Markosi Phrinzangpo X.
X.
1Yang Kho derna hur Jangso Yordani pharkas yang Yudahiye yuli thamauniang skyods yang mibongsun nyanbo Khoe shitia yang dus. Yang Khos rangi rshnyoḵẖspo na zomse khongunla yang ltsabs. 2Yang Pharisyapaunis shitia yongse Khoa daqpos rangi anewa shaqma tangcha dodeda med zere khoa thiks shadpa trin yodpin. 3Amma Khos tamlaniang khonga mols : Moshes khyentanga chi skalspin ? 4Ni khongunis Jus : Moshes shaqmao tangspi chhadpo shoqshoqika zbria yang chhachukpa skals. 5Yang Yeshus tamlaniang khongunla mols : Khos khyenti rdoasnying thongse yodpi phya khyontanga di skalskhanpo zbrispin. 6Amma ldanchukchi ryaḵẖsiangna Ashipas khong khyoqa-buthsa nang bomo-buthsa ldanchuks. 7Diphya miyu rangi atao nang amao na bese rangi aneo nadrese dukcha chhok. 8Yang khong nyiska rgo chikchik chhok, ni khong rgo nyis men dobasang chikchik in. 9Diphya Ashipas thudskhanpo mia bar phemaphechukshik! 10Yang khangma-a khoe lzadrulbakhanunis Khoa de rshmangeang yangang tris. 11Yang Khos khonga mols : Sus rangi anewa shaqma tangse yang anok lensna khos do snani aneo na loli baspao natsoḵẖs in. 12Yang taqdir aneos rangi miwa shaqma tangse yang michikchik maqpa-a khyongsna de aneos loli bed.
13Yang khongis Khoa thsuntse phru-un Khos khongunika chhaqlaqun Jaqpi mingna khyongs, amma lzadrulbakhanunis de phru-un khyongskhanunla khathsiks bas. 14Amma Yeshua dyu ziksona, thukrshro skyods yang khonga mols : Thsuntse phru-un ngi shitia yongchukshik yang khong ḵẖadmaḵẖadchukshik chiazerbana Ashipi rgystridpo dya tsoḵẖsuni in. 15Chhadkhika ngas khyentanga zered : Gasus Ashipi rgyastripoa thsuntse phru natsoḵẖs base in mazerna kho deangnuk mana juksha michha. 16Yang Khos khong phangma-a lene khongika chhaqlaq Jaqse khonga skidchani shazde sals.
17Yang Kho phyista-a bingse lam zune skyodtsana mi chik bang khyongse yongs yang Khoe dunla phuksmo thsukse khos Khoa Jus : Kasa noro ltsabkhan, Rshtane lushi sonluksi thobthsir thobkhan chha ngas chi ba Ju ? 18Ni, Yeshus khoa mols : Khyeres nga-a noro chia zered ? Ashipa khorang chikchik tsa mene yang su noro men. 19Khyeranga skalskhanun na shesed : Khyeres loli mabos, khyeres mi masod, khyeres rshku marshku, khyeres rdzoni rshpangpo matong, khyeres sua rshnodkye hlepmachuk, khyeres khyeri ata nang ama rimpa bos. 20Yang khos tamlaniang Khoa Jus : Kasa ltsabkhan, nga phrutsana di tamun Jungika drulsodsuk.Ju. 21Ni, Yeshus khoa ziksona Khoa rgasnyi yongs yang khoa mols : Khyoriang las chikchik med : song, khyeranga tsamtsek yodna dyaun saq tsong, yang nyalbachanunla tong, yang khyeranga rshnamika sera thobtuk, dekana yong, kaṯo shingpo khure ngi lza-a drul. 22Amma khoa de tampo thsorbana ḵẖolṯochan songse khoe snyinga phoqse bingse song chiazerbana kho mangmo yodkhanchik inmin. 23Yang Yeshus khridkhorla zikse rangi lzadrulbakhanunla mols : Sera yodkhanunla Ashipi rgyastridiang Jukspa tsamtsek rshkablas in. 24Yang lzadrulbakhanun Khoe speraunika rgyal, amma Yeshus yang tamlaniang khonga mols : Wahunik phru-un, norzanika rdyang Jaqkhanunla Ashipi rgyastridiang Jukspa tsamtsek rshkablashik in. 25Rshngabonga khabi mig — (zerkhan zgo)-s bingse chhachao nordaq michik Ashipi rgyastridpeangnuk Jukshao basang thep ltsamo in. 26Yang khong ma mangmo rgyale khontes rgyalthaq chhade khontang chikchiga zes : Ni, khomlukspo thobchukpi khyud sua yod ? 27Amma Yeshus khongi ngosla zikse mols : Dyu miuni ngoslana men dobasang Ashipi ngoslana khyudchashik in, chiazerbana khyudchasun Jung Ashipa nanyambo duged. 28Yang Petrosis Khoa Jua ryaḵẖs : Ziksang Ju, ngachas saq phangs yang yeri lza-a yongsuk. 29Ni Yeshus tamlaniang mols : Ghhadkhika ngas khyentanga zered : Ngi phya yang phrinzangpoe phya khangma, hana phonoun, hana achne-nomoun, hana ata, hana ama/, hana ane/ hana phru-un hana sakyadun phangskhan. 30Yang dare di dusiang khoa khangmaun, nang phonoun, nang ackhe-nomoun, nang amaun, nang phru-un, nang sakyadun, naḵẖsuniangnuk dukse rgyaloq mathobkhan chikchigang med, yang yongcha yodkhan duspeang rshtane lushi sonlukspo (thobcha in). 31Amma snapa mahgmo Jukpa chnok yang Jukpa mangmo snapa chhok (snaJuk noruk).
32Ni, khong Yerushalema chhe gyenchan lampcka yodpin, yang Yeshu khongi sna-a skyoden yodpin, yang khong snyingla mana rgyalen yodpin, yang khong Jiksen Khoe lza-a druledpin, yang Khos de chunyispo yang khride khonga Rangi luksiang chhacha yodkhanun molba ryaḵẖs : 33Ltashik, ngantang gyenla Yorushalema chhed, yang Adami Buthsao gowa kohenun nang chnos zbrikhanuni laqa tangcha chhacha in yang khongunis Khooka sadchi shaḵẖs phecha in yang Kho Janmi mithsiruni laqa tangcha in. 34Yang khongunis Khoa jargad bacha in yang khoeka rshtalchaqs tangcha in yang Khoeka thu tangcha in, yang Kho sadcha in ; yang Jaq sumi Jaqa Kho son langsha chhacha in.
35Yang Zebedaybsi buthsaun Yaqobos nang Yoannesis Khoe shitia di Juik ben yongs Kasa ltsabkhan, ngachas Yeranga mana chi Juchaspo ngachi phya yeres ba zadpao la ngacha thadedpa Ju. 36Ni, Khos khonga mols : Ngas khyenti phya chi ba-a khyentang thadedpa ? 37Ni khongis Khoajus : Ycres ngachi phya yeri chhezbreliangnuk ngacha nyiskoeangna chikpo yeri trangngosika yang chikpo yeri yonngosika dukchukpa zadang. 38Amma Yeshus khonga mols : Khyentes chi Juid zerchao khyentanga rshtaḵẖspa med. Ngas thungkhan karolpo thungma yang ngas lencha yodkhan chhurkyalpo lqnma khyentanga khyud yoda ? 39Ni khongis Khoa Jus : Ngacha-a khyuded Ju! Amma Yeshus khonga mols : Chnadkhika ngas thungkhan karolpo khyentes na thungnuk, yang ngas lenkhan chnurkyalpo khyentesang lenuk. 40Amma ngari trangngosla yang yonngosla dukchukpa ngas tangchao men dobasang chhetaq bakhanuni phya in. 41Yang dyu goana khong rchukas Yoqobos nang Yoannesika ḵẖa ba ryaḵẖs. 42Amma Yeshus khong shitia yong zere khyongse khonga mols : Janmi mithsiruni rgyalchhosbakhan in samkhanun khongun ashi bed yang khonti chhopo miunis khongunika bashan yod zere khyentanga shesed. 43In na-ang khyenti bariang ḏinḏek michha, dobasang khyentiangna chhopo chhok samkhanpo khyenti jabshia duktuk. 44Yang khyentiangna saq basang snapa chhok samkhanpo Jungi tson duktuk. 45Chiazerbana mana Adami Buthsa-ang ranga jabsthoq thobcha mayongs, dobasang jabshia yongs, yang rangi stroqpo mangnoe stroq-skinla skorba yongs.
46Yang khong Yerikoeang yonged, yang Kho nang khoe lzadrulbakhanun nang chhopo mibongshik Yerikoeangna skyodtsana Timayosi buthsao Bartimayos Jarba miyu lami zurpeka thsalen dukse yodsuk. 47Yang Nazaretpa Yeshu in zere goenchik kri ba yang dyu Jua ryaḵẖs : Kasa Dawidi Rshras, Yeshu nga zdikpa thsorba zadang Ju. 48Yang mangmo khoa zote duk zere stroqs, amma khos snani basang mangmo kri bas : Kasa Dawidi Rshras ngarang zdikpa thsorba zadang Ju! 49Yang ḏang Jangsena Yeshus khoa yong zere tangs, yang khongis de Jarbawa dyu zerena yong zes : Wa, snying thade duk, hurlongs, Khos khyeranga yong moled. 50Yang khos rangi gonchao phude phangsena hur langse chhongse Yeshui shitia yongs. 51Yang tamlan sale Yeshus khoa mols : Ngas khyeranga chi ba thadod wa ? Yang Jarbaos Khoa Jus : Rabboni, nga thongma thaded Ju! 52Ni, Yeshus khoa mols : Song, khyeri chheslukspos khyerang noro chhachuks. Yang dyana tho khurika kho thongkhan song; yang lampo zune Yeshui lza-a song.
Àwon tá yàn lọ́wọ́lọ́wọ́ báyìí:
Markosi Phrinzangpo X.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève