OKHUCHIAKA 40
40
Yosefu yabuula ebifune biamalooro kababohe
1Olunyumakhwo omulindi wewaini yomuruchi we Misiri nende omuteekhi wemikaati bali okhukhol'la omuruchi obubi. 2Omuruchi yasinyikhila abemeli babili yabo 3ma nabara mububohe munyumba yomulindi wobuhambe, omwa Yosefu yali niyabohelwa. 4Bamala oluhono olurambi okhusila mububohe ma omulindi nahelesia Yosefu omulimo kwokhubarumikhila.
5Obutukhu bulala omulindi wewaini nende omuteekhi wemikaati baloora amalooro kabukhan'ne, buli mundu nende esifune siabukhan'ne khwiloorolie. 6Olwa Yosefu yeetsa khubo mukamba tsuli yalola nibarali nobusangali tawe. 7Nabareeba mbu, “Busina mubeeleye butswa ma mukhuunisie m'moni?”
8Nibakalusia mbu, “Buli mulala khu ifwe aloor're lilooro ne abulaho onyala okhukhubool'la esifune siamalooro kefwe.”
Yosefu nababool'la mbu, “Nyasaye niye ohaananga esihanwa siokhuribula esifune siamalooro. Mbool'le amalooro kenywe.”
9Ma omulindi wewaini naboola mbu, “Mwilooro lianje omusabibu kwali imbeli wanje 10nikulikhwo tsisaka tsitaru. Olwa masaafu kachiaka okhurula ne esimuli nasio nisirula ma amatunde nikenga. 11Esikombe siomuruchi siali nisili m'mukhono kwanje ma nimbukula amatunde nimiin'na musikombe nimbelesia omuruchi.”
12Yosefu naboola mbu, “Sino nisio esifune sieliloorolio: tsisaka tsitaru namatukhu kataru. 13Mumatukhu kataru omuruchi nakhulekhele ma nakhubohool'le, ma khandi nakhukalusie khumilimo chichio. Nomuhetsenje esikombesie singa khasotso olwa walinji omulindi wewaini. 14Nebutswa, noyanza olanzitsul'le olwe bindu biakhabe nibili bulahi khuibe, ma olarale eliira lianje khumuruchi ma olakhonye okhurula mububohe muno. 15Sichila tooto mwene ise ndeebwa okhurula musibala sia Abaheburania, ne kata mu Misiri muno sindakholakhwo esindu esiachila nimbohwa mububohe tawe.”
16Olwa omuteekhi wemikaati yalola mbu lilooro liomulindi wewaini linoosibwe bulahi, naye nabool'la Yosefu mbu, “Nase khandi ndali nelilooro. Ndali ninjinjile ebimwelo bitaru ebiemikaati khumurwe kwanje. 17Musimwelo sieikulu bialimwo ebiakhulia tsimbila lukano ebiomuruchi, ne amanyonyi kali nikabiliitsanga.”
18Yosefu nakalusia naboola mbu, “Sino nisio esifune sieliloorolio: ebimwelo bitaru namatukhu kataru. 19Mumatukhu kataru omuruchi nakhulakhuule ma nalake mbu omurwekwo kukhalakwe. Ma nahanikhe om'bilikwo khumusaala, ne amanyonyi nakalie om'bilikwo.”
20Amatukhu kataru nikahweye, ne litukhu liomuruchi okhwitsul'la okhwibulwakhwe lioola, ma nalomba lisabo likali khulwabakholibe bosi. Yalakhuula omulindi wewaini nende omuteekhi wemikaati ma nabaleera imbeli wabakholibe. 21Yakalusia omulindi wewaini khumilimochie echiayakholanga, 22nebutswa niyeera omuteekhi wemikaati. Kekhola butswa singa Yosefu yali nabooye. 23Nebutswa omulindi wewaini siyamala apaalekhwo khuka Yosefu tawe – yali okhumwibil'la butswa.
Àwon tá yàn lọ́wọ́lọ́wọ́ báyìí:
OKHUCHIAKA 40: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019