रोमि 3
3
परमेश्वरोओ न्यायोओ प्रतिरक्षा
1ओमे यहुदी की बोडाई अने सुंताआ की फायदू? 2हर एक प्रकारोओ जाअखो किबी पहीले ताहा ओ का परमेश्वरोओ वचन तियाहा देखाडले गोये. 3केधी किबी विश्वासघात कोअनारा हुवे परमेश्वरोओ खोरो व्यर्थ ठरेल? 4कदाचित नाहा नहाते परमेश्वर खोरो अने हर एक मांहु ठोग ठरेल, जेहलो लेखिलो होय, जीयेतीये तू आपाआ गोठीही धोर्मी ठोराव्योल्यो न्याय कोइलाआ टायमोमें तू विजयी पावेल. 5याकोअता केधी आमाआ अधर्म परमेश्वरोओ धार्मिकता होय ताहा आमाहा नाहाकोत कोहू? नाहाकोत ओच का परमेश्वर जो राग कोअत्लू जुलूम कोअनारो होय? (ओ ताहा आय मांहाहा रीतीवाही कोयु होय) 6कदाचित नाहा ताहा परमेश्वर केहलो जगोआ न्याय कोअही? 7केधी माआ खोटो पणाच्या कारनोवाही परमेश्वरोओ खोरो तियाआ गौरव कोअता, जाह्खो ओतगोयु प्रगट उवी ताहा फासाडी काहा पापाहा एकहरको दंडाआ योग्य ठेरव्यो जात्लू? 8“आमू काहा वाईट कोहू कायना का हाजो निघेल?” जेहलो का आमापो ए दोष लागाड्यू जात्लू, अने किबी कोयु का याआ कोअलो होय परंतु एहलो जे ठराविलु ते ठीक होय.
आखे पाप कोअये
9ताहा की ओवयो? की आमाहा त्यापोरोत हाजो होय? केधीज नाहा; काहाके आमाहा यहुदी अने यूनानी उपोओ दोष लाग्यू होय का ते आखा आखे पापाआ वंश माय होय. 10जेहलो लेखिलो होय “कोडूच धोर्मी नाहा, एक पोन नाहा” 11कोडू समझदार नाहा; कोडु परमेश्वरोओ होदनारू नाहा. 12आखे भटकिल्यो होय, आखे बिगर उपयोगी बोणीत गोये होय; कोडूच भलाई कोअनारू नाहा. 13तियाआ गोलु उघडील्या कब्र होय, तिये आपाआ जिभेने छळ कोअयु होय तियाआ ओठमेहे हापोअ विष होय. 14त्याआं सोब शापाने अने कड़वाहट सी पोअल्ये होय 15त्याआं गुडू रक्त वाहाडीलो उतावळे उवे होय, 16तियाआ वाटेमे नाश अने त्रास होय 17तिये शांतीचा मार्ग ओलखिलो नाहा. 18तियाआ डोआ आगाडी परमेश्वरोओ बिक नाहा 19आमू ओलखे का नियमशास्त्र जे किबी कोयु होय, ते तियाहाज कोयु होय जे नियमशास्त्राआ आधीन होय यकोअता का हर एक सोब बंद कोल्यु जाय अने आखे जग परमेश्वरोओ शिक्षाआ योग्य ठेरती, 20काहाके का नियमशास्त्राआ कारनो कोईत कोडलो प्राणी तियाआ आगाडी धोर्मी ठराविलो नाहा, याकोअता का नियमशास्त्राआ त्यापोरत पापोओ ओळखत होय.
विश्वासों द्वारा परमेश्वरोओ धार्मिकता
21पोन ओमे नियमशास्त्राआ अलग परमेश्वरोओ ती धार्मिकता प्रगट उवी होय ज्याआ साक्ष पवित्रशास्त्र अने भविष्यवक्ता आपत्ले, 22अर्थात परमेश्वरोओ ए धार्मिकता जे येशु ख्रिस्तापो कोअता तियाअ विश्वास कोनाराकोता होय काहाके का किबी भेदभाव नाहा, 23याकोअता का आखाज पाप कोल्यु होय अने परमेश्वरोओ गौरवा रहित होय, 24पोन तियाआ अनुग्रह छुटकारु जो ख्रिस्त येशु माय होय नितीमुल्य धोर्मी ठेरव्यो जाय. 25तियाहा परमेश्वराने तियाआ रक्ताआ कारनोवाही एक एहलो प्रायश्चित ठेरव्यो जो विश्वास कोलाकोता कार्यकारी होय काजे पाप पहीले कोल्यु गोये अने ज्यापो परमेश्वराने आपाआ सहनशीलतेच्या काहाके लक्ष आप्लु नाहा तियाआ विषयामे तो आपाआ धार्मिकता प्रगट कोअही. 26नहाते तियाअ वेले तियाआ धार्मिकता प्रगट होय का जीयेतीये ते खुद धोर्मी ठरेल अने जे येशुपो विश्वास कोए नीतिमान ठरविनारु रोहू. 27ताहा खत कोअला का रोल्या? तियाआ ताहा जागेज नाहा कोडला नियमशास्त्राआ कारनोवाही? नाहा, नहाते विश्वासाआ नियमशास्त्राआ कारनोवाही नाहा. 28याकोअता आमाहा आव परिणामापो पुग्यु होय मांहु नियमशास्त्राआ कामोवांही जुदोज, विश्वासाद्वारे धोर्मी ओलखिणारा. 29नाहाकोत परमेश्वर फक्त यहुद्यांचाच होय? नाहाकोत अन्यजाति या नाहा? होय, दिहिरिजाती या पोन होय. 30काहाके एकुच परमेश्वर होय, जो नाहा सुंता कोअल्याहा, विश्वासा अने सुंता कोअल्याहा पण विश्वासाआ द्वारेच धोर्मी ठेरवीही. 31ताहा नाहाकोत आमाहा नियमशास्त्राआ विश्वासाआ त्यापोरत व्यर्थ ठरर्विलो? कदापि नाहा नहाते नियमशास्त्राआ स्थिर कोअता.
Àwon tá yàn lọ́wọ́lọ́wọ́ báyìí:
रोमि 3: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.