Marukwus 13
13
Dagayipwuwa vyiya n aznù əsa kpmaknai nyai
1Shi Yeisu ɓə gnyi woi gbmiya n Dagayipwuwa, zaknayi n əwo amwutuyi wa gna wo, “Nyawuyi, Shiawye ha gye! Nyakwnu mimii manai n akwuta yaakwoi n safyi-safyi!”
2Yeisu wa dnaɓəgbe, “Fye gye anyakwnu yaakwo ye? Kwuta gbmanyi ho to lo ń kwo ɓə ce tu ń ədo she m; a ɓə la dəhodəhoi shniya shi n əknyi.”
3Shi Yeisu ɓə sasetu n Zaitu Əpe n kwo shi n awyei ce gaaga n Dagayipwuwa nyi, Byitusu, Jemyis, Yohana n Andurui ɓa nya wo əɓo fyaa, 4“Gna yi, əɓo ye ɓə zhni n knyi əsai nu a? Jesnu knyiyi nu ɓə zhni əznù nge aɓo ye vnyanya ɓa kwu ga ɓa nu a?”
5Yeisu wa gna ɓa: “Fye la əwye ka nabai to əzaho wa dna fye kwoce m. 6Bəgyé ɓə ɓe fyi n əmi əye ɓai gna, ‘Əmi nu zhni əwo,’ jesnu ɓai fyi aza bəgyé kwoce. 7She fye ɓə wo akwnusnu aɓo ɓədo n akwnusnu anabagyii, fye to ɓə vnyi m. Ɓəshishi nu aɓo ye pya ɓai zhni, ama əsa kpmaknayi ye ɓeɓelo nabye. 8Əbyé ɓə laka da əbyé, jesnu əbemi ɓə laka da əbemi. Əknyi ɓə jeashna kwoi sofyi n aba gbowogbowo, jesnu myikwnu kəsnui ɓə gwnu. Aɓo ye nu zhni əɓyima nyasna yaya.
9“Ɓəshishi nu fya kwu zhigwu. A ɓə kwu fye ga fyi ń azhi atukwoda akwnu, jesnu a ɓə la fye ɓyeya fyi n Ayahudiyibwokwnu. Ntu əmi ɓo, a ɓə kwu fye lo ncei n agwomna abye ɓədo n asui n zhni aɓəkwnuyi ga əɓa. 10Kwo zhni ɓəshishi nu ai kwu nabagyi manai waazi kpmizhni ga abye vnyanya kpa. 11Əsahosahoi n a wna fye jesnu aa ɓe n fyei n owada bwokwnu, fye to ɓə wodna ntu əɓo ɓo n fye ɓə da m. Fye ɓə ɓwa əɓo nu da n a ga fye kwo nsayii, ntuge əfye nu to ɓə daɓo m, ama Zafnu Gyigyiyi nu.
12“Əza ɓə ɓwu əwodo nya lo əfyi, jesnu əda ɓə ɓwu əwo nugwnu. Aɓyi ɓə zhni tukwognanakwo kpe əɓa azamayi ɓai zhni ai kwu ɓa wu. 13Aza vnyanya ɓə wnunu n fyei ntu əmi ɓo, ama əza ń wo ɓə la myignyi nya lo azoba, wo ɓə la pwo.
14“She fye ɓə gye ‘əɓokasa n kwo ɓe n abalayai nyi’, ń gnyiagnyi dna ń aba n ɓa to gwo ɓa gnyi m, fa nyabayi wa ɓwa awyega; nlonu aza yi n ɓa fyi n Yahuda əknyi ɓa ɓə bwusi lo ape. 15Əza n wo ɓə tu n əwo nyakwnusni tukwo, wo to ɓə kashi m, kwo woi lo əwo pwuwa wo la nyaho m. 16Əza n wo ɓə dna n bmana wo to ɓə jezelo apyi nabai wo kwu əwo aje m. 17Anyipyei yi ɓə zhni ədna nya nu ń anubwoda aba n aɓyiya dai! 18Fye zhniaduwa nge əfye əsibwi to kwoi ɓe dna n vnyinyikwo nu m, 19ntuge anyipyei gnyagwnugnya nya nu ɓə gnyi, n a too shni ɓa pya wyegye m tunyi n kpmisnui, əsa n Shekwoyi ɓə zhni anyì nyi, nya nsaiye; jesnu a to ɓə je əɓa pya wyegye m kpeekpe.
20“Ngye Dagayi nu to ɓə gna wa ce anyipyei yi ceya m, zaho to ɓə ɓa pwo m. Ama ntu n aknyiknyiyi ɓo, aza n wo la knyi nyi, wo la anyipyei yi ce ceya. 21Dna əsayii ń əzaho wa gna fye, ‘Shiawye, Kirisiti gnyi nyi ń ya!’ kwo ‘Shiawye, wo gnyi nu!’ fye to ga kwo gaiciya m. 22Ntuge amasifu akatá nya ɓədo n sheaɓəgwognayi katáii ɓa ɓə kwukazhi ɓai wu aznù, ɓai zhni aɓoawowoi nabai ɓai dna aza kwoce, n kwa ye zhni, du n aknyiknyiyii. 23Ntulonu fye kwu zhigwu; mi kwu ɓəhoɓəhoi gna fye to əsai si m.
24“Ama fyi n gnyagwnugnya anyipyei yi avnu,
“ ‘Nyipyei ɓə la dna wyegbma jesnu əpya to ɓə je əkwo bwuznagna ga m;
25akpasi ɓə kaya ń anyìbmana, jesnu anya n ɓa kpe n ashebmana ɓa ɓə jeashna.’
26“N əsayii aza ɓə gye Əza Nugwnu woi shnizhi ɓe dna n ənyì n kəsnu kalá yaakwoi n latui. 27Jesnu wo ɓə tnu əwo amaləkai ɓai ye əwo aknyiknyiyi zhi n anyì awyepmyi asəpa ngwnu-anyi, ənya n kwo laka n anyiceshiba, kwoi lo əsheceshiba.
28“Nsaiye, fye tu ɓəye mwi n gbaayi shnuwna: əsa n fya gye kwoi kpmi akwo, jesnu kwoi ci afnyitolo, fya kwu kpe nge gbmama n la wo vyivyiwyi. 29Ntulonu, she fye ɓə gye aɓo ye ɓai zhni, fya kpe nge əsa n la wo vyivyiwyi nu, n gnyi ń abwokwnumi əgbe. 30Ɓəhnihni əmi nu gna fye, cala ye taa duya m, akpəge aɓo ye vnyanya ɓa kwu zhni. 31Əshe ń əknyii ɓa ɓə la duya, ama əmi aɓədagbma taa duya m nanyinanyi.
Əwyi yi n əsai a ta kpeye lo m
32“Ama ntu ń nyipyei yi ɓo, kwo əsa, əzaho ta kpe əkwo əye lo m, kwo amaləka ń ɓa fyi n əshemi nyi, kwo Nugwnu m, akpəge Dada nu ɓwasnu gbmanyi. 33Fye kwu zhigwu! Fye kwu awye ka! Fye ta kpe əsa əye lo n snukna yi ɓe si m. 34Kwo wu ngye əza nu n wo lo aba: wa əwo pwuwa fa dna n əwo atnutnuyi akwnu, waa zahozahoyi tnutnu gyi wo əgbe, jesnu wa gna əza n wo gnyi ń abwokwnumi nyi nge, wo la əwyewna.
35“Ntucenu, fye kwu zhigwu, ntuge fye ta kpe əsa lo n pwuwada ɓə jezeɓe ncei m; kwo n wyeshei nu, kwo n sukwo sadui nu, kwo əsa nu n pisenugba cekwu ncei nyi kwo n labmi-labmii. 36Ndəi n wa ɓe n əsagbmanyii, to ɓə ye woi snu ho shi hoi wnagye m. 37Əɓo n mi gna fye nyi, mi gna zahozahoyi nu cè: ‘Fye kwu zhigwu!’ ”
Àwon tá yàn lọ́wọ́lọ́wọ́ báyìí:
Marukwus 13: OGNB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Marukwus 13
13
Dagayipwuwa vyiya n aznù əsa kpmaknai nyai
1Shi Yeisu ɓə gnyi woi gbmiya n Dagayipwuwa, zaknayi n əwo amwutuyi wa gna wo, “Nyawuyi, Shiawye ha gye! Nyakwnu mimii manai n akwuta yaakwoi n safyi-safyi!”
2Yeisu wa dnaɓəgbe, “Fye gye anyakwnu yaakwo ye? Kwuta gbmanyi ho to lo ń kwo ɓə ce tu ń ədo she m; a ɓə la dəhodəhoi shniya shi n əknyi.”
3Shi Yeisu ɓə sasetu n Zaitu Əpe n kwo shi n awyei ce gaaga n Dagayipwuwa nyi, Byitusu, Jemyis, Yohana n Andurui ɓa nya wo əɓo fyaa, 4“Gna yi, əɓo ye ɓə zhni n knyi əsai nu a? Jesnu knyiyi nu ɓə zhni əznù nge aɓo ye vnyanya ɓa kwu ga ɓa nu a?”
5Yeisu wa gna ɓa: “Fye la əwye ka nabai to əzaho wa dna fye kwoce m. 6Bəgyé ɓə ɓe fyi n əmi əye ɓai gna, ‘Əmi nu zhni əwo,’ jesnu ɓai fyi aza bəgyé kwoce. 7She fye ɓə wo akwnusnu aɓo ɓədo n akwnusnu anabagyii, fye to ɓə vnyi m. Ɓəshishi nu aɓo ye pya ɓai zhni, ama əsa kpmaknayi ye ɓeɓelo nabye. 8Əbyé ɓə laka da əbyé, jesnu əbemi ɓə laka da əbemi. Əknyi ɓə jeashna kwoi sofyi n aba gbowogbowo, jesnu myikwnu kəsnui ɓə gwnu. Aɓo ye nu zhni əɓyima nyasna yaya.
9“Ɓəshishi nu fya kwu zhigwu. A ɓə kwu fye ga fyi ń azhi atukwoda akwnu, jesnu a ɓə la fye ɓyeya fyi n Ayahudiyibwokwnu. Ntu əmi ɓo, a ɓə kwu fye lo ncei n agwomna abye ɓədo n asui n zhni aɓəkwnuyi ga əɓa. 10Kwo zhni ɓəshishi nu ai kwu nabagyi manai waazi kpmizhni ga abye vnyanya kpa. 11Əsahosahoi n a wna fye jesnu aa ɓe n fyei n owada bwokwnu, fye to ɓə wodna ntu əɓo ɓo n fye ɓə da m. Fye ɓə ɓwa əɓo nu da n a ga fye kwo nsayii, ntuge əfye nu to ɓə daɓo m, ama Zafnu Gyigyiyi nu.
12“Əza ɓə ɓwu əwodo nya lo əfyi, jesnu əda ɓə ɓwu əwo nugwnu. Aɓyi ɓə zhni tukwognanakwo kpe əɓa azamayi ɓai zhni ai kwu ɓa wu. 13Aza vnyanya ɓə wnunu n fyei ntu əmi ɓo, ama əza ń wo ɓə la myignyi nya lo azoba, wo ɓə la pwo.
14“She fye ɓə gye ‘əɓokasa n kwo ɓe n abalayai nyi’, ń gnyiagnyi dna ń aba n ɓa to gwo ɓa gnyi m, fa nyabayi wa ɓwa awyega; nlonu aza yi n ɓa fyi n Yahuda əknyi ɓa ɓə bwusi lo ape. 15Əza n wo ɓə tu n əwo nyakwnusni tukwo, wo to ɓə kashi m, kwo woi lo əwo pwuwa wo la nyaho m. 16Əza n wo ɓə dna n bmana wo to ɓə jezelo apyi nabai wo kwu əwo aje m. 17Anyipyei yi ɓə zhni ədna nya nu ń anubwoda aba n aɓyiya dai! 18Fye zhniaduwa nge əfye əsibwi to kwoi ɓe dna n vnyinyikwo nu m, 19ntuge anyipyei gnyagwnugnya nya nu ɓə gnyi, n a too shni ɓa pya wyegye m tunyi n kpmisnui, əsa n Shekwoyi ɓə zhni anyì nyi, nya nsaiye; jesnu a to ɓə je əɓa pya wyegye m kpeekpe.
20“Ngye Dagayi nu to ɓə gna wa ce anyipyei yi ceya m, zaho to ɓə ɓa pwo m. Ama ntu n aknyiknyiyi ɓo, aza n wo la knyi nyi, wo la anyipyei yi ce ceya. 21Dna əsayii ń əzaho wa gna fye, ‘Shiawye, Kirisiti gnyi nyi ń ya!’ kwo ‘Shiawye, wo gnyi nu!’ fye to ga kwo gaiciya m. 22Ntuge amasifu akatá nya ɓədo n sheaɓəgwognayi katáii ɓa ɓə kwukazhi ɓai wu aznù, ɓai zhni aɓoawowoi nabai ɓai dna aza kwoce, n kwa ye zhni, du n aknyiknyiyii. 23Ntulonu fye kwu zhigwu; mi kwu ɓəhoɓəhoi gna fye to əsai si m.
24“Ama fyi n gnyagwnugnya anyipyei yi avnu,
“ ‘Nyipyei ɓə la dna wyegbma jesnu əpya to ɓə je əkwo bwuznagna ga m;
25akpasi ɓə kaya ń anyìbmana, jesnu anya n ɓa kpe n ashebmana ɓa ɓə jeashna.’
26“N əsayii aza ɓə gye Əza Nugwnu woi shnizhi ɓe dna n ənyì n kəsnu kalá yaakwoi n latui. 27Jesnu wo ɓə tnu əwo amaləkai ɓai ye əwo aknyiknyiyi zhi n anyì awyepmyi asəpa ngwnu-anyi, ənya n kwo laka n anyiceshiba, kwoi lo əsheceshiba.
28“Nsaiye, fye tu ɓəye mwi n gbaayi shnuwna: əsa n fya gye kwoi kpmi akwo, jesnu kwoi ci afnyitolo, fya kwu kpe nge gbmama n la wo vyivyiwyi. 29Ntulonu, she fye ɓə gye aɓo ye ɓai zhni, fya kpe nge əsa n la wo vyivyiwyi nu, n gnyi ń abwokwnumi əgbe. 30Ɓəhnihni əmi nu gna fye, cala ye taa duya m, akpəge aɓo ye vnyanya ɓa kwu zhni. 31Əshe ń əknyii ɓa ɓə la duya, ama əmi aɓədagbma taa duya m nanyinanyi.
Əwyi yi n əsai a ta kpeye lo m
32“Ama ntu ń nyipyei yi ɓo, kwo əsa, əzaho ta kpe əkwo əye lo m, kwo amaləka ń ɓa fyi n əshemi nyi, kwo Nugwnu m, akpəge Dada nu ɓwasnu gbmanyi. 33Fye kwu zhigwu! Fye kwu awye ka! Fye ta kpe əsa əye lo n snukna yi ɓe si m. 34Kwo wu ngye əza nu n wo lo aba: wa əwo pwuwa fa dna n əwo atnutnuyi akwnu, waa zahozahoyi tnutnu gyi wo əgbe, jesnu wa gna əza n wo gnyi ń abwokwnumi nyi nge, wo la əwyewna.
35“Ntucenu, fye kwu zhigwu, ntuge fye ta kpe əsa lo n pwuwada ɓə jezeɓe ncei m; kwo n wyeshei nu, kwo n sukwo sadui nu, kwo əsa nu n pisenugba cekwu ncei nyi kwo n labmi-labmii. 36Ndəi n wa ɓe n əsagbmanyii, to ɓə ye woi snu ho shi hoi wnagye m. 37Əɓo n mi gna fye nyi, mi gna zahozahoyi nu cè: ‘Fye kwu zhigwu!’ ”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.