इब्रानि 1
1
पुत्रोओ स्वभाव
1पेल्ला युग मेहे परमेश्वर बापदादाहा थोड़ो थोडो कोईत अने भाति-भाति सी भविष्यद्वक्ता द्वारा बुल्यू. 2आव शेवटच्या दिहोमे आमाहा पोऱ्याआ मार्फत गोठी कोअल्यो, ज्याहा तिये आखे वस्तूंऊ वारस ठेरव्यो तियाद्वारे तिये आखे सृष्टीची बनिवल्या कोअयी होय. 3तो तियाआ गौरवो तेज अने तिया तत्वाचा प्रतिरूप होय, अने आखे सामानोओ आपाआ सामर्थ्याआ वचनाने सामालीत होय तो पापोहो तोवीत उसा जागापो महामहीम हाजावोगे जात बोहयु होय, 4अने स्वर्गदूताहून एतोजे श्रेष्ठ ठरवील्यु, जेवडे तिये त्यापोरोत वोडो पदाआ वारस ओत श्रेष्ठ नाव प्राप्त कोअयु.
येशुउ स्वर्गोदुतो सी श्रेष्ठ
5काहाके स्वर्गदूत मेहे तोओ कोडाआ कोयु, “तू माआ पुत्र होय, आज आय ताहु जोल्मो आप्यू होय?” अने फासाडी ओ, “आय तिया बाह्हू ओविही, अने तोओ माआ सुउ ओवे?” 6अने जाहा जेष्ठ पोऱ्याहा जगात फासी घेऊन आवत्लू, ताहा कोत्लू, “परमेश्वरोओ आखे स्वर्गदूत तियाहा नमन कोआ” 7अने स्वर्गदूताआ विषयाम ओ कोयु होय, “तो आपाआ दूतोहो वारू, अने आपाआ सेवकांआ जास्तीज होलगिलो आग बनाडत्लू” 8पोन तुमाआ विषयाम कोयु होय, ओ परमेश्वरा, ताआ सिहासन कायम रोही; ताआ राज्याआ राजदंड न्यायाआ राजदंड होय. 9तू धार्मिकता प्रेम अने अधर्मा बरोबर इटो राख्यो; त्यापोत परमेश्वराने ताआ दोस्ती कोता जाखो हर्ष रूप तेलोवांही ताहु अभिषेक कोअयु होय. 10अने ऐका ऐ प्रभू सुरवातीती तू धोरतीई गुडू टाक्यू अने होर्गा ताआ हाथो आरी कृती होय 11ते ताहा कायनेते ओत जानारू पण तू टीकित रोही अने ते आखे कापड़ा होस जुनो ओत जानारू, 12अने तू तियाहा चादरा प्रमाणे गुडालिलो अने ते कापड़ा होस बोद्लीत जानारू; पण तू तोज होय अने ताआ वोरोजे संपली उवे नाहा. 13अने स्वर्गदूत मधून तिये कोयो कोडाआ कोयु का तू माआ हाजाड़ीवगे बोह जोपोरोत का आयताआ वैऱ्यी ताआ गुडानिसेए पिढी बोणाडीत आपी नाहा? 14केते आखे पावनाहा खावाडीलो कोनारी आत्मा नाहा जे तारण होद्नारा कोता सेवा कोअला मोकलिली जातेहे.
Àwon tá yàn lọ́wọ́lọ́wọ́ báyìí:
इब्रानि 1: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.