Mata 5
5
Yesu a ghwal zlap ata barla
1Aya maa Yesu a gəre hejəye vəram əy kandaha ara mbe ca, a tev anta ŋ barla, a nja ka a təwse. A dəwze anta ca, madarlaŋw anta ege əy ndaha ara mbe. 2A təwse ca, a ŋta zlap, a sasərakzata.
Laghwal zlap ata zəhay
3Aya, a zlepetene, a ŋgaya: Zəhay mbəy ata hejəye ma kasan tata metetekw ege, ŋ unaf tata ege, mavəday, Lazam bay ma mgba ata uzlaf ca, mala a tata.
4Zəhay mbəy ata hejəye ma kahan ege, mavəday Gazlavay a nedeɓetene unaf aka!
5Zəhay mbəy ata hejəye ma ɗekɗek ege, mavəday Gazlavay a neveletene hayak ana maa a zlap!
6Zəhay mbəy ata hejəye maa metes a kajata ŋ la səkan maa Gazlavay a kaɗawata ege, mavəday, əy nelem səkan anta!
7Zəhay mbəy ata hejəye ma kasan hahar ata hejəye, mavəday Gazlavay a nesenzetene hahar!
8Zəhay mbəy ata hejəye maa unaf tata ege əy keweɗ, mavəday əy negəre Gazlavay!
9Zəhay mbəy ata hejəye ma kampam ŋ javata hejəye ŋ nja a zəhay ege, mavəday Gazlavay a nayata a uzəye anta ege!
10Zəhay mbəy ata hejəye maa əy kesetene gef ege, mavəday əy kala səkan ma taŋtaŋ. Ayaw, Lazam bay ma mgba ata uzlaf ca, mala a tata!
11Zəhay mbəy ata hune, hune hejəye maa əy karahune ege, maa əy kasahune gef leŋ maa əy kazla metəwle ata hune, a zlap ma kadak səkwaw ege, mavəday maa hune kálamza ma naka aza! 12Hune sasam mambaza, mavəday Gazlavay káslahune laŋtar ma dakal aka mgba ata uzlaf. Cemey, əy setene gef ŋ uzəye ma zlap ma mala Gazlavay ma mpar aha hune ege ca, ana ebe ŋghe.
Ata mabanban ey leweɗ
13Hune ca, hune mabanban mala manhayak ege. Cemey, mada mabanban anta barbar zeney səkwaw ca, əy nasan ŋ zenzene ma barbar anta ka zeney ca, vaŋgay? Mabanban anta ca, kadak zeney səkwaw, əy natamza aza a bəza, hejəye əy nadak ŋgas a heɗe.
14Hune ca, hune hejəye ma keweɗ la ege ŋ manhayak. Uzam malamalam ata barla ca, a kedeh səkwaw. 15Ɗala a kenef kwahwaw ata patarla ŋ ca ka asa ɗawar ca, askwaw! A naca ka ca, ata səkan ma ata ca patarla ndar a weɗ la ata hejəye ma ata varvara ge ege tewtew. 16Ana ebe ŋghe, səy hune weɗ la a tama hejəye, ndar əy gəre zlan ŋkune ma taŋtaŋ ege, əy həmanza Cehw ŋkune Gazlavay ma mgba ata uzlaf.
Yesu a ghwal zlap ata ma maŋkanaŋkan mala Musa
17Hune ɗaw ŋ deŋza, sa ndaha ca, ŋ pal ma maŋkanaŋkan mala Musa leŋ zlap maa uzəye ma zlap ma mala Gazlavay ege, əy ghwalza səkwaw. Sa kándaha ŋ palzata aza askwaw, cemey, sa ndaha ca, ŋ ghwelzetene ma ŋgha anta ŋ hejəye, a heɗe a heɗe. 18Sa kazlapahune njenjəwen, mada, ata la ma ata uzlaf ey la ma ata hayak əy nja tata ca, kaw əy kanapal ma maŋkanaŋkan aza askwaw. Kaw leŋter ma pa ma pəzekw, kaw leŋter ma kwesleh ca, kaw əy kanaŋtaza askwaw, ha hwas ata laŋtakw manhayak. 19Ɗala maa kásəbar ma maŋkanaŋkan kaw ma pa ma pəzekw ŋ taba ma maŋkanaŋkan ege askwaw leŋ maa kásasərakzata hejəye ŋ la ana mbe ca, a nala ŋ ɗala ma pa ma pəzekw ŋ Lazam bay ma mgba ata uzlaf. Cemey mada ɗala a kasəbar ma maŋkanaŋkan, a kesesərekzetene ma anta ŋ hejəye vedəye ŋ law, ana mbe ca, a nala ŋ ɗala ma dakal ŋ Lazam bay ma mgba ata uzlaf. 20Cemey, sa kazlapahune, mada hune kala səkan ma taŋtaŋ ege day aha maa maghwal ma maŋkanaŋkan ege ey Farəysa ege əy kalata askwaw ca, hune kanala kula ŋ dam ŋ Lazam bay ma mgba ata uzlaf səkwaw.
Yesu a ghwal zlap ata laghwaɗ unaf
21Yesu a zlap, a ŋgaya: Hune kézləme, əy kézlepetene ŋ jeje ŋtakwaw ege ma zlezle, əy ŋgaya: Hwa ɗaw ŋ ja ɗala səkwaw. Kaw vayay, ma ja ɗala ca, əy nejeɓza a tama maja guma ege. 22Cemey, sa ca, sa kazlapahune, kaw vayay, ma ghwaɗ unaf ata zlaŋgan ca, əy nejeɓza a tama maja guma. Kaw vayay ma zlepene ŋ zlaŋgan: Hwa gaɗaŋ! Ca, əy nejeɓza ata laja guma. Kaw vayay, ma zlepene ŋ zlaŋgan: Hwa kawak ca, ga ŋ nahza ŋ kwahwaw ma kamac səkwaw. 23Ana ebe ŋghe, mada hwa kanda a tama Gazlavay ŋ velene səkan ata la ma ata ɗəbesene səkan, a təwse, mada hwa késenzene, zlanahw a kaghwaɗ unaf ata hwa ca, 24yakza səkan maa hwa dene ŋ Gazlavay wese aka a tama la ma ata ɗəbesene səkan wese, nda ara zlanahw, hune zenza ma ŋkune aza, amba, hwa zenha, hwa velene səkan ŋkwa ŋ Gazlavay. 25«Mada ɗala káŋkəɗawahwaw aza, a kejeɓzahwaw ata laja guma ca, hune vas ŋ lamza ma ŋkune aka maa hune ata taf kwagwa. Mada askwaw ca, a nejeɓzahwaw ara maja guma, maja guma a nejeɓzahwaw ara sawje ege, aya, sawje ege yam, əy nanahzahwaw ŋ daŋgay. 26Sa kazlapahwaw, njenjəwen, hwa kanadamha aza a təwse askwaw, səy hwa maŋtar səlay maa əy zlahwaw wese aza tewtew.
Yesu a ghwal zlap ata laŋta kusam a bəza
27Yesu, a zlap zeney, a ŋgaya: Hune kézləme, əy kazlap, əy ŋgaya: “Hwa ɗaw ŋ ŋta kusam a bəza səkwaw.” 28Cemey, sa ca, sa kazlapahune: Mada matakwam kaja ɗala ata wala heje wende ca, wese ca, heje anta káŋta kusam aza a bəza a wala wese ŋ unaf anta. 29Mada nje kəva zam ŋkwa ma kabaɗzahwaw ŋ la gay ca, hweslekza, nahza aza gədak a hwa. Cemey, zukwan lazav kusam ŋkwa teŋguleŋ mefətek anta, aha maa əy kananahza kusam ŋkwa aza tewtew ŋ kwahwaw ma kamac səkwaw. 30Mada ra zam ŋkwa ma baɗzahwaw ŋ la gay ca, razlza, nahza aza gədak a hwa. Zukwan lazav kusam ŋkwa teŋguleŋ mefətek, aha maa əy kananahza kusam ŋkwa aza tewtew ŋ kwahwaw ma kamac səkwaw.
Yesu a ghwal zlap ata lagam wala
31Yesu a zlap, a ŋgaya: Hune kézləme, əy kazlap, zeney, əy ŋgaya: “Kaw vayay ma gam wala anta aza ca, səy meŋterene ɗerewel asa ra ŋ ghwalza ca, kágamza.” 32Cemey, sa ca, sa kazlapahune: Kaw vayay ma gam wala anta aza, mada kéndewzene a kaŋta kusam a bəza askwaw ca, heje anta a ŋcakwza wala anta ŋ ŋta kusam a bəza. Mada ɗala a ŋta wala maa mawal anta kágamaza aza ca, heje anta káŋta kusam a bəza yam.
Yesu a ghwal zlap ata lemeɗ
33Yesu a zlap, a ŋgaya: Hune kézləme zeney, əy kézlepetene ŋ jeje ŋtakwaw ege, əy ŋgaya: “Hwa ɗaw ŋ meɗ ata metəwle səkwaw. Cemey, səy hwa la səkan maa hwa meɗ aza a tama bay Madakal, ŋ law.” 34Cemey, a naka ca, sa kazlapahune, hune ɗaw ŋ meɗ səkwaw. Hune ɗaw ŋ meɗ a la ma ata uzlaf səkwaw, mavəday, ara lanja mala Gazlavay. 35Hune ɗaw ŋ meɗ a hayak səkwaw, mavəday ara laca ŋgas mala Gazlavay. Hune ɗaw ŋ meɗ a Urusaləyma səkwaw, mavəday ara uzam mala Gazlavay, Bay Madakal. 36Hune ɗaw ŋ meɗ a ha ŋkune ege səkwaw yam, mavəday hune kula ŋ bawza jukwaɗ ha ŋkune teŋguleŋ aza, a ma pepeɗek, askwaw ca, a ma dakənak, səkwaw. 37Mada ma anta a nja ana mbe ca, hune zlap, a nja ana mbe. Cemey, mada ma anta a nja ana mbe səkwaw ca, hune zlap, a nja ana mbe səkwaw. Ma maa hune kanazlap day aha ebe ŋghe ca, a ndaha aka ara Malula.
Yesu a ghwal zlap ata laman gay
38Yesu a zlap, a ŋgaya: Hune kézləme, əy kazlap, əy ŋgaya: “Mada ɗala kájaslahwaw nje ŋkwa aza ca, səy hwa jeslene mala anta aza yam. Mada ɗala káŋgahwaw zləɗeŋ ŋkwa aza ca, səy hwa ŋgene mala anta aza yam.” 39Cemey, a naka ca, sa kazlapahune, mada ɗala kálahune gay ca, hune ɗaw ŋ man səkwaw. Karba mada ɗala a jahwaw ata barzlazlam kəva zam ca, bewzene barzlazlam kəva gula zeney. 40Mada ɗala a kaɗaw ŋ jeɓzahwaw ata laja guma mavəday a ɗaw ŋ pəraslahwaw ɗeŋkece ŋkwa aza ca, yakza maŋta garawal ŋkwa zeney. 41Mada ɗala a ŋgaya: “Kulakw tewekey kwalaŋgway naka ŋghe ege tete kəylawmeter teŋguleŋ” ca, tewene kəylawmeter gbak. 42Mada ɗala a ɗawzahwaw a səkan ca, velene. Mada ɗala a ɗaw ŋ ja duwa ara hwa ca, hwa ɗaw ŋ bewzene dəwze səkwaw.
Hune ɗawata hejəye ma kaɗaw ŋ gəre hune ata nje səkwaw ege
43Yesu a zlap zeney, a ŋgaya: Hune kézləme, əy kazlap zeney, əy ŋgaya: “Ɗaw mesleje ŋkwa, hwa ɗaw ŋ ɗaw ɗala ma kaɗaw ŋ gərehwaw ata nje səkwaw, səkwaw.” 44Cemey, a naka ca, sa kazlapahune, hune ɗawata hejəye ma kaɗaw ŋ gərehune ata nje səkwaw ege, hune rak Gazlavay ata hejəye ma kasahune gef ege. 45Ndar hune la ŋkune ŋ uzəye mala Cehw ŋkune ma mgba ata uzlaf ege. Cemey, mbe ca, a kazlar pes anta ata hejəye dadawar ege leŋ ata hejəye ma taŋtaŋ ege, a kaɗa van ata hejəye ma kala səkan ma taŋtaŋ ege leŋ ata hejəye ma kala səkan ma dadawar ege. 46Mada hune ɗaw hejəye ma kaɗawahune ege gagaha ca, wese ca, səkan maa hune kahəbar Gazlavay a ŋtarahune zeney ca, vemey? Kaw macak budaw ege, əy kalaw, ana mbe yam. 47Mada hune zlepzetene ŋ van ŋkune ege gagaha ca, hune la zlan ma taŋtaŋ vekey? Kaw hejəye ma kasan Gazlavay ege səkwaw, əy kalaw, ana mbe yam. 48Cemey, hune nja hune hejəye ma kala səkan a heɗe a heɗe ege, ana Cehw ŋkune ma mgba ata uzlaf ma kala səkan a heɗe a heɗe yam.»
Àwon tá yàn lọ́wọ́lọ́wọ́ báyìí:
Mata 5: BHS
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL
Mata 5
5
Yesu a ghwal zlap ata barla
1Aya maa Yesu a gəre hejəye vəram əy kandaha ara mbe ca, a tev anta ŋ barla, a nja ka a təwse. A dəwze anta ca, madarlaŋw anta ege əy ndaha ara mbe. 2A təwse ca, a ŋta zlap, a sasərakzata.
Laghwal zlap ata zəhay
3Aya, a zlepetene, a ŋgaya: Zəhay mbəy ata hejəye ma kasan tata metetekw ege, ŋ unaf tata ege, mavəday, Lazam bay ma mgba ata uzlaf ca, mala a tata.
4Zəhay mbəy ata hejəye ma kahan ege, mavəday Gazlavay a nedeɓetene unaf aka!
5Zəhay mbəy ata hejəye ma ɗekɗek ege, mavəday Gazlavay a neveletene hayak ana maa a zlap!
6Zəhay mbəy ata hejəye maa metes a kajata ŋ la səkan maa Gazlavay a kaɗawata ege, mavəday, əy nelem səkan anta!
7Zəhay mbəy ata hejəye ma kasan hahar ata hejəye, mavəday Gazlavay a nesenzetene hahar!
8Zəhay mbəy ata hejəye maa unaf tata ege əy keweɗ, mavəday əy negəre Gazlavay!
9Zəhay mbəy ata hejəye ma kampam ŋ javata hejəye ŋ nja a zəhay ege, mavəday Gazlavay a nayata a uzəye anta ege!
10Zəhay mbəy ata hejəye maa əy kesetene gef ege, mavəday əy kala səkan ma taŋtaŋ. Ayaw, Lazam bay ma mgba ata uzlaf ca, mala a tata!
11Zəhay mbəy ata hune, hune hejəye maa əy karahune ege, maa əy kasahune gef leŋ maa əy kazla metəwle ata hune, a zlap ma kadak səkwaw ege, mavəday maa hune kálamza ma naka aza! 12Hune sasam mambaza, mavəday Gazlavay káslahune laŋtar ma dakal aka mgba ata uzlaf. Cemey, əy setene gef ŋ uzəye ma zlap ma mala Gazlavay ma mpar aha hune ege ca, ana ebe ŋghe.
Ata mabanban ey leweɗ
13Hune ca, hune mabanban mala manhayak ege. Cemey, mada mabanban anta barbar zeney səkwaw ca, əy nasan ŋ zenzene ma barbar anta ka zeney ca, vaŋgay? Mabanban anta ca, kadak zeney səkwaw, əy natamza aza a bəza, hejəye əy nadak ŋgas a heɗe.
14Hune ca, hune hejəye ma keweɗ la ege ŋ manhayak. Uzam malamalam ata barla ca, a kedeh səkwaw. 15Ɗala a kenef kwahwaw ata patarla ŋ ca ka asa ɗawar ca, askwaw! A naca ka ca, ata səkan ma ata ca patarla ndar a weɗ la ata hejəye ma ata varvara ge ege tewtew. 16Ana ebe ŋghe, səy hune weɗ la a tama hejəye, ndar əy gəre zlan ŋkune ma taŋtaŋ ege, əy həmanza Cehw ŋkune Gazlavay ma mgba ata uzlaf.
Yesu a ghwal zlap ata ma maŋkanaŋkan mala Musa
17Hune ɗaw ŋ deŋza, sa ndaha ca, ŋ pal ma maŋkanaŋkan mala Musa leŋ zlap maa uzəye ma zlap ma mala Gazlavay ege, əy ghwalza səkwaw. Sa kándaha ŋ palzata aza askwaw, cemey, sa ndaha ca, ŋ ghwelzetene ma ŋgha anta ŋ hejəye, a heɗe a heɗe. 18Sa kazlapahune njenjəwen, mada, ata la ma ata uzlaf ey la ma ata hayak əy nja tata ca, kaw əy kanapal ma maŋkanaŋkan aza askwaw. Kaw leŋter ma pa ma pəzekw, kaw leŋter ma kwesleh ca, kaw əy kanaŋtaza askwaw, ha hwas ata laŋtakw manhayak. 19Ɗala maa kásəbar ma maŋkanaŋkan kaw ma pa ma pəzekw ŋ taba ma maŋkanaŋkan ege askwaw leŋ maa kásasərakzata hejəye ŋ la ana mbe ca, a nala ŋ ɗala ma pa ma pəzekw ŋ Lazam bay ma mgba ata uzlaf. Cemey mada ɗala a kasəbar ma maŋkanaŋkan, a kesesərekzetene ma anta ŋ hejəye vedəye ŋ law, ana mbe ca, a nala ŋ ɗala ma dakal ŋ Lazam bay ma mgba ata uzlaf. 20Cemey, sa kazlapahune, mada hune kala səkan ma taŋtaŋ ege day aha maa maghwal ma maŋkanaŋkan ege ey Farəysa ege əy kalata askwaw ca, hune kanala kula ŋ dam ŋ Lazam bay ma mgba ata uzlaf səkwaw.
Yesu a ghwal zlap ata laghwaɗ unaf
21Yesu a zlap, a ŋgaya: Hune kézləme, əy kézlepetene ŋ jeje ŋtakwaw ege ma zlezle, əy ŋgaya: Hwa ɗaw ŋ ja ɗala səkwaw. Kaw vayay, ma ja ɗala ca, əy nejeɓza a tama maja guma ege. 22Cemey, sa ca, sa kazlapahune, kaw vayay, ma ghwaɗ unaf ata zlaŋgan ca, əy nejeɓza a tama maja guma. Kaw vayay ma zlepene ŋ zlaŋgan: Hwa gaɗaŋ! Ca, əy nejeɓza ata laja guma. Kaw vayay, ma zlepene ŋ zlaŋgan: Hwa kawak ca, ga ŋ nahza ŋ kwahwaw ma kamac səkwaw. 23Ana ebe ŋghe, mada hwa kanda a tama Gazlavay ŋ velene səkan ata la ma ata ɗəbesene səkan, a təwse, mada hwa késenzene, zlanahw a kaghwaɗ unaf ata hwa ca, 24yakza səkan maa hwa dene ŋ Gazlavay wese aka a tama la ma ata ɗəbesene səkan wese, nda ara zlanahw, hune zenza ma ŋkune aza, amba, hwa zenha, hwa velene səkan ŋkwa ŋ Gazlavay. 25«Mada ɗala káŋkəɗawahwaw aza, a kejeɓzahwaw ata laja guma ca, hune vas ŋ lamza ma ŋkune aka maa hune ata taf kwagwa. Mada askwaw ca, a nejeɓzahwaw ara maja guma, maja guma a nejeɓzahwaw ara sawje ege, aya, sawje ege yam, əy nanahzahwaw ŋ daŋgay. 26Sa kazlapahwaw, njenjəwen, hwa kanadamha aza a təwse askwaw, səy hwa maŋtar səlay maa əy zlahwaw wese aza tewtew.
Yesu a ghwal zlap ata laŋta kusam a bəza
27Yesu, a zlap zeney, a ŋgaya: Hune kézləme, əy kazlap, əy ŋgaya: “Hwa ɗaw ŋ ŋta kusam a bəza səkwaw.” 28Cemey, sa ca, sa kazlapahune: Mada matakwam kaja ɗala ata wala heje wende ca, wese ca, heje anta káŋta kusam aza a bəza a wala wese ŋ unaf anta. 29Mada nje kəva zam ŋkwa ma kabaɗzahwaw ŋ la gay ca, hweslekza, nahza aza gədak a hwa. Cemey, zukwan lazav kusam ŋkwa teŋguleŋ mefətek anta, aha maa əy kananahza kusam ŋkwa aza tewtew ŋ kwahwaw ma kamac səkwaw. 30Mada ra zam ŋkwa ma baɗzahwaw ŋ la gay ca, razlza, nahza aza gədak a hwa. Zukwan lazav kusam ŋkwa teŋguleŋ mefətek, aha maa əy kananahza kusam ŋkwa aza tewtew ŋ kwahwaw ma kamac səkwaw.
Yesu a ghwal zlap ata lagam wala
31Yesu a zlap, a ŋgaya: Hune kézləme, əy kazlap, zeney, əy ŋgaya: “Kaw vayay ma gam wala anta aza ca, səy meŋterene ɗerewel asa ra ŋ ghwalza ca, kágamza.” 32Cemey, sa ca, sa kazlapahune: Kaw vayay ma gam wala anta aza, mada kéndewzene a kaŋta kusam a bəza askwaw ca, heje anta a ŋcakwza wala anta ŋ ŋta kusam a bəza. Mada ɗala a ŋta wala maa mawal anta kágamaza aza ca, heje anta káŋta kusam a bəza yam.
Yesu a ghwal zlap ata lemeɗ
33Yesu a zlap, a ŋgaya: Hune kézləme zeney, əy kézlepetene ŋ jeje ŋtakwaw ege, əy ŋgaya: “Hwa ɗaw ŋ meɗ ata metəwle səkwaw. Cemey, səy hwa la səkan maa hwa meɗ aza a tama bay Madakal, ŋ law.” 34Cemey, a naka ca, sa kazlapahune, hune ɗaw ŋ meɗ səkwaw. Hune ɗaw ŋ meɗ a la ma ata uzlaf səkwaw, mavəday, ara lanja mala Gazlavay. 35Hune ɗaw ŋ meɗ a hayak səkwaw, mavəday ara laca ŋgas mala Gazlavay. Hune ɗaw ŋ meɗ a Urusaləyma səkwaw, mavəday ara uzam mala Gazlavay, Bay Madakal. 36Hune ɗaw ŋ meɗ a ha ŋkune ege səkwaw yam, mavəday hune kula ŋ bawza jukwaɗ ha ŋkune teŋguleŋ aza, a ma pepeɗek, askwaw ca, a ma dakənak, səkwaw. 37Mada ma anta a nja ana mbe ca, hune zlap, a nja ana mbe. Cemey, mada ma anta a nja ana mbe səkwaw ca, hune zlap, a nja ana mbe səkwaw. Ma maa hune kanazlap day aha ebe ŋghe ca, a ndaha aka ara Malula.
Yesu a ghwal zlap ata laman gay
38Yesu a zlap, a ŋgaya: Hune kézləme, əy kazlap, əy ŋgaya: “Mada ɗala kájaslahwaw nje ŋkwa aza ca, səy hwa jeslene mala anta aza yam. Mada ɗala káŋgahwaw zləɗeŋ ŋkwa aza ca, səy hwa ŋgene mala anta aza yam.” 39Cemey, a naka ca, sa kazlapahune, mada ɗala kálahune gay ca, hune ɗaw ŋ man səkwaw. Karba mada ɗala a jahwaw ata barzlazlam kəva zam ca, bewzene barzlazlam kəva gula zeney. 40Mada ɗala a kaɗaw ŋ jeɓzahwaw ata laja guma mavəday a ɗaw ŋ pəraslahwaw ɗeŋkece ŋkwa aza ca, yakza maŋta garawal ŋkwa zeney. 41Mada ɗala a ŋgaya: “Kulakw tewekey kwalaŋgway naka ŋghe ege tete kəylawmeter teŋguleŋ” ca, tewene kəylawmeter gbak. 42Mada ɗala a ɗawzahwaw a səkan ca, velene. Mada ɗala a ɗaw ŋ ja duwa ara hwa ca, hwa ɗaw ŋ bewzene dəwze səkwaw.
Hune ɗawata hejəye ma kaɗaw ŋ gəre hune ata nje səkwaw ege
43Yesu a zlap zeney, a ŋgaya: Hune kézləme, əy kazlap zeney, əy ŋgaya: “Ɗaw mesleje ŋkwa, hwa ɗaw ŋ ɗaw ɗala ma kaɗaw ŋ gərehwaw ata nje səkwaw, səkwaw.” 44Cemey, a naka ca, sa kazlapahune, hune ɗawata hejəye ma kaɗaw ŋ gərehune ata nje səkwaw ege, hune rak Gazlavay ata hejəye ma kasahune gef ege. 45Ndar hune la ŋkune ŋ uzəye mala Cehw ŋkune ma mgba ata uzlaf ege. Cemey, mbe ca, a kazlar pes anta ata hejəye dadawar ege leŋ ata hejəye ma taŋtaŋ ege, a kaɗa van ata hejəye ma kala səkan ma taŋtaŋ ege leŋ ata hejəye ma kala səkan ma dadawar ege. 46Mada hune ɗaw hejəye ma kaɗawahune ege gagaha ca, wese ca, səkan maa hune kahəbar Gazlavay a ŋtarahune zeney ca, vemey? Kaw macak budaw ege, əy kalaw, ana mbe yam. 47Mada hune zlepzetene ŋ van ŋkune ege gagaha ca, hune la zlan ma taŋtaŋ vekey? Kaw hejəye ma kasan Gazlavay ege səkwaw, əy kalaw, ana mbe yam. 48Cemey, hune nja hune hejəye ma kala səkan a heɗe a heɗe ege, ana Cehw ŋkune ma mgba ata uzlaf ma kala səkan a heɗe a heɗe yam.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL