मत्ती 28
28
येशुउ जीवतु उठलोओ
(मरकुस 16.1-8; लूका 24.1-12; युहन्ना 20.1-10)
1शब्बाथओ दिहोओ फासाडी हाफ्ताआ पेल्लू दिह उगताच मरीया मग्दलिनी अने दिहरी मरिया महानोहो पालूहु याह्ही. 2अने पाला एक वोडू भूकंप ओवयू, काहाके प्रभूआ दूत होर्गामरोत उतरीलो अने जागे आवीत तियाआ डोणुहु ढेपलीत आप्लु, अने तियाआ उपो बोहित गोल्यो. 3तियाआ रूप विजोहोस ओते अने तियाआ कापडे बर्फाहोस उजले ओते. 4तियाआ बिखीकी रखवाली कोआ थरथरले कोअयो, अने मृतप्राय उवे. 5स्वर्गदूताकोई बोअयीही कोयु, “बित नाहा, माहु मालुम होय का तुमु ज्याहा क्रूसापोओ सोडवियू गोल्यो तियाहा होदित होय.” 6तो इही नाहा होय, परंतु आपाआ वचना नुसार जिवंत ओवयू होय आव ए जागू पाला इही प्रभूहु मेक्ल्ये ओते. 7अने ओमेज जात तियाआ शिष्यांआ कोआ का तो मोईलामरोत जिवंत ओवयू होय, अने तो तुमाआ आगाडी गालीला मेहे गोल्यो होय, होमजीत्लो तियाआ दर्शन जोडीत पाला आय तुमामे कोत आप्लु. 8ते बिहित अने वोडा आनंदावाही कब्रोम रोत निकलित तियाआ शिष्यांआ खोबोर आपलो कोअता लागेज गुगदिलो गोये.
बुअयाहा येशुउ दर्शन
9तेहलाम येशु तियाहा मिल्यू अने कोयु “सलाम” ते तियाआ जागे आवीत अने तियाआ गुडू तोईत तियाहा उपासना काल्ये. 10तेहलाम येशु तियाहा कोयु, बित नाहा; माआ पाहीही तियाहा जात कोआ का गालीला मेहे निहित जा, तिही माहु देखे.
पहरेदारोओ सुचना
(मरकुस 16.14-18; लूका 24.36-49; युहन्ना 20.19-23; प्रेरितो काम 1.6-8)
11तियाअ जात ओयताहा राखवालदार मायरोत किबी नगरामे आवीत पुरो वर्तमान मुख्य याजक माहुंहु कोयु. 12तेहलाम तिये मुख्य याजक आरी एकठे आवीत संपली याकोअता हिपायांहा जाअखो चांदी आपित कोयु., 13ओच कोओलो का राती आमाहा हुविलो ओतू, ताहा तियाआ शिष्य आवीत तियाहा चोरीते लेत गोये. 14अने ए गोठी सुभेदाराआ कानापो पोचीही, ताहा आमाहा तियाहा होमजाडीत लेहु अने तुमामे वासाडीत लेहु. 15तिये पोशा लेत जेहलो हिकाडये गोये, तेहलूज कोल्यु ए गोठी ओमेजा यहुदात गाडीत कोईत आवयी.
चेलाहा दर्शन अने आखरी आज्ञा
16आकरा शिष्य गालीला मेहे तियाअ डोगोपो गोये, जेहलो येशु तियाहा कोयु ओते. 17तिये त्याआं दर्शन लेत तियाहा नमन कोल्यु, पण कोडा-कोडा ला शंका आवयी. 18येशु तियाआ जागे आवीत कोयु, होर्गाहा अने धोरतीई अधिकार माहु आप्यू होय. 19याआ याकोअता तुमु जा, आखे जातीई मांहोहो शिष्य बोनाडा; अने तियाहा बाह्हाआ, अने पुत्र, अने पवित्र आत्माआ नावामेहे बाप्तिस्मे आपा, 20अने तियाहा आखे गोठी ज्या आय तुमामे आज्ञा आप्यी होय, ते पालीला याकोअता हिकाडा अने पाला, आय जुगाआ शेवटपोरोत सदासर्वकाल तुमाआ आरी होय.
Àwon tá yàn lọ́wọ́lọ́wọ́ báyìí:
मत्ती 28: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
