رومپا 7
7
جیدمادّی ڈیلی سپے۔
1تا شریعت شیسکھان نگے فونو ، کھیوجاگونلا چی گیوسمیدّا؟ شریعتی وانگبو میجیگیکا کھو سونتیا یودیودتشوگپا، ڈولّانوگ۔ 2سپیرنا، شریعت نانگجین ناما چوکھانّی بوموبوے کھورانگی ماگپا سونتیا یودیودتشوگپا کھو نیامپو ایمان چانّی ڈیل بورگوس۔ اِین نانگ کالتیس کھوے ماگپا شینا، کھو ماگپا نیامپو ایمان چان دوگچیسّی شریعت پو ثونگچیسنے بودتے اینوگ۔ 3کالتیس ماگپابو سونتیا یود زانے، تے بوموبوے جانجیگّا ناما چونا، کھوے جیدماد مانپا ژانمیجیگ نیامپو لوسڈیل چوکھانّی دِیگپا چوستے اینوگ۔ اِین نانگ کالتیس کھوے ماگپابو شیتے ستینگنے، یانگ ناما چونا، کھو شریعت نانگجین لوگییمّی دِیگپا چوچیسنے ماگالّا اینوگ۔
4تینّابویپھیا نگے چیسپے فونو گون، کھیوجاگون مسیحا نیامپو شی زانے، کھیوجاگون شریعتی وانگی کانیانگ شیتے اینوگ۔ تا کھیوجاگون شیکھانگونّی ٹونے سونتیا ژانگسکھانبو نیامپو چیگڈیل سونگتے اینوگ۔ تیبوے جاستے نگاتانگونّی خُدے پھیا لاس زانگپوے ڈاسبو سمینچاگتھوبین۔ 5نگاتانگون سنگونمے سچودپے وانگی نانّگا یود زانے، نگاتانگونّی نانّگا دِیگپے دودپاگونّی لاس چوادپین۔ یانگ شریعتی، تے دودپا نگانپاگون لانگچوگستے دِیگپے لاسّی ستونتھوگ سمین چوگّانوگ، کابوے ڈاسبو شیچیسپو اینوگ۔ 6اِین نانگ تا نگاتانگون شریعتی کانے بودتے اینوگ، چیازیرنا نگاتانگون لدامستے بورکھانّی شریعت دیکا پھیا شیتے اینوگ۔ تا ڈیسکھانّی شریعت دیکا جابستوگ ماچوا، ہلژخمہ رُوح بوے نانّگا میتشے سوماجیگ پھودین، نگاتانگونّی خُدا جابستوگ جوین۔
خُدے شریعت دیکا، نگاتانگی دِیگپا ستانّا زادس۔
7چی تینے، نگے خُدے شریعت پو نگانپا اینوگ زیرتے اینّوگا؟ مانے مان۔ نگوسپوا نگا، نگارانگی دِیگپاگون ستانکھانبو تینّا شریعت پو اینپین۔ کالتیس شریعت دیکا ”جانمے اینکھانبوا دودپا ماچو#7:7 مصر نے شورکھانّی شوقبُوئ 20۔ 17 تانگ شریعتی شوقبُو نیسپے 5: 21 “ مازیرپینّا، جانمے اینکھانلا دودپا چوچیسپو دِیگپا اینکھان نگا گیُوس ماچھا یودڈو۔ 8اِین نانگ دِیگپے، تے کا بو کولتے نگیکا جانمے اینکھانبوا دودپا چوچیسّی ریگس تشانگما سکییچوگس۔ کالتیس شریعت میدپینّا، دِیگپا، تے وانگبو میدڈو۔ 9توسشیگّا نگے شریعتی ہاگومیدپا میتشے پھودّادپین، اِین نانگ نگا خُدے کا بو ہاگوانانگ، نگے میتشیے نانّگا دِیگپے لاس چوچیس گوزوگس، یانگ نگا شی۔ 10تینے نگے تھونگ، تینّا شریعتی کابوے، نگا میتشے کھیونگچیسّی تشابسلا، نگے پھیا شیچیسّی ٹھیمسچادپو کھیونگس۔ 11دِیگپے تے کابوے پھانتھوگس لینتے نگا گوبسکورس، یانگ تینّا کا بو کولتے نگیکا شیچیسّی ٹھیمسچادپو کھیونگس۔ 12اِین نانگ شریعت پو داگسانگ ہلژخمہ اینوگ، یانگ تیبوےحُکم گون ہلژخمہ، ٹانگپو تانگ زانگپو اینوگ۔
13تینے چی، زانگپو اینکھانّی شریعت دیکا، نگا شیچیسپو کھیونگسّا؟ مانے ماکھیونگس۔ دِیگپے، زانگپو اینکھانبوے پھانتھوگس لینتے نگیکا شی چیسّی ٹھیمسچادپو کھیونگس۔ اونا خُدے حُکم گیُودتے نگاتانّگا دِیگپا مانگستیانگ نگانپا اینکھانبو ہاگوانوگ۔
دِیگپے گیابگالّا نولچیس۔
14نگاتانگونلا گیوس اینّوگ، خُدے شریعت دیکا میتشے ٹانگپو پھودچیسلا ٹھیدّانوگ، اِین نانگ نگا نگارانگی دِیگپاچان دودپاگونّی ٹھیدّوگ۔ تیبو نی نگا دِیگپے ت شینا گا تسونگسکھان ژوگس اینوگ۔ 15نگے چوین یودکھانبو نگا ہاگوا میراگ، چیازیرنا نگا ٹانگپو چونیین یودنانگ نگے چوا میدوگ، ماتشاد نگے تیبو چوروگ کابوا نگے ناپھراد چواد۔ 16یانگ کالتیس نگے میچو سامکھانّی لاسپو چونا، تینے شریعت زانگپو اینکھانبوا نگے سیمسّی چھوگسّکیور چوستے اینوگ۔ 17تینے نگانپا چوکھانبو نگا مانپا نگیکا ناستے یودکھانّی دِیگپابو اینوگ۔ 18یانگ نگا گیوسیود، نگیکا زانگپو چیگّانگ ناسّا مید، تیبو نگے دِیگپاچان سچودپابو این۔ نگا ٹانگپو چونیین یودنانگ نگا چونیانّا میدوگ۔ 19نگے زانگپو چونیین یودنانگ چوا میدوگ۔ نگے نگانپا چونیین میدنانگ تیبو چودوگ۔ 20تا کالتیس نگے چونیین میدکھانبو چونا، تینے تانتانلا نگانپا چوکھانبو نگا مانپا، نگیکا ناستے یودکھانّی دِیگپابو اینوگ۔
21تا نگاتانگی نانّگا وانگجیگی لاس چوکھانبو نگا ہاگو، نگے ٹانگپو چونیین یود زانے، نگانپا نگا نیامپو دُوگستے یونگدوگ۔ 22نگے سیمس گانگپونے خُدے شریعت لا چامسپا چواد۔ 23اِین نانگ نگے نانّگا، تے وانگبوے نگے شریعت کھانیانچیسّی دودپے گیابگالّا نولّاراگ۔ تے وانگبوے، نگا، نگیکا یودکھانّی دِیگپے تشیوگ گیورچوگدوگ۔ 24نگا تسامشیگی ردوگپو میجیگ مانوگ؛ سوی نگا شیچیس کھیونگکھانّی ای زوگسپے نانگنے تھارچوگین؟ 25خُدا شُکر؛ نگا تھارچوگکھانبو نی نگاتانگی حضرت عیسیٰ مسیح ا اینوگ۔ سونگپاسانگ تھونگدوگّا، ایبو کازوگی اینوگ؟ نگارانگی سیمسّی نانّگا نگے لدینبا خُدے شریعت پو کھانیانّیینراگ، اِین نانگ نگے دِیگپے سچودپے جاستے نگا دِیگپے یوگپو این۔
Ladakhi Bible by The Love Fellowship is licensed under Creative Commons Attribution-ShareAlike 4.0 License.