2 कुरिन्थि 7
7
1कोईत ऐ प्रीयांनो, जर आमाहा ए प्रतिज्ञा जोड़ी होय ताहा आव, आपु स्वतःहा डील अने आत्माआ आखे अशुद्धते पासून शुद्ध कोईलो अने परमेश्वरोओ बिक मेकीत पवित्रतेला पुरो कोईलो.
आनंद अने पच्चाताप
2आमाहा आपाआ मोनामेहे जागू दया, आमाहा कोडाआरी अन्याय कोअयु नाहा कोडाआ बिघडावीत्लो नाहा अने कोडाआ फोसाड्यू नाहा. 3आय तुमामे दोषी ठरविलाकोता कोयु नाहा, काहाके आय पहिलुच कोयु होय का तुमु माआ मोनामेहे एहलो बोह्ये होय का आमाहा तुमा कोअता मोहुहू जीवोन जीवूहु तीयार होय. 4आय तुमामे जास्तीज हिमंत तोईत कोयु होय का माहु तुमापो वोडू गर्व होय, आय शांतीई सी पुआत गोल्यो होय आपाआ आखे संकटामे आय आनंदावाही जाअखो रोतलू. 5काहाके जाहा आमू मकिदुनिया आव्ये, तेहलाम पण आमा डीला आराम जोड़ी नाहा पोन आमू चारही ईवोल संकट सहन कोअत्लू, बारथे झगडा, अने विसमे जाहके गोठी कोयु. 6तेबी पोन बेनुहू शांती आपनाऱ्या परमेश्वराने तीतुसच्या आवता आमाहा शांती आप्यी, 7अने तियाआ आविलो नाहा पण तियाआ शांतीई पण जी शांती तियाहा तुमापोरोत जोड़ी ओती तिये तुमाआ इच्छा, तुमाआ दुख अने माकोअता तुमाआ आस्थेचा खोबोर आमाहा होमलावल्यो, याकोअता माहु फासी पण आनंद ओवयू. 8काहाके जर आय आपाआ पत्राने तुमामे नाराज कोल्यु पण तीयावाही माहु वाईट वाटत नाहा जेहलो पहीले वाईट वाटत ओते कोईत आय पालत्लू का तिया पत्राने तुमु नाराज ताहा उवे पण ते थोडो टाइमाकोता ओते. 9ओमे आय आनंदाम होय पण यकोअता नाहा का तुमामे दुख जोड्यू पण यकोअता का तुमु तियाअ खोतालो मोन फिरीविलो, काहाके तुमाआ दुख परमेश्वरोओ इच्छेवही ओतु का आमापोरोत तुमामे कोड्लाज गोठीमे नुकसान ओतगोयु कायना. 10काहाके परमेश्वर भोगीत दुख एहेलू पश्चाताप निर्माण कोअत्लू, तिया परिणाम तारण होय अने फासाडी त्यावाईही फोसि गोल्यो कोईत काम नाहा पण जगाआ दुख मरण निर्माण कोअते. 11कोईत पाला, आव गाठीवाईही का तुमामे परमेश्वरोओ भक्तीमेहे दुख उवे तुमामे केतो किईमाय अने दोष निवारण अने खोतलाघी, अने बित, अने उत्कंठा, अने आशा अने बदलू आपलो विचार निर्माण उवे? तुमु आखे प्रकारे देखाडीत आप्लु का तुमु आव गोठीमे निर्दोष होय. 12फासाडी आय जे तुमापोओ लेखिलो ओते, ते त्यावाईही लेखिलो नाहा, जीआ अन्याय कोअयु अने याकोअता पण नाहा ज्यापो अन्याय कोअयु पण यकोअता का तुमाआ किईमाय जी आमा कोअता होय ती परमेश्वरा आगाडीही तुमापो उघड ओत जानारू. 13त्यापोत आमाहा शांती जोड़ी, आमा आव शांतीमुळे तीतुसाच्या खुसिमे फासी पोन आनंद ओवयू काहाके तियाआ जीवोन तुमु आखाज आखाहा स्वस्थता जोड़ी. 14काहाके जर आय आगाडी तुमा बारामे किबी गर्व देखाल्यु ताहा लाजावालो नाहा पण जेहलो आमाहा तुमामे आखे गोठी खोरो कोत आप्या कोयु, तेहलूज आमाआ गर्व देखाडिलो तीतुसा आगाड़ी खोरो निकलीलू. 15जाहा तियाहा तुम्हाआ आखाआ आज्ञाकारी ओनारो ओर येत का केहलो तुमु बित कापीत पाअये ओते ताहा तिया प्रेम तुमाही फासी वोदतो जात्लू. 16आय आनंदाम होय काहाके माहु हर एक गोठीमे तुमापो पुरो भोरुसो होय.
Àwon tá yàn lọ́wọ́lọ́wọ́ báyìí:
2 कुरिन्थि 7: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.