Marukwus 12
12
Ɓəsisi afwaɓayi nya
1Nlonu Yeisu wa ya woi daɓo n ɓai n aɓəsisii: “Əza ɓə n anamzhnii dna. Wa mi gəlu n shegwnu kwo. Waa anamnuwnapyiba nyì dna ń kwo, jesnu waa abagwuyi nyakwnu asnada mi. Nlonu waa kwo ga afwaɓayi ho ɓa ɓá, wa laka wa lo abado. 2N afwanyakwu əsai, wa tnu əwo tnutnuyi ń afwaɓayi aba nabai ɓa ga wo anam agyigyiyi ho ofwa yí nya. 3Ama ɓa wna wo, ɓa lu wo jesnu ɓa wo jezeya lo n aɓwa gbəloi. 4Nlonu wa tnu ɓa n tnutnuyi ədohoi; ɓa znu əza ye ənya n tukwo jesnu ɓa zhni wo avnyinkwo ɓo. 5Wa du wa je tnu n əzadoi, ama əza yi da ɓaa wo wu. Wo ɓə kwu tnu n azajei n mwa bəgyé; azaho n ɓa, ɓa lu ɓa; ɓa kwu azaje wu.
6“Wo ɓə n əzai kpma cegnyi wá tnu ncei, əwo nugwnu, n wo ye wo dəidəi. Wo ɓə kpma tnu n woi nu, woi gna, ‘Ɓa ɓá ga əmi nugwnu mwamwa.’
7“Ama afwaɓayi ɓa gna aje, ‘Əza ye nu zhni əgwúgyiyi. Fye ɓe, ya wu wo, jesnu əgwú ɓə la zè əyi nya.’ 8Ntulonu ɓa la wo, ɓaa wo wu, jesnu ɓaa wo sheyashi n anamzhni əbmyi.
9“To knyiɓei nu n anamzhni da ɓə zhni a? Wo ɓə ɓe woi wu afwaɓayi, jesnu woi la anamzhni woi la ga azaje. 10Fye too ba aba ye n nyakagyigyiyi ge;
“ ‘Kwuta ń anyakwnumiyi ɓə la əkwo aɓo na nyi, əkwo nu n la zè ɓwakwonu kwuta;
11Dagayi nu n kwu dəye zhni,
jesnu kwo to zhni əɓo wowoi nu n əyi awye m’?”
12Nlonu apirisiti atukwoda, owa anyawuyii ɓədo n abyedai ɓa zna zokwo shni nabai ɓa wna wo, ntuge ɓa ɓə kwu kpe nge a da ɓəsisi ye tu n əɓa tukwo nu. Ama ɓa kwu wo deeji ədna; ntulonu ɓa fa wo jesnu ɓa kwukala n ɓo.
Gədu kwnu ga Kaisa
13N dəye avnu ɓa tnu n Afarisiyi hoi ɓədo n Ahirudiyii lo Yeisu aba nabai ɓəə wna wo dna n əwo aɓədagbma. 14Ɓa ɓe da wo ɓa gna, “Nyawuyi, yi kpəlo nge ho zhni əza gaiciyazhniyi nu. Aza ta myilo n ɓa pmyi ho awye m, ntuge ho ta shi əza awye lo kwo ɓa zhni anyika nu m; ama ho wu Shekwoyi zokwo ń kwo lodo n gaiciyanunui. Kwo wulo ceewo a gba Kaisa begyi gədu kwo a to gba ma a? 15Yi gbaa, kwo yi to gba ma a?”
Ama Yeisu ɓə kpe əɓa kwocedna əɓo ye. Wa nyaɓo, “Knyiyi nu zhni fyei ye fya pyi mi agbúlu a? Fye ɓe mi n denarii n ya ma shi kwo awye.” 16Ɓa ɓe wo n gyiwye zhnanai, jesnu wa nya ɓa əɓo, “Nyika dogbe nu tu nyi a? Jesnu nyika əye nu kwnukpe n kwo a?”
Ɓa dnaɓəgbe, “Kaisa nya nu.”
17Nlonu Yeisu wa gna ɓa, “Fye ga Kaisa ənya n kwo zhni Kaisa nya, Shekwoyi, ənya n kwo zhni Shekwoyi ənya.”
Əwo əɓo kwa wo ɓa.
Amwula pa fyi n əfyikalakwu əsa
18Nlonu Asadusiyi; aza n ɓa gna nge əfyikalakwu to lo nyi m, ɓa ɓe da wo n ɓənyai shi. 19Ɓa gna, “Nyawuyi, Mwusa ɓə kwu ka ga yi nge, n əza dnagbma wa fyí jesnu wa fa əwo nyikwo gnyi ntna aɓyi, ɓəshishi nu əza yi wa la nyigbayi jesnu wa ɓwa əɓyi ga əwo dnagbma. 20Nsayii aza ɓə nyi ngwnu-tnaaba ɓai kwnu n əyàmi gbmanyi. Əza kpmisnuyi wa la nyikwo jesnu waa fyí to woi ɓwa əɓyi m. 21Əzabaayi wa la nyigbayi, əwohni ce waa fyí to woi ɓwa əɓyi m. Əza taayi kwa ɓwa jezhni nlonu. 22Ɓəhnihni, əzaho to lo n ɓa ngwnu-tnaaba yi n wo ɓə ɓwa əɓyi m. N kpmasnu nyikwo yi ce, waa fyíi. 23N əfyikalakwu əsa, wo ɓə zhni nyika nyikwo nu a, shikwonyi əɓa ngwnu-tnaaba ɓa ɓə kwu mwulapa n woi nyi a?”
24Yeisu wa dnaɓəgbe, “Fye fyilo n abaɓwi ntuge fye ta kpe Anyakagyigyiyi ye lo, kwo Shekwoyi kalá m. 25She afyífyiyi ɓə kwukala, ɓa to ɓə pa amwula, kwo ai ga ɓa fyi n amwula m; ɓa ɓə kwu wu ngye amaləka nu fyi ń əshemi. 26Nsaiye ntu afyífyiyi kalakwu ɓo; fye too ba n Pafyi n kwo kafyi n Mwusa nya, dna n abwugizhi ənagyi, she Shekwoyi ɓə gna wo, ‘Əmi nu zhni Shekwoyi Ibrahim nya, Shekwoyi Ishakwu nya, jesnu əmi nu zhni Shekwoyi Yakwuɓwu nya m?’ 27Wo to zhni Shekwoyi afyífyiyi nya nu m, ama aza awyewyeyi nya. Fye kwu ɓwuaba n mwa!”
Ɓəgbetu duduyi
28Zaknayi ń owa anyawuyi wa ɓe wa wo ɓa zhi ɓai naɓokpeaje. She wo ɓə gye Yeisu wo la əɓo dnagbe ceewo, wa nya əwo əɓo, “N aɓəgbetu n ɓa lo vnyanya nyi, knyidei nu dulo n apma a?”
29Yeisu wa dnaɓəgbe, “Ədo n kwo dulo nu nyi: ‘Knatnubwa, O Israila: Dagayi əyi Shekwoyi, Dagayi woo lo gbmanyi nu. 30Ye Dagayi əho Shekwoyi n əho ədui vnyanya n əho wyewyeyii vnyanya n əho bwugbai vnyanya ɓədo n əho akalái vnyanya.’ 31Baayi nu nyi: ‘Ye əho kwnuzhiyi ngye əhohni.’ Ɓəgbetu ədo to lo n kwo du adəye m.”
32Əza yi wa dnaɓəgbe, “Ho kwu da n bmya, nyawuyi. Ho dnalo n zokwo she ha gna nge, Shekwoyi gbmanyi nu nyi, jesnu nge əzado to shnasnu lo m akpəge əwo. 33N ha ye wo n əho ədui vnyanya, n əho gənyikpei vnyanya, n əho akalái vnyanya, jesnu ha ye əho kwnuzhiyi ngye shi ho ye əhohni nyi, kwo dulo n apma a fa anyaga anakpei vnyanya ɓədo n anyakwnukwnui.”
34She Yeisu ɓə gye nge wo la əɓo dnaɓəgbe n wyemwai, wa gna wo, “Ho to mwakpa lo n Shekwoyi əbemii m.” Jesnu ənya n kwo laka nsayii kwoi lo n abyei, əzaho to ɓə shna wo ɓəho nya m.
Nyika nugwnu nu n Masifu a?
35Yeisu wo ye gnyi woi wunya dna n Dagayipwuwa ashilagyí, wa nyaɓo, “Kwo zè n wunanu owa anyawuyi ɓai gna nge Kirisiti zhni Dawuda nugwnu nu a? 36Dawuda n əwohni tukwoi, n wo ɓə daɓo dna n Zafnu Gyigyiyi, wo ɓə da:
“ ‘Dagayi ɓə gna əmi Dagayi:
“La sasetu n əmi ɓwaizhe
nya əsa ń mi ɓə kwu əho anuwnuyi
fyi n əho apitabwada snuta.” ’
37Dawuda n əwohni tukwoi ɓə yi wo, ‘Dagayi.’ Kwo ɓa zè n wunanu nsayi waa zhni əwo nugwnu a?”
Deeji yaakwo kwa kna wo tnubwa n agbmadai.
Ɓəkwnukwnù ntu n owa anyawuyi ɓo.
38Shi Yeisu ɓə gnyi woi wunya, wa gna, “Fye la əwyewna n owa anyawuyi. Ɓa ye ɓa zna laɓa n aje ayaakwoi kpe jesnu a ɓyi ɓa əgna zhi n adubayaakwo n mwamwagai, 39jesnu a ga ɓa asasekpeba adnagbmai fyi n Ayahudiyibwokwnu n aba mwamwa nyai n awyefnaba. 40Ɓa losa anyigbayi apwuwa ɓa pmyi ɓa wu əɓahni n aduwazhni akpamwai. A ɓə ga aza ye pya tata ń əwyei bmyibmyii.”
Nyigbayi nyaga
41Yeisu wa lo wa sasetu n awyei ce gaaga, n aba n a ɓə gnyi ai fyi nyaga nyi jesnu wa shi bəgyé awye shi ɓa ya əɓa gyiwye fyi n Dagayipwuwa nyaɓwasofyiba. Anyaɓwayi bəgyé ɓa ya gyiwye ayaakwo fyi n ɓo. 42Ama nyigbayi wyekwoyi, wa ɓe wa ya sisinkəɓwo azhnanai fyi ngwnu-aba, gyiwye to ɓə mwa m.
43Yeisu wa yì əwo amwutuyi zhi wa gna, “Gaiciya əmi nu gna fye, nyigbayi wyekwoyi ye wo kwu nyaga yafyi n nyaɓwasofyiba n du azaje nya vnyanya. 44Əɓa vnyanya ɓa knyiknyi nu ń əɓa nyaɓwa ɓanyi ga; ama əwo, dna n əwo awyekwo, wo kwu əwo nyahonyahoi ya fyi; ənya vnyanya ń wo ncei lo wa gyianyì ncei.”
Àwon tá yàn lọ́wọ́lọ́wọ́ báyìí:
Marukwus 12: OGNB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Marukwus 12
12
Ɓəsisi afwaɓayi nya
1Nlonu Yeisu wa ya woi daɓo n ɓai n aɓəsisii: “Əza ɓə n anamzhnii dna. Wa mi gəlu n shegwnu kwo. Waa anamnuwnapyiba nyì dna ń kwo, jesnu waa abagwuyi nyakwnu asnada mi. Nlonu waa kwo ga afwaɓayi ho ɓa ɓá, wa laka wa lo abado. 2N afwanyakwu əsai, wa tnu əwo tnutnuyi ń afwaɓayi aba nabai ɓa ga wo anam agyigyiyi ho ofwa yí nya. 3Ama ɓa wna wo, ɓa lu wo jesnu ɓa wo jezeya lo n aɓwa gbəloi. 4Nlonu wa tnu ɓa n tnutnuyi ədohoi; ɓa znu əza ye ənya n tukwo jesnu ɓa zhni wo avnyinkwo ɓo. 5Wa du wa je tnu n əzadoi, ama əza yi da ɓaa wo wu. Wo ɓə kwu tnu n azajei n mwa bəgyé; azaho n ɓa, ɓa lu ɓa; ɓa kwu azaje wu.
6“Wo ɓə n əzai kpma cegnyi wá tnu ncei, əwo nugwnu, n wo ye wo dəidəi. Wo ɓə kpma tnu n woi nu, woi gna, ‘Ɓa ɓá ga əmi nugwnu mwamwa.’
7“Ama afwaɓayi ɓa gna aje, ‘Əza ye nu zhni əgwúgyiyi. Fye ɓe, ya wu wo, jesnu əgwú ɓə la zè əyi nya.’ 8Ntulonu ɓa la wo, ɓaa wo wu, jesnu ɓaa wo sheyashi n anamzhni əbmyi.
9“To knyiɓei nu n anamzhni da ɓə zhni a? Wo ɓə ɓe woi wu afwaɓayi, jesnu woi la anamzhni woi la ga azaje. 10Fye too ba aba ye n nyakagyigyiyi ge;
“ ‘Kwuta ń anyakwnumiyi ɓə la əkwo aɓo na nyi, əkwo nu n la zè ɓwakwonu kwuta;
11Dagayi nu n kwu dəye zhni,
jesnu kwo to zhni əɓo wowoi nu n əyi awye m’?”
12Nlonu apirisiti atukwoda, owa anyawuyii ɓədo n abyedai ɓa zna zokwo shni nabai ɓa wna wo, ntuge ɓa ɓə kwu kpe nge a da ɓəsisi ye tu n əɓa tukwo nu. Ama ɓa kwu wo deeji ədna; ntulonu ɓa fa wo jesnu ɓa kwukala n ɓo.
Gədu kwnu ga Kaisa
13N dəye avnu ɓa tnu n Afarisiyi hoi ɓədo n Ahirudiyii lo Yeisu aba nabai ɓəə wna wo dna n əwo aɓədagbma. 14Ɓa ɓe da wo ɓa gna, “Nyawuyi, yi kpəlo nge ho zhni əza gaiciyazhniyi nu. Aza ta myilo n ɓa pmyi ho awye m, ntuge ho ta shi əza awye lo kwo ɓa zhni anyika nu m; ama ho wu Shekwoyi zokwo ń kwo lodo n gaiciyanunui. Kwo wulo ceewo a gba Kaisa begyi gədu kwo a to gba ma a? 15Yi gbaa, kwo yi to gba ma a?”
Ama Yeisu ɓə kpe əɓa kwocedna əɓo ye. Wa nyaɓo, “Knyiyi nu zhni fyei ye fya pyi mi agbúlu a? Fye ɓe mi n denarii n ya ma shi kwo awye.” 16Ɓa ɓe wo n gyiwye zhnanai, jesnu wa nya ɓa əɓo, “Nyika dogbe nu tu nyi a? Jesnu nyika əye nu kwnukpe n kwo a?”
Ɓa dnaɓəgbe, “Kaisa nya nu.”
17Nlonu Yeisu wa gna ɓa, “Fye ga Kaisa ənya n kwo zhni Kaisa nya, Shekwoyi, ənya n kwo zhni Shekwoyi ənya.”
Əwo əɓo kwa wo ɓa.
Amwula pa fyi n əfyikalakwu əsa
18Nlonu Asadusiyi; aza n ɓa gna nge əfyikalakwu to lo nyi m, ɓa ɓe da wo n ɓənyai shi. 19Ɓa gna, “Nyawuyi, Mwusa ɓə kwu ka ga yi nge, n əza dnagbma wa fyí jesnu wa fa əwo nyikwo gnyi ntna aɓyi, ɓəshishi nu əza yi wa la nyigbayi jesnu wa ɓwa əɓyi ga əwo dnagbma. 20Nsayii aza ɓə nyi ngwnu-tnaaba ɓai kwnu n əyàmi gbmanyi. Əza kpmisnuyi wa la nyikwo jesnu waa fyí to woi ɓwa əɓyi m. 21Əzabaayi wa la nyigbayi, əwohni ce waa fyí to woi ɓwa əɓyi m. Əza taayi kwa ɓwa jezhni nlonu. 22Ɓəhnihni, əzaho to lo n ɓa ngwnu-tnaaba yi n wo ɓə ɓwa əɓyi m. N kpmasnu nyikwo yi ce, waa fyíi. 23N əfyikalakwu əsa, wo ɓə zhni nyika nyikwo nu a, shikwonyi əɓa ngwnu-tnaaba ɓa ɓə kwu mwulapa n woi nyi a?”
24Yeisu wa dnaɓəgbe, “Fye fyilo n abaɓwi ntuge fye ta kpe Anyakagyigyiyi ye lo, kwo Shekwoyi kalá m. 25She afyífyiyi ɓə kwukala, ɓa to ɓə pa amwula, kwo ai ga ɓa fyi n amwula m; ɓa ɓə kwu wu ngye amaləka nu fyi ń əshemi. 26Nsaiye ntu afyífyiyi kalakwu ɓo; fye too ba n Pafyi n kwo kafyi n Mwusa nya, dna n abwugizhi ənagyi, she Shekwoyi ɓə gna wo, ‘Əmi nu zhni Shekwoyi Ibrahim nya, Shekwoyi Ishakwu nya, jesnu əmi nu zhni Shekwoyi Yakwuɓwu nya m?’ 27Wo to zhni Shekwoyi afyífyiyi nya nu m, ama aza awyewyeyi nya. Fye kwu ɓwuaba n mwa!”
Ɓəgbetu duduyi
28Zaknayi ń owa anyawuyi wa ɓe wa wo ɓa zhi ɓai naɓokpeaje. She wo ɓə gye Yeisu wo la əɓo dnagbe ceewo, wa nya əwo əɓo, “N aɓəgbetu n ɓa lo vnyanya nyi, knyidei nu dulo n apma a?”
29Yeisu wa dnaɓəgbe, “Ədo n kwo dulo nu nyi: ‘Knatnubwa, O Israila: Dagayi əyi Shekwoyi, Dagayi woo lo gbmanyi nu. 30Ye Dagayi əho Shekwoyi n əho ədui vnyanya n əho wyewyeyii vnyanya n əho bwugbai vnyanya ɓədo n əho akalái vnyanya.’ 31Baayi nu nyi: ‘Ye əho kwnuzhiyi ngye əhohni.’ Ɓəgbetu ədo to lo n kwo du adəye m.”
32Əza yi wa dnaɓəgbe, “Ho kwu da n bmya, nyawuyi. Ho dnalo n zokwo she ha gna nge, Shekwoyi gbmanyi nu nyi, jesnu nge əzado to shnasnu lo m akpəge əwo. 33N ha ye wo n əho ədui vnyanya, n əho gənyikpei vnyanya, n əho akalái vnyanya, jesnu ha ye əho kwnuzhiyi ngye shi ho ye əhohni nyi, kwo dulo n apma a fa anyaga anakpei vnyanya ɓədo n anyakwnukwnui.”
34She Yeisu ɓə gye nge wo la əɓo dnaɓəgbe n wyemwai, wa gna wo, “Ho to mwakpa lo n Shekwoyi əbemii m.” Jesnu ənya n kwo laka nsayii kwoi lo n abyei, əzaho to ɓə shna wo ɓəho nya m.
Nyika nugwnu nu n Masifu a?
35Yeisu wo ye gnyi woi wunya dna n Dagayipwuwa ashilagyí, wa nyaɓo, “Kwo zè n wunanu owa anyawuyi ɓai gna nge Kirisiti zhni Dawuda nugwnu nu a? 36Dawuda n əwohni tukwoi, n wo ɓə daɓo dna n Zafnu Gyigyiyi, wo ɓə da:
“ ‘Dagayi ɓə gna əmi Dagayi:
“La sasetu n əmi ɓwaizhe
nya əsa ń mi ɓə kwu əho anuwnuyi
fyi n əho apitabwada snuta.” ’
37Dawuda n əwohni tukwoi ɓə yi wo, ‘Dagayi.’ Kwo ɓa zè n wunanu nsayi waa zhni əwo nugwnu a?”
Deeji yaakwo kwa kna wo tnubwa n agbmadai.
Ɓəkwnukwnù ntu n owa anyawuyi ɓo.
38Shi Yeisu ɓə gnyi woi wunya, wa gna, “Fye la əwyewna n owa anyawuyi. Ɓa ye ɓa zna laɓa n aje ayaakwoi kpe jesnu a ɓyi ɓa əgna zhi n adubayaakwo n mwamwagai, 39jesnu a ga ɓa asasekpeba adnagbmai fyi n Ayahudiyibwokwnu n aba mwamwa nyai n awyefnaba. 40Ɓa losa anyigbayi apwuwa ɓa pmyi ɓa wu əɓahni n aduwazhni akpamwai. A ɓə ga aza ye pya tata ń əwyei bmyibmyii.”
Nyigbayi nyaga
41Yeisu wa lo wa sasetu n awyei ce gaaga, n aba n a ɓə gnyi ai fyi nyaga nyi jesnu wa shi bəgyé awye shi ɓa ya əɓa gyiwye fyi n Dagayipwuwa nyaɓwasofyiba. Anyaɓwayi bəgyé ɓa ya gyiwye ayaakwo fyi n ɓo. 42Ama nyigbayi wyekwoyi, wa ɓe wa ya sisinkəɓwo azhnanai fyi ngwnu-aba, gyiwye to ɓə mwa m.
43Yeisu wa yì əwo amwutuyi zhi wa gna, “Gaiciya əmi nu gna fye, nyigbayi wyekwoyi ye wo kwu nyaga yafyi n nyaɓwasofyiba n du azaje nya vnyanya. 44Əɓa vnyanya ɓa knyiknyi nu ń əɓa nyaɓwa ɓanyi ga; ama əwo, dna n əwo awyekwo, wo kwu əwo nyahonyahoi ya fyi; ənya vnyanya ń wo ncei lo wa gyianyì ncei.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.