Joani 18
18
Jesu ashuminigwa
(Mateu26.47-56; Maleka14.43-50; Luka22.47-53)
1Aa salamani uku lapela, Jesu no bazigigwa bakwe kale ba koshokanya ciilindi ca Kidiloni. Ku lubazu lumwinya ko kakuli igwa, mi Jesu na bazigigwa bakwe kale baja momo mwigwa. 2Mi cwale Judasi uju naga mulegeza, ka zekelele icibaka, ukuti Jesu sali ku gwananamo ne bazigigwa bakwe. 3Mi Judasi kale ga keza kwigwa, najenda ne kagugi ko masole no manduna aba ka bazwa ku bapulisita bakulu no Bafalisi. Naba indite amamonyi, amalampi no bilwiso. 4Jesu mu ku zekelela ibi jelele ukutendaala kwakwe, mi kale ga zwila anze no kaba buza buti, “Nini uju mushaka?”
5Mi kale be taba buti, “Jesu gwa Nazaleta.” Jesu kale atyo, “Nime,” (Mi Judasi umulegezi kazimene nabo.) 6Jesu aa naga gamba buti, “Nime ije,” mi kale kusunduluka mwishule no ku gwila ansi. 7Mi Jesu kame kale gaba buza buti, “Nini uju mushaka?” Kale betaba buti, “Jesu gwa Nazaleta.”
8Jesu kale getaba buti, “Kale nala milugwili buti Nime. Ati nime mushaka, cwale muleke baba abakwame bakaje.” 9“Naga gamba bobo ukuti amajwi aga naga gamba galibumbilize, taa nana jobelwa nanga genke kwaba nagwa niwa.
10Cwale Simoni Pitolosi, uju kakwesi umupene, kale ga gukoka no ku koshola ukutwi ko mulyo ko muika go umupulisita umukulu. (Mi izina lyo muika kalili Maluko.) 11Jesu kale gatyo kwa Pitolosi buti, “Bogoza umupene gogo mucipusu cago! Ukuti tani jelele kunywina mu nkomosi iji alaniwi Tata?”
Jesu aa twaligwa kwa Anasi
12Umukulu go bajendisi bo masole no manduna bo Majuda kale bakwata Jesu no kumu shumina. 13Mi kale bamutwala tansila kwa Anasi, uju kaali umukwe gwa Kayafa uju kaali Umupulisita Umukulu gogo umwaka. 14Kayafa nije kaali muelezi go mujendisi bo Majuda ukuti kulikele nenja umuntu genke afwila abantu bonse.
Uku shampula kwe tanzi kwa Pitolosi
(Mateu26.69-70; Maleka14.66-68; Luka22.55-57)
15Simoni Pitolosi na bazigigwa ba mwinya kaba umpilile Jesu. Ukuti jojo umuzigigwa ka zekelelwe kumu pulisita umukulu, kale gakaja ne Jesu mwilapa lyo mupulisita umukulu. 16Pitolosi aa kasikele anze lyo cinzi. Muzigigwa jumwinya uju kazekelelwe ku mupulisita umukulu, kale ga bogola no kagamba ku muika go mukazana uju kali mulindili gwa acinzi mi kale atwala Pitolosi mukati. 17Mi umuika uju kali mulindili gwa acinzi, kale gatyo kwa Pitolosi buti, “Tali nigwe jumwinya go baika bajoju umukwame? Pitolosi kale getaba buti, “Tali nime.”
18Mi ka kutontola lwini, mi abaika no manduna kaba zelite amulilo mukujota, Pitolosi naje ka kele nabo naje nazimene bujota.
Abapulisita bakulu aa ba buza Jesu
(Mateu26.59-66; Maleka14.55-64; Luka22.66-71)
19Cwale umupulisita umukulu kale abuza Jesu byo bazigigwa bakwe nabyo muzigilo gwakwe. 20Jesu kale abetaba buti, “Senili ku gamba akancenene kwilonga btui, “Inako jonse kaniziga mu macinagoge na mu matempele, umu kaku gwananinanga Amajuda bonse, taa kani gambanga mu buzinda. 21Cinzi aa muni buza? Mubuze babo aba naba nishugwa. Balizekelele nenja ibi nana gamba.”
22Jesu aa kakwesi kugamba byebyo, jumwinya go manduna uju kazimene ambali naje kale gamukaba uluaka ku nkumo, natyo buti, “Buti bobu bobo ujelele kutabila ku mupulisita umkulu?”
23Jesu kale ge mwitaba buti, “Ati senili kugamba ububi, uwe ubumpaki ko bubi kono ati nana gamba nenja cinzi aa unikaba?
24Cwale Anasi kale gatuminikiza Jesu bushuminitwe kwa Kayafa umupulisita umukulu.
Pitolosi ashampula Jesu kame
(Mateu26.71-75; Maleka14.69-72; Luka22.58-62)
25Mi Simoni Pitolo si kale bamubuza ao, nakwesi uku jota umulilo buti, “Tali uli jumwinya gwa bazigigwa bakwe?” Mi kale ashampula kame buti, “Tali nime.”
26Jumwinya muika go bapulisita abakulu, uju ali mwisika lya jojo naga kosholwa kutwi kwa Pitolosi, kale abuza buti, “Taa nana kubona naje mwigwa?”
27Kame Pitolosi kale amushampula mi mwi nako jejo umukombwe kale gwa tatika ukutungula.
Jesu aletwa ku Pilato
(Mateu27.1; 11–14; Maleka15.1)
28Cwale ao umujendesi bo Majuda kale ainda Jesu ku Kayafa no kumu twala ku muleneng’i go mujendisi gwa Loma. Kono ao kakusili ama siku siku, kono ao kabakwesi kukana kungina mukati ke kuta ukuti balye nenja Mpaseka. 29Cwale Pilato kale gazwa mukati kabo no kabuza buti, “Mulandunzi mula mugwanini joju unkosi?”
30Kale bamutaba Pilato buti, “Ati takaali umuntu mu mangoju tana twa muleta kwako.”
31Pilato kale agamba buti, “Mu mutwale inwe beni mu muatule munguzu jo mulao gwenu.” Kale bakana buti, “kono tatu kwesi intukelo jo kuleka umuntu uju alagwa ninwi umulandu.” 32Ceci naca tendaala muku bumbiliza ubu nagatyo Jesu ko mufuta go lufwu ulu nafwe.
33Ao Pilato kale abogola mukati ko muleneng’i, mi kale agula Jesu insaimoni no kumubuza, “Nigwe umulena bo Majuda?”
34Jesu kale abuza buti, “Go mugajo gwenu gogo, kampa bamwinya binzi bakwesi uku gamba kwangu?”
35Jesu kale amubuza buti, “Buti nime mujuda?” Pilato kale ataba, “Abantu bako no bakulu bo mulao kale bakuleta kwangu. Cinzi ula tendi?”
36Jesu kale agamba buti, “Umubuso gwangu tali gwe longa. Ukuti mboo utyo, abaika bangu nabala nilwili buti nilee ku shuminigwa ku bakulu bo Majuda. Kono umubuso gwangu kungi guzwa.”
37Pilato kale agamba buti, “Buti uli Umfumu?”
Jesu kale ataba buti, “Buti utyo, “Nili Umfumu. Za wawa, ibaka aa nana zaligwa no kuletwa ano elonga lyo kukeza kupaka za conse? Uju gense uju ali kulubazu lwangu ala tegeleza no kunishugwa.”
38Pilato kale abuza, “conse jibo?” Kazezi kale aja ku Majuda no kagamba buti, “Takuli umulandu ugu nila mugwanili go kumuatula kago. 39Ngo mukwa gwenu gogo buti ime nizwise jumwinya gwa kwenu mushuminwa muntolongo mwi nako je Mpaseka. Muli botele buti ime nizwise ‘umfumu go Majuda?”
40Kale bakugiliza kame, “Batili, tali joju! Mutuwe Balabasi!” (Ao Balabasi kali muntu mubi.)
Àwon tá yàn lọ́wọ́lọ́wọ́ báyìí:
Joani 18: TBTP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Word For The World International
Joani 18
18
Jesu ashuminigwa
(Mateu26.47-56; Maleka14.43-50; Luka22.47-53)
1Aa salamani uku lapela, Jesu no bazigigwa bakwe kale ba koshokanya ciilindi ca Kidiloni. Ku lubazu lumwinya ko kakuli igwa, mi Jesu na bazigigwa bakwe kale baja momo mwigwa. 2Mi cwale Judasi uju naga mulegeza, ka zekelele icibaka, ukuti Jesu sali ku gwananamo ne bazigigwa bakwe. 3Mi Judasi kale ga keza kwigwa, najenda ne kagugi ko masole no manduna aba ka bazwa ku bapulisita bakulu no Bafalisi. Naba indite amamonyi, amalampi no bilwiso. 4Jesu mu ku zekelela ibi jelele ukutendaala kwakwe, mi kale ga zwila anze no kaba buza buti, “Nini uju mushaka?”
5Mi kale be taba buti, “Jesu gwa Nazaleta.” Jesu kale atyo, “Nime,” (Mi Judasi umulegezi kazimene nabo.) 6Jesu aa naga gamba buti, “Nime ije,” mi kale kusunduluka mwishule no ku gwila ansi. 7Mi Jesu kame kale gaba buza buti, “Nini uju mushaka?” Kale betaba buti, “Jesu gwa Nazaleta.”
8Jesu kale getaba buti, “Kale nala milugwili buti Nime. Ati nime mushaka, cwale muleke baba abakwame bakaje.” 9“Naga gamba bobo ukuti amajwi aga naga gamba galibumbilize, taa nana jobelwa nanga genke kwaba nagwa niwa.
10Cwale Simoni Pitolosi, uju kakwesi umupene, kale ga gukoka no ku koshola ukutwi ko mulyo ko muika go umupulisita umukulu. (Mi izina lyo muika kalili Maluko.) 11Jesu kale gatyo kwa Pitolosi buti, “Bogoza umupene gogo mucipusu cago! Ukuti tani jelele kunywina mu nkomosi iji alaniwi Tata?”
Jesu aa twaligwa kwa Anasi
12Umukulu go bajendisi bo masole no manduna bo Majuda kale bakwata Jesu no kumu shumina. 13Mi kale bamutwala tansila kwa Anasi, uju kaali umukwe gwa Kayafa uju kaali Umupulisita Umukulu gogo umwaka. 14Kayafa nije kaali muelezi go mujendisi bo Majuda ukuti kulikele nenja umuntu genke afwila abantu bonse.
Uku shampula kwe tanzi kwa Pitolosi
(Mateu26.69-70; Maleka14.66-68; Luka22.55-57)
15Simoni Pitolosi na bazigigwa ba mwinya kaba umpilile Jesu. Ukuti jojo umuzigigwa ka zekelelwe kumu pulisita umukulu, kale gakaja ne Jesu mwilapa lyo mupulisita umukulu. 16Pitolosi aa kasikele anze lyo cinzi. Muzigigwa jumwinya uju kazekelelwe ku mupulisita umukulu, kale ga bogola no kagamba ku muika go mukazana uju kali mulindili gwa acinzi mi kale atwala Pitolosi mukati. 17Mi umuika uju kali mulindili gwa acinzi, kale gatyo kwa Pitolosi buti, “Tali nigwe jumwinya go baika bajoju umukwame? Pitolosi kale getaba buti, “Tali nime.”
18Mi ka kutontola lwini, mi abaika no manduna kaba zelite amulilo mukujota, Pitolosi naje ka kele nabo naje nazimene bujota.
Abapulisita bakulu aa ba buza Jesu
(Mateu26.59-66; Maleka14.55-64; Luka22.66-71)
19Cwale umupulisita umukulu kale abuza Jesu byo bazigigwa bakwe nabyo muzigilo gwakwe. 20Jesu kale abetaba buti, “Senili ku gamba akancenene kwilonga btui, “Inako jonse kaniziga mu macinagoge na mu matempele, umu kaku gwananinanga Amajuda bonse, taa kani gambanga mu buzinda. 21Cinzi aa muni buza? Mubuze babo aba naba nishugwa. Balizekelele nenja ibi nana gamba.”
22Jesu aa kakwesi kugamba byebyo, jumwinya go manduna uju kazimene ambali naje kale gamukaba uluaka ku nkumo, natyo buti, “Buti bobu bobo ujelele kutabila ku mupulisita umkulu?”
23Jesu kale ge mwitaba buti, “Ati senili kugamba ububi, uwe ubumpaki ko bubi kono ati nana gamba nenja cinzi aa unikaba?
24Cwale Anasi kale gatuminikiza Jesu bushuminitwe kwa Kayafa umupulisita umukulu.
Pitolosi ashampula Jesu kame
(Mateu26.71-75; Maleka14.69-72; Luka22.58-62)
25Mi Simoni Pitolo si kale bamubuza ao, nakwesi uku jota umulilo buti, “Tali uli jumwinya gwa bazigigwa bakwe?” Mi kale ashampula kame buti, “Tali nime.”
26Jumwinya muika go bapulisita abakulu, uju ali mwisika lya jojo naga kosholwa kutwi kwa Pitolosi, kale abuza buti, “Taa nana kubona naje mwigwa?”
27Kame Pitolosi kale amushampula mi mwi nako jejo umukombwe kale gwa tatika ukutungula.
Jesu aletwa ku Pilato
(Mateu27.1; 11–14; Maleka15.1)
28Cwale ao umujendesi bo Majuda kale ainda Jesu ku Kayafa no kumu twala ku muleneng’i go mujendisi gwa Loma. Kono ao kakusili ama siku siku, kono ao kabakwesi kukana kungina mukati ke kuta ukuti balye nenja Mpaseka. 29Cwale Pilato kale gazwa mukati kabo no kabuza buti, “Mulandunzi mula mugwanini joju unkosi?”
30Kale bamutaba Pilato buti, “Ati takaali umuntu mu mangoju tana twa muleta kwako.”
31Pilato kale agamba buti, “Mu mutwale inwe beni mu muatule munguzu jo mulao gwenu.” Kale bakana buti, “kono tatu kwesi intukelo jo kuleka umuntu uju alagwa ninwi umulandu.” 32Ceci naca tendaala muku bumbiliza ubu nagatyo Jesu ko mufuta go lufwu ulu nafwe.
33Ao Pilato kale abogola mukati ko muleneng’i, mi kale agula Jesu insaimoni no kumubuza, “Nigwe umulena bo Majuda?”
34Jesu kale abuza buti, “Go mugajo gwenu gogo, kampa bamwinya binzi bakwesi uku gamba kwangu?”
35Jesu kale amubuza buti, “Buti nime mujuda?” Pilato kale ataba, “Abantu bako no bakulu bo mulao kale bakuleta kwangu. Cinzi ula tendi?”
36Jesu kale agamba buti, “Umubuso gwangu tali gwe longa. Ukuti mboo utyo, abaika bangu nabala nilwili buti nilee ku shuminigwa ku bakulu bo Majuda. Kono umubuso gwangu kungi guzwa.”
37Pilato kale agamba buti, “Buti uli Umfumu?”
Jesu kale ataba buti, “Buti utyo, “Nili Umfumu. Za wawa, ibaka aa nana zaligwa no kuletwa ano elonga lyo kukeza kupaka za conse? Uju gense uju ali kulubazu lwangu ala tegeleza no kunishugwa.”
38Pilato kale abuza, “conse jibo?” Kazezi kale aja ku Majuda no kagamba buti, “Takuli umulandu ugu nila mugwanili go kumuatula kago. 39Ngo mukwa gwenu gogo buti ime nizwise jumwinya gwa kwenu mushuminwa muntolongo mwi nako je Mpaseka. Muli botele buti ime nizwise ‘umfumu go Majuda?”
40Kale bakugiliza kame, “Batili, tali joju! Mutuwe Balabasi!” (Ao Balabasi kali muntu mubi.)
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Word For The World International