Maliko 2
2
Yesu akumnanicha munu munyalugaso
Matayo 9.1-8; Luka 5.17-26
1Pefichumbile figono fidodo, Yesu awuyile Kapelinaumu na vanu vapulike kuva agehe pakaye. 2Vanu volofu vamemile hilo mugati ata fwasi ikali kwihela, mbaka kwivala pamlyangilo. Yesu akali akuvadalikila njowo chinofu cha Nguluvi, 3Baho vafikile vanu vatai, vamnyamue munu munyalugaso vakamsindike kwa Yesu. 4Kwakuva lipinga lya vanu likali likomi vakalemwile kumsindika kwa Yesu, vatobuwe pono pa kitufili yeigehe pakyanya pono peagehe Yesu. Pevapatile pono, vakamkwisa yula munu akiva avasile pa kitefu. 5Yesu pealolile ludikilo lyawo, akamlongie munu yula munyalugaso, “Mwana vangu, ulekilwe sambi sako.” 6Vamonga va vawulanichi va malagicho pevali vikaliye pala vakahocha mnumbula chawo. 7“Wuli munu uyu ilonga ifyo? Ekumliga Nguluvi! Ndi ani yeiwesa kuvalekela sambi, ila Nguluvi yumwene?”
8Baho, baho Yesu akachele mahocho gyawo, akavalongela, “Wuli, muhocha ndeni munumbula chenu? 9Njowo liki lipefu hilo, kumlongela munu uyu munyalugaso, ‘Ulekilwe sambi chako,’ awu kumlongela; ‘Wime tegule litefu lyako ubite?’ 10Nondee ngamchela kuva Mwana va Munu anago umwimike va kuvalekela sambi chawo muinyi. Baho Yesu akamlongiye yula munu munyalugaso.” 11“Ndikulongela wime, tegule kitefu kyako uwelele kukaye lyako!” 12Yula munu munyalugaso akawime, akategula kitefu kyake akagenda pautalo pa vanu vonda pevilola njowo lula lukavaduduvile vanu vonda, vakamnjuma Nguluvi, vakilonga, “Tukali setupatila kowona njowo ngita yili haa!”
Yesu akumkemela Lawi
Matayo 9.9-13; Luka 5.27-32
13Yesu akahelela kangi mung'umbung'umbu lya lihiva lya Galilaya. Lipinga lya vanu likamfutila, na mwene akavangile kuvafundisa. 14Peachumbile, akamwene Lawi mwana va Alifayo, ekalile pono pa kuhombela kodi. Yesu akamlongie, “Nifuatile!” Lawi akawime, akamfuatile.
15Yesu akali akalile pa kaye lya Lawi akiliya kyakula, vahomba kodi volofu na venye sambi vakali vamfuatile Yesu na volofu vawo vakava vakalile panyi pamwinga na vachulila vake. 16Suwe, vawulanichi vangi va malagicho na Vafalisayo pevamuonile Yesu pagehe kulia pamwi na vanu venye sambi na vahomba kodi, vakavaucha vachulila vake, “Wuli aliya pamwinga na vahomba kodi na venye sambi?”
17Yesu peapulike, akavalongie, “Vanu sevitamika vakela hamu mulami, vevikela ndi vala vatamwa. Sendachile kuvakemela vanu vasanji, ila venye sambi.”
Yesu ihuchwa njowo lya kudinda kuliya
Matayo 9.14-17; Luka 5.33-39
18Suwe vachulila va Yohani na vachulila va Mafalisayo vakali vedinda kulya. Vanu vangi vamwelelie Yesu na kumuhucha, “Wuli vachulila va Yohani na vachulila va Mafalisayo vidinda kulya ila vachulila vako sevidinda kulya?”
19Yesu akavahigile, “Wuli, vevalalikwe kulihungu lya kutola viwesa wuli kudinda kulya chipindi vagehe pamwi na mtwa va lihungu lya kutola? Muda gonda vagehe pamwi na mtwa va lihungu lya kutola seviwesa kudinda kuliya. 20Ila kigono kikwacha mtwa va lihungu lya kutola ehumichwa kwavo, chipindi huwo ndevekudinda kulya.”
21“Pahela munu yeaitegula kipapi kimya na kuvika ku mwenda weusakie. Peugitele ifyo, kila kipapi kimya kidemula wula mwenda weusakie, nalo ikwanangika hilo. 22Vala kuhela munu yeavikile difayi miya mukihako gya gosi kiwofu. Peigita ifyo, yila difayi miya gikubachula ifyo kihako, kwaifyo difayi yisukwika na kihako kya ngwembe likwananga. Difayi miya ivikwa ku kichoba kipya.”
Yesu iwulanicha kuhusu kigono kya kutulula
Matayo 12.1-8; Luka 6.1-5
23Kigono kimwi kya Kutulula, Yesu pamwinga na vachulila vake vakali vakuchumba ku mikunda gya upemba. Pevali vagenda, vachulila vake vakavangile kudumula mihocho gya upemba. 24Vafalisayo vakamuhucha Yesu, “Wuli mwigita njowo lyelikanwilwe kugita kigono lya kutulula?” 25Yesu akavahigile, “Mwikali mwimbile hamu peagitile Dawudi paminga na vayake chipindi pevakali na njala? 26Dawudi ingile pa kaye lya Nguluvi chipindi Abiasali akiva mtekechi mkomi, akalia gila mibubunda yeivikile pautalo pa Nguluvi, ambayo ikali ibihilwe munu ye yonda kulya ila vale vatekechi ng'ani, Ila Dawudi akaliye akavagavila vayage.” 27Suwe, Yesu akavalongie, “Kigono kya Kutulula kivikilwe kwa ajili lya vanu, ila sevanu kwajili lya kigono kya Kutulula. 28Ndena, Mwana va Munu ndiye munya umwimike pakyanya pa kigono kya kutulula.”
Àwon tá yàn lọ́wọ́lọ́wọ́ báyìí:
Maliko 2: NTBnBL2025
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament in Benamanga @The Word for The World International and Benamanga Language translation, 2025. All rights reserved.
Maliko 2
2
Yesu akumnanicha munu munyalugaso
Matayo 9.1-8; Luka 5.17-26
1Pefichumbile figono fidodo, Yesu awuyile Kapelinaumu na vanu vapulike kuva agehe pakaye. 2Vanu volofu vamemile hilo mugati ata fwasi ikali kwihela, mbaka kwivala pamlyangilo. Yesu akali akuvadalikila njowo chinofu cha Nguluvi, 3Baho vafikile vanu vatai, vamnyamue munu munyalugaso vakamsindike kwa Yesu. 4Kwakuva lipinga lya vanu likali likomi vakalemwile kumsindika kwa Yesu, vatobuwe pono pa kitufili yeigehe pakyanya pono peagehe Yesu. Pevapatile pono, vakamkwisa yula munu akiva avasile pa kitefu. 5Yesu pealolile ludikilo lyawo, akamlongie munu yula munyalugaso, “Mwana vangu, ulekilwe sambi sako.” 6Vamonga va vawulanichi va malagicho pevali vikaliye pala vakahocha mnumbula chawo. 7“Wuli munu uyu ilonga ifyo? Ekumliga Nguluvi! Ndi ani yeiwesa kuvalekela sambi, ila Nguluvi yumwene?”
8Baho, baho Yesu akachele mahocho gyawo, akavalongela, “Wuli, muhocha ndeni munumbula chenu? 9Njowo liki lipefu hilo, kumlongela munu uyu munyalugaso, ‘Ulekilwe sambi chako,’ awu kumlongela; ‘Wime tegule litefu lyako ubite?’ 10Nondee ngamchela kuva Mwana va Munu anago umwimike va kuvalekela sambi chawo muinyi. Baho Yesu akamlongiye yula munu munyalugaso.” 11“Ndikulongela wime, tegule kitefu kyako uwelele kukaye lyako!” 12Yula munu munyalugaso akawime, akategula kitefu kyake akagenda pautalo pa vanu vonda pevilola njowo lula lukavaduduvile vanu vonda, vakamnjuma Nguluvi, vakilonga, “Tukali setupatila kowona njowo ngita yili haa!”
Yesu akumkemela Lawi
Matayo 9.9-13; Luka 5.27-32
13Yesu akahelela kangi mung'umbung'umbu lya lihiva lya Galilaya. Lipinga lya vanu likamfutila, na mwene akavangile kuvafundisa. 14Peachumbile, akamwene Lawi mwana va Alifayo, ekalile pono pa kuhombela kodi. Yesu akamlongie, “Nifuatile!” Lawi akawime, akamfuatile.
15Yesu akali akalile pa kaye lya Lawi akiliya kyakula, vahomba kodi volofu na venye sambi vakali vamfuatile Yesu na volofu vawo vakava vakalile panyi pamwinga na vachulila vake. 16Suwe, vawulanichi vangi va malagicho na Vafalisayo pevamuonile Yesu pagehe kulia pamwi na vanu venye sambi na vahomba kodi, vakavaucha vachulila vake, “Wuli aliya pamwinga na vahomba kodi na venye sambi?”
17Yesu peapulike, akavalongie, “Vanu sevitamika vakela hamu mulami, vevikela ndi vala vatamwa. Sendachile kuvakemela vanu vasanji, ila venye sambi.”
Yesu ihuchwa njowo lya kudinda kuliya
Matayo 9.14-17; Luka 5.33-39
18Suwe vachulila va Yohani na vachulila va Mafalisayo vakali vedinda kulya. Vanu vangi vamwelelie Yesu na kumuhucha, “Wuli vachulila va Yohani na vachulila va Mafalisayo vidinda kulya ila vachulila vako sevidinda kulya?”
19Yesu akavahigile, “Wuli, vevalalikwe kulihungu lya kutola viwesa wuli kudinda kulya chipindi vagehe pamwi na mtwa va lihungu lya kutola? Muda gonda vagehe pamwi na mtwa va lihungu lya kutola seviwesa kudinda kuliya. 20Ila kigono kikwacha mtwa va lihungu lya kutola ehumichwa kwavo, chipindi huwo ndevekudinda kulya.”
21“Pahela munu yeaitegula kipapi kimya na kuvika ku mwenda weusakie. Peugitele ifyo, kila kipapi kimya kidemula wula mwenda weusakie, nalo ikwanangika hilo. 22Vala kuhela munu yeavikile difayi miya mukihako gya gosi kiwofu. Peigita ifyo, yila difayi miya gikubachula ifyo kihako, kwaifyo difayi yisukwika na kihako kya ngwembe likwananga. Difayi miya ivikwa ku kichoba kipya.”
Yesu iwulanicha kuhusu kigono kya kutulula
Matayo 12.1-8; Luka 6.1-5
23Kigono kimwi kya Kutulula, Yesu pamwinga na vachulila vake vakali vakuchumba ku mikunda gya upemba. Pevali vagenda, vachulila vake vakavangile kudumula mihocho gya upemba. 24Vafalisayo vakamuhucha Yesu, “Wuli mwigita njowo lyelikanwilwe kugita kigono lya kutulula?” 25Yesu akavahigile, “Mwikali mwimbile hamu peagitile Dawudi paminga na vayake chipindi pevakali na njala? 26Dawudi ingile pa kaye lya Nguluvi chipindi Abiasali akiva mtekechi mkomi, akalia gila mibubunda yeivikile pautalo pa Nguluvi, ambayo ikali ibihilwe munu ye yonda kulya ila vale vatekechi ng'ani, Ila Dawudi akaliye akavagavila vayage.” 27Suwe, Yesu akavalongie, “Kigono kya Kutulula kivikilwe kwa ajili lya vanu, ila sevanu kwajili lya kigono kya Kutulula. 28Ndena, Mwana va Munu ndiye munya umwimike pakyanya pa kigono kya kutulula.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament in Benamanga @The Word for The World International and Benamanga Language translation, 2025. All rights reserved.