Mata 4
4
Malula a slanza Yesu ata darzlam
1A dəwze anta ca, Zəwet Gazlavay a jeɓza Yesu ata darzlam, ndar Malula a slanza. 2Yesu a la wan raŋfaɗ, kaw kázam səkan askwaw, a təwse ca, metes a jaw. 3Malula a ndaha ara mbe, a zlepene, a ŋgaya: «Mada hwa Mba Gazlavay ca, zlepetene ŋ ŋkəɗaŋ ŋghe ege, əy ma baw tata ŋ uda.» 4Yesu a zenene, a ŋgaya: «Kéŋtereye ŋ Ɗerewel ma Keweɗ, a ŋgaya: “Ɗala a kanja səkan ta zam gagaha səkwaw, cemey, ɗala a nanja ca, a zlap ege tewtew ma kandaha aka ŋ pakam Gazlavay yam”.» 5Aya, Malula wese a jeɓza ŋ Urusaləyma, uzam ma keweɗ, a tevza mgba ata ha ujek kwakwas. 6A təwse ca, a zlepene, a ŋgaya: «Mada hwa Mba Gazlavay ca, mber kəɗe ata hayak, mavəday kéŋtereye ŋ Ɗerewel ma Keweɗ, a ŋgaya:
“Gazlavay a nezlepetene ŋ malaɓ anta ege,
ŋ slawahwaw asa ra tata,
ndar kaw ŋgas ŋkwa ege əy ɗaw ŋ gurat tata ata ŋkəɗaŋ səkwaw.”»
7Yesu a zenene, a ŋgaya: «Kéŋtereye ŋ Ɗerewel ma Keweɗ yam, a ŋgaya: “Hwa ɗaw ŋ slanza Gazlavay, Bay Madakal ŋkwa səkwaw.”»
8A təwse ca, Malula wese, a tevza mgba ata barla ma jem wende aka zeney, aya, a ghwelzene hayak ege maa bay ege əy kazam bay ata tata ŋ manhayak tewtew, zlaɓa laŋcaɗ ege ma ŋ hayak anta ege tewtew, 9a zlepene, a ŋgaya: «Mada hwa kégəleɓekey a tama naka, hwa kéhəmenzekey ca, sa navalahwata səkan ŋghe anta ege tewtew.» 10Aya Yesu a zlepene, a ŋgaya: «Malula, kes ŋkwa ete ŋghe! Cemey, kéŋtereye, ŋ Ɗerewel ma Keweɗ, a ŋgaya: “Hwa negəleɓene ca, ŋ Gazlavay, Bay Madakal ŋkwa, hwa nelene zlan ca, ŋ mbe teŋguleŋ anta.”»
11A təwse ca, Malula a yakza Yesu aka. Aya, malaɓ Gazlavay ege, əy ndaha ara mbe, əy lene zlan.
Yesu a mar ŋ la zlan anta ŋ hayak Galəyləy
12Maa Yesu a zləme, əy kánahza Yuhana aza ŋ daŋgay ca, a gwarzam, a nda ŋ hayak Galəyləy. 13Cemey, a yakza uzam Nasaratu aka, a nda, a nja ka ŋ uzam Kafarnahum. Kafarnahum ca, ara uzam ma a mazlam ŋtele Galəyləy ŋ hayak mala Zabulawn ey Neftaləy. 14Səkan anta a laha ana ebe ŋghe ca, mavəday zlap maa Esaya, mba ma zlap ma mala Gazlavay, a zlap zlezle, a ŋgaya:
15«Hayak Zabulawn ey hayak Neftaləy,
ma ata taf ŋtele,
ma ŋ hayak ma aha bəza Urdun,
Ey Galəyləy, hayak maa hejəye maa tata Yahudu ege səkwaw, əy ŋma.
16Hejəye ma kénjeye ŋ kuzle ege,
əy kégəre leweɗ ma dakal.
Hejəye ma ŋ kuzle lamac ege,
leweɗ kéweɗ ata tata.»
17Mar aka a təwse ca, Yesu a dew ŋ ghwal zlap, a ŋgaya: «Hune bawzata lanja ŋkune ege aza, Lazam bay ma mgba ata uzlaf slaɓ.»
Yesu a yata madarlawŋ ŋfaɗ, mampar ege
18Maa Yesu a kanda a mazlam ŋtele Galəyləy ca, a gəre hejəye gbak, ata zlaŋgan ey zlaŋgan. Ara ata Səymawn maa əy kayaɓa Pəyer ey zlaŋgan Andəyre, əy kanah taba ŋ yam. Ara mambal ŋkəlef ege. 19Yesu a zlepetene, a ŋgaya: «Hune səberekey, sa nabawzahune aza ŋ mambal hejəye.» 20A təwse a təwse, əy yakzata taba tata ege aka, əy səbaraw.
21Yesu a nda a tama cekuɗe, a gəre hejəye gbak zeney, ata zlaŋgan ey zlaŋgan war. Ara ata Yakuba ey zlaŋgan Yuhana, uzəye Zebede ege, əy ŋ kwambawal zlaɓa cen tata Zebede, əy kalamzata taba tata ege, aya, a yata. 22A təwse a təwse, əy yakza kwambawal tata aka zlaɓa cen tata, əy səbaraw.
Yesu a ghwal zlap leŋ a rehzata hejəye aza vəram
23A dəwze anta ca, Yesu a tawar ŋ hayak Galəyləy tewtew, a kasasərakzata hejəye a ujek ma ata rak Gazlavay mala Yahudu ege. A keghwelzetene Ma Mewe ma Taŋtaŋ mala Lazam bay mala Gazlavay ata hejəye, a kerehzata hejəye ma kadawar ege aza ŋ dawar tata ege kaw vekey leŋ hejəye ma halɓaya ege tewtew. 24Hejəye ma ŋ hayak Səyrəya ege əy zləme labara anta, aya, əy dene hejəye ma kasa gef ŋseŋ dawar ege kaw vekey ey ŋseŋ lambal ma ege kaw vekey, ana hejəye maa zəwet malula a mbalata aza ege, hejəye ma kaɓərazl ege leŋ hejəye ma halɓaya ege. A təwse ca, Yesu kérehzata aza tewtew. 25Hejəye vəram mambaza, əy kasəbaraw. Hejəye anta ege ca, əy ndaha aka ŋ hayak Galəyləy, ŋ hayak maa Uzam ege Wam, ŋ Urusaləyma, ŋ hayak Yahudəya leŋ hejəye ma ndaha aka aha bəza lakwat Urdun ege.
Àwon tá yàn lọ́wọ́lọ́wọ́ báyìí:
Mata 4: BHS
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL
Mata 4
4
Malula a slanza Yesu ata darzlam
1A dəwze anta ca, Zəwet Gazlavay a jeɓza Yesu ata darzlam, ndar Malula a slanza. 2Yesu a la wan raŋfaɗ, kaw kázam səkan askwaw, a təwse ca, metes a jaw. 3Malula a ndaha ara mbe, a zlepene, a ŋgaya: «Mada hwa Mba Gazlavay ca, zlepetene ŋ ŋkəɗaŋ ŋghe ege, əy ma baw tata ŋ uda.» 4Yesu a zenene, a ŋgaya: «Kéŋtereye ŋ Ɗerewel ma Keweɗ, a ŋgaya: “Ɗala a kanja səkan ta zam gagaha səkwaw, cemey, ɗala a nanja ca, a zlap ege tewtew ma kandaha aka ŋ pakam Gazlavay yam”.» 5Aya, Malula wese a jeɓza ŋ Urusaləyma, uzam ma keweɗ, a tevza mgba ata ha ujek kwakwas. 6A təwse ca, a zlepene, a ŋgaya: «Mada hwa Mba Gazlavay ca, mber kəɗe ata hayak, mavəday kéŋtereye ŋ Ɗerewel ma Keweɗ, a ŋgaya:
“Gazlavay a nezlepetene ŋ malaɓ anta ege,
ŋ slawahwaw asa ra tata,
ndar kaw ŋgas ŋkwa ege əy ɗaw ŋ gurat tata ata ŋkəɗaŋ səkwaw.”»
7Yesu a zenene, a ŋgaya: «Kéŋtereye ŋ Ɗerewel ma Keweɗ yam, a ŋgaya: “Hwa ɗaw ŋ slanza Gazlavay, Bay Madakal ŋkwa səkwaw.”»
8A təwse ca, Malula wese, a tevza mgba ata barla ma jem wende aka zeney, aya, a ghwelzene hayak ege maa bay ege əy kazam bay ata tata ŋ manhayak tewtew, zlaɓa laŋcaɗ ege ma ŋ hayak anta ege tewtew, 9a zlepene, a ŋgaya: «Mada hwa kégəleɓekey a tama naka, hwa kéhəmenzekey ca, sa navalahwata səkan ŋghe anta ege tewtew.» 10Aya Yesu a zlepene, a ŋgaya: «Malula, kes ŋkwa ete ŋghe! Cemey, kéŋtereye, ŋ Ɗerewel ma Keweɗ, a ŋgaya: “Hwa negəleɓene ca, ŋ Gazlavay, Bay Madakal ŋkwa, hwa nelene zlan ca, ŋ mbe teŋguleŋ anta.”»
11A təwse ca, Malula a yakza Yesu aka. Aya, malaɓ Gazlavay ege, əy ndaha ara mbe, əy lene zlan.
Yesu a mar ŋ la zlan anta ŋ hayak Galəyləy
12Maa Yesu a zləme, əy kánahza Yuhana aza ŋ daŋgay ca, a gwarzam, a nda ŋ hayak Galəyləy. 13Cemey, a yakza uzam Nasaratu aka, a nda, a nja ka ŋ uzam Kafarnahum. Kafarnahum ca, ara uzam ma a mazlam ŋtele Galəyləy ŋ hayak mala Zabulawn ey Neftaləy. 14Səkan anta a laha ana ebe ŋghe ca, mavəday zlap maa Esaya, mba ma zlap ma mala Gazlavay, a zlap zlezle, a ŋgaya:
15«Hayak Zabulawn ey hayak Neftaləy,
ma ata taf ŋtele,
ma ŋ hayak ma aha bəza Urdun,
Ey Galəyləy, hayak maa hejəye maa tata Yahudu ege səkwaw, əy ŋma.
16Hejəye ma kénjeye ŋ kuzle ege,
əy kégəre leweɗ ma dakal.
Hejəye ma ŋ kuzle lamac ege,
leweɗ kéweɗ ata tata.»
17Mar aka a təwse ca, Yesu a dew ŋ ghwal zlap, a ŋgaya: «Hune bawzata lanja ŋkune ege aza, Lazam bay ma mgba ata uzlaf slaɓ.»
Yesu a yata madarlawŋ ŋfaɗ, mampar ege
18Maa Yesu a kanda a mazlam ŋtele Galəyləy ca, a gəre hejəye gbak, ata zlaŋgan ey zlaŋgan. Ara ata Səymawn maa əy kayaɓa Pəyer ey zlaŋgan Andəyre, əy kanah taba ŋ yam. Ara mambal ŋkəlef ege. 19Yesu a zlepetene, a ŋgaya: «Hune səberekey, sa nabawzahune aza ŋ mambal hejəye.» 20A təwse a təwse, əy yakzata taba tata ege aka, əy səbaraw.
21Yesu a nda a tama cekuɗe, a gəre hejəye gbak zeney, ata zlaŋgan ey zlaŋgan war. Ara ata Yakuba ey zlaŋgan Yuhana, uzəye Zebede ege, əy ŋ kwambawal zlaɓa cen tata Zebede, əy kalamzata taba tata ege, aya, a yata. 22A təwse a təwse, əy yakza kwambawal tata aka zlaɓa cen tata, əy səbaraw.
Yesu a ghwal zlap leŋ a rehzata hejəye aza vəram
23A dəwze anta ca, Yesu a tawar ŋ hayak Galəyləy tewtew, a kasasərakzata hejəye a ujek ma ata rak Gazlavay mala Yahudu ege. A keghwelzetene Ma Mewe ma Taŋtaŋ mala Lazam bay mala Gazlavay ata hejəye, a kerehzata hejəye ma kadawar ege aza ŋ dawar tata ege kaw vekey leŋ hejəye ma halɓaya ege tewtew. 24Hejəye ma ŋ hayak Səyrəya ege əy zləme labara anta, aya, əy dene hejəye ma kasa gef ŋseŋ dawar ege kaw vekey ey ŋseŋ lambal ma ege kaw vekey, ana hejəye maa zəwet malula a mbalata aza ege, hejəye ma kaɓərazl ege leŋ hejəye ma halɓaya ege. A təwse ca, Yesu kérehzata aza tewtew. 25Hejəye vəram mambaza, əy kasəbaraw. Hejəye anta ege ca, əy ndaha aka ŋ hayak Galəyləy, ŋ hayak maa Uzam ege Wam, ŋ Urusaləyma, ŋ hayak Yahudəya leŋ hejəye ma ndaha aka aha bəza lakwat Urdun ege.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL