2 कुरिन्थि 1
1
अभिवादन
1पौलुस वोलरोत जो परमेश्वरोओ इच्छावाहि ख्रिस्त येशुउ प्रेषित होय अने पाही तीमुथियुस कडून परमेश्वरोओ तिया मंडली नावापो जी कुरिन्थुस माय होय अने आखे अखयातील आखे पवित्र माहुहु नावापो. 2आमाआ बाह्हू परमेश्वर अने प्रभू येशु ख्रिस्ताकडून तुमामे कृपा अने शांती जोडती रोय.
शान्तिई परमेश्वर
3आमाआ प्रभू येशु ख्रिस्ताआ परमेश्वर अने बाह्हाआ धन्यवाद ओवे, जो दयेचा बाह्हू अने आखे प्रकारचा शांतीचा परमेश्वर होय. 4तो आमा संकटाम शांती आपत्लु म्हणजे आमू तिया शांतीमुळे जी परमेश्वर आमाहा आपत्लु तियाहा पण शांती आपुहू सेके जे कोडनीबि संकटाम होय. 5काहाके ख्रिस्ताच्या दुखो मेहे आपु जाखो गोवाद्या ओतू तेहलूज आपु शांती मेहे पण ख्रीस्ताद्वारे खूप गोवाद्या ओतू. 6आमू जोडत्लू ताहा ए तुमाआ शांती अने उद्धारो कोअता होय अने जर शांती मिलविलो होय ताहा तुमाआ सात्वना काजे होय ज्याआ प्रभावही तुमु बागेरोत जाजे तियाअ क्लेशोहो सहन कोईत लत्ले तियाहा आमू पण सहन कोअत्लू. 7आमाआ आशा तुमाआ विषयी मजबुते होय, काहाके आमाहा मालुम होय तुमु जेहलो आमा दुखो मेहे, तेहलूज शांती पण सहभागी होय.
दुःख सी वासाड्यु
8ऐ पाही, आमाआ इच्छा नाहा का तुमु आमा तिया संकटा विषयी तुमामे मालुम कायनेते जे आशियामध्ये आमापो आव्ये ओते आमाहा एहलो कठीण दाबावु दाबीन गोल्यू ओतू जे आमा शक्ती तिवोले ओते इहिंजा का आमाहा जीविलो हाये किंवा मोअनारू एहलो ओत गोये ओते. 9पोन आमू आपाआ मोनामे जाईत लेधलो ओते का आमापो मोईला आज्ञा कोईत आप्यी होय म्हणजे आमू आपाआ भोरुसो मापो जे मेकहु कायना पोन परमेश्वरोओ जो मोल्याहा जिवंत कोअत्लू तियापो भोरुसो मेकीलू. 10तीयेज आमाहा मोईला एहलो वोडो संकटा मेहे वाचाड्यूहू अने वासाडे अने तियापो पण आमाआ आशा होय का तो आगाडी पण वाचाडल्यु रोही. 11तुमु पोन मिलून प्रार्थनेच्या त्यापोरत आमाहा मदत कोअनारू काजे वरदान जाहख्लो त्यापोरत आमाहा जोडयेहे त्यावाईही खूप मांहे आमा त्यापोरोत उपकाराआ स्तुती कोईली.
शुद्ध विवेक
12काहाके आमू आपाआ बुद्धी आव साक्षीपो गर्व कोअत्लू का जगुमे अने विशेष कोईत तुमामे आमाहा वागणुक परमेश्वरोओ योग्य एहलो पवित्रता अने सात्विक ते बरोबर ओते जे शारीरक ज्ञानाने नाहा पण परमेश्वरोओ कृपे आरी होय. 13आमू तुमामे फासी किबी लेखत्लू नाहा फक्त तोज जे तुमु वाचतलो अने मानतेहे, अने माहु आशा होय का आखिर पर्यंत पण मानीत रोही. 14जेहलो तुमा मेहेरोत केताहा मानीत लेधलो होय का आमाहा तुमाआ गर्वाचे काहाके होये, तेहलूज तुमु पण प्रभू येशु च्या तेदीही आमा कोअता गर्वाचे काहाके ठराविलो.
यात्रा मेहे परिवर्तन
15याज भरीवसावाही आय इच्छा कोईत ओतू का पहीले तुमापोओ आवहू ज्यावाही तुमामे फासी एक दान मिलुजोवे, 16अने तुमापोरोत मकिदुनिया जाऊ अने फासाडी तुमाही आवहू अने तुमु यहुदिया कडे किबी तिहीजा पुगाडा. 17त्यापोत आय जे ए इच्छा कोअयी ताहा की आय अस्थिरता देखाल्यो किंवा इच्छा कोइलाआ ते शरीरा प्रमाणे इच्छा कोईत ओतलू किंवा गोठीमे होव, होव पण कोअनारू अने नाहा, नाहा पण कोअनारू? 18परमेश्वर खोरो विश्वासयोग्य साक्ष होय का आमू तिया वाचनामे जे तुमामे कोयु होय अने नाहा बेन देखाहे नाहा. 19काहाके परमेश्वरोओ पोऱ्या येशु ख्रिस्त ज्याआ आमा त्यापोरत कोअतीज माआ अने सिलवानुस अने तीमुथियुस त्यापोरत तुमामे प्रचार ओवयू तीयाम होय, नाहा एहलो निमिले पण तीयाम होव अने होव ओवयी. 20काहाके परमेश्वरोओ जे प्रतिज्ञा होय ते आखे तीयाम होवो आरी होव त्यापोत त्यावाईही पण उवे का आमापोरोत परमेश्वरोओ गौरव ओवे. 21अने जो आमाहा तुमाआरी ख्रिस्तामध्ये मजबुते कोअत्लू, अने जीआ आमाआ अभिषेक कोअयु तोज परमेश्वर होय, 22जीआ आमाहा ठासु पण कोईत आप्यू होय आत्माहा आमा मोनामे आप्लु होय. 23आय परमेश्वरोओ साक्षीदार कोईत कोत्लू का आय कुरिन्थुस मेहे ओमेजा यकोअता आवयू नाहा का माहु तुमापो दया आवीत ओती. 24एहलो नाहा का आमाहा तुमाआ विश्वास कोओ राज्य कोअला मागोहो, पण तुमाआ आनंदाम मदत कोइलो होय काहाके तुमू एके विश्वासोमेहे स्थिर रोत्ले.
Àwon tá yàn lọ́wọ́lọ́wọ́ báyìí:
2 कुरिन्थि 1: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.