YONAX 4
4
1Viang mawh nan Yonax ang lai nyawm rhawm mai nawh kied song rhawm heue. 2Nawh rawg bwan ka Siyiex ah nin, “Siyiex eue, yam ot aux daux haktiex, aux hoik ah yuh nan ang mawh lie? Aux tom nied ti to hu ka veng Tasux, mawh kheu hoik tawng aux Maix mawh Siyiex pa koe bwanson mai pa koe krax caux rhawm mai ang khran song rhawm, pa naog ka krax moh krax rhawm mai pa hoik tieh loh tix khaing pa hoik ah Maix ti sang ciyang heue.#Lih 34:6 3Mawh kheu nan yam in, phan teei ju aux khaing aux, nie lheu mhawm khaing im aux heue.” 4Khaix an Siyiex ah nin, “Pa song rhawm maix yuh nin, khex khaw lie?”#1Sim 19:4 5Yonax lih hu khaing daux veng mai ngawm praok veng plak lih singaix heue. Nawh yuh ti cie nyiex gox tix lhang tan mai ngawm greem veei nyiex gox an, tom hoek bawg yam pon yaox ti ceu pa sang yuh ka mawx ka veng heue. 6Siyiex cox khre khaox bee ia son nawh tix pang kieh lhaong ka piang Yonax tom veei ka piang nawh, sonsang kieh nawh nyawm rhawm khaing krax laux rhawm heue. Mawh kheu nan, Yonax kied koe krax gaux rhwm kheu khaox an heue. 7Viang mawh nan yam hoik bah riang praix ponngawb singaix khaix, Siyiex khre viag tix mu mai kiied ka khaox bee ia an fit kroh hu heue. 8Yam lih singaix, Siyiex khre bhaung pa kied hax khaing plak lih singaix mai kieh koek tong ka kaing Yonax mai kieh nawh peei awn riang heue. Khaix an nawh koe rhawm pa simie ti yum ah nin, “Yum aux nie lheu mhawm khaing im aux heue. 9Khaix an, Siyiex ah nin ka Yonax, “Pa song rhawm maix kheu jao khaox bee ia in khex khaw caw lie? “Nawh deeh ah nin, “Pa song rhawm aux sonsang yum tix mawh pa khaw caw heue.” 10Siyiex ah nin, “Khaox pa ang maix taug mao ti sum mai pa ang maix priex kieh ting lhaong, kuah daux tix sawm mai deeh yum daux tix sawm khaing maix lai kawn lhawk kah. 11Ka veng ting Nineve pa ot pui daux tix sien ra mheen kaux haoh, pa ang nyang tawng ti gwieh taix gwiex dawm mai tobrie pa haoh hun an khankix ang Aux khaw ti nie lhawk kah lie?”
Àwon tá yàn lọ́wọ́lọ́wọ́ báyìí:
YONAX 4: WCL
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Wa Common Language Bible © Bible Society of Myanmar, 2012