मत्ती भूमिका
भूमिका
मत्ती ओल्के मिनी अच्छा खाबोर इनी अच्छा खाबोर जेबा होय कि यीशु मसीह का डीचका उध्दार दडामिठाच होय दियागा हेजे गा भविष्यवाणी डाके डा। परमेश्वर नी जुना-नियम गेन हजार साल पेला हेजा गा कुरकू टेका डाके वादा के डीका उध्दार दडामिठाच गा द्वारा पुराके। इनी अच्छा खाबोर बस यहूदी कुरकू गा घल्जी का बाने होय, डेननी यीशु डाएन मेना एठा पलातिंज्केनेच-पोसातिंज्केनेच, पेनो सेबाई दुनिया गा घल्जी होय।
मत्ती द्वारा ओल्के मिनी अच्छा खाबोर के घोनेचका सावधानी पूर्वक अच्छा टे डाके मेना होय। येनेगा सुरु यीशु मसीह गा जनम गा सेबाईका घाल्टे डाऊवा होय, डाबोलटे दियागा बपतिस्मा एठा अंदजो गा घाल्के होय, एठा मेटे गलील जिल्हा गेन खाबोर, शिक्षा एठा ससाजा गा सेवा गा घाले लक्के होय। येनेगा बादोन इनी अच्छा खाबोर गेन यीशु गा गलील टे यरूशलेम शहर टाएन सेंद्रा गा यात्रा यानेकी यीशु गा जीवन गा आखरी हाप्ताह गा घाटनानौर गा घाल्के होय, डेगा डेन यीशु गा क्रूस लिंजेन पेपेळेच एठा मुर्दकु टे जीटाऊ बेल्लाके होय।
इनी अच्छा खाबोर गेन यीशु के म्या महान गुरु गा रुपो गेन साबितके होय। डीचके परमेश्वर गा नियम गा घागल गा हाक होय एठा देटेन परमेश्वर गा राज्य गा शिक्षा जिऊवा होय। दियागा शिक्षानौर के मोनाई भागो गेन खांटीजुवा होय:
(1) टुक्की शिक्षा, जो स्वर्ग राज्य गा पेळामिंकू गा स्वभाव, कामय, विशेष हाक एठा आखरी आसा संबंधित होय (अध्याय 5-7)
(2) बारह चेलाकूके सेवकाई गा कामय गा घल्जी शिक्षा जिऊ (अध्याय 10)
(3) स्वर्ग गा राज्य टे संबंधित उदहारण (अध्याय 13)
(4) चेलापण टे संबंधित शिक्षानौर (अध्याय 18), एठा
(5) स्वर्ग गा राज्य गा डाबोलटे हेजे एठा आए टेमो जामाना गा स्यागु गा संबंधित शिक्षानौर। (अध्याय 24, 25)
रूप-रेखा :
यीशु मसीह गा पीढी एठा जनम 1:1-2:23
यूहन्ना बपतिस्मा जिऊमिठाच गा सेवा गा कामय 3:1-12
यीशु गा बपतिस्मा एठा अंदजो 3:13-4:11
गलील जिल्हा गेन यीशु गा सेवा 4:12-18:35
गलील जिल्हा टे यरूशलेम शहर टाएन सेंद्रा गा यात्रा 19:1-20:34
यरूशलेम शहर गेन आखरी हप्ताह 21:1-27:66
प्रभु यीशु गा डाबोलटे हेजे एठा दियागा डूगु होना 28:1-20
Àwon tá yàn lọ́wọ́lọ́wọ́ báyìí:
मत्ती भूमिका: GOKNT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.