1 سَرَاكُنَ 11
11
سَرْكِے سُلَيْمَٰنُ يَجُيَ وَ اللَّهْ بَايَ
1أَنَانً سَيْ سَرْكِے سُلَيْمَٰنُ يَڧَوْنَثِ مَاتَادَيَوَ، بَڧِنْ دَ بَ إِسْرَٰٓءِيلَاوَا بَنٜىٰ؞ بَنْ دَ یَرْ سَرْكِنْ مَصَرْ، سُلَيْمَٰنُ يَ عَوْرِ مَتَ دَغَ مُواْوَبْ دَ أَمُّوانْ دَ عٜىٰدُوامْ دَ سِدُوانْ دَ كُمَ دَغَ ثِكِنْ هِتِّيَاوَا؞#مَيْ شَـ 17.17 2مَاتَنَّنْ كُوَ سُنْ ڢِتُواْ دَغَ ڧَبِيلُنْ دَ يَهْوٜىٰهْ يَعُمَرْثِ مُتَنٜىٰنْسَ ثٜىٰوَ كَدَ سُيِ عَوْرٜىٰ دَغَ ثِكِنْسُ نٜىٰ؞ غَمَا حَڧِيڧَ مَاتَنَّنْ دَ سُكَ عَوْرَ ذَاسُ جُويَا ذُوثِيَارْسُ ذُوَاغَ بَوْتَرْ أَلُّواْلِ؞ عَمَّا دُكْدَهَكَ سُلَيْمَٰنُ يَنَاثٜىٰ يَنَ ڧَوْنَرْسُ؞#ڢِتْ 34.16؛ مَيْ شَـ 7.3-4 3عَثِكِنْ مَاتَنْسَ أَݣَويْ یَیَنْ سَرَاكُنَ طَرِے بَݣَويْ، أَݣَويْ كُمَ مَتَنْ دَ يَأَجِيٜىٰسُ طَرِے عُكُ؞ مَاتَنْسَ كُوَ سُكَ جُويَا مَسَ ذُوثِيَا؞ 4سَعَدَّ سُلَيْمَٰنُ يَڟُوڢَ مَاتَنْسَ سُكَسَا يَجُويَ يَنَ بِنْ وَطَنْسُ أَلُّواْلِ؞ بَيْ مِيڧَ ذُوثِيَارْسَ غَبَاطَيَ غَ يَهْوٜىٰهْ اللَّهْ نْسَ كَمَرْ يَدَّ بَابَنْسَ دَاوُدَ يَيِبَ؞ 5غَمَا سُلَيْمَٰنُ يَذَمَ مَيْبِنْ غُنْكِنَّنْ عَشْتُواْرٜىٰتْ، صِڢَّرْ وَتَ اللَّهْ تَمُتَنٜىٰنْ سِدُوانْ دَ كُمَ مُواْلٜىٰكْ غُنْكِ مَيْ ڧَظَنْتَرْ نَنْ نَ أَمُّواْنَاوَا؞ 6سُلَيْمَٰنُ كُوَ يَعَيْكَتَ مُغُنْتَا أَعِدُوانْ يَهْوٜىٰهْ، بَيْ كُمَبِے يَهْوٜىٰهْ دَ دُكَنْ ذُوثِيَارْسَ كَمَرْ يَدَّ بَابَنْسَ دَاوُدَ يَيِبَ؞ 7عَكَنْ بَبَّنْ تُدُنْ دَيَكٜىٰ غَبَسْ غَ عُرُوشَلِيمَ يَغِنَ وُرِنْ سُجَّدَ وَ كٜىٰمُواشْ، غُنْكِ مَيْ ڧَظَنْتَرْ نَنْ نَمُتَنٜىٰنْ مُواْوَبْ دَ كُمَ وُرِنْ سُجَّدَ غَ مُواْلٜىٰكْ غُنْكِ مَيْ ڧَظَنْتَرْ نَنْ نَمُتَنٜىٰنْ أَمُّوانْ؞ 8سُلَيْمَٰنُ كُمَ يَغِنَ بَغَدَيْ دُواْمِنْ دُكَنْ مَاتَنْسَ بَاڧِ وَطَنْدَ بَ إِسْرَٰٓءِيلَاوَا بَنٜىٰ، دُواْمِنْ سُدِنْغَ ڧُواْنَ تُرَارٜىٰ دَ يِنْ هَدَايُ غَ أَلُّواْلِنْسُ؞ 9يَهْوٜىٰهْ كُوَ يَيِ ڢُشِے دَ سُلَيْمَٰنُ سَبُواْدَ سَرْكِے سُلَيْمَٰنُ يَجُويَ ذُوثِيَارْسَ دَغَ بِنْ يَهْوٜىٰهْ اللَّهْ نَ إِسْرَٰٓءِيلَ، وَنْدَ يَبَيَّنَ أَغَرٜىٰشِ سَوْ بِيُ؞ 10يَهْوٜىٰهْ كُمَ يَغَرْغَطِے سُلَيْمَٰنُ مُسَمَّنْ كَدَ يَيِ سُجَّدَ غَ وَطَنْسُ أَلُّواْلِ، عَمَّا سُلَيْمَٰنُ بَيْيِ بِيَيَّ دَ عُمَرْنِنْ يَهْوٜىٰهْ بَ؞ 11سَيْ يَهْوٜىٰهْ يَثٜىٰ وَ سُلَيْمَٰنُ «تُنْدَيَكٜىٰ كَيِ وَنَّنْ، كُمَ بَكَكِيَايٜىٰ يَرْجٜىٰجٜىٰنِيَتَ دَ ڧَٰعِدُواْدِنَ وَطَنْدَ نَعُمَرْثٜىٰكَ بَ، لَلَّيْ ذَنْ ثِرٜىٰ مُلْكٍ دَغَ حَنُّنْكَ إِنْ بَا وَنِ دَغَ ثِكِنْ دَتَّاوَنْكَ؞ 12عَمَّا، سَبُواْدَ ڧَوْنَرْ دَ نَكٜىٰيِ وَبَابَنْكَ دَاوُدَ، بَذَنْ ثِرٜىٰ مُلْكٍ سَعَدَّ كَكٜىٰ دَ رَيْبَ؞ ذَنْ ثِرٜىٰ مُلْكٍ دَغَ حَنُّنْ طَنْكَ وَنْدَ ذَيْ ذَمَ سَرْكِے؞ 13دُكْدَهَكَ، بَذَنْ ثِرٜىٰ مُلْكٍ غَبَاطَيَ دَغَ حَنُّنْسَبَ، ذَنْبَرْ مَسَ ذُرِيَ طَيَ يَيِ مُلْكِنْسُ؞ ذَنْيِ وَنَّنْ سَبُواْدَ بَاوَنَ دَاوُدَ دَ كُمَ عُرُوشَلِيمَ، بِرْنِنْدَ نَذَاٻَا؞»
أَبُواْكَنْ غَابَنْ سُلَيْمَٰنُ
14سَيْ يَهْوٜىٰهْ يَسَا هَدَدْ دَغَ غِدَنْ مُلْكٍ عٜىٰدُوامْ يَيِ وَ سُلَيْمَٰنُ تَاوَيٜىٰ؞ 15أَ شٜىٰكَرُنْ بَايَ دَاوُدَ يَثِ عٜىٰدُوامْ دَ يَاڧِ؞ أَ لُواْكَثِنْ كُوَ، يُواْوَبْ شُوغَبَنْ سُواْجُواْجِنْسَ يَتَڢِے وُرِنْ دُواْمِنْ يَبِنّٜىٰ إِسْرَٰٓءِيلَاوَا وَطَنْدَ سُكَ مُتُ عَيَاڧِ؞ سَعَدَّ سُكٜىٰ أَوُرِنْ، سُواْجُواْجِنْ إِسْرَٰٓءِيلَ سُكَ كَشٜىٰ كُواْوَنٜىٰ نَمِجِ أَ عٜىٰدُوامْ؞ 16يُواْوَبْ كُوَ دَ سَوْرَنْ سُواْجُواْجِنْ إِسْرَٰٓءِيلَ سُنْ ذَوْنَ أَ عٜىٰدُوامْ وَتَنِّ شِدَ حَرْ سَيْ دَ سُكَ كَكَّشٜىٰ دُكَنْ یَیَ مَذَنْ وُرِنْ؞ 17عَمَّا هَدَدْ يَغُدُ ذُوَا ڧَسَرْ مَصَرْ تَرٜىٰدَ مُتَنٜىٰنْ عٜىٰدُوامْ مَاسُيِ وَبَابَنْسَ حِدِمَ؞ أَ لُواْكَثِنْ كُوَ هَدَدْ طَنْ سَوْرَيِ نٜىٰ؞ 18سُكَ غُدُ دَغَ مَدْيَنَ سُكَ تَڢِے ڢَرَنْ عِنْدَ سُكَ سَامِ وَطَنْسُ دَ سُكَ تَڢِے تَرٜىٰدَسُو؞ دَغَ ڢَرَنْ سُكَ تَڢِے مَصَرْ وُرِنْ سَرْكِے ڢِرْعَوْنَ، وَنْدَ يَبَا شِ غِدَا، يَدِنْغَ بَاشِ عَبِنْثِ، يَكُمَ بَاشِ ڧَسَا؞ 19هَدَدْ يَسَامِ ڢَضٍ جِنِ أَعِدَانُنْ ڢِرْعَوْنَ سُواْسَيْ، حَرْ ڢِرْعَوْنَ يَبَا شِ یَرْعُوَرْ مَاتَرْسَ سَرَوْنِيَ تَڢٜىٰنٜىٰسْ تَذَمَ مَاتَرْ هَدَدْ؞ 20یَرْعُوَرْ تَڢٜىٰنٜىٰسْ تَحَيْڢَ مَسَ طَا مَيْ سُونَ غٜىٰنُبَتْ؞ غٜىٰنُبَتْ كُوَ يَيِ غِرْمَ أَغِدَنْ ڢِرْعَوْنَ تَرٜىٰدَ یَیَنْ سَرْكِنْ؞
21لُواْكَثِنْ دَ هَدَدْ يَجِ أَ مَصَرْ ثٜىٰوَ دَاوُدَ يَكُواْمَ غَ كَاكَنِّنْسَ عَكَ كُمَ بِنّٜىٰشِ، كُمَ يُواْوَبْ شُوغَبَنْ سُواْجُواْجِ يَمُتُ، سَيْيَثٜىٰ وَ سَرْكِے ڢِرْعَوْنَ «كَبَرْ نِے إِنْكُواْمَ ڧَسَاتَ؞»
22سَيْ سَرْكِے يَثٜىٰ «دُوانْمٜىٰ كَكٜىٰسُواْ كَكُواْمَ ڧَسَرْكَ؟ مٜىٰنٜىٰنٜىٰ كَرَسَ أَوُرِينَ؟»
سَيْ يَأَمْسَ يَثٜىٰ «بَا كُواْمٜىٰ، كَدَيْ بَرْنِ إِنْتَڢِے؞»
23 اللَّهْ كُمَ يَسَا رٜىٰظُوانْ طَنْ عٜىٰلِيَدَ يَيِ وَ سُلَيْمَٰنُ تَاوَيٜىٰ؞ دَا مَا رٜىٰظُوانْ يَغُدُ دَغَ وُرِنْ مَيْغِدَنْسَ، سَرْكِے هَدَدٜىٰظٜىٰرْ نَ ذُوابَ؞ 24دَا بَايَنْدَ دَاوُدَ يَثِ ذُوابَ دَ يَاڧِ، سَيْ رٜىٰظُوانْ يَتَارَ وَكَنْسَ یَنْ تَاوَيٜىٰ يَذَمَ شُوغَبَنْسُ؞ سُكَ غُدُ ذُوَا دِمَشْڧُ عِنْدَ سُكَ ذَوْنَ سُكَ نَطَ رٜىٰظُوانْ سَرْكِے؞ 25رٜىٰظُوانْ يَذَمَ بَبَّنْ أَبُواْكِنْ غَابَنْ إِسْرَٰٓءِيلَ ثِكِنْ دُكَنْ ݣُونَكِنْ مُلْكٍ سُلَيْمَٰنُ؞ يَڧَارَ ضِكِثِ عَكَنْ ضِكِثِنْ هَدَدْ؞ رٜىٰظُوانْ يَڧِ مُلْكٍ إِسْرَٰٓءِيلَ دَ دُكَنْ رَنْسَ، يَكُمَيِ مُلْكِ عَكَنْ سُورِيَ؞
يٜىٰرُواْبُواْوَمْ يَيِ وَ سُلَيْمَٰنُ تَاوَيٜىٰ
26يٜىٰرُواْبُواْوَمْ طَنْ نٜىٰبَتْ، مُتُمِنْ إِڢْرَيِمْ دَغَ ظٜىٰرٜىٰدَ، طَيَ دَغَ ثِكِنْ دَتَّاوَا أَمُلْكٍ سُلَيْمَٰنُ، شِے مَا يَيِ وَ سَرْكِے سُلَيْمَٰنُ تَاوَيٜىٰ؞ سُونَنْ مَامَرْسَ ظٜىٰرُوَ وَدَّ مِجِنْتَ يَمُتُ؞ 27غَا يَدَّ تَاوَيٜىٰنْ يَكَسَنْثٜىٰ؞
دَ سُلَيْمَٰنُ يَنَ غِنَا مِلُّواْ، وَتُواْ وُرِنْ دَ عَكَ ثِثِّكَ دَ ڧَسَا، يَنَ كُمَ ڠَغْڠَرَ كَتَنْغَرْ بِرْنِنْ عُرُوشَلِيمَ، بِرْنِنْ بَابَنْسَ دَاوُدَ، 28سَيْ يَغَانٜىٰ يٜىٰرُواْبُواْوَمْ مُتُمْ مَيْ ڨُوذُواْ نٜىٰ سُواْسَيْ؞ دَ سُلَيْمَٰنُ يَغَ يَنَ عَيْكِ سُواْسَيْ، سَيْ يَمَيْدَشِ شُوغَبَنْ مَاسُ عَيْكِنْ دُواْلٜىٰ نَظُرِيَرْ إِڢْرَيِمْ دَ نَ مَنَسّٜىٰ؞
29وَتَرَانَ يٜىٰرُواْبُواْوَمْ يَڢِتَ دَغَ عُرُوشَلِيمَ ذَاشِ وَنِ وُرِے، سَيْ يَغَمُ دَ أَنَّبِے أَهِيَ مُتُمِنْ شِلُواْ، سَنْيٜىٰ دَ سَابُوَرْ رِغَا؞ سُكَ غَمُ سُو بِيُ كَطَيْ عَكَنْ حَنْيَ بَايَنْ غَرِ؞ 30سَيْ أَهِيَ يَكَامَ سَابُوَرْ رِغَرْسَ يَيَيَّاغٜىٰ تَكَشِ غُواْمَشَا بِيُ؞ 31سَعَنً يَثٜىٰ وَ يٜىٰرُواْبُواْوَمْ «كَطَوْكِ كَشِ غُواْمَ وَكَنْكَ، غَمَا يَهْوٜىٰهْ اللَّهْ نَ إِسْرَٰٓءِيلَ يَثٜىٰ ذَيْثِرٜىٰ مُلْكٍ دَغَ حَنُّنْ سُلَيْمَٰنُ يَبَاكَ ذُرِيَ غُواْمَ؞ 32عَمَّا ذَيْ بَرْ مَسَ ذُرِيَ غُدَا سَبُواْدَ بَاوَنْسَ دَاوُدَ دَ كُمَ عُرُوشَلِيمَ، بِرْنِنْدَ يَذَاٻَا دَغَ دُكَنْ ذُرِيَرْ إِسْرَٰٓءِيلَ؞ 33يَهْوٜىٰهْ ذَيْ عَيْكَتَ وَنَّنْ سَبُواْدَ مُتَنٜىٰنْ سُنْ يَاشٜىٰشِ، سُنْ كُواْمَ سُنَ سُجَّدَ غَ غُنْكِ عَشْتُواْرٜىٰتْ، صِڢَّرْ وَتَ اللَّهْ تَمُتَنٜىٰنْ سِدُوانْ دَ غُنْكِنْ كٜىٰمُواشْ اللَّهْنْ مُتَنٜىٰنْ مُواْوَبْ دَ كُمَ غُنْكِنْ مُواْلٜىٰكْ اللَّهْنْ مُتَنٜىٰنْ أَمُّوانْ؞ بَ سُيِ تَڢِيَ أَ حَنْيَرْسَبَ، بَسُ كُمَيِ أَبِنْدَ يَكٜىٰ دَيْدَيْ أَغَبَنْسَبَ؞ بَسُ كُمَيِ بِيَيَّ دَ ڧَٰعِدُواْدِ دَ عُمَرْنَنْ اللَّهْ كَمَرْ دَاوُدَ بَابَنْ سُلَيْمَٰنُ بَ؞ 34عَمَّا دُكْدَهَكَ، اللَّهْ يَثٜىٰ بَذَيْثِرٜىٰ مُلْكٍ دُكَ دَغَ حَنُّنْ سُلَيْمَٰنُ بَ؞ ذَيْ بَرْ شِ يَيِ مُلْكِ دُكَنْ ݣُونَكِنْ رَنْسَ، سَبُواْدَ بَاوَنْسَ دَاوُدَ وَنْدَ يَذَاٻَا، دَاوُدَ وَنْدَ كُمَ يَكِيَايٜىٰ دُكَنْ عُمَرْنَنْ اللَّهْ دَ ڧَٰعِدُواْدِنْسَ؞ 35عَمَّا اللَّهْ ذَيْثِرٜىٰ مُلْكٍ دَغَ حَنُّنْ طَنْ سُلَيْمَٰنُ، يَبَاكَ ذُرِيَ غُواْمَ كَيِ مُلْكِنْسُ؞ 36عَمَّا اللَّهْ ذَيْ بَرْ وَ طَنْ سُلَيْمَٰنُ ذُرِيَ طَيَ، دُواْمِنْ ڢِتِلَرْ مُلْكٍ دَاوُدَ بَاوَنْ اللَّهْ تَكَسَنْثٜىٰ كُلُّمْ أَغَبَنْسَ أَ عُرُوشَلِيمَ، بِرْنِنْ دَ يَهْوٜىٰهْ يَذَاٻَا دُواْمِنْ يَتَبَّتَرْ دَ سُونَنْسَ؞ 37يٜىٰرُواْبُواْوَمْ، اللَّهْ ذَيْ طَوْكٜىٰكَ يَمَيْدَكَيْ سَرْكِنْ إِسْرَٰٓءِيلَ، ذَاكَ كُمَيِ مُلْكِ عَكَنْ دُكَنْ أَبِنْدَ رَنْكَ يَكٜىٰسُواْ؞ 38عِدَنْ كُوَ ذَاكَ كَسَ كُنّٜىٰ غَ دُكَنْ عُمَرْنَنْسَ، إِنْكُمَ كَيِ تَڢِيَ تَرٜىٰ دَشِ، كَكُمَيِ أَبِنْدَ يَكٜىٰ دَيْدَيْ أَعِدَنُونْسَ تَوُرِنْ كِيَايٜىٰ ڧَٰعِدُواْدِنْسَ دَ دُواْكُواْكِنْسَ كَمَرْ يَدَّ دَاوُدَ بَاوَنْ اللَّهْ يَيِ، تُواْ اللَّهْ ذَيْ كَسَنْثٜىٰ تَرٜىٰدَكَيْ؞ ذَيْ كُمَ كَڢَ مَكَ غِدَنْ مُلْكِ مَرَرْ ڧَارٜىٰوَ كَمَرْ يَدَّ يَكَڢَ وَ دَاوُدَ، ذَيْ كُمَبَاكَ مُلْكٍ إِسْرَٰٓءِيلَ؞ 39اللَّهْ ذَيْ حُكُنْتَ ذُرِيَرْ دَاوُدَ سَبُواْدَ ذُنُوبِنْ سُلَيْمَٰنُ، عَمَّا حُواْرُوانْ بَذَيْ كَسَنْثٜىٰ حَرْ أَبَدَابَ؞»
40سُلَيْمَٰنُ يَنٜىٰمَ يَكَشٜىٰ يٜىٰرُواْبُواْوَمْ، عَمَّا يٜىٰرُواْبُواْوَمْ يَتَاشِ يَغُدُ ذُوَا وُرِنْ سَرْكِے شِشَكْ نَ مَصَرْ، يَذَوْنَ أَوُرِنْ سَيْ بَايَنْ مُتُوَرْ سُلَيْمَٰنُ؞
مُتُوَرْ سُلَيْمَٰنُ
﴿2 تَارْ 9.29-31﴾
41سَوْرَنْ أَيُّكَنْ سُلَيْمَٰنُ دَ دُكَنْ أَبِنْدَ يَيِ دَ حِكِمَرْسَ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سُلَيْمَٰنُ؞ 42يَيِ مُلْكٍ دُكَنْ إِسْرَٰٓءِيلَ أَ عُرُوشَلِيمَ شٜىٰكَرَا أَرْبَعِنْ؞ 43يَكُواْمَ غَ كَاكَنِّنْسَ، عَكَ بِنّٜىٰشِ عَبِرْنِنْ دَاوُدَ، بِرْنِنْ بَابَنْسَ، سَعَنً طَنْسَ رٜىٰهُواْبُواْوَمْ يَغَاجٜىٰشِ يَذَمَ سَرْكِے؞
Àwon tá yàn lọ́wọ́lọ́wọ́ báyìí:
1 سَرَاكُنَ 11: hauAS
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Hausa Common Language Ajami Bible © The Bible Society of Nigeria, 2020