matiyu 15
15
Yesɔ mati shɔ vi aruu vigbete wɔsɔ-wɔsɔ a vigbete ɓa wɔsɔ-wɔsɔ ɓa
1Kɛɗɔn Shɔ Farisawayi a shɔmala nya ãsineyi i à a Urushalima i hɨ Yesɔ ne, 2<<A jadɔyi i gn vigbete shɔ ãsi nya aɗɔn yɛba aruu viya? I sɔki naa ɓa i shavi rɛ ɓa aruu iviya!>>
3Yesɔ kasi nyarɛ, Ɔ ɓɛ̃ Ɗalapa nya ãsine gn ne ɓɛ aruu viya? 4Ɗalapa shane,<< Ɔ wɛsho tɔ a meye nyani a mini ni, shɔgbete dãa meye ne a mini ni shɔu nyou vɔrɔtɔ.>> 5Ɔ kɔ mati shɔ vijo ne shɔgbete kɛ ɔ̃ne a vigbete ã ɓeye a bini ni, << Vigbete ɔsi kpaa ang naa nen ãkɛ Ɗalapa,>> 6Ɔkɛ pɛline ɔ pɔ̃ a sɨsin ne ji leeɓa ɔ basi meye a mini ni ɓa. Aruumkɔ ɔ nyo nya ãsine Ɗalapa nya ruubii tɛ. 7Shɔ -shɔ ɗakineyi! Ishaya sha si vitɔ̃vɨng aruu gbete nwa nya awɔ yuu yɛ: 8<<Shɔmiyi i nwang nya ruubii naa i basin tɔ, ama i sɨsɨn a n kɔni kpɛlɛ.>>
9I geng nya ɓejo wɛzɛ;
i matine shɔ ɓɛjo vigbete shɔzɛ ãsi nyarɛ ɓa Ɗalapa ɓɛ ɓa.
10Kɛɗɔn Yesɔ ɓa mɔɔyi nyarɛ a geliyi ne, <<Ɔ wesho ang nya ɔ nta ruum pɛ tɔvɨng. 11Ɓa vigbete shɔzɛ tosi a nya ukɔ pɔ̃rɛ u ɔ̃ <shɔ ruuvini ɓa,> ama vigbete shɛ au nya ukɔ pɔ̃rɛ u rii <shɔ ruuvini.> >> 12Kɛɗɔn Yesɔ jadɔyi i au ɗɔbii a hɨu ne, << ɔ zɛ nɔgbete shɔ Farisawayi i lɛsi yɛti aɗɔ ruum ntane tɛ ya?>> 13Yesɔ risi nyarɛ ne,<<Vigbete ɓa mayɛ kolapa ɓarɛ ɓa shɔyɛ áa gnrini a lɔki ɓili.>> 14<<Yai weze; Shɔnoo gbãtiyi sãriyi labáàrɛ. Naa shɔnoo gbãti kɛ sãri shɔnoo gbãti labáàne, i piti kpai i tɛ̃e a to>> 15Bituru shane, <<Tasiu ruu ɓerɛm pɛ wasa-wasa.>> 16<< Ɔ doo yuu notiya >>Yesɔ hɨ rɛ. 17Ɔ ji zɛɓane vigbete kɛ tone a nya yɛ to yɛti a shɛ sɔ̃n a ɓili ɓaya? 18Ama vibgete kɛ shɛne a nya shɛ a sɨsin, vinkɔ pɔ̃ shɔzɛ rɛ u <<shɔ ruuvini.>> 19A sɨsinkɔ vikɔ̃line shɛrɛ, naa shɔ yɔ̃ne, roone a shɔ so, roone a jasoro gbete shɔji tɛu ɓayɛ, viɓɔɔne, nya yeline a vigbete aji zɛɓayɛ. 20Vinkɔ piti kpai ukɔ pɔ̃ shɔ rɛ a ɔ̃<< shɔ ruuvini>>; ama vishane a naa zizi pɔ̃ << shɔ ruuvini ɓa.>>
Suu Kanan ã sɨsin a Yesɔ bii
21Yesɔ ya ɗɔu rɛ, a risinoo aka tipi Taya a Sudum. 22Kɛɗɔn Suu wɔ ɗɔn a kanan tipi a Yesɔ ɗɔbii, u ɗɔgbete sɨn yɛ,<<Uɓeyɛlapa, Dawuda ɓɛjaa, ntang raajoǃ Rãmaa pɔ̃ng jasoro tɛ a ɗekn u ɗɔ raa ɓoone.>> 23Yesɔ jo sha ruu wɔɔɓa. Kɛɗɔn u jadɔyi i au ɗɔbii a gakkirɛ ne,<<Yɨkiune kɛ kariu shone a nyavɔɔ.>>
24Yesɔ kasi nyarɛ ne,<<Shɔ shɔng a shɔ Yahudawa gbete i ninyaba naa jamɛɛrɛ yɛ i yuu.>> 25Ama Suu arɛ a ta yugboti a Yesɔ ɗekn.<<Uɓeyɛlapa, pɔ̃sing naa jo>> suu sharɛ. 26Yesɔ risiu nyane, <<Yɛ kɔriɓa shɔu tuu kn gbete ne shɔ ã jaayi shɔu lɔki zaayi ɓa.>> 27<<Nizɛ, Uɓeyɛlapa,>>suu sharɛ, <<zaa ma sha vigbete kɛ shishine a tipi a ɓeye ɗɔ vishane tɔ.>> 28Kɛɗɔn Yesɔ kasi suu nya ne,<< a sɨsin ãne ɗɔn bang! Vigbete a kasiyɛ shɔyɛ ãtɔ.>>Aɗɔukɔ naa Yesɔ yisi nyanwane tɛ u jasoro gati rɛ.
Yesɔ shari shɔ laa laa ziti au jaa maani ɓa Nɛ̃ɛt (4,000)
29Yesɔ ya ɗɔurɛ yɛkɛ nya mii wapo a Galili. Kɛɗɔn gɛ̃kɛ yukɔpɔ a ɔ̃ a ɗɔukɔ. 30Mooyi i au ɗɔbii, i ntiu shɔ dɔɔ kagbeteyi, shɔ noo gɓãtiyi, shɔ dɔɔ gbutuyi, shɔ nyaɓayi a shɔgbete i bii vɔrɔ waane, i pɔ̃si Yesɔ a ɗekn; a gatirɛ. 31Shɔwi ɔ̃ri vibii zaane aɗagbete izɛ shɔ nyaɓayi adɔ nwanyane, shɔ dɔɔɓayi i yulapa tɛ, shɔ dɔɔ kagbeteyi i ɗɔ raane shɔ noo gbãtiyi izɛ ɗɔtɔ. I basi Isrela Ɗalapa tɔ. 32Yesɔ ɓa u jadɔyi nya a geliyi ne, <<Nta shɔmi raa tɛ; aruugbete i ɔ̃tɛ ang aɗɔ bii dɔɔ taati vishane ɓa. Njo kasiɓa n ãi naa ɓa a wɔ̃niɓa, aruu iyɛ nwesi rɛ a nyaba.>> 33Yesɔ jadɔyi i hɨu ne,<<U yɛ kpaa vishane gbete yɛ tɛsi shɔmii kɛpi aɗɔni piya?>> 34<<Ɔ borodi a naa nekn nya?>>Yesɔ hɨ rɛ. <<Maanzi,>>i kasiu nya rɛ, <<A jazɨng ni fɛ̃.>> 35Yesɔ geli mooyi nei ɔ̃ne tipi. 36Kɛɗɔn tuu borodi maanzii rɛ a jazɨng ni a naa a ɗɔ̃ri Ɗalapa rɛ, a dalirɛ a tuu rɛ a ãu jadɔyi, kɛɗɔn u jadɔyi ãli shɔ rɛ. 37I piti kpai i sharɛ a ya gãsi. Kɛɗɔn Yesɔ jadɔyi nyeki u daline au yayɛ ɓuti maanzi lolot. 38Shɔgbete ai shaa borodiu yɛ isi laa laa ziti atu kop au jaa maani ɓa Nɛ̃ɛt (4,000), sɔrɔyi ɓa ɓuzɨn ni ɓa jajayi. 39Kɛɗɔn Yesɔ ã shɔwi naa rɛ, to yɛti girgi a yɛkɛ tipi Magadan.
Àwon tá yàn lọ́wọ́lọ́wọ́ báyìí:
matiyu 15: Laa
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Word for the World International and The Word for the World Nigeria
