Na Sailm 93
93
Salm 93.
Dominus regnavit.
1Is é an Tiarna is Rí, ċuir sé air éadaí na glóire: ċuir an Tiarna air a éadaí, agus ċrioslaiġ sé é féin le cuṁaċt.
2Ḋaingniġ sé suí na cruinne: go naċ féidir a corraí.
3Ó ṫús an doṁain tá do ċaṫaoir ullṁaiṫe: is ón síoraíoċt atá tú ann.
4Dʼéiriġ na tuilte, a Ṫiarna, dʼardaiġ na tuilte a nglór: ardaíonn na tuilte a dtonnta.
5Dá ṫréine iad tonnta na farraige, agus dá uafásaí a mire: is tréine ná iad an Tiarna, a ḃíos ina ċónaí in Airde.
6Níl ní is cinnte, a Ṫiarna, ná dʼḟianaisí: beiḋ an naofaċt go deo ag teaċt do do ṫeaċ.
Àwon tá yàn lọ́wọ́lọ́wọ́ báyìí:
Na Sailm 93: OC1965G
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Cumann Gaelach na hEaglaise (Irish Guild of the Church) 1965