रोमि 7
7
1ऐ पाही काम तुमु नाहा जाआना (आय व्यवस्थाआ जानाराहा कोहो) का जाहा जाआ माहू जीवतु रोतलू होय ताहा जाआ तियाआ पोओं व्यवस्थाआ प्रभुता रोतली होय? 2काहाके का वाजेवाले बुई नियमशास्त्राआ अनुसार आपाआ माट्योह जीवाना मेहे तियाआ आरी बांधीत मेकली होय परंतु केधी माटी मोईत जाइअलो, ताहा ती माट्योह नियामा मेहे रोते हुटोत गोयी. 3याकोअता केधी माट्योह जिवंत ओयताहा ती कोडला दिहरा माट्योओ होतगोयो गोयी, ताहा व्यभिचार म्हटल्या जाइअलो, परंतु केधी माटी मोईत गोल्यो ताहा ती तियाअ व्यवस्था मेहे रोते हुटोत गोयी, इही पर्यंत का केधी कोडु दिहरा माट्योओ होतगोयो गोयी तेबी व्याबिचारी कोअनारू नाहा. 4तेहलूज माआ पाहीही तुमु पण ख्रिस्त देह्च्या झर नियमशास्त्रासाआ मोल्या बोणाडीत गोये, का तियाअ दिहरा जो मोअलाम रोत जीवतो ओवयुहु आमाहा परमेश्वरा कोअता फोल लेतावुहु जुवे. 5काहाके का जाहा आमू शारीरिक ओते, ताहा पापोओ अभिलाषा जे नियमशास्त्राआ व्दारे ओती, मोईतगोल्यू तियाआ फोल उत्पन्न कोइला कोअता आमा डीलामेहे काम कोईत ओते. 6पोन ज्याआ बंधनामेह आमाहा ओते त्यांकोअता मोईत, ओमे नियमशास्त्रातून एहलो हुटोत गोये, का पालीत लेखनो जुनो रिती उपो नाहा, नहाते आत्माआ नवो रीतीपो सेवा कोअता.
व्यवस्था अने पाप
7ताहा आमाहा नाहाकोत कोडु नाहाकोत नियमशास्त्र पाप होय न्यावडीनारो नाहा नहाते विना नियमशास्त्राआ आय पाप नाहा उलखित्लू नियमशास्त्र केधी नाहा कोयु का लालूच कोहू नाहा ताहा आय लालच्य ओलखे नाहा. 8पोन पापुमे संधी साधून आज्ञा व्दारे मामेह आखे एहलाम लालूच उत्पन्न कोल्यु, काहाके का विना नियमशास्त्राआ पाप मोल्या होय. 9आयताहा नियमशास्त्राआ विना जिवंत ओतू, परंतु जांहा आज्ञा आवयी, ताहा पाप जिवंत उवे, अने आय मरण पावलो. 10अने तेज आज्ञा जी जीवना कोअता ओती माकोअता मोअली काहाके ठर्विल्यो 11काहाके का पापण्या संधी साधून आज्ञा व्दारे माहु बोह्कावी अने त्याज व्दारे माई टाक्ये. 12याकोअता नियमशास्त्र पवित्र होय, अने आज्ञा पण ठीक अने हाजी होय.
पाप सी वासाडुहू व्यवस्था असमर्थ
13ताहा नाहाकोत ती हाजी ओती, माकोअता मोईतगोल्यू ठरव्येहे केदिज नाहा, परंतु पाप तियाआ हाजा वस्तूआ व्दारे माकोअता मोल्या उत्पन्न कोअनारू ओवयू का तियाआ पाप उवे प्रगट उवे, अने आज्ञा व्दारे पाप बहुमच पापमय ठरव्येहे. 14आमू ओलखीत्लू का नियमशास्त्रातर आध्यात्मिक होय पोन आय कोअत्लू शारीरिक अने पापाआ आय वेचीलो होय. 15जे आय कोअत्लू तियाहा उलखित्लू नाहा, काहाके काजे आय इच्छितो ते नाहा कोअत्लू, परंतु जीयेतीये माहु हेष लागेहे तोज कोअत्लू. 16केधी जे आय नाहा इच्छितो तोज कोअत्लू ताहा आय मानीत लेहो का नियमशास्त्र उत्तम होय. 17ताहा एहला देशोमेहे माय तियाआ कोअनारू आय नाहा, नहाते पाप ओ मामेह बोहितरोलो होय. 18काहाके का आय ओलखीत्लू का मामेह अर्थात माआ डीलो कोडली हाजी वस्तू वास नाहाकोईत इच्छा ताहा मामेह होय, परंतु हाजो काम माकोता बोणीत नाहा जात. 19काहाके का ज्या इच्छा का माहा आय हाजो कोअत्लू, तो ताहा नाहाकोईत, परंतु ज्या चुकीने हाजो नाहाकोईत, तोज कोअतुज रोतलू. 20आखरी केधी आय तोज कोअत्लू ज्याआ इच्छा नाहाकोईत ताहा तिया कोअनारू आय रोयोजे नाहा परंतु पाप जे मामेह बोहितरोलो होय. 21याज प्रकारे आय ओ नियमशास्त्र मिलवीत लेहो का जांहा हाजो कोअला इच्छा कोअत्लू, ताहा वाईट माआ जागे येत. 22काहाके का आय मायतो माहुहू ताहा परमेश्वरोओ नियमशास्त्रातून जाखो प्रसन्न रोतलू. 23पोन माहु आपाआ डीलोमे दिहरा प्रकाराआ नियमशास्त्र देखाईलो येत जे माआ बुद्धी नियमशास्त्रातून चुलाल्यु अने माहु पापाआ बंधनामेह टाकत्लू जे माआ डीलोरी होय. 24आय केहलु किबी मांहोहो होय माहु याआ मृत्युच्याआ देहाणी कोडू सोडवे? 25आमू प्रभु येशु ख्रिस्ताच्या व्दारे परमेश्वरोओ धन्यवाद ओवो याकोअता आय आपाआ दिमाआके परमेश्वरोओ नियमशास्त्रातून परंतु डीलोवाही पापाआ नियमोमेहे सेवा कोअत्लू.
Àwon tá yàn lọ́wọ́lọ́wọ́ báyìí:
रोमि 7: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.