Nlb 23
23
1Ane Balam a nga jô Bala'a na: Lôñe ma meta'a metuna'a zamgbwale va a kôme ma beyôm benya'a zamgbwa a beyôm mintômba zamgbwa. 2Ane Balak a nga bo avale Balam a nga jô. Nde Balak a Balam be nga ve nnôme ntômba wua a nnôme nya'a wua ata'a metuna'a ese yôp. 3Ane Balam a nga jô Bala'a na: Tebe'e e fefele mimveane miôé mi ne ngumba éyoñe te ma ye ke ôyap; ndô'ôtô na Nti a ye zu tôbane ma. A ma ye kate wo mejô a ye liti ma. Ane a nga ke abôbône nkôl éziñ. 4Nde Zambe a nga zu Balam ôsu, a Balam a nga jô nye na: Me lôñeya meta'a metuna'a zamgbwa a me betéya nnôme nya'a wua a nnôme ntômba wua ata'a metuna'a ese yôp. 5Nde Nti a nga futi éfia anyu Balam a jô na: Bula'an e be Balak a kobô nye avale di. 6Ane Balam a nga bulan e be Balak, a mbe a tele e fefele mimveane mié mi ne ngumba, émien a bivete bise ya Môab. 7Nde Balam a nga kobô mejô ya nkulan a jô na:
Balak a nga soo ma e Aram
Njôô bôt a nga soo ma e minkôle ya jôp da tôô,
za'ak a yo'é ma Yakob!
Za'ak a miase woñ Israél été.
8Ma ye yo'é nyô Nti a nji yo'é aya'
Ma ye mias ayaa dam aya
éyoñe Nti a nji yaa'
9Me lôô nye, me too abôbône mekôme yôp,
ma nye'e me lôô nye me too e minkôle mia dañ ôyabe yôp;
Tame yen ayoñe bôt étaba'a jé é ne e ngume vôm,
a ayoñe te e nji bundan a ma mevok;
10za a ne lañ mbulu'u bôte Yakob,
tañe ézu'u bôte ya Israél'
Ma yene mvaé ya wu awu bezôsôôô be bôt,
a asu'ulane dam e bo'ok ane éndap!
11Nde Balak a nga jô Balame na: Jé wo bo me ji? Ma te soo wo na ô yo'é besiñe bam, v'éyoñe ji ô nga viane jalé be a bibotan. 12Balam a nga yalane na: Ye me nji yiane tabe ntyele ya jô ve jame Nti a futi anyu dam' 13Nde Balak a nga jô nye na: Bia wo e mbeta'a ke vôme mfe. Vôme wo ye bo ngule ya yene be; wo ye yene v'éfase bôt, woo ye ke yene bese. Wôna bi tele valé, tame yo'é ma bôte bete.
14Ane a nga kee nye afube Tôfim, abôbône Pisga; nde a nga lôñe meta'a metuna'a zamgbwa a ve nnôme nya'a wua a nnôme ntômba wua ata'a metuna'a ese yôp. 15Balam a nga jô Bala'a na: Tebe'e e fefele mimveane miôé mi ne ngumba, a ma ma ye ke tôbane Zambe. 16Nde Nti a nga zu tôbane Balam; ane a nga futi éfia anyu dé a jô na: Bula'an e be Balak a wo ye kobô avale di. 17Ane Balam a nga bulan e be Balak, a mbe a tele e fefele mimveane mié mi ne ngumba ba be bivete ya Môab, nde Balak a nga sili nye na: Nti a te jô aya' 18Balam a nga kobô mejô ya nkulan a jô na:
Tebe'e tetele a Balak a vô'ôlô!
Tuka'a kee alo a mone Tipor!
19Zambe a nji bo môte na a laa minsos.
Nge mon adame na a jôban.
E jam a jôya, ye a ye bo te bo de'
Jam a kobôya, ye a ye bo te yemete de'
20O lôô me nyoñeya abendé ya botan
Zambe a botaneya, me se nguleya vaa de.
21A nji yen ékotekot éziñ e be Yakob,
a nji yene jam éziñ e ne njuk e be Israél.
Nti, e Zambe wé, a ne nye ngam.
A kulu tyiñe ya njôô bôt.
22Zambe a nga vaa be Ejipte.
A ne ngule nyat e mfa'a wop.
23Mame ya mengañ me se nguleya bo Yakobe jôm.
Avale te fe mvi'i a se nguleya bo Israéle jôm.
Ngum éyoñ wo zu, ñwô ba ye jô Yakob a Israéle na:
Ngule Zambe é ne jé'
24O lôô, ayoñe bôt da kôlô si ane ngale ngbwengbwem
a e tele ane nnôme ngbwengbwem;
ayoñe e ne te bômbô si,
v'akekui e biya jôme ya di
a nyu metyi ya bôt be ne mbalane meveñ.
25Ane Balak a nga jô Balame na: Nge ô nji ke yo'é nye ve te viane jalé nye a bibotan. 26Nde Balam a nga yalane Bala'a na: Ye me nji jô wo na ma ye bo e jam ése Nti a ye jô ma'
27Nde Balak a nga jô Balame na: Za'a me kee wo vôme mfe; ndô'ôtô Zambe a ye yene mvaé na bi too vôm ate ô yo'é ma ayoñe bôte te. 28Ane Balak a nga kee Balam e nkôle Péor ayo nkô e ne zôsôôô a *nkôte si. 29Nde Balam a jô Bala'a na: Lôñe ma meta'a metuna'a zamgbwale va a kôme fe ma beyôm benya'a zamgbwa a beyôm mintômba zamgbwa. 30Nde Balak a nga bo avale Balam a nga jô: nd'a nga ve nnôm nya'a wua a nnôme ntômba wua ata'a metuna'a ese yôp.
Àwon tá yàn lọ́wọ́lọ́wọ́ báyìí:
Nlb 23: BDCB
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible en langue Bulu © L'Alliance Biblique du Cameroun, 2007, 2015.