Lukasi Phrinzangpo XVI.
XVI.
1Ni, khos lzadrulbakhanunla-ang mols : Phyikpo mi chikchiga rgoskin chikchik yodpin, yang khoeka khoe norzanun stongshuksed zere snyad bas. 2Ni, khos khoa yong zere khyongse diu zes : Nga khyeri luksiang diu go. Khyeri rgoskini tamun ngâ rshtod chiazerbana diu na eltok khyerang rgoskin dukpa mipyan. 3Yang de rgoskinpos rangi snyingiang zos : Ngas chi bok ? Chiazerbana ngi ashipaos rgoskini laspo ngikana lens; sa rshkoa, ngâ minyan; yang ltsangmâ nga khreled. 4Nga yang rgoskini lasikana phangse jukha miunis rangi khangmauniang ngâ malsa tangmi mingna ngas chi ba rgosuk zere ngâ shesed. 5Yang khos rangi ashpi bulonpa rere nang reroa yong zere khyongsena snapawa zes : khyeres ngi ashipawa tsam lcharcha yod ? 6Ni, khos jus : Mar man rgya. Ni, khos khoa zes : Rangi tumbu khyong yang rtsomse sâ dukse qabchu zbris. 7Dekana khos yang chikchiga zes : Ni, khyeres tsam lcharcha yod ? Ni khos zes : Kro kal nibgya. Khos khoa zos : Rangi tumbû khure nyishu rgyad zbris. 8Yang ashipaos khadrang medkhan rgoskinpao stods, chiazerbana khos kosondoeka ltaspin. Chiazorbana di dusi buthsaun khonti mithsiriang odi buthsaun basang mangmo kosondo duk. 9Yang ngas khyentanga zered : Mencha norzan-na rgakhan rchoshik chiazerbana do thsarbana dyûnis khyentanga rshtane luskhan duksauniang malsa tangnuk. 10Rdzashigeang rdyangchan yodkhanpo mangmoeang-ang rdyangchan duged, yang rdzashigoang raqroq yodkhanpo mangmoeang-ang raqroq duged. 11Taqdir khyentang mencha norzaniang rdyangchan malusna ni mantaḵẖsi norzanpo sus khycntanga rshtatuk ? 12Yang taqdir khyentang janmi norzaniang rdyangchan malusna khyentang rangi inkhanpo khyentanga sus rshtatuk ? 13Duksmi chikchiga Ashipa nyisi jabsthoq ba nyanma med, chiazerbana hana chikchikpo khon jaqtuk yang echikchikpoa jabsthoq bok. Hana chikchikpo na thune duktuk yang echikchikpo rtsoqpo shesuk. Khyentanga Ashipa Khorang nang norzan nyiskoo jabsthoq ba minyan.
14Yang norzanla rgakhan Pharisyapaunis di tamun jung gose khoa doṯha tangs. 15Yang khos khonga mols : Khyentang rang miuni dunla salyaq rchokhan in, amma Ashipa-a khyenti snyingun rshtaḵẖspa yod; chiazerbana miuni samluksiang chhô inkhanpo Ashipi dunla mencha in. 16Khakhrims nang khyenkhanun Yoannos thsaqpa lus, do nang diltck Ashipi rgyastridi phrinzangpo hagochukcha chhed; yang rere nang rere ngadika deang juksed. 17Amma (thorat zerkhan) Khakhrimsi phalu chikchik jikpao basang rshnam nang sao jikchao ltsamo in. 18Sus rangi anewa shaqma tangse yang chikchik na baqston basna khos loli bed; yang sus shaqma tangskhan anoo na baqston basna khosang loli bed.
19Ni, phyikpo michikchik yodpin, khos marpo goncha nang stramo rasgos gone jaq bingma rgamo senmo ben skidpo baso dugedpin. 20Yang Eleazar zerkhan nyalbachan chikchik yodpin, shua nad yongse, khoe zgoeka jaqse yodpin. 21Yang khoa phyikpo mî chhoqtsêkana budkhan ṯaki chhaqpounika rangi ltoao skangnuk samse yodpin; dobasang khyiunisang yongse khoe shuaun ldaqedpin. 22Ni ḏinḏek song: De nyalbachanpo shi; yang Ashipi skopaunis kho khuro khyere Abrahami phangmeang hlepchuks. Yang phyikpoang shi, yang kabs. 23Yang khos shimiuni malsiangnuk, naḵẖsiang phoqse yodtsana rangi migun gyonla thyaqse ltasena khoa thaqringa Abraham nang khoe phangmeang Elcazar thonged. 24Yang khos kustabse jus : Kasa Ata Abraham nga zdikpa tsorba zad, yang rangi zugui go chhuiang zbangse yang ngi lcheo sherpa ba Eleazar tangma sad, chiazerbana ngâ di moang naḵẖs thonged. 25Amma Abrahamis mols : Wa Phru, khyeranga khyeri thseang rgyala chithongun thob, yang dia tsoḵẖspo Eleazarla rtsoqpo chithongun (thop); Ni, dare khoa skidon yod, ni khyoranga striden yod. 26Yang dyûn jung monma, diltek na khyenti rolla chhasnyi yodkhan chha minyancha, hana khong eltek na diltek (yongma mi nyancha) ngacha nang khyenti bariang qombu hyangs chikchik chha chukse yod. 27Ni, khos jus : Kasa Ata, ngas yeranga rchored, yeres kho ngi ati khangma tangma zad. 28Chiazorbana ngâ phono qa yod, dekana khongang di naḵẖshan malseang mi yongmi mingna khos khonga thsathsa base chhebji pheok. 29Ni, Abrahamis khoa mols : Khonga Moshe nang khyen khanun na yod, khonga rshna bachuk, 30Ni, khos jus, Kasa Ata Abraham do aon, dobasang taqdir shimiuniangna chikchik khongi der songna ni khongis gyodluks bokpa. 31Yang khos khoa mols : Taqdir khongis Moshea yang khyenkhanunla rshna ma basna (ni) taqdir shimiuniangna-ang su some langsna khonga hamigo.
Àwon tá yàn lọ́wọ́lọ́wọ́ báyìí:
Lukasi Phrinzangpo XVI.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève