Nlb 31
31
Israél a dañe bôte ya Madian
(Yas 13:21-22; Nk 2:14; Dt 20:1-15)
1Ane Nti a nga kobô Môze a jô na: 2Kele yaa bôte ya Madian, amu *abé be nga bo bone b'Israél. Eyoñ ô maneya bo jame te nje wo ye kôlô émo ji. #31:2 Nlb. 25:17-18; 3Nde Môze a nga jô bôte na: Bôte b'éziñe ya be mia ba yiane nyoñe menga a ke wosane bôte ya Madian, nalé mia ye ve be melebe Nti a nga tiñeti be. 4Ajô te tobane toyina bôt ayoñ ese. 5Ane be nga top e minsamba mewosane ya Israél, ayoñ ese bôte toyini, nde bezimbi bese be nga kui toyini awôm a ébaé. 6Môze a nga lôme be mewosan, baa be Finéas e mone *ntuni Eléazar be nga ke. Finéas a nga kee biôm bi n'étyi a metoñ asu ya ve ayemé ya ntatane bita. #31:6 Urim a tumim. Asu ya sili nkômbane Zambe. 7Ane be nga wosane bôte ya Madian avale Nti a nga bendé Môze, ane be nga wôé befam bese. 8Be nga wôé fe bejô bôte betane ya Madian: Evi, Rékém, Sur, Ur, a Réba, nalé fe Balam e mone Béor. 9Be nga bi binga a bongô ya Madian mimbôk, a nyoñe betite bap ba belane be mfa'a ya bisaé, nalé fe mimbame biyeme miap a akume dab ese. 10Be nga di'i bitisone biap a minkane miap, 11nde be nga ke a biôme ya nsa, bôt a betit be nga mane wôlé. 12Be nga kee biôm bise e minkan mi mbe minje'ese ya Môab, bebé e Yordan, zôsôôô a Yérikô, asu ya liti bie Môze, *ntuni Eléazar a ékôane bôt ése y'Israél. 13Ane Môze, Eléazar a bivete bivo'o bise, be nga kui atan a ke tôbane be. 14Môze a nga yaa bivete ya *minsamba mewosan a minkane bita bi nga so mewosane mete: 15jia! Amu jé mi nga li'i binga bevevee! 16Mia tu'a yeme na, binga ya Madian mbe be nga nyoñe *melep e be Balam mfa'a ya tindi bone b'Israél na, be bo *abé e n'angôndô e mise me Nti, éyoñ ajô Péor é nga boban; a mia yeme na mvus éte nje ébubua é nga kui e be bôte be Nti. 17Ajô te a ntoo ve wôane bobefam a e binga bese be nga ke meluk. 18Ve mi ne ba'ale asu denan bengone be binga bese be ngenane bindun. 19E bôte bese ya be mia be nga wôé môt éziñ, nge nnambe mbim ba yiane tabe melu zamgbwa e minkan atan; ba ye tune bebien e môse lale a e môse zamgbwale. Abendé te da fombô fe mimbô'ô mienan mi ne binga. 20Mia ye tune mengômesane menan, a biôme bise bi ne mboon a ékôp, nge a mimvote mi ékela nge a élé.
Nkabane biôme ya nsa
(Nlb 19:11-22; 1 S 30:18 akk; Met 14:20)
21Ane *ntuni Eléazar a nga jô bezimbi be nga ke bita na: Atiñe Nti a nga bendé Môze da jô na: 22or, argent, mvot, étyé, afiti a ékpwembé, 23jôm ése é ne ke e nduan, mia ye wua je nduan, nalé ja ye bo *mfuban. Jôm ése é se nguleya ke e nduan, mia ye fubu je a mendim me ne nkômane ya bo ésaé te. Jôm ése ja dik mia ye bo fo'o ve dube je mendim.#31:23Lañe Nlb. 19:9. 24Eyoñe mi maneya sôbe mengômesane menan e môse zamgbwale, mia ye bo *mfuban a éyoñe te mia ye bulane minkan.
25Ane Nti a nga jô Môze na: 26Mia Eléazar a bivete ya menda me bôte y'Israél, mia ye lañe biôm bise mi nga bi: bôt a betit. 27Eyoñe te wo ye kabe bie ngab ébaé abime da. Ngabe jia asu bôt be nga ke bita, nyô fok asu bôte bevo'o bese. 28E ngap é ne asu bôt be nga wosan, wo ye vaa ngabe jam été: môte wua e bôte mintete mitan été, a tite jia e betite mintete mitan été: ataté benyak, bijakas, mintômba a kui bikela. 29Biôm bise wo ye vaa nalé asu dam, wo ye kalane bie *ntuni Eléazar. 30E ngap é ne asu bôte bevo'o y'Israél, wo ye vaa môte wua e bôte mewôme metan été, a tite jia e tite mewôme metan été: ataté benyak, bijakas, mintômba a kui bikela a betite bevok, a wo ye kalane biôme bite, bone be Lévi ba bo ésaé e *nda jam é n'étyi.
31Ane Môze a Eléazar be nga bo avale Nti a nga bendé Môze. 32E biôme ya nsa bewosan be nga nyoñ e be besiñ, mintômba a bikela be nga li'i toyini mintete misaman, mewôme zamgbwa a étan; 33benyak toyini mewôme zamgbwa a ébaé; 34bijakas toyini mewôm mesaman a jia, 35bengone be binga be ngenane bindun: toyini mewôm mela a bebaé. 36E ngap be nga ve bôte mewosan é mbe avale di: mintômba a bikela toyini mintete mila, mewôm mela a zamgbwa a mintete mitan; 37be nga vaa mintômba a bikela mintete misaman, mewôme zamgbwa a bitan asu Nti; 38benyak be mbe toyini mewôm mela a ésaman, mewôme zamgbwa a ébaé é too asu Nti; 39bijakase toyini mewôm mela a mintete mitan, bijakase mewôm mesaman a jia bi too asu Nti; 40bôte toyini awôm a ésaman, mewôm mela a bebaé be too asu Nti. 41Ane Môze a nga kalane *ntuni Eléazar e ngap be nga vaa asu Nti, avale njôan ô mbe. 42E ngap é mbe asu bone b'Israél bevo'o bese é mbe fe abima nyô bôte mewosan be nga nyoñ, 43é mbe mintômba a bikela toyini mintete mila, mewôm mela a zamgbwa a mintete mitan, 44benya'a mewôm mela a besaman, 45bijakase toyini mewôm mela a mintete mitan 46a bôt toyini awôm a ésaman. 47E ngabe bone b'Israél, Môze a nga vaa môte wua e bôte mewôm metan été a tite jia e betite mewôm metan été. A aval'ane Nti a nga bendé nye, a nga kalane bie bone be Lévi ba bo ésaé e *nda Nti. 48Ane bivete betoyini *minsamba mewosan, bivete betoyini a bi ya mintet be nga zu be Môze 49a jô nye na: Bi maneya lañe bôte mewosan be ne éjôé jangane si, a môt éziñ a nji jeñeban été. 50Ajô te bia ve mimvean asu Nti, nalé binyiñe biangan bia ye bo te jañ; môt ase ya be bia a ve biôm bi ne mboon a or a te yen: bone bengôkop, mekom, bilondo, bimvoñga a minsanga. 51Ane Môze a *ntuni Eléazar be nga nyoñe biôme bi or bite e mo map. 52Biôm bise bivete ya minkane bita be nga ve Nti bi mbe bebé kili ntet a mewôme zamgbwa. 53Zesé bezimbi é nga ba'ale, môt ase jôme ya nsa jé asu dé émien. 54Môze ba *ntuni, Eléazar be nga bôôé biôme bi or bise bivete mewosan be nga ve e *nda éndelé bendôba'ane, nalé Nti a ye bo te vuane bone b'Israél.
Àwon tá yàn lọ́wọ́lọ́wọ́ báyìí:
Nlb 31: BDCB
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible en langue Bulu © L'Alliance Biblique du Cameroun, 2007, 2015.