Yoannesi Phrinzangpo III.
III.
1Amma, Pharisiapauniangna Nikodemos zerkhan michikchik Yudayapauni gowek inmin. 2Kho thsanla Yeshui der yongs yang khoa jus : Kasa Rabbi, Yerang Ashipi rolna skyodkhan ltsabkhanchik in zere ngachâ shesed, chiazerbana yeres stankhan rshtaḵẖsnaun Ashipa nanyambo yode mene gasuâng khyudpa med. 3Yeshus tamlan sals yang khoa mols : Chnadkhika, chhadkhika ngas yeranga zered, mana suang soma zostika skyese mene Ashipi rgyastridpo thongma khyudpa med. 4Nikodemosis khoa juid : Naso yongskhan mik gatsuga skyea nyaned ? Kho yang rangi ami ltoeang nyisiresika jukse skyea nyaneda ? 5Yeshus tamlaniang mols : Chhadkhika, chhadkhika ngas yeranga zered, chhu nang semsika skyese mene khoa Ashipi rgyastridpeangnuk jukspa nyanma med. 6Rgoa skyes-khanpo rgo in, yang Semspoa skyeskhanpo sems in. 7Ngas yentanga soma zosti ka skyea rgosed zespawa yerang margyal. 8Hlungpo ransâ druled, yang ye-ranga de skadpo thsored, amma garna yongskhan in yang gar chhed zerchao yeranga shespamed. Semsika skyeskhanpo diana tsoḵẖspo in. 9Nikodemosis tamlaniang Khoa jus : Diun gatsuga chha nyaned ? 10Yeshus tamlan sale khoa mols : Israelpi ltsabkhan inen diu yeranga shespa meda ? 11Chhadkhika, chhadkhika yeranga zered : Ngachâ rshtaḵẖspa yodkhanpo ngachas zered, yang ngachâ thongkhanpoe ngachas rshpangpo tanged yang khyentes ngachi rshpangpowa ashi mabas. 12Ngas khyontanga seka yodkhanuni rshmang basena khyentang machhesna taqdir ngas rshnamiang yodkhanuni rshmang bana, khyentang gatsuga chhesuk ? 13Rshnamiangna babskhan rshnamiang yodkhan Mi-i Buthsao tsa mene rshnamika yang su mathuls. 14Moshes thangstongeang zbrul phyalla tangmana tsoḵẖspo, Mi-i Buthsas khurika chhesluks bakhan rere nang rere mishikpi mingna, 15dobasang rshtane luskhan sonluks thobi mingna phyalla tangmao thsathsa in. 16Chia-zerbana khoeka chhesluks bakhan rere nang rerea shi mi shi dobasang rshtane luspi sonluks thobi mingna Ashipas miyulpoa diatsek rchespa base ranga ldans-khan Rshras chikchikpo sals. 17Chiazerbana Ashipas, rangi Rshraspo miyu-liang sprolangs tangma masals, dobasang miyulpo khos base khomchukpi phya sals. 18Khoeka chhesluks mibakhanpoeka sprolangs phoqed chiazerbana ldanskhan Rshras chikchigi mingpoeka chhesluks mabas. 19Sprolangs phoqpi snyadpo diu in : Odpo miyulpoeang yongs, yang miun khonti lasun rtsoqpo yodpi phya odpo basang ṯhubpoa mangmo thad. 20Chiazerbana qoni bakhanpoa odpo rtsoqpo shesed, yang khuri lasun mingonmi mingna odpi shitia yongma med. 21Amma, khadrang las bakhan rangi lasun Ashipi rgyazgoeang baskhan in zere ngonchukpi mingna odi der yonged.
22Diuni jukna Yeshu nang khuri lzadrulbakhanun Yudayai yuliang skyods, yang kho der khong nanyambo juks, yang Baptisma salen yodpin. 23Ni, Yoannasiang Saleim na nyemoa Enoniang Baptisma tangen yodpin, chiazerbana deka chhu mangmo yodsuk; yang khong deka yongse Baptisma lenedpin. 24Chiazerbana Yoannas darang kaqkhanga tangspa medsuk. 25Der Yoannasi lzadrulbakhanun nang Yudayapauni bariang rtsangmartsangdaq be rshmangeang spradspradchik song. 26Yang khongis Yoannasi der yongsena khoa jus : Kasa Rabbi, Ziksang yerang nadrese pharkâ yodkhan yang yeres khoe rshmangeang rshpangpo tangskhan de mis Baptisma tangen yod, yang jung khoe der yonged. 27Yoannasis tamlan tangsena mols: Rshnam na shazde yongse mene mî laqa changang yongma med. 28Nga Masih men dobasang nga Kho basang snanla tangkhan in zere ngas khyentanga zeskhan tampoe khyentang rang ngi rshpargo in. 29Baqmô yodkhanpo baqpo in, ni shitia langse khoa nyankhan baqpoe rgakhanpos baqpoe skadpo gose mangmo thade rgamo bed; dekana ngi di thadkhao gangrgya song. 30Kho those chha rgosed; nga brise chna rgosed. 31Gyenna skyodkhanpo jung basang gyenla yod; sekana inkhanpo sa khurikana in yang sekana tam zered.
Rshnamna skyodkhanpo jung basang gyenla in. 32Yang khos khoranga thongs-khanpo nang thsorkhanpoe rshpangpo tanged yang khoe rshpangpowa susang in zerba med. 33Khoe rshpangpowa chneskhanpos Ashipa mantaq in zerbao chnadkha baskhan in. 34Chiazerbana Ashipas tangskhanpos Ashipas molskhan-poe ha gochuged chiazerbana Ashipas Semspo lchare tangma med. 35Atas Rshraspo rchespa bed, yang jung khoe laqa rshtadpa zadsed. 36Rshraspoeka chhesluks bakhanpoa rshtane luspi sonluks yod; yang Rshraspoe laq yoqa mi dukhanpoa sonluks mithong, dobasang khoeka Ashipi sprolangs lused.
Àwon tá yàn lọ́wọ́lọ́wọ́ báyìí:
Yoannesi Phrinzangpo III.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève