Lukasi Phrinzangpo VI.
VI.
1Yang snapa nyisi resiyu zerkhan dalbi jaq khoranga kro tabsaunis kho rgalen skyods tsana ḏinḏek song : khoe lzadrulbakhanunis snyogoun chade laqpika nyese zon yodpin. 2Amma, Pharisyapa khachigis khonga zes : khyontes dalbi jaqa ba miḏodcha yodkhan lashik chia bed ? 3Yang Yeshus tamlaniang khonga mols : Dawid nang kho nanyambo yodkhanun ltoqse yodtsana Ashipi nang-peang juks. 4Yang skalpoe ṯakiun leno, yang zos, yang khoe phropaunlâng tangs, yang kohenun tsâ mene doun za miḏodcha yodpin zerchi lasun gatsuga songsed zere khyentes shoqbiang ma ltasa ? 5Yang khos khonga mols ; Mi-i Buthsao dalbi jaqi ashipâng in.
6Yang dalbi jaq chiga ḏinḏek song. Kho rshmaq dus seangnuk juks yang ltsabs; yang der michikchik yodsuk, yang khoe trangî laqpao skamse yodsuk. 7Ni, chhos zbrikhanun nang Pharisyapaun khos dalbi jaqa noro chhachugeda med zore khurika snyadchik khonga thobchi mingna zgukse yodsuk. 8Amma, khonti sambaun rshtaḵẖspa ypdpin, yang khos de laqpa skamse yodkhan miwa mols; Longs, yang rshkilliang duki Ni, kho langsena duks. 9Dekana Yeshus khonga mols : ngas khyentanga dyu triuk : Dalbi jaqa noro ba dodeda hana qoni ba dododa ? Stroq khomchukpa (dodeda) hana shikpa ? 10Yang khorla yodkhanun saqa ltasenakhos de miwa mels : khyeri laqpao rshkyong. Ni khos rshkyangs; yang khoe laqpao eo natsoḵẖs rdese song. 11Amma khong jene ḵẖa bas, yang khontang chikchiga Yeshu nanyambo chi bos zerchi grabs bas.
12Yang de jaquniangnuk ḏinḏek song, kho bingse rîka laqpa zunma skyods; yang Ashipa-a laqpa zunchiang nyins̲ẖar dugen yodpin. 13Yang Od juksena Khos rangi lzadrulbakhanunla yong mole khyongs. Yang khonguniangna chunyis sale rdams, yang khonga phrinkhyedcbukkhan-ang, taḵẖs, 14Simon, khos khoa Petros-ang zered, yang Andreas khoe phono, Yakooos nang Yoannes; Philippos nang Bartholomaios, 15Matthayos nang Thomas; Alphayospa Yakobos nang Zelotes zerkhan Simon, 16Yakobospa Yudas nang Iskaryothpa Yudas, khorang zunchukkhan(ang) song. 17Yang, khong na nyambo babse ratchan malseka jangs, yang khoe lsadrulbakhanuni thsochik nang chhô mibongshik Yudayas saq nang Yerusalem nang Turos nang Sidonosi rgyamthsoe zurikana khoa nyanma (yongs); yang khonti nadun dodchukpa yongs. 18Yang semsngan drebyarun noro chhachuks. 19Yang mibongs jungis khoa tus ba sams, chiazerbana khuriangna khyud bingse khong jung noro chhachugedpin.
20Yang kho rangi lzadrulbakhanunika ziksena mols : Nyalbachanun rgyalba songshik, chiazerbana Ashipi Rgyastridpo Khyenti in. 21Dare ltoqskhanun rgyalba songshik, chiazerbana khyentang skidpo chhok. Dare ngukhanun rgyalba songshik, chiazerbana khyentanga/rgod yongnuk. 22Mi-i Buthsi phya miunis khyentanga/ khon jaqpana, yang khyentang chade phangmana, yangukhan tangmana, yang khyenti mingpo rtsoqpo shese phangmana khyentang rgyalba songshik! 23De jaqa thade dukshik, yang stodkha ben khorshik. Ghiazerbana, misto, Rshnamuniangnuk khyenti zde chnopo yod; chiazerbana klionti mezpounis khyen khanunla dyanatsoḵẖs baspin. 24Amma, wahonik phyukpoun khyenti ka domba, chiazerbana khyenti snyingrdyang thobon duk. 25Wahonik drangskhanun, khyentika domba, chiazerbana khyentang ltoqsuk. Wahonik dare rgod yongskhanun khyentika domba, chiazerbana khyentes qo bok yang nguk. 26Miun saqis khyenti rshmangeang rgyala spera tangmana khyentika domba, chiazerbana khonti mezpounis rdzoni khyon khanunla dyanatsoḵẖs baspin. 27Amma, ngas khyontang nyankhanunla zered : khynti mirgakhanunla rgaluks jaqshik; khyentanga khon jaqskhanunla noro las bashik. 28Khyentes khyentika rshmunmo tabkhanuni stodkha bashik; khyentes khyentang rtsismed bakhanuni phya Ashipa-a laqpa zunshik! 29Khyeri trangi manggalpeang tangkhanpoa manggali eljongspoang ldzoq; yang khyeri goncha koqse khyerkhanpoa khyeri e gonchawang makhyer sere ma zer. 30Yang sus khyeranga tong zesna, tong, yang khyeranga yodkhanpo khyerba rgoskhanpoa ldzoqse tong zere khyeres ma zer. 31Miunis khyentang nadrese gatsoḵẖspo bashikpa samed, dyatsoḵẖspo khyentes khonga bashik. 32Taqdir khyentang na rgaluks jaqkhanun nanyambo khyentes rgaluks jaqsna khyentanga chi phankye yod ? Chiazerbana nyespachanunisang khonga rgaluks jaqkhanun nanyambo rgaluks jaqed. 33Taqdir khyentanga norohakhanunla khyentes noro basna khyentanga chi phankye yod ? Ghiazerbana nyespachanunisang dya tsoḵẖs bed. 34Yang taqdir khyentes bulon goqchi rdyang yodkhanunla skicha tangsna khyentanga chi phankye yod ? Chiazerbana nyespachanunisang khontanga dya natsoḵẖs thobcha nyespachanunla skicha tanged. 35Amma, khyentes khyenti mirgakhantun nanyambo rgaluks jaqshik! yang noro bashik, yang rdyang machadpa skichâ tangshik yang khyenti zdeo chhô chhok; yang khyentang saq basang Thonmoe buthsaun chhok; chiazerbana Kho ju ba misheskhan nang nganpaunla shazdechan in. 36Ni, khyenti Atao zdikpa thsorkhan inmana tsoḵẖspo khyentang zdikpa thscrkhan dukshik! 37Khyentika slyon mi phingmi mingna khyentes skyon maphingshik! Khyentanga snyad mi be mingna khyentes slyon mabashik! Phude tangshik yang khyentang phude tangcha chhok! 38Shazde bashik yang khyentanga shazde bacha chhok; rgyala base nane yang skule yang kha thsaqpa skangse miunis khyenti thoeang tangnuk, chiazerbana khyentes skarkhan breo na khyentangâng skare tangcha chhok. 39Yang khos rshpekha chikchigang khonga shads: jarba chigis jarbachiga lam stanma khyu-deda ? Khong nyiska dongchigiang hyanga mi chhâ ? 40Lzadrul bakhanpo rangi ltsabkhanpo basang chhô men. Amma rore tsoq rangi ltsabkhan natsoḵẖs gangrgya chhok. 41Ni, khyeri phonoe migiang yodkhan shingbuwa khyeres chia lted ? Ni khyeri rangi migiang yodkhan rdungmao khyeres chia rshtaḵẖspa ba med ? 42Dekana khyeranga rangi migiang yodkhan rdungmao rshtaḵẖspa ma bana, rangi phonoa : wa phono, khyeri migiang yodkhan shingbu ngâ phingchuk zere khyeranga gatsuga zerba khyuded ? Wa ngarbakhan! snanla khyeri mikpeangna rdungmao phing, dekana khyori phonoe migiang yodkhan shingbu rgyala baso phingma shesuk. 43Chiazcrbana rtsoqpo phalu khurkhan rgyala laqtsukshik yodmed, yang rgyala phalu khurkhan rtsoqpo laqtsukshig-ang yodmed. 44Chiasorbana rangi phaluika laqtsuks rere ngozin bacha chhed. Hana thsermikana miunis seyab snyabse khyongmamed hana gorikana rgun. 45Rgyala miyus rangi noro snyingi norlyaḵẖsiangna rgyala chigangun phinged; yang rtsoqpo miyus rangi rtsoqpo snyingi norstsoq iangna rtsoqpo chigangun phinged. Chiazerbana snyingiang rgyangse yodkhanpos khoe lchowa spera tang-chuged. 46Ni, khyentes ngas sespeka madrulspana pharla khyontes ngâ Kasa Ashipa, kasa Ashipa chia zered ? 47Gasu ngi der yongso yang ngi tamun thsore yang douni tamnyan base, ngas kho chi natsoḵẖshik in zero khyentanga zeruk. 48Kho khangmi rtsikrshpon natsoḵẖs in, khos sa qombu base bruse braqika smeang tangs; yang chhurud yongse chhuloqpo do khangnika ngandika phoq yang do skulba manyan, chiazerbana dyu braqika smeang jaqse shanto base rtsikhse yodsuk. 49Amma, goso yodkhan; yang do nazomse mabakhanpo seka khangmao smeang medpa rtsiks; deka chhurudpo ngadika phoq yang hunmedika loq; yang de khangmi goqpo mana chhô song.
Àwon tá yàn lọ́wọ́lọ́wọ́ báyìí:
Lukasi Phrinzangpo VI.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève