Walawi Ulongoleru
Ulongoleru
Shitabu sha walawi shinyawitwi kwa lagalira ya Mlungu yakawapananiti Waisraeli kupitira Musa. Lilagaliru ali litakulira tambiku ya kulunguziwa na kwanja guwira munumba nkulu ya Mlungu. Shisoweru sha Walawi mana yakuyi “Ligoya lya Walawi” Likabira ali liweriti muisraeli. Lisyagulitwi na Mlungu kuwera watambika na walolela wa Numba Nkulu ya Mlungu. Shitamaduni, wafunda wajimira kuwera handa shitabu ashi sha Walawi na vitabu vyamonga vigona ndo avi Lyanjiru, Kulawa, Walanga na Liholu lya Lagiru) Shilembitwi na mbuyi gwa Mlungu Musa. Avi hatwizi kuviwona mvipandi vyavilisyaguliti vyeni, toziya mirandu ya Walawi yanja kwa kulonga shisoweru sha Mlungu shimyoweleriti Musa (Wala 1:1) wamonga wajimira handa vitabu vimonga viweriti vipatikaniti muvisoweru vya kwanja mukarini ya 5-6 pamberi pa Yesu kwiwuka Mubabiloni. Mushanjiru sha shitabu ashi sha Lawi hatubetuli kuusu litambiku lya kulunguziya. Gamonga galii Mlungu kulagalira kwa Wambuyi wakuyi. Zimu za tambiku zilawirana na vidoda vya wantu na tambiku zimonga zilaviwitwi kwa wantu wamonga toziya wantu wamfira Mlungu. Mushira shintu, shashiweriti sha mana kwa muntu kulaviya tambiku, pota likosa. Ayi ilanguziya ntambu ya uweru wa Mtuwa Mlungu. Shipandi sha upeleru sha shitabu shilanguziya ntambu gaa Waisraeli na wambuyi wa Mtuwa Mlungu wasigaliti, waherepa ama wiziti kuwera waherepa. Mana nkulu ya shitabu ashi sha Mlungu ndo uweru na shitabu ashi shifata Lagiru. Waisraeli walikaliti kwa makakala ga Mlungu.
YAGAWERAAMU
Shipandi sha 1 mpaka sha 7 shilaviya lagalira na ntambu ya kulaviya tambiku.
Shipandi sha 8 mpaka sha 10 shilonga ntambu gaa Aruni na wana wakuyi wasyagulitwi kuwera wambuyi wa Mlungu.
Shipandi sha 11 mpaka 16 shilanguziya Lagiru kuusu shiboga shiherepa na shiboga shidoda viraa na malweri.
Shipandi ashi sha 17 mpaka 27 shitakulira malagalira gamonga kuusu ntambu ya kuliya shiboga na misambu, ntambu iherepa na vinja vya kwoyera.
Àwon tá yàn lọ́wọ́lọ́wọ́ báyìí:
Walawi Ulongoleru: PBV
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Bible version in the Pogoro Language. @The Word for The World International and Pogoro Language translation. All rights reserved.