मत्ती 27
27
पिलातुस दे अगें यीशु
1जेसलै बड्डे बेला ओया तां सारे प्रधान याजकें ते लोकें दे प्राचीन यीशु गी मारी देने दी सलहा कित्ती 2उनै उसी बन्नया ते लेई आईयै पिलातुस राजे दे अथ्थ च सौपी दिता।
यहूदा इस्करियोती दा अपने आप गी मारना
3जेसलै ओदे पड़काने आले यहूदा इस्करियोती ने ऐसास ओया के ओ मारे जाने आस्ते कसुरबार बनाया गीया ऐ तां ओ पछाताया ते ओ त्री चांदी दे सिक्के प्रधान याजकें ते प्राचीन दे कोल फेरी लाया 4ते आखया, “मैं बेकसुर मनुक्ख गी मारी ओड़ने आसतै पकड़ाइयै पाप कित्ता ऐ।” उनै आखया, “असैं एदे बारै च कोई परवा नेई, तुं गै जान।” 5ओस बेलै ओ उनै सिक्कें गी मंदर दे बेड़े च सुट्टी ऐ चली गीया, ते जाईयै अपने आप गी फांसी चाडी दिता।
6प्रधान याजकें उनै सिक्कें गी लेईयै आखया, “इनें, सिक्कें गी पंडार च रखना साड़े कनून दे मताबक ठीक नेईयै, किके ए किसे दा खून करने दा मोल्ल ऐ।” 7खीरी उनै सलहा करियै उनै सिक्कें कन्ने परदेसियें गी गाड़ने आसतै कम्हार दा खेतर मुल्लें लेई लेता। 8एस कारन ओ खेतर अज्ज तकर खून दा खेतर आखया जंदा ऐ। 9ओस बेलै ओ वचन जेड़ा यिर्मयाह पविखवक्ते थमां आखे गेदा हा ओ पूरा ओया; “उनै ओ त्री सिक्के मतलब ओस पक्का गेदे मोल्ल गी (जिसी इस्राएल दी औलाद बिचा किनें ए पक्का कित्ते दा हा) लेई लेता, 10ते जियां प्रभु ने मिगी उक्म दिते दा हां उय्यां गै उनै कम्हार दे खेतर दे मोल्ल च देई दिता।”
पिलातुस दा यीशु कन्ने सुयाल
11जेसलै यीशु पिलातुस राजे दे सामनें खड़ोते दा हा तां ओसने उसी पूछया, “के तू यहूदीयां दा राजा ऐ?” यीशु ने उसी आखया, “तुं अप्पुं गै आखे करना ऐ।” 12जेसलै प्रधान याजकें ते प्राचीन उसी कसुरबार बना क्रदे हे, तां यीशु ने केश जबाब नेई दिता। 13एस गल्ल उपर पिलातुस ने उसी आखया, “के तुं नेई सुनदा के ए तेरे खलाफ किनीयां गुआईयां दया करदे न?” 14पर ओसने उसी एक गल्ल दा बी जबाब नेई दिता, इनें तकर के पिलातुस राजे गी बड़ी रांनगी लगी।
यीशु गी छुडनें च पिलातुस दी आर
15ते पिलातुस राजे दी ए रीति ही के ओस त्यार च लोकें आसतै कुसे एक कैदी गी जिसी ओ लोग चांदे न शुड़ी दिंदा हा। 16ओस बेलै उंदे उत्थें बरअब्बा नां दे मन्नें दा एक कैदी हा। 17खीरी च जेलै ओ किट्ठा ओए, तां पिलातुस ने उनेंगी आखया, “तोस कुसी चांदे ओ के आऊँ थुआड़े आसतै शुड़ी दियां? बरअब्बा गी यां यीशु गी जेड़ा मसीह आखया जंदा ऐ?” 18किके ओ जांनदा हा के उनै उसी जिदु कन्ने पडकाया ऐ। 19जेसलै ओ न्याय दी गदी उपर बैठे दा हा तां ओसदी करेआली ने उसी सन्नीया पेजया, “तुं ओस तरमी दे मामले च अथ्थ नेई पायां, किके मैं अज्ज सुखनें च ओदे कारन मता दुःख चुकया।”
20प्रधान याजकें ते प्राचीन लोकें गी बकाया के ओ बरअब्बा गी मंगी लैंन, ते यीशु दा नाश करान। 21पिलातुस ने उनेंगी पूछ्या, “इनें दौनी बिचा केड़े गी तोस चांदे ओ के आऊँ थुआड़े आसतै छुड़ी दियां?” उनै आखया, “बरअब्बा गी।” 22पिलातुस ने उनेंगी पूछ्या, “पी यीशु गी, जेड़ा मसीह आखया जंदा ऐ, मैं पी के करां?” सबनी उसी आखया, “ओ सूली उपर चाढ़या जा!” 23पिलातुस ने आखया, “के, ओसने के बराई कित्ती ऐ? लेकन ओ ओर बी करलाई करलाई आखन लगे, ओ सूली उपर चाड़ा दिता जा।” 24जेलै पिलातुस ने दिखया, के केश बनी नेई सकदा पर एस दे बजाय रौला बदा करदा ऐ, तां ओसने पानी लेईयै पीड दे सामनें अपने अथ्थ धोते ते आखया, “आऊँ एस तरमी दे खून थमां बेकसुर ऐं; तोस गै जानो।” 25सब लोकें जबाब दिता, “एस दा खून साड़े उपर ते साड़े बच्चें उपर पवै!”
सूली उपर चाडनें लेई सौंपना
26एस गल्ल दे उपर ओसने बरअब्बा गी उन्दे लेई छुड़ी दिता, ते यीशु गी कोड़े मराईयै सौंपी दिता, के सूली उपर चढ़ाई दिता जा।
सिपाहियें थमां यीशु दी निंदया
27ओस बेलै पिलातुस दे सपाईयें यीशु गी कीले च लेईयै सारे सपाई ओदे चौनी बखी पीड किट्ठी कित्ती, 28ते ओदे कपड़े तुआरीयै उसी लाल रंग दा चोला पुआया, 29ते कंडै दा मोकट गुंथीयै ओदे सिरे उपर रखया, ते ओदे सज्जे अथ्थ च सरकंडा दिता ते ओदे अग्गें घुटने टेकियै उसी ठठें च डुआना लगे ते आखया, “ए यहूदीयें दे राजा, नमश्कार!” 30ते ओदे उपर थुकया; ते उवै सरकंडा लेईयै ओदे सिरे उपर मारना लगे। 31जेसलै ओ ओसदा मजाक करी चुके, तां ओ चोगा ओदे उपरा तुयारियै पी ओदे कपड़े गै उसी पुआए, ते सूली उपर चढ़ाने आसतै लेई गै।
यीशु गी सूलीयै उपर चाडया जाना
32बार जंदे मौके उनै शमौन नां दा एक कुरेनी मानु मिलया। उनै उसी जबरदस्ती पकड़या के ओसदी सूली चुकियै लेई चलया। 33ओस जगै उपर जेड़ी गुलगुता नां दी जगा मतलब खोपड़ी दी जगह आखी जंदी ऐ, पूजियै 34उनै कौड़ा पित्त मलाए दा अंगुरें दा रस उसी पीने गी दिता, पर यीशु ने उसी चखीये पीना नेई चाया। 35ओस बेलै उनै उसी सूली उपर चाढ़या, ते चिट्ठीयां पाईयै ओदे कपड़े बंडी लेते, 36ते उत्थें बैठीयै ओसदा पैरा देना लगे। 37ते ओदी कसुरबार चिट्ठी ओदे सिरे दे उपर लाई, के “ए यहूदीयें दा राजा यीशु ऐ।” 38ओस बेलै ओदे कन्ने दो डाकू एक सज्जे ते एक खबे, सूलीयें उपर चाढ़ी दिते। 39ते औने-जाने आले मुण्डी लाई-लाई ओदी निंदाया करदे हे, 40ते ए आखदे हे, “ए मंदर गी टाने आले ते त्रिये धयाडै च बनाने आले, अपने आप गी तां बचा! जेकर तुं परमेसर दा पुत्तर ऐं तां सूली उपरा थलै उतरी आ।” 41इसै चाली प्रधान याजकें बी शास्त्रियें ते प्राचीन दे समेत ए बोलदे ओई ओसदा मजाक करदे हे, 42“एसनें दुए गी बचाया, ते अपने आप गी नेई बचाई सकदा। ए तां इस्राएल दा राजा ऐ। हूंन सूली उपरा थल्लै उतरी आ तां पी अस ओस उपर बश्वास करचै। 43ओसने पर्मेसरे दा बश्वास रखा ऐ; जेकर ओ एस गी चांदा ऐ, तां हूंन इसी शुड़ाई लै, किके एसनें गलाया हा, आऊँ परमेसर दा पुत्तर ऐं।” 44इसै चाली डाकू बी जेड़े ओदे कन्ने सूलीयें उपर चाढ़े गेदे हे, ओदी निंदाया करदे हे।
यीशु दा प्राण छुडनां
45दोपैरी कोलां लेईयै त्रिये पैर तकर ओस सारे देशै च न्हेरा छाए दा रिया। 46त्रिये पैर दे कोल यीशु ने बड़ी बाज कन्ने करलाईयै आखया, “एली, एली, लमा शबक्तनी?” मतलब “ए मेरे परमेसर, ए मेरे परमेसर, तो मिगी कि शुड़ी दिता?” 47जेड़े उत्थें खडोते दे हे, उंदे बिचा कन्ने ए सुनीयै आखया, “ए तां एलिय्याह गी पुकारा दा ऐ।” 48उंदे बिचा एक फोरन दौड़या, ते ओसने पानी चुसनें आला गुछा लेईयै सिरके च डोबया, ते सरकंडे उपर रखियै यीशु दे मुंह च चुसनें आसतै दिता। 49बाकीयें आखया, “बलगी जाओ, दिखो एलिय्याह उसी बचाने गी ओंदा यां नेई।” 50ओस बेलै यीशु ने बड़ी बाज च करलाईयै अपने प्राण शुड़ी दिते। 51उसै बेलै, मंदर दा परदा उपरा लेईयै थलै तकर फटियै दो टुकड़े ओई गीया; ते तरती उपर भुंचल ओई गीया ते चटानां तेड़की गेईयां, 52ते कबरां खुली गेईयां, ते मरे दे पवित्र लोकें दी मती सारी लाशां जिंदीयां ओई गेईयां, 53ते ओदे जिंदे ओनें दे बाद ओ कबरें बिचा निकलियै पवित्र शैर च ते मतें गी लबे। 54ओस बेलै सूबेदार ते जेड़े ओदे कन्ने यीशु दा पैरा दया करदे हे, भुंचल ते जे केश ओया हा उसी दिखियै बड़े गै डरी गै ते आखया, “सचमुच ए परमेसर दा पुत्तर हा!” 55उत्थें मतीयां सारीयां जनांनीयां जेड़ीयां गलील जिले थमां यीशु दी सेवा करदे ओई ओदे कन्ने आए दियां, दूर दा दिखै करदीयां हां। 56उंदे च मरियम मगदलीनी, ते याकूब ते योसेस दी मां मरियम, ते जब्दी दे पुत्रें दी माऊरीं थीयां।
यीशु दा दफनाया जाना
57जेसलै शाम ओई तां युसूफ नां दा अरिमतिया दा एक अमीर मानु, जेड़ा अप्पू गै यीशु दा चेला हा, आया। 58ओसने पिलातुस दे कोल जाईयै यीशु दी लाश मंगी। ओसदे मन्ग्नें उपर पिलातुस ने यीशु दी लाश देई देने दा उक्म दिता। 59युसूफ ने लाश गी लेईयै, उसी चिट्टी चादर बेच लपेटया, 60ते उसी अपनी नमी कबरें च रखया, जेड़ी ओसने चट्टान च कढाई दी ही, ते कब्र दे दरबाजे उपर बड़ा पत्थर परतियै चली गीया। 61मरियम मगदलीनी ते दुई मरियम उत्थें कब्र दे सामनें गै बैठी हियां।
यीशु दी कब्र उपर पैरा
62दुए देन जेड़ा तयारी दे बाद दा धयाडा हा, प्रधान याजकें ते फरीसियें पिलातुस दे कोल उसी मिलीयै आखया, 63“ए महाराज, असेंगी याद ऐ के ओस चुठे ने जेसलै ओ जिंदा हा, गलाया हा, आऊँ त्रैं धयाडें बाद जिंदा ओई जागा। 64खीरी च असेंगी उक्म दे के त्रिये देन तकर कब्र दी रख्या कित्ती जा, ऐसा नेई उवै के ओदे चेलें आईयै उसी चारीयै लेई जांन ते लोकें कन्ने आखना लगन, ओ मरें बिचा जिंदा ओई गेदा ऐ। ओस बेलै पिछला तोखा पैले थमां बी पैड़ा ओग।” 65पिलातुस ने उन्दे कन्ने आखया, “थुआड़े कोल पैरेदार तां ऐन। जाओ, अपनी समझ दे मताबक सख्ती कन्ने रख्या करो।” 66खीरी च ओ पैरेंदारें गी कन्ने लेईयै गे, ते पत्थर उपर मोहर लाईयै कब्र दी रख्या कित्ती।
Àwon tá yàn lọ́wọ́lọ́wọ́ báyìí:
मत्ती 27: DOG
Ìsàmì-sí
Pín
Ṣe Àfiwé
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
This work is licensed under Creative Commons Attribution-ShareAlike 4.0 License.
