तीतुस 1
1
शुभकामना
1पौलाआ वोलरोत जो परमेश्वराआ दास अने येशु ख्रिस्तआ प्रेषित होय, परमेश्वरोओ निवडीला मांहोओ विश्वास त्या खोरो उलखातीई अनुसार जे भक्ती अनुसार होय. 2तिया अनंत जीवनोओ आशा उपो जिया शपथ परमेश्वराने जो उठित गोगू शकत नाहा सनातान सी कोअयी होय, 3पोन हाजा टाईमोम आपाआ वचनाआ तिया प्रचार व्दारे प्रगट कोयु, जो आमाआ उद्धारकर्ता परमेश्वरोओ आज्ञा नुसार माहु तीया देखाडले गोये. 4तीतूस नावोओ, ज्या विश्वासाआ सहभागीताआ विचार माआ खोरो पुत्र होय परमेश्वर बाह्हू अने आमाआ परमेश्वर उद्धारकर्ता ख्रिस्त येशु त्यापोरोत ताहू अनुग्रह अने शांती जोडती रोय.
प्राचीनोओ योग्यता
5आय याकोअता ताहू क्रेतामेहे सोडीत आवयू ओतू का तू रोल्यो गोठीई हुधाऱ्यो कोईली, अने माआ आज्ञेनुसार नगरामेहे डायाहा नियुक्त कोआ. 6जो निर्दोष अने एकाच बुई मारी रोहू जोवे, ज्याआ पोऱ्ये विश्वासी रोहू, अने तियाआ माय खोटो पणा अने बेताल पनाओ दोष नि जुवे. 7काहाके अध्यक्षाहा परमेश्वरोओ कारभारी उविलाआ कारनोवाही निर्दोष रोंहु जोवे; हट्ठी नाहा, खोतलागनारू नाहा, होरू पिनारु नाहा, देनारो नाहा, अने अनीतीने पोशा मेलविणारा कायनेते, 8पावनाय कोअनारू, हाजो कोअनारू, स्वयंमी, न्याय, पवित्र अने नीतिमान रोहू जुवे; 9अने विश्वास वचनापो जो धोर्मी शिक्षना मेहे अनुसार, स्थिर रोही का खोरो लेखिलो शिक्षण आपुहू गोयो अने विरोध वाला सोब बंद कोहू गोयो.
पाखण्डी शिक्षक
10काहाके जाअखो मांहे फसिवणारे अने व्यर्थ गोगनारे अने धोका आपणारे; विशेष कोईत सुंता कोईलो मायरोत. 11त्याआं सोब बंद कोअला जोवे ऐ मांहे अनीतीई कोमाई याकोअता व्यर्थ गोठी हिकाडीत कोओहो बिगाडीत टाकत्ले. 12तियाआ मायरोत एक जानोतांहि जो तीयाम संदेष्टा होय, का होय, “क्रेतिय मांहे सदा खोटो खराब जनावरे आळशी अने ओडख्यू होय” 13ए साक्ष खोरी होय, याकोअता तियाहा कडकपणाने चेतावनी आपित जाका ते विश्वासाआ माय पाक्को होय, 14अने यहुदियाआ कथा गोठी माय अने तिया मांहाहा आज्ञा न माय मोन लागाडहु नाहा, जे खोरो पोरोत भोटकीत जातेहे. 15शुद्ध मांहो कोअता आखे वस्तू शुद्ध होय, पोन अशुद्ध अने अविश्वासी याकोअता किबी शुद्ध नाहा, ताहा तियाआ बुद्धी अने शहाणपणा बेनु अशुद्ध होय. 16ते कोतले का आमू परमेश्वराहा ओलखीत, पोन कानोवाही तिया मोजर्यो कोअनारे होय, अने कोडलाज हाजा कामा कोअता योग्य नाहा.
Àwon tá yàn lọ́wọ́lọ́wọ́ báyìí:
तीतुस 1: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.