ” 13Nolu Setani kali nikakhamala okhumutema mungira chiosi kamulekha khulwevise.
Yesu Achanikha Emilimo kikie Galilaya
(Mat. 4.12-17; Mrk. 1.14-15)
14Yesu kakoola Galilaya nikechuye owunyali wa Roho Muchwenufu, ne efuma yiye yawulirikha mulukongo lwosi. 15Kekesa avanju musinagogi, ne vosi vamufumia olukali.
Yesu Alovwa Nazareti
(Mat. 13.53-58; Mrk. 6.1-6)
16Kacha Nazareti, eyikakhulira, ne kengira musinagogi, endalo ya Sabato nga liali eva lilie, ne kenyokha okhusoma. 17Ne vamuwa esitau sia omunabii Isaya. Kekula kanyola awunju aavaandika,
18“Roho wa Omwami ali khwise,
esikira kambakhire amafucha okhwirwacha amakhuwa malayi khuvamanani.
Kanjumire okhwirwacha okhukangululwa khwavawoywa
nokhuwona khwavaofu,
nokhunanula avaminikha,
19okhwirwacha omwaka kwafukirirwa kwa Omwami.”
20Kekala esitau, kakoosera omukhalavani, kekhala, nemoni chiavanju vosi musinagogi chiamulengera. 21Kanja okhuvawolera, “Nyingayino eandiko lino liekholekhire mukhuwulira khwenywe.” 22Vosi vawola amalayi khuniye, vawuka amakhuwa malayi akachula mumunwa wuwe, vawola, “Ono sinje omwana wa Yosefu?”
23Kavawolera, “Muli khumbolera olukano luno, ‘Omusirikhi yewonia wamwene,’ aka khwawuliye wakhola Kafarnaumu, kholakho mulukongo lulwo luno.” 24Nekachianakana okhuvawolera, “Ng'ali yene vawolera, awumao omunabii ofukirirwanga musialo sisie tawe. 25Nausa owang'ali vawolera, valiwo namulekhwa avangi mu Israeli endalo chia Elia, olu ekulu liekala khulwemiaka kitachu nemiesi sita, olunjala engali yaluma musialo siosi. 26Naye Elia sikachumwa khuwundi tawe nichali Serefati, musialo sia Sidoni khumukhasi wali namulekhwa. 27Ne khwali nende avamakere avangi mu Israeli endalo chia omunabii Elisha, nawumao owalaviwa, nachali Naamani Omusiria.”
28Olu vawulira kano, vosi avali Musinagogi vatirwa nechima. 29Vamutira vamukhwesa vamuyira erwanyi wetookho, ne vamuninia khulukinga lwa esikulu sietookho elivali nivombakha, mbo vamutupe aasi akwire omuchwe. 30Nausa kavicha akachi wawe kavachulamo.
Omunju wali nende Esisieno
(Mrk. 1.21-28)
31Kamala kekha Kafernaumu, etookho lia Galilaya. Kali avekesa khulutalo lwa Sabato. 32Vawuka khumekeso kake, esikira ekhuwa lilie liali nowunyali. 33Musinagogi kalimo omunju wali nesisieno, kayula amukulu, 34“Ewe wenya sina khwifwe, Yesu wa Nazareti? Wakhacha okhuchusisia? Emanyire mboniwe anu, oli Omuchwenufu wa Nyasaye.” 35Yesu kafuchira esisieno nawola, “Wulera! Nomuchulemo,” khanu esisieno esio nisiakhamala okhukwisa omunju oyo aasi siamuchulamo nisichamuwumisa.
36Avanju vosi vawuka ne vawolana, “Khuwa sina lino? Nowunyali namaani ayivira evisieno nevichula erwanyi!” 37Ne efuma ya Yesu yalanda mulukongo.
Yesu Awonia Avanju Avangi
(Mat. 8.14-17; Mrk. 1.29-34)
38Kenyokha kachula musinagogi, ne kengira munju ya Simoni. Ne mayi masala wa Simoni kali alwala okuyaka okululu, ne vamusava amuwonie. 39Yesu kema aambi naye kafuchira okuyaka, ne kwamuchulamo, mana mayi oyo kenyokha kanja okhuvatenda.
40Khanu olu enyanga yali niyikwa, avo avali navalwaye, vowulwaye lukano nalukano vavalecha khu Yesu, ne kavachakho amakhono khu siawuli mulala ne kavawonia vosi. 41Evisieno viachula muvangi, nivikukuula, “Niwe Omwana wa Nyasaye!” Kaviyivira, sikavilekhera vilomalome tawe sikira viali vimanyire mbo nje kristo.
Yesu Kerwacha Musinagogi
(Mrk. 1.35-39)
42Noluwanukha kachekukha kachia awunju yeng'ene, avanju vamutakha ne vamunyola, nevenya okhumukhayirakho achavalekha tawe. 43Nausa kavawolera, “Kenyekha njie nirwache amakhuwa malayi akowami wa Nyasaye mumatookho kandi, nachumwa khulwesifune esio.” 44Kerwacha musinagogi chia Yudea.
Àwon tá yàn lọ́wọ́lọ́wọ́ báyìí:
Luka 4: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 4
4
Okhutemwa khwa Yesu
(Mat. 4.1-11; Mrk. 1.12-13)
1Yesu kakoola okhuchula mumwalo kwa Yordani nikechuye Roho Muchwenufu. 2Khulwendalo amakhumi kane musichimi, katemwa ni Setani, ne sikalia khusiokhulia endalo echio tawe, nolu chiawa kali nenjala. 3Setani kamuwolera, “Niva mbo oli Omwana wa Nyasaye, lakirisa amakina kano kekhole esiokhulia.” 4Yesu kamuchipa, “Liaandikwa, omunju siamenyanga khulwesiokhulia siong'ene tawe.”
5Setani kamuyira awunju wamukulu, ne kamwekesa owami womusialo wosi muvise vititi, 6kamuwolera, “Khwiwe njia okhuana owunyali nende owukhumi wawe, esikira waanwa khwise ne enyala okhuwa oyu nenya. 7Nunyala wanyinamira vino viosi vichiokhuva evivio.”
8Yesu kamuchipa, “Liaandikwa,
‘Winamire Omwami wuwo Nyasaye,
Nemukhalavanire yeng'ene.’ ”
9Nundi kamuyira Yerusalemu, ne kamucha khusisuli sia Etemperi ne kamuwolera, “Nuli Omwana wa Nyasaye, suna okhuchula khuno okwe aasi, 10esikira liaandikwa,
‘Achia okhulakirisa engelosi chichie okhukhulinda,’ 11ne nundi
‘Mumakhono kawe vachia okhukhuwukula, ochacha wekumula okhukulu khukhwo khukina tawe.’”
12Yesu kamuchipa, “Liaandikwa, ‘Ochatema Omwami Nyasaye wuwo tawe.’ ” 13Nolu Setani kali nikakhamala okhumutema mungira chiosi kamulekha khulwevise.
Yesu Achanikha Emilimo kikie Galilaya
(Mat. 4.12-17; Mrk. 1.14-15)
14Yesu kakoola Galilaya nikechuye owunyali wa Roho Muchwenufu, ne efuma yiye yawulirikha mulukongo lwosi. 15Kekesa avanju musinagogi, ne vosi vamufumia olukali.
Yesu Alovwa Nazareti
(Mat. 13.53-58; Mrk. 6.1-6)
16Kacha Nazareti, eyikakhulira, ne kengira musinagogi, endalo ya Sabato nga liali eva lilie, ne kenyokha okhusoma. 17Ne vamuwa esitau sia omunabii Isaya. Kekula kanyola awunju aavaandika,
18“Roho wa Omwami ali khwise,
esikira kambakhire amafucha okhwirwacha amakhuwa malayi khuvamanani.
Kanjumire okhwirwacha okhukangululwa khwavawoywa
nokhuwona khwavaofu,
nokhunanula avaminikha,
19okhwirwacha omwaka kwafukirirwa kwa Omwami.”
20Kekala esitau, kakoosera omukhalavani, kekhala, nemoni chiavanju vosi musinagogi chiamulengera. 21Kanja okhuvawolera, “Nyingayino eandiko lino liekholekhire mukhuwulira khwenywe.” 22Vosi vawola amalayi khuniye, vawuka amakhuwa malayi akachula mumunwa wuwe, vawola, “Ono sinje omwana wa Yosefu?”
23Kavawolera, “Muli khumbolera olukano luno, ‘Omusirikhi yewonia wamwene,’ aka khwawuliye wakhola Kafarnaumu, kholakho mulukongo lulwo luno.” 24Nekachianakana okhuvawolera, “Ng'ali yene vawolera, awumao omunabii ofukirirwanga musialo sisie tawe. 25Nausa owang'ali vawolera, valiwo namulekhwa avangi mu Israeli endalo chia Elia, olu ekulu liekala khulwemiaka kitachu nemiesi sita, olunjala engali yaluma musialo siosi. 26Naye Elia sikachumwa khuwundi tawe nichali Serefati, musialo sia Sidoni khumukhasi wali namulekhwa. 27Ne khwali nende avamakere avangi mu Israeli endalo chia omunabii Elisha, nawumao owalaviwa, nachali Naamani Omusiria.”
28Olu vawulira kano, vosi avali Musinagogi vatirwa nechima. 29Vamutira vamukhwesa vamuyira erwanyi wetookho, ne vamuninia khulukinga lwa esikulu sietookho elivali nivombakha, mbo vamutupe aasi akwire omuchwe. 30Nausa kavicha akachi wawe kavachulamo.
Omunju wali nende Esisieno
(Mrk. 1.21-28)
31Kamala kekha Kafernaumu, etookho lia Galilaya. Kali avekesa khulutalo lwa Sabato. 32Vawuka khumekeso kake, esikira ekhuwa lilie liali nowunyali. 33Musinagogi kalimo omunju wali nesisieno, kayula amukulu, 34“Ewe wenya sina khwifwe, Yesu wa Nazareti? Wakhacha okhuchusisia? Emanyire mboniwe anu, oli Omuchwenufu wa Nyasaye.” 35Yesu kafuchira esisieno nawola, “Wulera! Nomuchulemo,” khanu esisieno esio nisiakhamala okhukwisa omunju oyo aasi siamuchulamo nisichamuwumisa.
36Avanju vosi vawuka ne vawolana, “Khuwa sina lino? Nowunyali namaani ayivira evisieno nevichula erwanyi!” 37Ne efuma ya Yesu yalanda mulukongo.
Yesu Awonia Avanju Avangi
(Mat. 8.14-17; Mrk. 1.29-34)
38Kenyokha kachula musinagogi, ne kengira munju ya Simoni. Ne mayi masala wa Simoni kali alwala okuyaka okululu, ne vamusava amuwonie. 39Yesu kema aambi naye kafuchira okuyaka, ne kwamuchulamo, mana mayi oyo kenyokha kanja okhuvatenda.
40Khanu olu enyanga yali niyikwa, avo avali navalwaye, vowulwaye lukano nalukano vavalecha khu Yesu, ne kavachakho amakhono khu siawuli mulala ne kavawonia vosi. 41Evisieno viachula muvangi, nivikukuula, “Niwe Omwana wa Nyasaye!” Kaviyivira, sikavilekhera vilomalome tawe sikira viali vimanyire mbo nje kristo.
Yesu Kerwacha Musinagogi
(Mrk. 1.35-39)
42Noluwanukha kachekukha kachia awunju yeng'ene, avanju vamutakha ne vamunyola, nevenya okhumukhayirakho achavalekha tawe. 43Nausa kavawolera, “Kenyekha njie nirwache amakhuwa malayi akowami wa Nyasaye mumatookho kandi, nachumwa khulwesifune esio.” 44Kerwacha musinagogi chia Yudea.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024