Luka 3
3
Elirwacha lia Yohana Omuvatisi
(Mat. 3.1-12; Mrk. 1.1-8; Yoh. 1.19-28)
1Mumwaka kwa ekhumi nakichanu muwuchuki wa Tiberio Kaisari, Pontio Pilato nali gavana wolukongo lwa Yudea, Herode nali omuchuki wa Galilaya, nomusoliri wawe Filipo nali omuchuki ewuleka wa Iturea nende Trakoniti, naye Lusania nali omuchuki wa Abileni. 2Endalo echio Anasi nende Kayafa njavali avakuhani vakhongo, ekhuwa lia Nyasaye liamwichira Yohana omwana wa Sakaria musichimi. 3Kachia embeka chiosi echikavana nende Yordani, ne kerwacha owuvatiso wokhwekanira nende okhulekherwa owoni. 4Nga liaandikwa musitau sia nabii Isaya,
“Omwoyo kulangirisa musichimi,
lombe engira ya Omwami,
Kololose engira yiye.
5Amatoma kosi kachia okhukingulwa,
siawuli sikulu nende esiiri sichia okhwiswa aasi,
Eyekota yichia okhukololokha,
Embalafu yichia okhuva engwalafu;
6Avanju vosi vachia okhuwona owuwonia wa Nyasaye.”
7Ne kawolera esituma siavanju vali nivachiye avavatise, “Enywe olwiwulo lwenjukha! Njanu ovakesiyisie mwirukhe owutinyu wicha? 8Yekese amatunda kekesa mbo mwikaniye, muchanja okhwewolera, ‘Khuli nende Abrahamu nga papa wefwe,’ sikira vawolera, Nyasaye anyala okhulomba olwiwulo lwa Abrahamu okhuchula khumakina kano. 9Ne ata evise vino eaywa yiri musisikha siemisala, wuli musala kuchama amatunda malayi kuchemwa nokhusukunwa mumuliro.”
10Esituma siavanju vamucheva, “khukhole khuchie khanu?” 11Ne kavachipa, “Oyo oli nenguo chiviri akavekho omunju owuma, naye oli nesiokhulia yesi akhole achio.” 12Avachosi vowusuru vosi vacha okhuvatiswa, ne vamucheva, “Omwekesi, khukhole khuchie?” 13Naye kavawolera, “Ochachosa okhuvichirira esikero sivachao tawe.” 14Navo avamahe vamucheva, “Nefwe khukhole sina?” Kavachipa, “Muchanula omunju esinju namaani tawe, namwe musitake omunju muwuveyi tawe, ne munyalikhe nende omuchungo kwenywe.”
15Nga avanju vali nivakanakana, ne vosi vanja okhwecheva mumioyo kiawe okhulondana ni Yohana, mbo awundi nje Kristo. 16Yohana kavachipa vosi, “Ese vavatisa mumachi, nausa oyo omukali okhumbicha alikho kacha oyu njenyekha ngangulule esiya chieviracho vivie tawe, niye achia okhuvavatisa nende Roho Muchwenufu nomuliro. 17Ali nende oluteru lulwe mumakhono, ne nikakheya awokhuwulira, nende okhuwusa engaano yiye musiaki, ne eng'unda nayo, achia okhuyisamba mumuliro kuchasima.”
18Kho nende amakerako mangi, kerwachira avanju amakhuwa malayi. 19Nausa Yohana kafuchira omuchuki Herode, nakooye khu Herodia omukhasi wa wandaye, alala nende amavi kosi aka Herode kali kakhola. 20Ne Herode konona olukali olu kacha Yohana musiwoo.
Okhuvatiswa khwa Yesu
(Mat. 3.13-17; Mrk. 1.9-11)
21Khanu avanju vosi olu vali nivamalire okhuvatiswa, nolu Yesu yesi kali ni kakhavatiswa ne kali asala, ekulu liekukha, 22ne Roho Muchwenufu kamwikhira muva liamburuku, nomwoyo kwawulirikha okhuchula mwikulu, “Ewe niwe Omwana wange omusime.”
Olwiwulo lwa Yesu
(Mat. 1.1-17)
23Yesu olukanja owukhalavani wuwe, kali nemiaka amakhumi katachu, nali omwana wa Yosefu wa Heli. 24Heli kali omwana wa Mathati, omwana wa Lawi, omwana wa Melki, omwana wa Yanai, omwana wa Yosefu, 25Owali omwana wa Matathiya, omwana wa Amosi, omwana wa Nahumu, omwana wa Hesli, omwana wa Nagai, 26Omwana wa Maathi, omwana wa Matathia, omwana wa Shemeni, omwana wa Yoseki, omwana wa Yuda, 27omwana wa Yohanani, omwana wa Resa, omwana wa Zerubabeli, omwana wa Shealtieli, omwana wa Neri, 28omwana wa Meleki, omwana wa Adi, omwana wa Kosamu, omwana wa Elmadamu, omwana wa Eri, 29owali omwana wa Yoshua, omwana wa Eliezeri, omwana wa Yorimu, omwana wa Mathati, omwana wa Lawi, 30owali omwana wa Simioni, omwana wa Yuda, omwana wa Yosefu, omwana wa Yonamu, omwana wa Eliakimu, 31owali omwana wa Melea, omwana wa Mena, omwana wa Matatha, omwana wa Nathani, omwana wa Daudi, 32owali omwana wa Yese, omwana wa Obedi, omwana wa Boazi, omwana wa Salmoni, omwana wa Nashoni, 33owali omwana wa Aminadabu, omwana wa Admini, omwana wa Arni, omwana wa Hesroni, omwana wa Peresi, omwana wa Yuda, 34owali omwana wa Yakopo, omwana wa Isaka, omwana wa Abrahamu, omwana wa Tera, omwana wa Nahori, 35owali omwana wa Serugi, omwana wa Reu, omwana wa Pelegi, omwana wa Eberi, omwana wa Sala, 36owali omwana wa Kainamu, omwana wa Arfaksadi, omwana wa Shemu, omwana wa Noa, omwana wa Lameki, 37owali omwana wa Methusela, omwana wa Henoka, omwana wa Yaredi, omwana wa Mahalaleli, omwana wa Kainamu, 38owali omwana wa Enoshi, omwana wa Sethi, omwana wa Adamu, owali Omwana wa Nyasaye.
Àwon tá yàn lọ́wọ́lọ́wọ́ báyìí:
Luka 3: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 3
3
Elirwacha lia Yohana Omuvatisi
(Mat. 3.1-12; Mrk. 1.1-8; Yoh. 1.19-28)
1Mumwaka kwa ekhumi nakichanu muwuchuki wa Tiberio Kaisari, Pontio Pilato nali gavana wolukongo lwa Yudea, Herode nali omuchuki wa Galilaya, nomusoliri wawe Filipo nali omuchuki ewuleka wa Iturea nende Trakoniti, naye Lusania nali omuchuki wa Abileni. 2Endalo echio Anasi nende Kayafa njavali avakuhani vakhongo, ekhuwa lia Nyasaye liamwichira Yohana omwana wa Sakaria musichimi. 3Kachia embeka chiosi echikavana nende Yordani, ne kerwacha owuvatiso wokhwekanira nende okhulekherwa owoni. 4Nga liaandikwa musitau sia nabii Isaya,
“Omwoyo kulangirisa musichimi,
lombe engira ya Omwami,
Kololose engira yiye.
5Amatoma kosi kachia okhukingulwa,
siawuli sikulu nende esiiri sichia okhwiswa aasi,
Eyekota yichia okhukololokha,
Embalafu yichia okhuva engwalafu;
6Avanju vosi vachia okhuwona owuwonia wa Nyasaye.”
7Ne kawolera esituma siavanju vali nivachiye avavatise, “Enywe olwiwulo lwenjukha! Njanu ovakesiyisie mwirukhe owutinyu wicha? 8Yekese amatunda kekesa mbo mwikaniye, muchanja okhwewolera, ‘Khuli nende Abrahamu nga papa wefwe,’ sikira vawolera, Nyasaye anyala okhulomba olwiwulo lwa Abrahamu okhuchula khumakina kano. 9Ne ata evise vino eaywa yiri musisikha siemisala, wuli musala kuchama amatunda malayi kuchemwa nokhusukunwa mumuliro.”
10Esituma siavanju vamucheva, “khukhole khuchie khanu?” 11Ne kavachipa, “Oyo oli nenguo chiviri akavekho omunju owuma, naye oli nesiokhulia yesi akhole achio.” 12Avachosi vowusuru vosi vacha okhuvatiswa, ne vamucheva, “Omwekesi, khukhole khuchie?” 13Naye kavawolera, “Ochachosa okhuvichirira esikero sivachao tawe.” 14Navo avamahe vamucheva, “Nefwe khukhole sina?” Kavachipa, “Muchanula omunju esinju namaani tawe, namwe musitake omunju muwuveyi tawe, ne munyalikhe nende omuchungo kwenywe.”
15Nga avanju vali nivakanakana, ne vosi vanja okhwecheva mumioyo kiawe okhulondana ni Yohana, mbo awundi nje Kristo. 16Yohana kavachipa vosi, “Ese vavatisa mumachi, nausa oyo omukali okhumbicha alikho kacha oyu njenyekha ngangulule esiya chieviracho vivie tawe, niye achia okhuvavatisa nende Roho Muchwenufu nomuliro. 17Ali nende oluteru lulwe mumakhono, ne nikakheya awokhuwulira, nende okhuwusa engaano yiye musiaki, ne eng'unda nayo, achia okhuyisamba mumuliro kuchasima.”
18Kho nende amakerako mangi, kerwachira avanju amakhuwa malayi. 19Nausa Yohana kafuchira omuchuki Herode, nakooye khu Herodia omukhasi wa wandaye, alala nende amavi kosi aka Herode kali kakhola. 20Ne Herode konona olukali olu kacha Yohana musiwoo.
Okhuvatiswa khwa Yesu
(Mat. 3.13-17; Mrk. 1.9-11)
21Khanu avanju vosi olu vali nivamalire okhuvatiswa, nolu Yesu yesi kali ni kakhavatiswa ne kali asala, ekulu liekukha, 22ne Roho Muchwenufu kamwikhira muva liamburuku, nomwoyo kwawulirikha okhuchula mwikulu, “Ewe niwe Omwana wange omusime.”
Olwiwulo lwa Yesu
(Mat. 1.1-17)
23Yesu olukanja owukhalavani wuwe, kali nemiaka amakhumi katachu, nali omwana wa Yosefu wa Heli. 24Heli kali omwana wa Mathati, omwana wa Lawi, omwana wa Melki, omwana wa Yanai, omwana wa Yosefu, 25Owali omwana wa Matathiya, omwana wa Amosi, omwana wa Nahumu, omwana wa Hesli, omwana wa Nagai, 26Omwana wa Maathi, omwana wa Matathia, omwana wa Shemeni, omwana wa Yoseki, omwana wa Yuda, 27omwana wa Yohanani, omwana wa Resa, omwana wa Zerubabeli, omwana wa Shealtieli, omwana wa Neri, 28omwana wa Meleki, omwana wa Adi, omwana wa Kosamu, omwana wa Elmadamu, omwana wa Eri, 29owali omwana wa Yoshua, omwana wa Eliezeri, omwana wa Yorimu, omwana wa Mathati, omwana wa Lawi, 30owali omwana wa Simioni, omwana wa Yuda, omwana wa Yosefu, omwana wa Yonamu, omwana wa Eliakimu, 31owali omwana wa Melea, omwana wa Mena, omwana wa Matatha, omwana wa Nathani, omwana wa Daudi, 32owali omwana wa Yese, omwana wa Obedi, omwana wa Boazi, omwana wa Salmoni, omwana wa Nashoni, 33owali omwana wa Aminadabu, omwana wa Admini, omwana wa Arni, omwana wa Hesroni, omwana wa Peresi, omwana wa Yuda, 34owali omwana wa Yakopo, omwana wa Isaka, omwana wa Abrahamu, omwana wa Tera, omwana wa Nahori, 35owali omwana wa Serugi, omwana wa Reu, omwana wa Pelegi, omwana wa Eberi, omwana wa Sala, 36owali omwana wa Kainamu, omwana wa Arfaksadi, omwana wa Shemu, omwana wa Noa, omwana wa Lameki, 37owali omwana wa Methusela, omwana wa Henoka, omwana wa Yaredi, omwana wa Mahalaleli, omwana wa Kainamu, 38owali omwana wa Enoshi, omwana wa Sethi, omwana wa Adamu, owali Omwana wa Nyasaye.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024