matiyu 16
16
Shɔ hɨ Yesɔ nɛu tasi shɔ vibii-zaanɛ
1Shɔ Farisawa a shɔ Sadukiya i arɛ a nta Yesɔ sɨsɨn i hɨunɛ, tasii vibii-zaa nɛ pɛ a kolapa. 2Yesɔ risi nyane, Naa dadɗarɛ kɛ pɛline, ɔ shane, <<ɗɔ yɛ kɔritɔ abii ni, aruu gbete nyasi nweri.>> 3A gadi zɨɨnkɔ ɔ shane, <<mii kolapa yɛ atɔ, aruu ɔ zɛ nyasi nweri a ɗɔ knri.>>Naa ɔkɛ kn noo ne a lapa kɛ riibii ne ɔ tɔneyi zɛ vigbete yɛtɔ, ama ɔ zɛ vigbete a ɗɔ yɛne a jaknti ɓa. 4Shɔ kɔ̃line a shɔ kpãtãngyi a jaa kntimii i kasi nɛ shɔu tasii vibii-zaanɛ, i basi Ɗalapa ɓa ama shɔ yɛ tasii vibii-zaanɛ ɓa se vibii-zaanɛ shɔ Jona, Kɛɗɔn Yesɔ sãu nyaba a yɛrɛ.
Farisawayi vuri a Sadukiyayi
5Yesɔ jadɔyi naa i to nya ɓooti wapo tɛ, ɓɛba i suki vishanɛ ntine tɛ naa ni. 6<<Ɔ kɔbii tɔ,>> Yesɔ gelii rɛ.<<Ɔ ga ɔyuu tɔ aruu shɔ Farisawa i vuri a Sadukiyayi ni.>> 7I naki jo ai noo i shane, <<Aruu gbete ujo nti vishane ɓa naa niɓa ya.>>
8Naa Yesɔ nta vigbete ikɛ shalinɛ yɛ tɛ, a hɨnɛ, <<Ɔ sisɨn ãne pẽtẽrẽ, ɔ naki ivi aruu nɛ vishanɛ ɓa awɔ noo viya?>> 9Ɔji nta vigbete n shayɛ ɓaya? Ɔji kpaa sɨsɨn ɓa aruu vishane gbete ang shari shɔ laa laa ziti atu kop ɓa maani (5,000) a borodi maani, ɔ tɔli u yasine nekn nya? 10Ko vishane ang shari shɔ laa laa ziti atu kop ɓa Nɛ̃ɛti, ɔ toli u yasine nekn nya? 11Ivi lɛrɔɔ zɛne kɛpivi ne nji nwanya ɓa aruu vishanɛ ɓa viya? 12Kɛɗɔn i zɛrɛ ne Yesɔ jo shaɓa aruu vuri gbete shɔ nwa borodi awuni yɛ ɓa, ama aruu vigbete shɔ Farisawa shɔ a Sadukiya i mati shɔ.
Bituru nɛ Yesɔ kɔ ɔ̃rɛ shɔ-shɔ raa nɛ
13Naa Yesɔ atɛ a tipi Kaseriya Filipi, hɨu jadɔyi nɛ,<<Shɔ pɔ̃ a sisɨn nɛ Yesɔ, shɔzɛja kɔ ɔ̃rɛ piya?>> 14Yesɔ jadɔyi i risi nya nɛ,<<shɔwɔyi shanɛ Yɔhana shɔ gbete ã Baptizɨma; shɔwɔyi ne Iliya; shɔwɔyi ne, Irimiya ko shɔwɔ gbete a yɛti Ɗa jashɔne.>> 15<<Ama ɔ sha ɓɛ kɛnɛ iviya?>>Yesɔ hɨn rɛ.<<Ɔ sha ɓɛɛ kɛnɛ npiya?>> 16Semon Bituru kasi Yesɔ nyanɛ,<<Mɔkaa kirisi, Ɗalapa ɓɛjaa.>> 17Yesɔ risi nya nɛ,<<Ɗalapa u tasaa Vɔɔu susãri biini, Semon Jona ɓɛjaa, ɓa jashɔzɛ gelaa vimrɛ ɓa, ama maye kolapa gelaa rɛ. 18N gelaa tɛttɔ mɔkaa Bituru, n yɛn maa jaa Ɗa gakkine jo a yuu tarim kɔ, vigbete akɛ kalinɛ a koo shɔ kalitɛ a kolapa ni; viwɔɔ yɛ tɛa kakka ɓa. 19N yɛn ãa saa nyejaa kpati roone Ɗa wɛrɛ a naa; vigbete akɛ manɛ a koo shɔ matɛ a kolapa ni gbot, vigbete akɛ kalinɛ a koo shɔ kalitɛ a kolapa ni.>> 20Kɛɗɔn Yesɔ gn u jadɔyi yuusho nɛ i kɔ geli shɔnɛ nɛn n kɔng kirisi.
Yesɔ nwanya aruu raa gbete yɛ ɓoo yɛ au vɔne
21Kɛɗɔuni Yesɔ daliu jadɔyi wasa-wasa nen yɛ Urushalima aɗɔwa kɔ nɛn yɛ ɓoraa waanɛ aruu vii tɔttɔt a shɔpẽni ɗɔlaa i naa ashɔ yupɛ̃ni jaa Ɗa i naa, a shɔmala nya ãsineyi, nɛ shɔ yɛ nyontɔ nɛn yɛ yulapa a lee taati. 22Bituru gɔ̃u kagbete a mariu rɛ. <<pɛliɓa, Uɓeyelapa!>>A shanɛ.<<Vim yɛ pɛliɓa a mɔkɔ ni ɓa!>> 23Yesɔ zaanoo a geli Buturu nɛ,<< gisibii nɛ kawa, japɛ̃pɛ̃ɛ̃ǃ Apɛ tari dɔɔ kɔnɛ ang ɗɔbii; Ɗalapa ruubii ɓa aa sisɨn niɓa ama shɔzɛ ɓɛɛ.>> 24Kɛɗɔn Yɛsɔ geliu jadɔyi nɛ, shɔ gbete kɛtɔnen gɨɨntɔ, setɛ bɛ̃u yutɛ u tuu laa gbete shɔ ɓa ne gishiye a gɨɨnrɛ. 25Shɔ gbete kɛ kasiu suru nɛ yɛ rariu naatɔ, shɔu kɛ ãu suru nɛ ang yuu yɛ kpaa sɔ̃n tɔ. 26Yɛ ɔ̃ri shɔu kɛpi koviya nakɛ kpaa vigbete a koo nɛ piti kpai, ji kpau suru ɓa viya? Ko ayɛ ãkɛ iviya shɔu yasaa suru rɛ viya? 27Aruu Yesɔ shɔzɛja yɛ ɔ̃ au ɓeye ɗɔ basine a Ɗa jashɔneyi lapa, kɛɗɔn shɔyɛ shori ko piya vi ɗɔ nwane ji nɔgbete pɛli vishone yɛ. 28N gelɔɔ tɛ nizɛ, <<shɔ gbete i ɗɔ shinɛ aɗɔm, vɔrɔ yɛ ɗii naa ɓa abii niɓa setɛ i zɛ Yesɔ, jashɔzɛ tɛ a ɗɔ kpati roone a Ɗa wɛrɛ.>>
Àwon tá yàn lọ́wọ́lọ́wọ́ báyìí:
matiyu 16: Laa
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Word for the World International and The Word for the World Nigeria
