Anthokna 1
1
Faro'n Israel ei Pēngsōmna
1 #
Aph 46:8
Hiva ngāi hi a ni Israel nāipasal ngāi raming Āiguptā-na āhong ngāi chu, amāni lē a insūngkuo chip Zakob a bila a hong u na: 2Ruben, Simeon, Levi lē Zuda, 3Isakhar, Zebulun lē Benzamin, 4#Atl 1:20-43Dan, Naftali, Gad lē Aser. 5#Aph 46:26; Dān 10:22Zakob a taksā ngēt ātā āsuok dōra chu mī 70 a ni u na (Zosef chu Āiguptā-na a lei om zēt suo a ni). 6#Aph 50:26; Kui 7:15Zosef a thī na, a paruol ngāi dōra lē amāni khūk dōra a thi u na. 7#Aph 12:2; Dān 7:13; Izk 16:7Tenchu Israel nāi ngāi chu marā a hong dōn u na, ansōn sabak u na, a pung u na, ranak a hong ānei sabak u na, hā ram chu a sip ziak u na.
8 #
Zer 43:11; Kui 7:18-19 Hatuka Āiguptā-na han Zosef riatlui rēng athar chu a hong ānthui a. 9#Aph 26:16Amā'n a mi ngāi kōma, “Entā, Israel nāi ngāi nam hi koini nēka atama, ranakanei u zei. 10#Sām 105:24-25; Kui 7:17-19Thota, hiva ngāi le hin ahian sabaka ompui u rei. Hanōkten a pung lam ving u ngāi, anduina tika rāldui ngāi tianga a kop a, koini a nā'n duipui a, hiva ram ātā asuoka a sē lam ving u ngāi,” a tī na. 11#Aph 47:11; Isa 60:10Hasikhan puokrik lē amāni a dūk anna ranga a chung una sinthō āvēngpū ngāi a phun u na. Faro rang neinun ei mankhōmna rang, Pithom lē Rameses khopui chu a sin u na. 12Tenchu a dūk ei manna u tuk, amāni chu a pung u na, ansōn riam u na. Israel nāi ngāi sika a rathā ta u na. 13#Aph 15:13-14; Sām 129:1; Isa 30:6; Zer 11:4Hasikhan Āigupta mi ngāiin, Israel nāi ngāi chu antak sabaka suok sin a manthō u na. 14#Aph 11:3; Atl 20:15; Sām 66:11; Kui 7:19Amāni chu sin antakna tin lē ratāt sina, philpok sina lē phāia sin dōra le han ei dam una chu a mankhapē u na. A sinthō una dōrāna antak sabaka suok anga dorbō a mandom u na.
15 #
Aph 35:17
Hatuka Āiguptā rēngin Hebrāi kūrmālōmā ngāi a chongpui a, angkhatpū raming chu Sifra lē angkhat rēt pū raming chu Pua a ni. 16Amā'n, “Hebrāi nupang ngāi rang nāi annei sin na thō u le han, amāni chu nāi neina muna na mu u le, pasal a ni ten that u tānla, tenchu nupang a ni ten, ama chu dam rase,” a tī na. 17#1Sa 22:17; Chn 16:6; Dnl 3:16-18; Kui 4:18Tenchu kūrmālōmā ngāiin Pathian āchi u na, Āiguptā rēngin chong ei pēk anga thō u mak a. Nāitē pasal ngāi chu a mandam u na. 18Hatuka Āiguptā rēngin kūrmālōmā ngāi a pāi a, amāni kōma, “Hong sika mo hiva neinun nei thō u lē pasal nāitē ngāi nei mandam u?” a tī na.
19 #
Zos 2:4-6; 2Sa 17:20 Kūrmālōmā ngāiin Faro kōma, “Asik chu Hebrāi nupang ngāi hi Āigupta nupang ngāi ang ni u mak. Asik chu amāni hi a chak u na, kūrmālōmā ngāi a hong u mān, nāi a lei ānei u chachak a,” a ti u na. 20#Chn 11:18; Chp 8:12; Isa 3:10; Heb 6:10Hasikhan Pathianin kūrmālōmā ngāi chunga ei satna ei manlang, mi ngāi chu a hong āpung u na, ranakanei sabak u na. 21#1Sa 2:35; 2Sa 7:11, 27-29; 1Rē 11:38Kūrmālōmā ngāiin ei āchi u sika, Pathianin insūngkuo a pēk a. 22#Aph 41:1; Kui 7:19Hatuka Faro'n a mi ngāi dōra chong a pēk a, “Nāipasal anzir dōra chu Nail tidunga nei pei u rang, nāinupang dōra chu adama nei mazōk u rang,” a tī na.
Àwon tá yàn lọ́wọ́lọ́wọ́ báyìí:
Anthokna 1: RNL
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible in Ranglong, © Bibles International, the Bible society of Baptist Mid-Missions, 2024.