Bielínyélínyé Nibíŋínín ná mbɔbɔnɔ
Nibíŋínín ná mbɔbɔnɔ
Mbɔbɔnɔ eye guɔ́yɔ buól Ɛsámb yá Mefúny máal ká ídúlid giɔ́b gá beédéb. Gɔdányá máal giɔ́b gá beédéb uwond uwegumenyi gɛ́ na bielínyélínyé bá bedúmeb, band ɔbɔ́ Yésu maádɔ́mán anyɛ bél bɛ́laluá bág. Lukasa umɔɔ́ŋɔ Ndág ya Nsɔ́m ya Lukasa na Bielínyélínyé bá bedúmeb. Umabá dɔ́bítɔ wa ɔgɔn. Lukasa gubanyɛgan guɔ́ŋɔ mbɔbɔnɔ eye kɔɔ́m ɔgɔ́ ɔmbɔbɔnɔ wág wóbúsió mananá, ány ewe bányɛ́ganá na gulumenen ugú Yésu méelúménén na bafɔ́nɔfɔ́n bág, umáman guanyɔg agá ebeguén. Umáal gɔ́b ká, Ɛsámb yá Mefúny goyog guselin bɔ́ gá guéŋin bɔ́ bugaga bá gubá béli wɔ́ gɛ́laluá (1.8). Lukasa mɔyɔ́ ninama ɛnɛ́ bafɔ́nɔfɔ́n móofuógí bisúŋígín bá Yésu. Ɛsámb yá Mefúny máal ímásiáma, abáb gá gúdúmbenyi Ndág ya Nsɔ́m Yelósalɛm (2–7), agá Yudé na Samalí (8–12) gɔb guám agá nsúgie ya gus (13–28). Bafɔ́nɔfɔ́n mabanyɛ́g, gudúmbenyi Ndág ya Nsɔ́m gɔɔ́gɔ́ aga Beyúdɛn gusúg. Gɔg, agá 10, Gɔdányá medíyé Piéle ká, gisódio nyɛ gá mɔnd gidigid. Gudúm ány agá giɔ́b gá beédéb igiány, ugúsaná Beyúdɛn na ebe bádiábá Beyúdɛn ká nigúl na Yésu banyɛg. Mɔnd anɛ Sɔ́lɔ uwabɛndɛmɛd ká badɔ́máb dialá buól bɔ́b, Gɔdányá uwenúgi wɔ́. Sɔ́lɔ umáabá ɔmbɛlɛmbɛ́l uwasɛɛ́y ɔfɔ́nɔfɔ́n wá Yésu Kilíse, agá gélem ány uwabia ɔfɛ́n ká Pólo. Gɔdányá gudɔ́m wɔ́ ká, wuúl udúmbényi Ndág ya Nsɔ́m menyí menyí agá ebe bádiábá Beyúdɛn. Lukasa mɛɛ́y ogúl gul wa Pólo wa buól. Búguánɛ́gaan nɔ́ agá dulia dúndodi agá mbɔbɔnɔ eye. Uguɔ́yɔ ká (basuá), búbɔ́ búdíyenyé ká umabá ɔlɔŋ na Pólo (16.10-17; 20–21; 27.1–28.16).
Àwon tá yàn lọ́wọ́lọ́wọ́ báyìí:
Bielínyélínyé Nibíŋínín ná mbɔbɔnɔ: MMU2
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL