Aphutna 48
48
Zosef a Nāi Ngāi Kōma Zakob a Bōr Pēk
1 #
Heb 11:21
Hava ngāi suona hintin hin a nī na, Zosef a kōma, “Entā, na pā chu ānā a ni,” tīna anril a. Zosef-in a nāipasal anni ngāi Menase lē Efraim chu a ruoi a. 2#Dān 3:28; 1Sa 23:16Zakob a kōma, “Entā, na nāipasal Zosef na kōma hong,” tīna anril a. Israel chu a lei āhar a, zāmuna a lei ānsut a. 3Zakob-in Zosef a kōma, “Āthōtheikiarpū Pathian chu Kanān rama, Luz-a han ka kōma a hong ānlār a, bōr a na pēk a. 4Amā'n ka kōma, ‘Entā, marā na mandōna na maphung ka ting, nang chu nam atampāna na sin ka ting, hivā ram hi na nūka na khūk ngāi kōma tāituona dōngluo ranga pēk ka ting,’ a tī na. 5Āigupta rama, na kōma kā hong māna, Āigupta rama, na ranga anzir na nāipasal anni ngāi chu ka tā a ni. Ruben lē Simeon ngāi ang dēna Efraim lē Menase chu ka tā ei ni u rang. 6Hava ngāi suona nāi nei la nei ngāi chu na tā nī'n ti. Amāni chu a paruol u ngāi raminga a dōngluo una anpāi u'n ti.#48:6 Ole, “Amānī'n a paruol u ngāi raminga dōngluo man u'n ti.” 7#Rūt 1:2; 1Sa 16:4A nīna koi ka rang chu, Padan ram ātā kā hong lāi han, Rahel chu ka kōma a thī na. Hava ha Kanān ram lampui kōla Efrat khuo suok rang vita a ni. Hava han Efrat (hava ha Betlehem a ni) khuo lampui kōla ama chu ka phūm a.”
8Israel-in Zosef a nāipasal ngāi a mū na, amā'n, “Hiva ngāi hi tū mo?” a tī na. 9Zosef-in a pā kōma, “Hiva ngāi hi ka nāipasal ngāi, Pathianin hivā rama ei na pēk,” a tī na. Amā'n, “Lungkhama ka kōma hong ruoi ro, amāni chu bōr pēk u ka ting,” a tī na. 10Israel chu ei tar sika a mit anthimpē na, mū thei lāi mak a. Zosef-in amāni chu a kol a, a ruoi a, a lei tum a, a lei ākuo na. 11#Zōb 42:16; Sām 103:17Israel-in Zosef a kōma, “Na mēl ngal hi āmū rang kei ān-iam lāi nōk. Entā, Pathianin na nāi ngāi tenpei ei na la manmū a ni!” a tī na. 12#Zōb 3:12Zosef-in amāni chu a pā ketor ātā a lāk a, a māi phil atōna a mōk a. 13#Sām 16:8; Mt 25:33Zosef-in aninīn u a ruoi rit a, Efraim chu a chang kut le han a sūr a, (hava ha Israel a voi tiang), Menase chu a voi kut le han a sūr a, (hava ha Israel a chang tiang), a hong ruoi a. 14Israel-in a bān a phar a, a chang kut chu Efraim, nāipangpū lu chunga a bāng a, a voi kut chu Menase, nāirapā pū lu chunga a bāng a, ariat uoma a kut a thūl a, Menase ha nāirapā ei ni sika. 15#2Sa 5:2; Sām 23:1; Isa 40:11; Zer 23:4Zosef chu bōr a pēk a, amā'n,
“Ka pā Abraham lē Isak kal a lei chōipui u chachak Pathian matona,
Ka damsūng nī aphut len ātā avian tenpei anā vāipū Pathianin,
16 #
2Sa 4:9; Sām 71:4; Zer 15:21; Heb 11:21 Āsia dōra nātā anā'n ratanpū vānpalāiin,
Hivā naite ngāi hi bōr pēk rase.
Amāni chu ka raming anputa om rase,
Ka pā Abraham lē Isak ngāi raming anputa om rase.
Amāni chu phil chunga hin mipui alianpāna pung u rase,” a tī na.
17 #
Aph 28:8
Zosef chu a pā'n Efraim a lu chunga a chang kut ei bāng a mū na, a malung dō mak a#48:17 a malung dō mak a: Hebrāi chonga “a mitmūna a siat a” tīna anziak a.. Hasikhan a pā kut chu Efraim lu chung ātā Menase a lu chunga āthot ranga a lāk a. 18#Aph 19:18; 49:3Zosef-in a pā kōma, “Ka pā, hintin hin ni mak, ama hi kēng nāirapā, na chang kut hi a lu chunga bāng ro,” a tī na.
19Tenchu a pā chu nuom mak a, amā'n, “Ka riat, ka nāipasal, ka riat. Menase hī'm mipui hong chang in ti. Ama hī'm la hong lian in ti. Tenchu a nāipā hi ama nēka hong lian in ti. A khūk ngāi chu nam ātampā la hong nī u'n ti,” a tī na. 20#Lev 9:22; Atl 2:18, 20; 6:23; Dān 10:8; Rūt 4:11; Zer 31:9; Heb 11:21Zakob-in amāni chu hava nikhuo han bōr a pēk a,
Amā'n, “Na raming amanga Israel-in bōr pēk in ti, amā'n, ‘Pathianin Efraim lē Menase anga na sin rase!’ ” a tī na.
Hantin han Efraim chu Menase ranga atontīr ei manchang a ni. 21#Dān 30:3; Sām 126:1; Zer 29:14; Izk 34:13Israel-in Zosef a kōma, “Entā, āthi rang kā ni zei, tenchu Pathianin na ompuia, na pā u ngāi rama na ruoi rēt u bō ni. 22#Aph 15:16; Zos 24:32; Zn 4:5Hava panga nang chu na paruol ngāi chang-āi ranga aliak khat atama kei na pēk. Hava mun ha Amor mi ngāi kut ātā ka khendāi lē ka thal le han kei lāk a ni,” a tī na.
Àwon tá yàn lọ́wọ́lọ́wọ́ báyìí:
Aphutna 48: RNL
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible in Ranglong, © Bibles International, the Bible society of Baptist Mid-Missions, 2024.