Lukasi Phrinzangpo XIII.
XIII.
1Ni, deka yodkhan mikatos Galilyapauni khraqpo Pilatusis khongi skalpoeang skrimskkhani rshmangeang de thoa Yeshua spera tangs. 2Yang Yeshu tamlaniang khonga mols : Dyatsek naḵẖs thongkhan di Galilyapaun e Galilyapaun basang mangmo nyespachan yodpin zere sameda ? 3Ngas khyentanga zered : Medpin, dobasang taqdir khyentes gyodlukshik mabasna khyetang saq ditsuga shiuk. 4Yang Siloê ṯongṯong kharpo loqse kabse shiskhan de mi chobgyadpo khyenti sambeang Yerusalemiang dukkhan e saq basang mangmo khaq phoqse yodkhan inmina ? 5Ngas khyentanga zered : Menmin! Dobasang taqdir khyentes gyodlukshik mabasna khyentang saq ditsuga shiuk.
6Ni, khos di spekhao mols : Chikchigis rangi rgunthsasiang seyabi laqtsuk-shik thukspin; kho deka phalu thsalba yongs amma chikchigang mathop. 7Ni, khos thsasi gyodkhanpoa zes : Ltos, nga di seyabi laqtsuksika lo sum phalu tsale yongen duks yang thobamed; diu chate phongi Dius sao nadokhan chia bod ? 8Amma, khos khoa tamlaniang jus : Kasa ashipa, de khridkhorpo rshkoso lud tangtang thsaqpa di chikpoang dyatsuga dukchukpa zad. 9Ni, diu nang eltok phalu khursna rgyala, medna yeres chate phangma zad.
10Ni, khos Dalbi jaqa sharba-dusi-malsa chiga ltsabon yodpin. 11Yang ltos, lo chobgyad na sems chikchigis base chhanggu songse yodkhan anek yodpin, yang de aneo zgurbu songmin, yang rang kuaq langshukpa nyanma medsuk. 12Ni, Yeshus khoa ziksena shitia yong zere de anewa mols : La achc, khyerang khyeri chhangguikana khom! 13Yang khos dya aneka rangi chhaqlaqun jaqpa zads, yang dyana tsuga de anë rgo trangma chhachuks yang Ashipi stodkha bas. 14Yang sharba-dusi-gowaos Yeshus Dalbi jaqa noro chhachukpi phya ḵẖa yongse sharbaunla zes : Las ba rgospi jaq truk yod, ni dyana (jaq)uniang yongse rang soso noro chha chukschik; yang Sabati jaqa ma yongshik! 15Ni, Ashipaos Khoa, tamlaniang mols : Wahonik ngarbakhanun! Khyentiangna rers nang reres Dalbi jaqa rangi hlangṯo hana bongbus bresiangna krole chhua khyerba meda ? 16Ni, Nganpaos lo chobgyad lchingse jaqskhan Abrahami di bumo diring Dalbi jaqa kho phude tangma rgospa meda ? 17Yang khos di tamun molbana khona thabkhanun jung khrel; yang sharbaun tsoq khos ba zadskhan stodpariks lasun jungika rgamo bas.
18Ni, khos mols : Ashipi rgyastridpo chi natsoḵẖshik in ? Yang ngas doa chi na zduruk ? 19Do mis khyongse rangi thsasiang tabskhan yungskari son chikchik natsoḵẖs in. Yang do skyese chhô song, yang laqtsukshik ldans yang rshnami phurkhan chhachûnis de yaldaqunika thsangs rchos. 20Khos yang mols : Ngas Ashipi rgyastridpo chi na zduruk ? 21Do ane chikchigis bre sum baqpheang skrimskhan yang grimse saq skyurmo songkhan skyur natsoḵẖs in.
22Yang kho yulyul nang gronggronga ltsaben Yerusalemi ngosla cheren bes ben yodpin. 23Yang, chikchigis khoa jus : Kasa Ashipa khomluks thob-khanun khachik mana meda ? Amma, khos khonga mols : 24Doqmo zgos jukspa phrashik! Chiazerbana ngas khyentanga zered : Mangmos jukspa phrok yang minyan. 25Khangi ashipao langsena yang zgo chukse jukna khyentang phyistâ lanĝse zgoeka ḏung ba ryaḵẖse dyu zeren : Kasa Ashipa! Ngachi phya phea zadang! Yang khos tamlaniang khyentanga zeruk : Ngâ khyentang ganaspa in zere rshtaḵẖspa chha med. 26Ni, detsana khyentes zerba ryaḵẖsuk : Ngachas yeri dunla zos yang thungs, yang yeres ngachi stranguniang ltsabs 27Yang khos zeruk ; Ngas khyentanga sered : Khyentang ganaspa in zere nga rshtaḵẖspa med. Wahonik mencha las bakhanun saq, ngi derna hyarshik! 28Khyentanga Abraham nang Isaq nang khyenkhanun tsoq Ashipi rgyastrid-peangnuk (jukse) amma, khyentang phyistâ phingse phangse thongmana, deka ngucha yang so muren dukcha chhok. 29Doun SHARKHA, nang NUBKHA, nang HLOKHA, nang BYANGKHA na yongnuk; yang Ashipi rgyastridi(gron)-iang juksuk. 30Yang, ltosang, jukpa khachik gowa chhok, yang gowa khachik jukpa chhok.
31Dyana jaqa Pharisyapa khachigis shitia yongse khoa jus : Dir na bingse skyod, chiazerbana Herodesis yerang saduk samed. 32Yang khos khonga mols: Songse de watsea zershik : Ltosang diringpo nang askyeo dreun phingmi yang nadun noro chhachukpi las ldaned, yang sumi jaqa nga, thsangspa chhed. 33Amma, nga diring nang askyeo nang nangspo besa ba thsathsa in; chiazerbana khyenkhan chikchik. Yerusalem na phyistâ shia mi nyanmi in. 34Ho Yerusa-lem! Ho Yerusalem! Khyenkhanuni sadkhan yang khoe der tangskhanunla rdoaruba tangkhan! Byas rangi byaphrûn rangi shoqpi yoqa zdambana tsoḵẖspo ngasang khyeri phrûn thser khachik zdamnuk zere sams, amma khyentang dyua maranî. 35Ltosang, khyenti khangmao khyentanga stongma phangse chhed; Ni, chhadkhika ngas khyentanga zered : Khyentes Ashipi mingika skyodkhanpo rgyalba in zerzer thsaqpa, khyentanga nga yang mithong.
Àwon tá yàn lọ́wọ́lọ́wọ́ báyìí:
Lukasi Phrinzangpo XIII.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève