1 तीमुथियुस 5
5
कलीसियाआ सदस्यों सी बर्ताव
1एखा डायाहा मा जुरखीही पोन तियाहा बाह्हू सोमजित होमजाडीत दे अने जुवान्याहा पाही सोमजीत, 2डायु बोंई याह्ही होमजीत, अने जुवान बोंई पुरो पवित्रतेने बोईही होमजीत होमजाडीत आप.
विधवाहा मदत
3ज्या रोंडाली बोई खरोज रोंडाली होय तियाआ सन्मान को. 4जर कोडु रोडालो पोऱ्ये किंवा बेटाहाआ बेटोहो होय ताहा तीयी पहीले आपाहाज परिवारारी भक्तीमेहे वाघीविल अने आपाआ याह्ही बाह्हाहा यांहा पेल्लो तियाहा हक्क आपलो शिकायलो जोवे काहाके ओ परमेश्वरोओ गोमतो. 5जी खरोज रोंडाली होय अने जीई कोडु नाहा ती परमेश्वरोप आशा मिकीत अने रातदीही विनंती अने प्रार्थनाम लक्ष्य लागाडत्ली, 6पोन जी भोग विलासात पोडीत जाहो, ती जिवतु ओत मोई गोयीही. 7आव गोठीई बी आज्ञा आपित रो जियासी तेए निर्दोष रोय. 8पोन जर कोडु आपाआ कऱ्याआ विशेष कोईत आपाआ कोऱ्या आरिजे चिंता कोईत नाहा ताहा तो विश्वास देखऊ सेटे निहित गोल्यो होय अने तो विश्वास न मिकनारापो रोते पोन वाईट बोणीत गोल्यो होय. 9अने तियाआ रोंडाली नाव लेखिलो जालो, जी साठ वर्षापोरोत कोम नाहा अने एकुच माटिई लाडी रोली होय, 10अने हाजा कामोम हाजो नाव होय जीयी पोऱ्या पालीत पोषणाआ कोल्यु होय अने हगवाड्याआ सेवा कोअयी होय पवित्र महुअ गुडू तुवयी ओय दुखीई मदत कोअयी होय हर एक हाजा कामोम मोन लागाडले होय. 11पोन जुवान रोडालो नाव लिखेहू कायना काहाके ज्या ख्रिस्ताआ विरोध कोईत हजुहोये पोडीत जातेहे ताहा तीही वेहवाल कोईओलो गोमतो, 12अने दोषी ठरतलो काहाके तीही आपाआ पेल्लु विश्वास सोडीत आप्यू होय. 13त्याआरी ती कोअ फिरीत आलसी बोनीला हिकाडते अने फक्त आल्युहू नाहा ताहा बडबड कोईत बहते अने दिहीरा कामोम आथे बी टाकत्लू अने कायनि हाजी गोठी कोईत रोनारे. 14त्यापोत माहु ओ लागेहे का जुवान रोंडालाह वेहवाल कोईलो अने पोऱ्याहा जोल्मो आपित कोअबा हामबालीलो अने कोडु दुश्मनो निंदा कोअला संधी आपुहू कायना. 15काहाके कोडु एकतर भटकून शैतानाआ फासाडी लागाडीत होय. 16जर कोडु विश्वासणाऱ्यांच्या इही रोंडाली ओता ताहा तहाच तियाआ मदत कोईली का मंडलीपो वजन आवहू कायना म्हणजे मंडली तियाआ मदत कोहू सेकेहे ज्या खरोज रोंडाली होय.
वचनोहो हिकाडनारा प्राचीनोहो सम्मान
17जे डाये हाजी व्यवस्था कोअता विशेष कोईत ते जे वचन होमलित अने मेहनतो कोअता बेन पट्ट जाखो सन्मानोवाही योग्य होमज्ये जालो 18काहाके पवित्रशास्त्र कोयु होय “मोलीलो कोअनाऱ्या बोयलो सोब बांधीही मा” काहाके “मोजदुर आपाआ मोजुरी हक्कदार होय” 19कोडु ए दोष कोडु डायाप लागाडनारू ताहा बेन किंवा तीन साक्षीदार शिवाय तियाहा होमला कायना 20पाप कोआनाराहा आखाआ आगाडी होमजाडीत आप म्हणजे फासी मांहे बिनारू 21परमेश्वर अने येशु ख्रिस्त अने निवडाविले स्वर्गदूताहा हजर होमजाडीत आय ताहु चेतावणी आपोहो का तू मोन उगाडीत मानीत रो अने कोडलो काम पक्षपाताने कोहू कायना 22कोडापो ए वेगु आथे मुक्या नाहा अने दिहरा पापाहाम सहभागी ओवुहू नाहा ताहा स्वतःहा पवित्र मेका 23भविष्या मेहे फक्त पाईजे पियोलो ओवुहू नाहा पोन आपाआ पेटोकोता अने टायमो-टायमो पोके मांदवाड्यू पोडीत होयकोत थोडोज द्राक्षरस बी पिईलो रो 24केते मांहाआ पाप उघड ओत जातेहे अने न्यायाकोता पहिलुच पूगी जातेहे पोन केते जोओ मागित आवत्ले 25तेहलूज किबी हाजो काम बी प्रकट ओये अने जे एहलो रोत नाहा तेबी निकाहू शकत नाहा.
Àwon tá yàn lọ́wọ́lọ́wọ́ báyìí:
1 तीमुथियुस 5: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.