Aphutna 50
50
Zakob Ranga Āiguptā Chapanngūina
1Zosef chu a pā māi ā boi a, a chap a, a biang a tum a. 2#2Kh 16:14; Mt 26:12; Mk 16:1; Zn 19:39-40Zosef-in a suok mīentheipū ngāiin a pā ruok chu lui marimhui ākhuo ranga chong a pēk a. Mīentheipū ngāiin Israel a ruok chu marimhui lui a khuo u na. 3#Dān 1:3Amānī'n ni 40 a mannāng u na. Asik chu hava dōr nī ha marimhui ākhuo ngāi ranga ei nang u chachak a ni. Āigupta mi ngāiin ama ranga nī 70 chapanngūi u na.
4Ama ranga chapanngūina nikhuo ngāi a theng suona, Zosef-in Faro insūngkuo ngāi a chongpui a, “Na mitmūna lungkham kā tung ten, lungkhama Faro riata na tipē ro, 5#1Sa 18:18; 2Kh 16:14; Isa 22:16; Mt 8:21; 27:60‘Ka pā'n chong a na mantin a, “Entā, āthi rang kā ni zei, Kanān rama ka thān ranga khur kei chuina han, hava han nei na phūm u rang,” a tī na. Hasikhan lungkhama ka pā phūm ranga na mansē ro ba, hong kīr rēt ka ting,’ ” a tī na. 6Faro'n, “Sē tānla, na pā va phūm ro, chong ei na mantin anga,” a tī na. 7Hankēng Zosef chu a pā phūm ranga a sē na. Faro suok ngāi dōra, a insūnga pātar ngāi dōra lē Āigupta rama pātar ngāi dōra ama bila a sē u na. 8#Ant 10:8-9, 26Zosef a insūngkuo ngāi dōra lē a paruol ngāi dōra lē a pā insūngkuo ngāi chu a bila a sē u na. A naite u ngāi, a beraruol u ngāi lē a sarātruol u ngāi rong Gosen rama, a māk u na. 9#Aph 46:29; Kui 8:2A bila sakortolāi lē sakorpū ngāi a sē u na. Mipuianchun alianpā a ni u na. 10#Lev 10:6; Rūt 3:2; 1Sa 31:13; 2Sa 1:17; 24:18; 1Rē 22:10; 2Kh 35:25; Zōb 2:13; Izk 3:15; 32:16; Kui 8:2Zordan dung varāla āom Atad rīmuna a hong āsuok u na, hava han chapna lā lian sabak le han a chapchān u na, a pā ranga ni sari chapanngūina nī a mang u na. 11Hava rama mī Kanān mi ngāiin Atad rīmuna, a chapanngūi una a mū u na, amānī'n, “Āigupta mi ngāiin ei chapanngūi u hi āna sabak kēng,” a ti u na. Hasikhan hava mun raming ha Abel Mizraim#50:11 Abel Mizraim: “Āiguptā mi ngāi uoina” tīna a ni. a phuo u na. Hava mun ha Zordan dung varāla om a ni.
12 #
Ant 20:12; Kui 7:12 A nāipasal ngāiin ama rang chong ei pēk anga a thō u na. 13A nāipasal ngāiin Kanān rama a sēpui u na. Mamre phāmāna Makpela phāia pūkkhura a phūm u na, hava ha Abraham-in thān mun dōngluo ranga Het mī Efron kōm ātā phāi le anlopa ei rachōk a ni. 14A pā a phūm suona, Zosef chu ama le a paruol ngāi le, a pā āphūm ranga a bila āsē ngāi dōra le han Āiguptā-na, a kīr rēt a.
Zosef a Paruol ngāi Lungngamsakna
15 #
1Pe 3:9
Zosef a paruol ngāiin a pā u ei thī a mū u na, amānī'n, “Zosef-in a na mūmāk ving inle, a chunga āsia nei thō ngāi dōra phubā chu akip thaka koini na chunga a na lāk inle,” a ti u na. 16#Chn 29:25Hankēng Zosef a kōma palāi a mansē u na, “Na pā a thi mān hivā chong hi a na pēk a. 17#Mt 6:14‘Hintin hin Zosef a kōma: “Lungkhama na paruol ngāi masialna lē siatna chu maduol ro. Asik chu na chunga āsiat ei thō u kēng,” ’ a tī na. Lungkhama atun, na pā Pathian suok ngāi masial chu na maduol ro,” tīna a kōma a ti u le chu, Zosef chu a chap a. 18#Aph 41:43A paruol ngāi um a makunga a vā'n bok u na, “Entā, koini hi na suok ngāi nā ni” a ti u na. 19#Ant 32:34; Rōm 12:19; Heb 10:30Zosef-in a kōm u na, “Āchi u nō ro, koi hi Pathian dingmuna āom mo kā ni? 20#Est 4:14; Isa 10:7; Mik 4:11-12; Rōm 8:28Nangnī'n chu ka chunga āsia thōna, na mandon u na, tenchu Pathianin āsā thōna ranga kēng a lei mandon. Aviana ei thō anga, mī tampā ei dama ei zōk theina rang ei mandon a ni. 21#Efe 4:32Hasikhan āchi u nō ro, nangni lē na nāi u ngāi na zon kiar u ka ting,” a tī na. Amāni chu lungngam a sak a, chong ahui#50:21 chong ahui: Hebrāi chonga “a malung una chong a ril” tīna anziak a. le han a rakōk kiar a.
Zosef ei Thina
22 #
Zos 24:29
Zosef chu ama lē a pā insūngkuo ngāi le han Āiguptā-na, a om u na. Zosef chu kum 110 a dam a. 23#Atl 26:29; Dān 3:15; Zos 13:31; Rui 5:14; Zōb 42:16Zosef-in Efraim a nāi ngāi khūk anthumna tenpei a mū na. Menase a nāipasal Makir, a nāipasal ngāi um Zosef a kekunga, ālian a ni u na. 24#Rūt 1:6; Sām 35:2Zosef-in a paruol ngāi kōma, “Āthi rang kā ni zei, tenchu Pathianin na hong kiavāng ngēt u'n ti. Hivā ram ātā, Abraham, Isak lē Zakob ngāi kōma, āpēk rang ei tin rama na la ruoi u'n ti,” a tī na. 25#Heb 11:22Zosef-in Israel nāipasal ngāi chu khomāk a mansam a, “Pathianin na hong kiavāng ngēt u'n ti, hivā mun ātā ka ru ngāi chu nei chōi u rang,” a tī na. 26#Ant 1:6; Zos 24:2Zosef chu kum 110 a ni han a thī na. A ruok chu lui marimhui a khuo u na, Āigupta rama tolāi sūnga a siak u na.
Àwon tá yàn lọ́wọ́lọ́wọ́ báyìí:
Aphutna 50: RNL
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible in Ranglong, © Bibles International, the Bible society of Baptist Mid-Missions, 2024.