1 तीमुथियुस 2
2
आखा कोअता प्रार्थना
1ओमे आय आखाआ पेल ओ आग्रह कोअहो का विनंती अने प्रार्थना अने निवेदन अने धन्यवाद आखा माहाआ कोअता जाय. 2राजा कोअता अने उच्च पदोवाला कोअता का आमाहा विसाक अने शांती लेतजा आखी भक्ती अने गंभीरतेने जीवोन जीविल जोवे. 3ओ आमाआ तारणारा परमेश्वरोओ हाजो लागेहे अने योग्य पोन होय, 4जोओ इच्छा कोअत्लू का आखे मांहाआ तारण उवूंहू जोवे अने ते सत्याहा वारुहू ओलखीत लेई जोवे. 5काहाके परमेश्वर एकुच होय अने परमेश्वर अने मांहोप रोत पोन एकुच मायतोमे होय म्हणजे ख्रिस्त येशु जो मांहु होय. 6जीआ स्वतःहा आखाआ छुटकारा किमोत आपित आप्यी तियाआ साक्ष योग्य टायमोमें आप्यी गोयी. 7आय खोरो कोत्लू खोटो गोगीत नाहा का आय याज उद्देशावाही प्रचारक प्रेषित अने अन्यजातिई मांहो कोअता विश्वास अने खराआ मास्तर निवाडलु कोअयु गोल्यो.
कलीसिया मेहे बुई अने माटीही निर्देश
8त्यापोत लागेहे का हर एक जागे मांहो आअडित कोईत नाहा अने वाद सोडीत पवित्र आथे विसित प्रार्थना कोईत रोअलो. 9तेहलूज बोई पोन स्वतःहा फेडीत अने शंका न कोअता होबा आपी एहलो कापड़ावाही स्वतःहा समजाडीलो ताहा सिंज्ये गुफिलो किंवा हुनो किंवा मोत्याआ कापडावाही सजाडीलो कायना, 10पोन हाजा कानोवाही होबाडू काहाके परमेश्वरोओ भक्ती कोअनाऱ्या बोअयीही ओच योग्य होय. 11बोंई ठावकाज अने पुरो आधीन तेणे शिकिलो होय. 12आय कोत्लू का बाआओ हिकवीही कायना अने माट्यापो आज्ञा सालाडहू कायना पोन ठावकू रोअलो. 13काहाके आदम पेल्लु बनविल्यो तियाआ फासाडी हव्वा बोनाडी, 14अने आदम फोसित गोयू नाहा ताहा हव्वा भूलात पोडीत अपराधी उवी. 15तेबी पोन बुई पोऱ्याहा जोल्मो आप्लु ताहा तारण जोडे जर ती स्वतःहा फेडीत विश्वास प्रेम अने पवित्रओ स्थिर रोली ताहा.
Àwon tá yàn lọ́wọ́lọ́wọ́ báyìí:
1 तीमुथियुस 2: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.