Yoannesi Phrinzangpo IX.
IX.
1Yang skyoden yodtsana, mana skyetsuksla jare yodkhan mik khoa thong. 2Yang khoe lzadrulbakhanunis khos diu zeren jus : Kasa Rabbi, Kho jare skyechao khores hana khoe ata-amas nyespa basa ? 3Yeshus tamlaniang mols : Hana khos hana khoe atanang amasang nyespa mabas, dobasang Ashipi laspo khoeka ngonma (diu songskhan in). 4Nga tangkhanpoe laspo nyima yodyod thsaqpa ngâ medkhamed ba rgosed. Sua lasba minyanmi thsanpo yonged. 5Nga miyulpeang yodyod thsaqpa nga miyuli odpo in. 6Diun molena khos seka khachhu salba zads yang khachhu na kalaq skraqs, yang de kalaqpo jarbi migunla skus. 7Yang khos khoa mols : Khyerang song, Siloami-chizesna tangslkhan — rdzingiang khrus. Dekana kho songse khrus, yang thongen loqse yongs. 8Ni, khyimtsespaun nang khorang jarba yodpao snanla thongkhanunis zes : Diu sâ dukse ltsangen yodkhanpo mena ? 9Khachigis diu kho in zes; ni, yang khachigis khoe rdongzo tsoḵẖs yodkhanchik in (zes); kho khores nga (dianao) in zes. 10Dekana khongis khoa tris : khyeri migun gatsuga be ? 11Khos tamlan tangse zes : Yeshu zerkhan de mius kalaqchik skraqse ngi migunla skus yangkhos nga-a mols : Siloami rdzingika songsena khrus; ni, nga songsena yang khrusena nga thongkhan song. 12Dekana khongis khoa zes : Kho gar yod ? Khos zes : Nga rshtaḵẖspa med.
13Khongis snanla jare yodkhanpo Pharisiapauni der tede khyes. 14Ni, Yeshus kalaq skraqse khoe mik pheskhan jaqpo Dalbi jaqa inmin. 15Dekana Pharisiapauniang kho gatsuga thongkhan song (zere) kho tris; yang khos khonga zes : Khos ngi miga kalaq skus, yang ngas khrus, yang nga thonged. 16Dekana Pharisiapauniangna khachigis zes : De miu Ashipi rolna men, chiazerbana Dalbi jaqpo bamed. Yang khachigis zes : Nyespachan miga denda rshtaḵẖsnaun gatsuga stanma nyaned ? Yang khontang chikchik tamchik ma song. 17Dekana khongis de jarbawa yang zes : Khyeri migun phekhanpoe luksiang khyeres chi zered ? Chiazerbana khos khyeri migun phes Khos Kho khyenkhan chik in zere zes. 18Dekana de thongkhan songkhanpoe ata nang amâ yong zere khyongkhyong thsaqpa Yudayaspaun kho jarba yodpinsuk yang thongkhan song zere chnes ma chhes. 19Yang khontes khonga tris : Khyentanga jarbâ skyeskhan buthsao diao ina ? Dekana khoa dare gatsuga thonged ? 20Khuri ata nang amas tamlan tangse zes : Diu ngachi buthsa inmao yang kho jare skyespao ngachâ rshtaḵẖspa yod. 21Amma dare khoa gatsuga thonged zere ngachâ rshtaḵẖspa med, hana khoe migun sus phes zereang ngachâ rshtaḵẖspa med; khorang naso sminskhan in, khoranga trishik, khuri lukspo khores zeruk. 22Khoe ata nang amas diu zes chiazerbana Yudapaunla jiksedpin, chiazerbana taqdir sus khoa Masih in zere zesna do sharba dusi malsiangna phingse tangnuk (zere) Yudayaspaunis snanla nyambo grabs based pin. 23Di phya khuri ata nang amas khorang naso sminskhan in, khoranga trishik zere zes. 24Dekana khontes (snanla) jare yodkhan de miwa yang yong zere khyongs yang khoa zes : Ashipi chhezbreli (stodkha) zer. De miu nyespachan inmao ngachâ rshtaḵẖspa yod. 25Dekana khos tamlaniang zes; kho nyespachan ina men ngâ rshtaḵẖspa med; nga jarba inmin yang dare thonged zerbao tsa ngâ rshtaḵẖspa yod. 26Ni, khongis khoa yang zes : Khos khyeranga chi bas, khos khyeri migun gatsuga phes ? 27Khos khonga tamlaniang zes : Nga khyentanga snanla zespin, yang khyentanga hamago; khyentang yang nyisrimika nyanma chia thaded ? Khyentangang khoe lzadrulbakhanun ldansnyi yoda ? 28Dekana khongis khoa rshmunmo tabs yang zes : Khoe lzadrulbakhanun khyerang in, amma ngacha Moshe lzadrulbakhanun in. 29Ashipa Moshe na graqspao ngachâ rshtaḵẖspa yod, amma diu garna inmao ngachâ rshtaḵẖspa med. 30De mius tamlan tangse khonga zes : Khyentanga Kho garna in zere, rshtaḵẖspa medpao rgyalbi tamchik in, yang khos ngi migun phes. 31Ashipas nyespachanunla rshna mi bao ngantanga rshtaḵẖspa yod; amma taqdir su Ashipa-a jikskhan yodna yang khoe ranlukspo bakhan in na Khoe juskhanpoa Khos rshna bed. 32Skyesthsuksla yodkhan chigi migun phesed zere diring thsaqpa mana thsorba med. 33Taqdir diu Ashipi rolna menmin na khoa changang ba minyanmapa. 34Khongis khoa tamlan tangse zes : Khyerang mana nyespiang skyeskhan, yang khyeres ngachâ ltsabeda ? Yang khongis Kho phingse tangs. 35Yeshua kho phingse tangsed zere thsor yang kho na thuksena diu mols : Khyeres Ashipi Rshrasika chhesluks beda ? 36Khos tamlan tangse jus : Kasa Ashipa, ngas khoeka chhesluks bachere kho su in. 37Yang Yeshus khoa mols : Khyeranga kho thongsed, yang khyerang na spera tangen yodkhanpo khorang in. 38Ni, khos jus : Kasa Ashipa nga chhesed. Yang khos khoa rchors. 39Yang Yeshus mols : Mithong-khanunla thongma yang thongkhanun jarba shaḵẖs ba nga di miyulpeang yongskhan in. 40Kho na nyambo yodkhan Pharisiapauniangna khachigis diun gosena jus : (Kasa) ngachâng jarba ina ? 41Yeshus khonga mols : Taqdir khyentang jarba in na, khyentang nyespachan michnapa, amma dare khyentes ngantanga thonged zerbi phya khyenti nyespao lused.
Àwon tá yàn lọ́wọ́lọ́wọ́ báyìí:
Yoannesi Phrinzangpo IX.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève