OKHURULA AKARANJIL'LA
AKARANJIL'LA
Esitapu sia Musa esilangwanga Okhurula sinoosianga obwa Abaisiraeli barula Emisiri aha balinji mububohe. Esitapu yisi silimwo nebitonye bitaru ebikali: (1) Okhulakhulwa khwa Abaheburania okhurula mubuhambe nende oluchendo lwabwe okhwola Sinai. (2) Indakano ya Nyasaye nabandu baabe hasikulu sia Sinai, eyabahelesia amalako singa bakhoyanga bamenye. (3) Okhwombokha nende okhukasia habundu ha Baisiraeli okhwekayakayila, nende amalako kabesaalisi okhurumikhila nende akokhwekayakaya Nyasaye.
Okhuyomba kosi, esitapu yisi sinoosianga aka Nyasaye yakhola olwa yanunula abandu baabe okhurula mubuhambe ma nabakhola okhuba lihanga elili nobunaayi bwokhuhindila.
Esitapu yisi sil'lomanga mububambukhu khu Musa omundu owa Nyasaye yali okhwela khulwokhuhinia abandu baabe Emisiri. Esitonye esiamanyikha okhusila musitapu yisi na Malako Likhumi akanyoolekhanga mumuliango kwa 20.
Akalimwo
Abaisiraeli balakhulwa okhurula Emisiri 1:1—15:21
a. Abahambe musibala sie Misiri 1:1-22
b. Okhwibulwa khwa Musa nende okhukhulakhwe 2:1—4:31
c. Musa nende Haruni bakaana nomuruchi we Misiri 5:1—11:10
d. Lisabo lie Pasaka nende okhurula khwabwe mu Misiri 12:1—15:21
Okhurula khu Nyanza Inzakhanyu okhwola ha Sikulu sia Sinai 15:22—18:27
Amalako nende Indakano 19:1—24:18
Liheema lie Indakano nende amalako kobwekayakayi 25:1—40:38
Àwon tá yàn lọ́wọ́lọ́wọ́ báyìí:
OKHURULA AKARANJIL'LA: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019